~~~~~~~~~~~~~~~~







2008年5月29日 星期四

街頭表演

街頭表演

西九龍文娛藝術區傾咗咁耐,民意咨詢再咨詢,都係莫衷一是。
如果起劇院,到底有冇觀眾願意去幫襯呢?
其實就算唔使起劇院音樂廳,香港街頭都有好多精彩嘅街頭表演,
供市民工餘時免費欣賞。

第十位:菲傭詩歌唱詠
菲律賓是天主教國家,
星期日菲傭於中環結聚,唱宗教歌曲,
有樂器有speaker有制服,玩得好認真。
從歌頌上帝中忘記在港工作時受到的苦頭!

第九位:旺角街頭話劇
旺角西洋菜街4點後成為行人專用區,
變成劇團宣傳的熱點,做街頭話劇,接觸更多觀眾層面。
除了旺角,中環政府總部門外,
間中有請願人士,上演諷刺政府的街頭劇。
不過有時演員仲多過觀眾或記者。

第八位:灣仔hip hop踩板
灣仔政府大廈對開,
有一個露天休憩地方,
成為板仔踩板場地。
板仔是外籍或ABC居多,
一失手跌親,就叫「Oh!Shit!」

第七位:隧道樂器演奏
以前行人隧道搵到玩saxophone、二胡、小提琴的賣藝者,
而家喺旺角行人專用區,長期有一位老人家駐場,
玩結他唱懷舊英語金曲。
也有一位年輕人於旺角火車站,彈結他玩Beyond嘅歌,
算係一份搵到滿足感的兼職。

第六位:真人家具示範
Set一個booth喺街邊,
介紹廚鑊鋼刀、神奇清潔劑、多用途抹塵百潔布、磁石抹窗器、
戴着headset microphone的sales親身示範,
落足嘴頭,語氣聲線,動作手勢
「大家唔好睇小呢個切蔥機,佢有三大優點五項功能……」
都吸引到師奶駐足觀看!更迷迷糊糊地取出銀包。

第五位:大陸僧侶化緣
一些持雙程的大陸訪客,
穿上僧侶袈裟站在街頭敲鐘化緣。
假僧侶下班之後,換衫去快餐店食豬食牛,
明知佢係假扮,但佢始終都係一名演員,
所以撥入街頭表演的類別。

第四位:啤牌掩眼法
於街市附近,騙徒用紙皮箱當檯擺檔,
三隻啤牌,買邊一隻喺公仔,
騙徒嘅對象係去買餸嘅師奶,
大嗌:「好易中,就加餸」!
搵個專人喺你面前表達掩眼法,
梗係要俾啲學費啦!

第三位:迷魂催眠術
街頭當眾表演催眠術讀心術,
祈福黨零件黨補藥黨煉金黨,
令到事主神推鬼湧咁信哂佢,立即撳機俾錢!
醒後發覺破財,後悔莫及。
睇這個演出要付出很大的票價!

第二位:掘地修路工程
香港的馬路經常要鑿地維修,
當工人喺度鋤地擔泥,
就有一啲上年紀的長者,手揸報紙或雀籠,
駐足凝視工人掘地;
只要開始時有一個觀眾,就會慢慢吸引其他觀眾,
掘路工人估唔到自己變成北京填鴨師傅般,
要當眾親手示範真功夫。

第一位:情海翻波嗌交
電視劇有情侶悲歡離合的橋段和情境,
但娛樂性就比唔上真實的情侶嗌交!
街頭情侶吵鬧,越嘈得大聲就越多人圍觀。
有時途人忍唔住會幫口:「飛佢啦!」「冚佢兩巴啦!」
結局是其中一人走先,無戲可做,無戲可睇!
眾人傳出噓聲,紛紛鳥獸散!
高漲情緒飄散後,街中不曾留下半點痕跡。



下期預告:

繼07年11月的《兩花生》後,新作十集小說《紀漢醇》,將於6月1日推出。

主角紀漢醇,男姓,30餘歲,樣貌身村材算過得去,他自命靚仔,又好女色。
仲替自己的名字「漢醇」,改了一個貼切的英文名:Handsome,紀漢醇=Handsome Guy!

