~~~~~~~~~~~~~~~~







2008年5月17日 星期六

敷衍.再見KT2592



敷衍

香港人出咗名趕時間之餘,仲無乜耐性,
對於無關痛癢的瑣碎事情,就會敷衍了事。
又或者對別人由衷的勸諭,求其敷衍。
以下介紹的「敷衍三部曲」,在敷衍別人說話時使用;
唔理對方講乜都好,「敷衍三部曲」也可以照用可也!

「敷衍三部曲」是「得啦!」、「係咪先?」&「我都話知囉!」
當對方向你作出衷心勸諭時,無論對方的說話內容係乜?一樣可以照講無誤!
如果外藉人士正在學廣東話,我提議他先學好「敷衍三部曲」,
咁跟任何人一問一答都唔會露出馬腳!

例句1:
媽:「咁夜仲打機?!快啲上床瞓啦!」
仔:「得啦!」
媽:「咁夜瞓傷肝傷腎架!」
仔:「係咪先?」
媽:「醫生講架!你仲唔瞓,我擝甩你電腦個插頭呀!」
仔:「我都話知囉!」

例句2:
女朋友:「唔好食咁多煙啦!」
男朋友:「得啦!」
女朋友:「食咁多煙好易生cancer架!」
男朋友:「係咪先?」
女朋友:「你唔戎、我哋分手啦!」
男朋友:「我都話知囉!」

例句3:
同事A:「你返工嗰陣,炒股票唔好炒得咁揚呀!」
同事B:「得啦!」
同事A:「咁揚,好易俾人篤背脊架!」
同事B:「係咪先?」
同事A:「呢排你老細成日行過嚟偷望你做緊乜,」
同事B:「我都話知囉!」

「敷衍三部曲」可應用在同輩朋友、情侶、父母身上,
但在老闆、警察、黑社會人士面前,切忌使用!
否則後果自負,與人無攸關。
切記切記!

我估你現在心裡正回答:「得啦!係咪先?都話知囉!」


再見KT2592!



阿KT2592,祝福你跟個位新主人家,都好似我咁錫你啦。
我會記着共你奔馳於龍翔道、吐露港、屯門公路、青山公路、東區走廊、青馬大橋……的舒適快意。保重!

突然詩興大發,想寫一首詩:

次見妳碰巧路過這舊地
妳被一名男士牽著走遠
剩下一人呆呆對影顧盼輕嘆
腦海中甜蜜記憶四溢翻來覆去
手中24K白金指環仍未捨得拋棄
究竟什麼是Timing什麼是天意
如果上天安排人相遇為何又安排分離
想跟妳面對面一一十傾吐分手後的思念
妳可否應承我每年月我生辰那天想我一遍
我不會奢求生生世世人私守只望妳夜來記起我


68 則留言:

  1. 架車幾新淨...放呀? 有車真係方便 ( 尤其溝女 )。

    呢隻款好似幾闊落下,應該幾好坐,凌志又係好坐。

    呵,無嘢,即我呢,兼職夜總會同人泊車,泊得多坐得多,知道咁嗟。

    我都同人洗車架,收費特廉。


    PS : 我揸開 16 噸半 七前速拖頭呢 ,溝女唔係好得既原來...

    回覆刪除
  2. 阿文哥(尖東泊車feel)

    架凌志今日啱啱放咗啦!交咗俾新車主
    架車真係幾好揸,又靜!
    揸咁耐都冇壞過~

    阿文哥,你幫人泊車?
    你明明係夜總會揸fit人,唔好扮嘢喎!

    吓?你揸開 16 噸半 七前速拖頭?
    真係要溝魯芬囉!

    回覆刪除
  3. the car really looks nice, too bad you had sold it...

    回覆刪除
  4. NOST
    thank you!
    so bad havn't give you a ride
    (so you still alive)

    回覆刪除
  5. 唔 bad ,卡兄可能買左架 法法法法..拉利嘛。


    V12 引擎...0-200 Km 只需 3 秒!


    凌志呢,係日本仔車之中,最有歐陸水準既車種,而且都幾堅固。比起...豐田..本田....係風琴車。


    Audi 又係好坐,靈活,闊落、性能好,都唔平。凌志都係貴車 ( 以一般房車嚟講係屬於較貴 )


    而家既 Benz ,尤其去左...泰國造之後,真係...