父親是北方外省人,所以姓紀。父親愛飲中國酒,所以替自己兒子改名為「漢醇」。
紀漢醇都愛劈酒,更在酒吧結識了現任妻子,婚後未有孩子。
《紀漢醇》就是描述他婚後的一段經歷……

「2345劇場」:十集都會在香港時間:晚上11時45分上載。
2008年6月1日星期日晚上11時45分(12345),紀漢醇首次跟大家見面;
紀漢醇將會陪足大家整個6月。

其實……我都驚搞到雷聲大雨點小,
《紀漢醇》其實只係平時啲《三毫子小說》,不過寫長少少而已。
如果睇完唔好睇,大家放喺心裏面算啦,

唔好噓我呀!

89 則留言:

  1. 絕對唔會噓你!
    我成日都check住你有無寫entry 架~
    好鐘意睇你gai 小說!

    回覆刪除
  2. 除咗“情侶嗌交“之外,情侶街頭親熱都係"表演"嚟㗎!仲係話之你想唔想睇嗰隻𠻹。

    你嘅預告好吸引,好期待你嘅《紀漢醇》!

    回覆刪除
  3. 匿名君
    多謝你睇先!
    你唔使成日check住咁辛苦
    大概三日一篇
    睇完一篇, 三日後再嚟就差不多

    咁12345見啦!


    歪歪
    首先講聲sorry
    睇戲最怕未睇戲,已經先被人踢橋
    你一睇已經洞悉先機
    仲踢穿哂!
    所以我delete咗你段留言其中三隻字
    sorry!
    希望你唔好嬲

    情侶街頭親熱?我好鐘意睇喎!
    暼伯心態

    回覆刪除
  4. 我講Sorry先啱!係我爛聰明,唔係有心踢橋。

    不如delete哂我同你有關小說嘅“意見“(包括呢段)啦,我唔想再有其他人睇得明。

    回覆刪除
  5. laulong
    好,預留最佳位置俾你啦
    唔好割櫈嗌回水就得啦!

    歪歪
    多謝你!
    咁又唔使delelte
    不過你真係好嘢,一睇就知我想講乜
    佩服!
    (其實我嚟嚟去去都係講果幾味嘢啫)

    不過,我諗都有人都估到, 不過唔出聲啫
    好似睇緊戲唔講劇情咁囉

    回覆刪除
  6. 卡臣你“胸襟廣闊“,多謝你大人有大量。

    係我衰到都未睇套戲先講劇情啫!

    包無下次!

    回覆刪除
  7. 卡兄:

    我覺得三日一篇網誌幾好,唔駛 check 住 check 住。

    PS : 有十集連續小說喇.....@@V~ 又係買定花生、燒鵝既時候喇 ~~

    回覆刪除
  8. 大文兄
    你果邊我就日check夜check啦

    買定花生、燒鵝好啦
    蕃茄臭蛋就唔好買啦~

    ps 素素,妳無事嗎? 甚念

    回覆刪除
  9. 歪歪
    你叻啫!
    係咪friend先
    唔好咁見外

    12345見勒!

    回覆刪除
  10. If someone already got peanuts, then I will get the beers ready.

    Looking forward to the HK trip tomorrow.

    回覆刪除
  11. 素素? 琴日至留言之嘛,咁心急既 ?

    卡 Zen ,我只能說,從你的網誌,我不單是看文字,而是看思維,從中曲線地激發另一些思考,其實你很多 HK top Ten 和短篇小說,我看後都有另一番啟發,因為你有真正舞台經驗,是表演者,不是觀眾,所以對事物接觸會有不同。

    而我以前是新聞佬,也會留意身邊事物,所以我會從你寫的東西引發其他思考。





    老總: 陳大文!!!! 唔好掛住上網啦,做嘢先得架...#@%*&...

    回覆刪除
  12. Desertfox
    熱烈歡迎回港!(小學生機場搖旗)
    有花環添呀!

    大文兄
    言重啦
    我呢啲文字嘅文化搖籃來自...廁所木門同巴士椅背啲塗改液文章
    好粗糙!好真實!
    你啲先堅啊!有見地
    你的文化搖籃來自【百姓】【爭鳴】

    我最後一次目擊素素
    已經是星期三晚淩晨1點
    而家星期五下午4點
    佢失蹤咗39小時啦
    USA好多series killers
    你話担心唔担心啦!
    佢咁細,又未嫁,唔抵呀!

    回覆刪除
  13. 卡:

    人地同佢個...Q C 仔咩...丫嘛,即去行街街,咁...咩囉,咪...明啦 ~ 行街要時間嘛。


    啊!咁樣,我地旗鼓相當七個一皮,我既文化搖籃,係來自【百性】同【爭鳴】...同樣係文字與圖片為主既:


    【龍虎豹、男子漢、藏春閣】、對圖片既藝術氛圍,就係【香港九七,亞洲人、老爺車、龍少爺】。

    至於處世哲學,主要參考【歌布拉、天空之城、千年女皇】等。



    老總:陳大文,你聽日唔駛返工喇!係咁!!!!

    回覆刪除
  14. Desertfox:


    得,明白。政府新聞處已經安排左,高級果班 A.O 已經就位,司局級人員亦已有晒節目詳情,會有陳冠希唱英文歌,同示範【鮑魚之烹調方法】既。

    曾凸首今晚會嚟,李澤楷同依沙貝拉會同你同檯食飯。記得同新華社握握手,唔該。

    回覆刪除
  15. 街頭表演,在巴黎的地鐵站每天上演,有十多人组成的管絃樂、木偶戲、女高音、有的什麼也不表演,只說身世博同情。
    曾在往天星小輪的隧道内聽到哀怨的二胡,欣象深刻。

    回覆刪除

  16. 咁我無咁擔心啦!
    連續39粒鐘...真係命仔都無喎...行咁耐街!
    素素
    留力呀!日後大把日子呀!

    文化搖籃呢家嘢...
    我有【中華英雄、龍虎門,漫畫周刊 小強漫畫集、好時代,十隻白虎,老人院,】
    條條大路通羅馬

    回覆刪除
  17. 卡臣你新貼的造形很面善,似乎與巴黎流落街頭的藝術家有默契,背後真的臥虎藏龍。

    回覆刪除
  18. desertfox
    最新消息
    有颱風接近香港
    你班機轉飛去伶仃島
    所有歡迎活動被迫取消
    sorry!
    下次先歡迎過

    巴黎旅客
    香港的街頭表演,沒有巴黎那邊的有深度
    主要是娛己娛人,例如在天水圍的公園內唱粵曲,但構成嘈音又會有警察干涉,無奈!

    回覆刪除
  19. 巴黎旅客

    流落巴黎街頭的藝術家就說不上,
    不過似【基度山恩仇記】入面基度山坐監個樣就差不多。

    多口問句:巴黎係咪通頭都有STARBUCKS呀?

    回覆刪除
  20. Eh, there has been a big misunderstanding,

    I wasn't expecting any A.O. or any political figures when I arrived. Nor do I want any poor kids waving flags for me.

    I have already spoken to 中国城 and have them arranged the girls to line up at the airport exit, waving bras and undies welcoming me.

    The A.O. and brother Tsang are welcome to join me though.

    回覆刪除
  21. wait for your new story, just feel something special fr the name of your novel.

    p.s. where is the swimming pool photo??

    回覆刪除
  22. Starbucks在巴黎約有30間吧,算很多了,其實都是年輕人及遊客的聚脚點,傳統法國人還是喜歡自己的咖啡館情調,包括我在內。

    回覆刪除
  23. Carson,

    我老細琴日响我面前哭囉~ 女人老細嚟咖。工作狂,要求好高。佢唔夠一年嚇走咗三個人囉。我同佢講我都未必留得久。佢就開始眼濕濕,我要tum番佢囉~ 頂,又唔可以同佢講呢度辛苦呀,佢就同你講佢仲辛苦呀,辛苦過你呀~ 喂,咁佢係老細嚟咖嘛,賺多咁多。 我胃痛呀~ 有咩救藥?

    回覆刪除
  24. [ 我老細琴日响我面前哭囉~ 女人老細嚟咖。工作狂,要求好高。佢唔夠一年嚇走咗三個人囉...]


    >>>> 呢類女 boss 香港多的是。

    點解妳又唔做落去? 好難頂?邊方面?

    回覆刪除
  25. Deserfox
    中国城挾道歡迎?咁正?
    我諗..我要親自嚟接你機先得啦!

    聽聞TVB搞香港男士, 明天開始interview
    原來你趕返港參選
    預祝成功先!


    巴黎旅客
    多謝資料提供
    我都係諗緊傳統咖啡館同starbucks之爭
    當然傳統咖啡館有自己性格多啲啦!