    ( 咁既,我識得班爆車東莞幫,佢地經驗之談咁嗟 ~)

    回覆刪除
  6. 大文哥
    我極有可能相信你識揸大飛走私左呔車.
    你仲識用百合匙/萬紙夾開車匙的偷車黨
    你好公子feel呀!大講貴車!
    cool man !

    回覆刪除
  7. 會唔會買新車,會係咩野車呢?
    我都想有架車渣下。有D巴士既乘客都幾恐怖。。。

    回覆刪除
  8. wa...never know you've got a car!

    And for English, there are some samples of 敷衍 i always use: "ic" "...""alright""ok"

    回覆刪除
  9. 睇起來你响啲相入面都眼濕濕咁。

    我讀完你首詩我都想喊!

    我都想有人响"我生辰那天想我一遍"呀!

    回覆刪除
  10. eric
    你喺加拿大住
    有架車會方便啲
    我而家無車,遲啲如果睇啱先再買

    sava
    i see i see
    我唔係揸車返工
    所以上次約妳於銅鑼灣,無揸出嚟
    補住妳條命仔, alright?

    歪歪
    係呀, 都有啲唔捨得
    其實呢十句詩隱藏咗一個密碼
    唔知你又覺唔覺呢?

    回覆刪除
  11. 卡臣:

    當然睇到首詩有何玄機.

    我自己就無車牌,我個中學同學未過AU前都無考車牌,佢覺得香港環境唔多啱揸車:P

    Daniel.

    回覆刪除
  12. hehe~ 我都有架Volkswagen golf GTI 1.8T 有天窗,我好鐘意。

    Diamond 你眞係好搞笑--
    "呵,無嘢,即我呢,兼職夜總會同人泊車,泊得多坐得多,知道咁嗟。"

    回覆刪除
  13. 其實响香港冇乜需要揸車,坐的
    士仲平啦~

    回覆刪除
  14. 遲D搬去英國,可能會買,但係又要適應用右呔,諗起都頭痕。
    都係香港交通方便,地鐵又乾淨。的士又四圍都係。

    回覆刪除
  15. 卡兄:

    其實我係除左屋企有架 $ 49 行李手拉車外,我無私家車架,亦唔識揸車架!


    記得嗎,我講過,我有位【福布斯亞洲排名前十五名超級富豪】....既私人司機老友,佢對於【真正公子名媛靚車】好有認識,因為...日日都要揸不同型號既靚車接亞少爺老爺等等。


    寶馬係貴車之中,其實最抵買,因為 BMW Engine 係稱得上最耐用,最可靠,平 BMW 都係好嘢。BMW seat 位設計,女人坐唔覺得飄,男人坐唔會窄。作為房車又斯文得,但一踩足油,又可以狂野。


    老友個少爺係用 $2400000 果隻電腦 BMW, 而老爺係用 $ 370000 果隻日本七人車,我坐過,真係舒服架呢! 超靜,反應快、機動性強,大大架七人車,揸落好似跑跑地 feel 。


    老友話,凌志用家呢,通常屬於【識貨】既人架,Audi 就偏向中產後生果班,Audi 但唔屬抵買。 而 Benz 在有錢佬嚟講已經【唔得】,好多轉左【賓利】,或大富豪都有用卅幾萬果隻七人車,方便裝窗簾嘛。

    而 MMW 近 二百萬果 d 車,BMW 提供改防彈架。


    《 香港呢,其實我可以隨時買架二手,二手好平之嘛,油錢都唔係問題,但車位貴嘛! 我鍾意細 size 房車,代步 OK 》

    回覆刪除
  16. Daniel
    香港環境唔多啱揸車:
    都係架!
    路窄車多!油又貴

    歪歪
    sorry! 我多此一問啫
    你地咁叻, 點會睇唔到?
    "再見我的KT二五九二"
    上手車主車牌2592
    我於9月25日生日
    所以真係與此車有緣

    snowy
    妳架Volkswagen golf GTI 1.8T 有天窗,嘩!好sportive!!
    妳揸好型!

    hk買車容易泊車難,parking fee,油錢
    揸車唔係樂趣
    (除咗上highway fung機聽歌)
    西方地方大就話揸車真必需品
    hk搭taxi 都ok

    回覆刪除
  17. 嗱,飛雪 就真係具有富家少女風範喇,【搭的士平過揸車】架!