    NOST
    泳照嘛....無拍呀
    好耐無游水啦

    回覆刪除
  26. 佢結咗婚,但係冇生BB,亦唔會生BB。咁佢就當正我係佢個女/妹咁囉~ 佢成日話: " 見到你就想起當年嘅我。"想我好似佢咁,佢見我做得好所以要求多多,對我要求特別高。 聽落好似好好,有得上位,但係佢好多奇怪嘢,要討好佢唔容易咖....

    回覆刪除
  27. 素素呀
    我好擔心妳呀!
    仲以為妳遇上xx呀!
    靚女係危險啲架啦
    見妳再次蒲頭.謝天謝地
    南無呵呢陀佛......

    原來係遇上office麻煩嘢
    嘩!妳老細唔夠一年嚇走咗三個人?
    佢EQ唔得呀?唔受得壓力呀?
    如果真係太辛苦咪走囉
    妳咁YOUNG, 大把機會
    仲要妳tum番佢轉頭, 咁下屬向上司心理輔導,少見!

    胃痛呀~ 有咩救藥?
    一於以毒攻毒
    食多啲辣椒鮑魚檸檬
    痛痛吓就慢慢會慣
    (工作一樣)

    回覆刪除
  28. 我覺得...( 我覺得咋下 ~~):

    我覺得 Starbucks 其實就好似另一種形式既 Mcdonald ,當然我唔係話 Starbucks 等如麥記,但大家都係一種品牌化,同規律化左既嘢。

    例如講麥記,就係一種生活文化,係一種信心嚟,好公平,份份餐一定一樣,唔多唔少,唔會有【老友記大份啲】既問題。

    其實麥記既集體生產集體進食文化,形式上都幾共產,即係人人基本上公平,簡單食物、基本上人人買得起。

    Starbucks 就係一種生活形象,你話俾人知你飲 Starbucks ,未必與咖啡味道有關,而係一種中產或有文化既品牌效應。

    例如你話去大文茶餐廳飲咖啡,感覺上好草根、Cheap 、污漕、店上滿天粗口、無乜文化。

    但去 Starbucks ,裝修西化,起碼叫做有點品味,襯色有點藝術 feel ,其實杯咖啡未必真係咁好味,亦好貴,但係一種品味既象徵。

    咁又係既,如果約女仔,大佬去茶餐廳,真係好肉酸,問題係污漕,又會有古惑仔的士佬之類,粗口滿天飛,好無癮。

    所以而家茶餐廳生意難做,唔係租金問題,也不是無市場,而係較後生果班讀過下書既,真係頂唔順。

    回覆刪除
  29. SOSO
    佢係華人?
    「要討好佢唔容易咖」
    唔使討好佢啦, 如果妳想唔撈的話

    佢當妳係女兒, 所以愛之深,責之切!
    恨鐵不成鋼便會嚴厲,這一點我明白,
    因為我係鋁,所以好清楚

    回覆刪除
  30. Diamond
    你一講starbucks
    佢地喺第三世界入咖啡豆
    剝削窮人, 不平等貿易,

    我仲諗係香港啲假ABC. 一人一杯喺手
    Well, you look great today喎Miss!

    「全球化」不斷擴張
    去到北京,巴黎,日本,美加,周街都係starbucks, 7-11, MacDonald,
    去到邊度, 都好似邊度都無去過咁

    回覆刪除
  31. 素素,唔好怪我多咀,我從來宗旨係唔阻人發達,但我想講啲嘢。

    如果妳講既 女 boss 情況真係咁樣,當妳係佢個女,但佢其實無仔女,而佢又投射將妳睇成當年既佢自己,想妳好似佢當年乜乜又七七。




    可以的話,妳搵路數走吧,愈快愈好,係時候走人。因為:

    1. 佢只係妳女 Boss ,而佢所謂【當年乜乜乜】,唔一定係好嘢,想當年唔係大晒,佢想妳好似佢當年咁,妳唔好以為係好好前途,其實佢只係將妳成為佢既心理投影,要操縱妳,妳自己唸下吧,此其一。


    2. 其二,妳睇下妳個女 boss ,情緒其實顛顛得得,又喊又盛,又痴痴線線,成日嚇走人,證明呢位中女,係好落漠,又好留戀自己,以為自己係悲劇女強人,呢啲 Boss 好多時一下唔鍾意,就打妳落地獄。


    3. 其實,講真,照妳咁講,女 Boss 對妳要求特別高,又好似好賞識妳,但妳唔好唔記得喎,盤生意又唔係妳既,最後都只係成為【一個好下屬】,始終都係個女 boss 作主。 但佢似乎古古怪怪,又女強人、又女皇、又悲劇小孤乖、但又好似好脆弱,好唔平衡。


    《 以上係我個人意見,我強調,我絕無興趣阻人發達,亦全無必要講妳老細乜嘢,祝妳前途無限,如果妳覺得我咁樣分析妳老細,令妳感到唔舒服,只係我個人意見,而卡臣兄也幫幫手,盡快 delete 我這則留言,因為我一向宗旨,係唔會道德高地去談處世,我唔做醜人的,人家發達與我無關、卜街我都唔會上心。》

    回覆刪除
  32. Diamond,

    (又女強人、又女皇、又悲劇小孤乖、但又好似好脆弱,好唔平衡。) 係呀~ Diamond..佢係有D心理唔多平衡囉。你講中咗啦~ 我仲要心理輔導佢囉。 好驚呀~

    Carson,

    佢係我弟一個華人女boss。之前D鬼佬冇咁乜咖~ 不過呢~ 我係學到嘢。但都知唔頂得幾耐。

    回覆刪除
  33. 素素,你個女上司係唔係近更年期,情緒波動呢?唔係講笑,我個supervisor就係咁上下年紀,情緒飄忽,每日都要估估下。佢又係結佐婚,冇小朋友,有兩隻狗個亭人。

    回覆刪除
  34. 女人呢,用寶貴既青春,去追尋自己快樂同幸福吧,除非係事業搵好多好多錢,人上人,咁犧牲青春都叫做有啲價值,如果只係一份工,表現只係俾一個老細、或一個上司睇,又唔係代表搵好多錢,咁樣犧牲青春,係無意義的。


    青春係無價寶;幸福亦唔係必然,Boss 一句【 well done 】! 值幾多錢? 值幾多幸福? 有幾多嘢可以拿到? No anwser ~


    我記得還在 yahoo blog 寫文章時,有次,一位剛讀完副學士的女讀者來電郵,說不認同我談時代女性在事業上成為孤獨的悲劇人物,她說她找了一份製作公司的工作,是跟頭跟尾,人工 $6500 ;boss 對她要求很高,要【擔大旗】,但我理解她的小小製作公司所謂擔大旗,只是執執紙板廣告、跟跟攝影師、可【靠近】 client,公司無名堂,小 job而已。她說一日做 12 個鐘,話自己好能幹,比男仔還捱得,她很強調自己【我好捱得!人地唔得我得!我肯!】

    她說和男朋友分手了,男友人一個,好錫佢,但她說男友唔夠她捱得,而她也不認為女人要為自己幸福打算 ( 即我所寫的文章原意 ),她認為捱得就是表現女性可貴的一面、乜乜七七。


    *******


    ....捱捱捱,一份垃圾工,搵到路好走啦,睇下咁既人工,度度都有啦,捱佢 L M 咩。話自己好捱得你估而家比賽咩,睇下自己有無好路數仲實際吧。

    回覆刪除
  35. 星巴克係外國以經"cheap"佐好耐囉。亞貓亞狗咕喱乞兒乜Q都去星巴克。
    香港D星巴克都好怪,個收銀員會無啦啦用英文"唱"出你既order俾個整咖啡既。我第一次聽,差DD笑佐出黎。

    回覆刪除
  36. Eric

    唔知呀,不過佢都唔細啦。唉~
    其實都唔係太差嘅,我都唔需要成日OT.
    只不過有D捉摸唔到佢之嘛~
    你都好慘wo。跟咗佢六年呀?

    回覆刪除
  37. 素素,我個女上司仲搞笑,佢重男輕女架!哈哈!對D女學生同埋博士後特別嚴特別蠻橫架。
    佢對我都OK既,係會無啦啦發脾氣咁囉,又成日督其他學生背脊(大佬,關我乜事呀)。
    唔講啦,佢而家係我隔黎架。哈哈。

    回覆刪除
  38. Chan Tai Man -

    Starbucks都cheap啦!死人美國佬野.

    飲illy或Lavazza,近來有隻叫"Segafredo"的咖啡,歐洲野先high class屎!香港so called知識份子仲以為自己好high,飲Starbucks/Pacific coffee,學野一半唔學一半(香港精神)...

    香港茶餐廳奶茶super好味!!!