    不過都唔係架...自己揸車,如果你係用慳油車,其實成本好低,但的士都唔平。


    最貴係泊車之嘛,而且自己揸車自由好多,大佬有 d 地方,唔係一定隨時有的士架!例如去赤柱看海 ( 多有型!),你等的士都等到死呢。

    回覆刪除
  18. 型咩? 咁等我都影番D相比你睇睇吖。我聽日都要揸去我NY個cousin wedding.

    回覆刪除
  19. eric
    搬去英國呀?
    好呀!下屆舉行奧林匹克

    大文兄
    你真係見識廣博!
    就咁睇,真係以為你係盲亨(車神)
    由車的性能,感覺到避震, 都似第一身經驗,
    觀察入微!

    有車真係方便 ( 尤其溝女 )。
    有時喺女仔面前唔識路/兜錯路都幾瘀架
    不過女仔揀男友,有冇車係一個因素
    如果有車,就揀個貴價車

    不如轉行做車房, 啲伙計成日偷偷地揸靚車去溝女!

    回覆刪除
  20. 大文兄,响美國買車同泊車都唔貴架~ 唔駛好有$,係必須品。 係,香港泊車係顛貴,除咗溝女,都唔知為乜要有車。

    回覆刪除
  21. 文兄
    我有個朋友做投資經理, 叫賺到
    自己有個BENZ之餘, 買架BMW俾老婆
    點知老婆鍾意坐TAXI
    架車成年行咗千幾里咋!
    吹脹

    揸車去食嘢(深井,山頂,南區)真係方便啲!
    身水身汗等車就唔浪漫啦
    又唔知的士司機口唔口衰,或者巴士乘客大聲講電話.
    ROADSHOW嘈耳

    素素
    明天去影相呀?
    記得戴返果副星味太陽眼鏡呀!
    我十分懷念妳個LOOK

    回覆刪除
  22. 素素,

    [香港揸車,除咗溝女,都唔知為乜要有車。]
    我揸熟手車,為咗考的士牌,
    諗住轉行揸的士謀生

    回覆刪除
  23. 卡臣,知你講緊反話啦,我今日都已經想出去買過副後生look D嘅太陽眼鏡。=p

    回覆刪除
  24. 我識有個溝女王都話自己同D friend去考的士牌。hahaa XD

    回覆刪除
  25. 素素

    唔係呀!
    唔好嘥錢買啦!
    一於戴返舊果副, 型呀!

    如果妳係都要買, 我提議:
    妳戴新嘅眼鏡影一張
    妳戴舊嘅眼鏡影一張
    等我幫妳搞個投票, 睇吓大家鍾意邊張多啲?

    回覆刪除
  26. 溝女王?
    揸的士去溝女?
    只可以溝到阿嬸阿毛同顏福偉

    回覆刪除
  27. 香港男人愛車,就像中港台女人愛Vuitton。我發現香港大部份私家車都很乾淨、經常洗到"立立ling"(唔識寫),係歐洲D車,都很髒,不會常常洗的。
    另外,香港人泊車很斯文,係法國泊車,通常都要頂前撞後入位(教車師傅係敢教)。
    卡臣原來也是個詩人。想念一個人的感覺,真好....

    回覆刪除
  28. 我覺得呢,其實香港地理環境應該要用細 size 既車,例如萬事達 121 果類,慳位,大佬而家個個七人 Van ,好似小型巴士咁,邊夠路行呀。

    卡兄你都咪話,車房仔果 d 女,通常好索下( 但當然係 wet 妹為主啦 )


    飛雪,你可以考慮買 IQ 博士果種【則卷小雲】眼鏡,包你當堂【 幼齒 Feel】...

    PS : 你個猩味眼鏡無問題,請繼續 OK 喇。

    回覆刪除
  29. 細size既車又慳油呢。
    我最頂唔順D人係市區揸Hummer橫行霸道,去打仗咩。
    男人揸咁大架車,一定係overcompensate佢一D好細既野。哈哈哈。

    回覆刪除
  30. 巴黎旅客

    係咪因為歐洲人當車只係代步工具
    而華人當車係炫耀工具?

    嘩!啲歐洲車咪前後都花哂!
    不過算啦,好似我對波鞋花咗,我都無感覺啦!

    喺巴黎旅客面前,我點敢認係詩人
    呢首詩講我某日喺街度
    見到新男車主駛KT2592 經過我身邊
    想望多一眼,車已走遠
    曾經擁有...

    回覆刪除
  31. eric

    除咗Hummer外, Land Rover都好[啞渣]!