    回覆刪除
  39. Soso
    大文講得啱呀

    妳話我崇洋都咁話
    妳以前啲男西洋boss比較正常
    (我猜:)他們將工作,私生活,同事感情分開
    放工後投入自己private Life

    而華人(可能家長式管理)
    又話當妳女,投射期望....
    仲喊苦喊忽!

    我上司係男性
    幾好架
    總之搞定公司嘢,就任我點玩都得
    當然我唔會太過份

    回覆刪除
  40. 小妮:妳都係飲咖啡 ( 我記得妳講過 )。

    Starbucks 又唔係難飲,但我覺得就...真是麻麻,好像很惹味、甜、重奶、口感有點肥,似一杯口痕的 soft drink 多於咖啡正宗。


    做得好的港式奶茶當然正,大佬用十九幾種茶葉【溝】成的,好特別,有果種【錫蘭 feel 】,又有少少【穿鈴】、用泰國淡奶,溝韓國糖,梗係正啦,杯嘢咁複雜。

    果種【 so call / so far 才俊】,成日去 Pacific / Star巴克,好例牌,邊有人飲咖啡次次都咁甜架...? 又咁重奶。

    Starbucks 用既咖啡豆其實好 cheap 的,新加坡咖啡我都鍾意,有果種我要既東南亞味感。

    新加坡對飲食文化,都幾有一手。

    回覆刪除
  41. eric
    「我個女上司仲搞笑,佢重男輕女架」
    會唔會同個樣有關?
    你靚仔著數啲?

    小妮
    又睇唔出妳喜歡香港茶餐廳奶茶
    我仲以為妳喜歡啲有個別特色的小cafe仔
    (直覺咋)

    回覆刪除
  42. 唔.....港式茶餐廳,我反而想講講一些無乜人講過既食品,但其實係好好食 ( 如果煮得好的話,當然 ~ )


    1. 通粉:果啖湯!同果種訂番嚟既火腿。

    2. 個別餐廳個別師傅手藝既【沙爹牛~】

    3. 咖啡:果班撚手中年師傅手藝,好精準、個【啡底】攪得好,咖啡豆溝得絕。

    4. 【 奄列】,最簡單既小食品,係最難整得好,好考時間同火喉。

    回覆刪除
  43. 其實Starbucks D 咖啡係冇得揀嘅情況下先至飲ga ja...

    最愛喝的咖啡係間Local 嘅Italian開的family business- "Caffe Vittoria"

    喂~ 睇睇佢地個site,幾得意---

    http://www.vittoriacaffe.com/

    回覆刪除
  44. “總之搞定公司嘢,就任我點玩都得“

    咁free,唔怪得你可以晌辦公時間留意見啦!

    卡臣,你以前全職舞台人,家陣你做承行呀?(除咗兼職做暼伯之外。)

    回覆刪除
  45. 大文兄

    從你的文字描述, 食物飲品的香味呈現電腦屏幕上.
    嘩,口水都流哂.
    你對飲食又有一手喎!
    你幾時同阿suki去北海道拍TVB飲食節目呀?
    或者同周汶淇尋找地方小食呀?

    呢度變chatroom?
    正呀!
    等我開個題目先:
    如果你發現你的情人是外星人, 怎麼辦?
    (可以唔使理我.%^&&)(&^外星語... )

    回覆刪除
  46. 歪歪
    我而家喺一間電訊公司內行行企企
    (聽炒)
    有好路數通知聲

    回覆刪除
  47. 卡兄: 小弟好中意睇短篇小說, 你d 小說男男女女故事好溫情, 肯定係箇中高手至寫得出喎! ^^

    期待六月一日!

    回覆刪除
  48. 卡臣兄:

    繼續題外話.

    你再唔貼靚仔相,我就執你一劑,嘻嘻嘻!:P

    Daniel.

    回覆刪除
  49. 卡神,如果佢真係用個樣正唔正黎做準則,就恐怖囉。。。

    回覆刪除
  50. 渣sir
    「我小說男男女女故事好溫情, 肯定係箇中高手至寫得出喎! ^^」

    無錯!你講得好啱
    我經歷咗好多男男女女故事
    不過我演嘅係失敗角色
    之後, 幻想如果乜乜物物就好啦
    再改成happy ending
    所以真係一字一淚呀,陰公!

    daniel
    真係我嘅taste品味問題
    我仲以為呢張超有型,勁靚仔
    原來我的美酒成了你的砒霜~

    好.我提議你矇起眼或醉酒之下看
    可能會靚仔返啲
    This is the best i can do

    回覆刪除
  51. eric

    daniel都係講吓笑啫

    他知道我邊度會有靚仔相?
    所以講出嚟
    等大家以為我有靚仔相,不過唔貼出嚟啫
    佢都算用心良苦啦

    回覆刪除
  52. 你晌電訊公司做呀,好難想像你做寫字樓工。你啲同事知唔知你嘅另一面㗎?

    將呢度變chatroom?不如開個forum啦,等我哋可以多個地方噏嘢,唔洗霸你呢到,等呢到淨係留俾你啲作品嘅“意見“。

    "如果你發現你的情人是外星人, 怎麼辦?"

    我一定要佢帶我坐UFO同埋去佢個家鄉(當然要有設備俾我生存到先得喇!)

    回覆刪除
  53. 死喇,我俾你呃到添,我真係貼左真身照出嚟架.....

    回覆刪除
  54. eric

    sorry! 我示範了什麼是【表錯情】
    係呀..係呀...你老細恐怖呀!

    歪歪
    我同事知我做戲
    仲間中捧吓場添

    做forum又好,做留言欄又好
    叫我起身痀尿都好
    freestyle得啦
    隨心得啦

    "如果你發現你的情人是外星人, 怎麼辦?"
    我叫佢給我超能力
    eg 透視眼,昅嘢一流!

    回覆刪除
  55. 阿大文
    sorry!叫慣咗
    改唔到口
    應該叫:醬爆!

    阿醬爆哥,
    可唔可以介紹星爺我識?
    我想去比天高度坐吓

    回覆刪除
  56. 我以前有個同事叫【紀碩鳴】,而家係註中國特派員。 係姓【紀】。


    如果真係有個人真名叫【紀漢醇】,都幾型。

    有時覺得北方人名都好型下: 陳一平、李立、王小青、鄧蓉、張三陽、李海...

    我覺得呢類名好型,唔知點解。

    回覆刪除
  57. 如果我用左真人相片,可能我都唔係寫而家啲文了,可能真係寫貓仔狗仔蛋糕仔,而我留言都未必係呢種內容。

    基本上可能已經唔玩 blog 了。

    回覆刪除
  58. 卡臣:

    萬曆十五年poster果張唔靚仔咩?

    你唔好話俾我聽說書人係咁嘅style好噃(滴汗中)

    P.S.雲煙兄大方好多噃,明知自己靚仔就認:P

    Daniel.

    回覆刪除
  59. 陳大文 部落 提到...

    我以前有個同事叫【紀碩鳴】,而家係註中國特派員。 係姓【紀】。

    你是亞洲週刊的人?

    Daniel.

    回覆刪除
  60. 大文

    我都識一個姓紀的:紀曉嵐

    我改男主角叫「紀漢醇」
    因為直譯handsome guy
    自以為是的懶靚仔

    北方名型啊!向陽,雷鋒,王菲,耀邦,建軍
    唔似南方人:敏怡,秀慧,永強,宏發,美儀


    從來唔會表露真身,令我想起蜘蛛俠,
    batman,ironman,
    同埋怪人二十面相

    回覆刪除
  61. [ 從來唔會表露真身,令我想起蜘蛛俠,
    batman,ironman,
    同埋怪人二十面相 ]....


    其實,除上述外,精神病院都好多呢類【唔方便表露身份】既人架!


    PS : 頂你,有無攪錯呀,好提唔提,提番七十年代日本偵探劇【怪人二十面相】...

    回覆刪除
  62. Daniel

    哦!你想要萬曆十五年張poster吖
    等我揾吓先

    Laulong兄係靚仔
    就係人都知,是鐵一般的事實
    如果話佢唔靚,可以告你毀謗添

    回覆刪除
  63. 果套【怪人二十面相】...
    是我喜歡【進念二十面體】的一粒埋下種子

    集集臨尾,怪人乘汽球或直昇機走人
    超型!!

    回覆刪除
  64. 唔係丫化....?

    【怪人二十面相】,同【進念二十面體】....咁都有聯想?

    咁神化...?


    咁,【 2036 靈芝胞子】,【銀河鐵道999】...又聯想咩呢又?

    回覆刪除
  65. e.....e.....