    哈哈~~~通常啲人扮勁都唔多唔少有啲心虛

    大文
    車房仔啲女<---好天若有情feel
    如果成個都市車主都揸smart car
    一定少啲碰撞, 個城市又有未來都會feel!

    素素
    Diamond兄都支持妳副舊眼鏡
    證明[掂]呀!!
    天生麗質難自棄!
    戴乜眼鏡都艷美!

    回覆刪除
  32. 天生麗質難自棄!
    戴乜眼鏡都艷美!


    廣告 feel ? 果然看出一點真,看出可觀人生...

    回覆刪除
  33. 剛才我老公在打機,
    我問他: 租了什麼碟?
    他:...
    我:是否叮噹大戰貓mimi?
    他:係呀
    我:邊個做咖?
    他:你
    我:我頭先問你咩呀?
    他:唔記得

    完全敷衍我!

    回覆刪除
  34. 6年啦?車齡高食油勁丫,我睇年尾上廿蚊都似。

    素素:>除咗溝女,都唔知為乜要有車。
    溝仔都得掛!^.*
    係香港住新界的話自己揸車好處多籮籮丫,得閑講過你知。

    大文:BMW淨係啱正行人用,想中六合彩千其咪坐BMW,BMW車係克偏財架,黑道中人係唔用BMW架!而且BMW的X和Z系好多故障,電腦板容易壞,係3、5、7系穩定啲啫,又BMW的二手價唔夠Benz高。

    回覆刪除
  35. hana ,妳講得對。

    BMW 3 、5 、7 系,當然好嘢,最貴都係呢幾個系列,我個老友...個老細既少爺用 BMW 7 系,二小姐用 5 系,亞太太用七人車,貪七人車可放大 shopping 盒喎 ( 我只係聽,我無資格 feel 呢種購物樂趣 ~ ),又可以在車上小睡。

    BMW 7 系電腦系統係好精密,其實無乜問題,低檔系列就真係差 d 。

    因為 7 系既電腦系統,係可能入新 firmware ,同 BMW 同步。

    B記 7 系 好嘢嚟,大佬二百幾萬...

    BMW 平系列二手價真係唔值錢,Benz 好好多,梗係啦,香港地嘛,Benz 係【老闆象徵】架!

    B 記 7 系會幫你計算甩尾的可能性,會自動調節 break 同方向自動鎖。

    ( 個老友係咁講,我得個聽字開心下咋 )

    回覆刪除
  36. 卡臣哥重情重義, 令我想起呢位仁兄...

    http://vertrider.spaces.live.com/blog/cns!55117885FF24967F!720.entry

    回覆刪除
  37. hana 大文
    我雖然叫carson - 車臣
    但對於汽車的認識
    和你們兩位相比
    真是九牛一毛
    睇你兩位留言
    仲以為自己掀緊本"車主雜誌"
    我終於知道乜野係香車美人.

    vicky
    妳老公連咁靚嘅老婆都敷衍
    急不及待去睇碟
    就知道呢隻碟一定一定勁好睇啦!

    回覆刪除
  38. 渣估兄
    每次揸KT2592
    我條命就交被佢
    KT2592有冇意外? 睇我嘅駕駛技術
    我有冇意外? 睇KT2592嘅機件性能
    久而久之, 我跟KT2592鬧出感情
    好似機動戰士入便
    阿寶同高達的關係
    sorry!又離題

    回覆刪除
  39. 卡兄:

    hana 就真係有車之人,而你也是,我就....自我幻想而已。不過,按自己需要,我又不恨有車,因為我自覺唔太需要,而我相信我也不是一個良好駕駛者,我喜歡靜靜地坐車,由別人揸好過。


    就算車,我真係鍾意細車仔,我鍾意靈活性強果種,例如 萬事達 121,我知道【咁既品味】,死得架喇,大佬咁 cheap 車...

    我鍾意純粹用車代步,爛車都得架,行得就得架喇。

    回覆刪除
  40. 哇~好橋呀~呢兩日岩岩諗住打篇關於車的entry,但因為掛住追劇唔得閒打~keke

    我哥都岩岩賣左架車..佢又係渣左5,6年了,到佢放的前幾日佢down到丫~好似賣左佢個仔咁呀!!

    我之前係出面都渣過下車,真係一下果隻.之後放之前都幾唔捨得,影低哂佢每一個角落.

    回覆刪除
  41. 大文兄
    立下主意用車代步
    就唔好埋乜野品味
    萬事達 121唔失禮呀!