    【 2036 靈芝胞子】聯想到【2001太空漫遊】

    【銀河鐵道999】聯想到【銀器成式999】

    回覆刪除
  66. 咁都比你諗到~不過其實靜靜地望住街上唔同的人的步姿、動作、說話、表情有時都真係幾有趣~

    回覆刪除
  67. mona
    咁妳係miss
    見過咁多學生同家長
    必有一些人令妳一見難忘

    回覆刪除
  68. Carson,

    你寫嘅"街頭表演"令我唸起呢邊有D街頭"滑板仔"/"單車仔" 响街邊表演雜技,表演點樣响街PK。好好睇。香港有冇呢D街頭表現?

    回覆刪除
  69. 仲要等多十二粒“鍾“(家誠)!

    回覆刪除
  70. "哦!你想要萬曆十五年張poster吖
    等我揾吓先"

    唔洗揾喇!睇吓下邊個link,仲可以zoom嚟睇你個靚樣𠻹!

    http://upload.wikimedia.org/wikipedia/zh/d/da/1587_A_Year_of_No_Significance_rerun_t.jpg

    回覆刪除
  71. 素素
    香港都好多板仔踩板
    不過佢地唔係專登「表演點樣响街PK」
    而係真失手囉~


    歪歪
    嘩!你早上11:45已經check住啦?!
    有心啦!
    12粒鐘後, 港九新界波士頓加拿大挪威同步上演

    回覆刪除
  72. Daniel.

    「你是亞洲週刊的人?」
    非也!
    「我是賓夕番尼亞洲週刊的人?」

    歪歪
    張萬曆poster...認真趕客
    留咗兩撇雞
    差佬見到, 必兜!

    回覆刪除
  73. Carson,

    你幅相又出番嚟嘅...你咁勁,其實係唔係有需要戴番個bra?

    回覆刪除
  74. 而家香港啲板仔,係咪拉得好緊要,好似好多地方已經杜絕板仔。

    ( 但香港果啲板仔真係唔好睇...)

    回覆刪除
  75. ** 飛雪素素 ** 提到...
    Carson,

    你幅相又出番嚟嘅...你咁勁,其實係唔係有需要戴番個bra?


    哦,即係"bro"or"Manssiere"啦。哈哈哈。

    回覆刪除
  76. eric,

    你咁熟識呢樣嘢嘅? 唔通...你都有用?

    回覆刪除
  77. 素素, eric
    載bra呢家嘢我都有諗過
    不過, 萬一喺街度俾差佬搜身
    被佢搜到我載bra
    咁大家可以喺報紙見到我啦
    (我終於成名啦!)

    大文
    我覺得香港踩板者,真ABC是也
    無奈假ABC多, (只玩Wii滑板)
    真嘅踩板ABC賣少見少

    回覆刪除
  78. 之前個link唔得,請睇以下個link睇卡臣個靚樣,包唔趕客:

    萬曆十五年張poster

    回覆刪除
  79. 歪歪

    唉~睇到我搖頭嘆息
    靚?靚乜差吖?
    等我今晚post張新嘅!

    回覆刪除
  80. 小弟終於拾枝爛筆寫爛小說了,期望可以完美地極速趕客....


    唔嫌棄又真係得閒得滯 + 本著華人同情之心的話,都可以一看既....o掛 ~ ?!

    回覆刪除
  81. 各界好友
    最新消息
    大文兄的小說 - 小青
    已經面世!

    我第一時間拜讀咗
    嘩!故事佈局引人
    文字充滿電影感
    心理描寫細膩
    下集快啲上呀!
    好渴望知結局呀!

    唔好等啦
    快快click去睇啦!
    (以上並非廣告)
    誠心推薦

    回覆刪除
  82. 大文寫的小說風格頗為特別,我也覺得好有電影感,好像真人真事日記.

    但最好他仍會寫男女問題 la.

    回覆刪除

  83. 無介紹錯呢
    心理描寫滲入在情節當中,

    我諗大文會繼續寫男女問題
    不過滲入故事當中
    仲多啟發呀

    回覆刪除
  84. Thank you 你。 I was just looking for this.

    回覆刪除
  85. 匿名

    啱就攞去
    唔使客氣

    不過....呢啲嘢真係有用嘅咩?

    回覆刪除

LinkWithin

Blog Widget by LinkWithin