    揸車製造一個私人空間
    車廂內自己一個,或同朋友傾計,聽歌
    深夜兜吓風,風馳電掣
    幾爽!

    mona
    我同妳哥一樣
    將部車影呀影!留倩影,留記憶
    呢一刻, 我終於明白陳冠希的心情

    ps 妳追緊乜劇?
    妳有冇車牌?

    回覆刪除
  42. 做麥唔要kt2592,忘恩負義 ?

    回覆刪除
  43. 經紀陳:

    張國榮曾經講過:

    不要問人點解分手 也許雙方巳睇透
    世事難望永久 悔恨難補救
    且將憂慮 也將憂愁送走
    心碎後人應該分手 帶走悲哀與咀咒
    往事無論美醜 過後無追究
    不必失落自疚
    仇和恨 心中不再有
    情場裡我好比小丑
    埋藏我的淚 我的笑
    平復我內心的戰抖

    啊......啊
    灑脫地 無聲的分手
    放開心鎖裡的扣
    盼以後夏與秋 每念情深厚
    始終不忘舊友

    啊......啊
    能否仍然成密友

    回覆刪除
  44. 唔知到時阿KT2592 會唔會走返黎同你幽會呢。

    回覆刪除
  45. 小豬
    我仲會跟KT2592 搞婚外情!
    車人合一

    人類愛上機器
    王家衛的2046也有寫到
    木村愛上王菲機械人.

    回覆刪除
  46. 其實你除咗唔捨得架車,仲唔捨得嘅係KT2592哩個車牌。

    點解唔keep個車牌?至少第日可以攞出嚟回憶吓呀!

    回覆刪除
  47. 歪歪

    係呀!
    不過唔keep呢個車牌
    因為如果係CC259
    咁又唔同!

    你說:”睇起來你响啲相入面都眼濕濕咁。”
    無錯!我的淚珠沿下爬滾,滴落褲襠,濕了一片

    回覆刪除
  48. [呢一刻, 我終於明白陳冠希的心情]

    對車好啦~唔好對人係咁呀! haha..

    我有車牌呀~ 都唔知放左去邊lu~ ^^

    追緊大長今,以前無線播一集都冇睇過.最近重播返,睇左一兩集已經愛上,於是買左成套,係咁煲係咁煲,好長呢~不過好好睇,weekdays要迫自己唔好睇,如果唔係我實停唔到!

    回覆刪除
  49. 大長今...我冇睇
    韓劇對於我...好似仲係[處]
    好耐以前...睇過藍色生死戀半集後
    將韓劇判處死刑
    兄妹戀.絕症,眼淚,...煽情得滯

    大長今...勵志劇, 應該正面啲卦?

    回覆刪除
  50. Eric,
    Good if you are going to England, I can come visit you. Oslo to London is only 2 hours.

    回覆刪除
  51. CARSON 跟你SAY個HELLO, 小妹是你的BLOG迷 ^____^
    最愛經常番看你在GILIGULU搵食男女中酒色財氣之嫁個有錢佬的演出 哈哈

    回覆刪除
  52. 係呀..正面架!不過都有喊位,但比果d舊式韓劇正常好多~
    我特別鍾情果d古代宫廷既劇,無論係中定韓.總覺得好熟悉~ 可能我前生..............

    回覆刪除
  53. Desertfox

    乜挪威去倫敦只需兩句鐘?咁快?!
    恕我地理常識無知!

    Mona
    古代宫廷既劇,無論係中定韓.總覺得好熟悉~ 可能你前生......係一支針
    長今施針啦!你快啲去啦!

    回覆刪除
  54. Jessie

    多謝妳的支持!
    多謝妳抽時間睇我啲無聊嘢就真!

    GILIGULU搵食男女中酒色財氣之"嫁個有錢佬" 嘩!已經係2002年的演出
    妳果陣13歲,
    我不敢翻睇自己演出, 覺得自己好屎

    希望妳繼續嚟坐啦!

    回覆刪除
  55. 我又真係好想學中醫喎seriously!

    London去Oslo兩個鐘差唔多~ 之前由Scotland果邊去Oslo個零鐘而已.

    Oslo物價好高!!高過瑞士添呀!一支500ml可樂約HK$30!

    回覆刪除
  56. MONA
    學中醫好呀!
    周身刀
    懸壺濟世!

    一支可樂$30? 嘩!果度無肥人果可?!

    回覆刪除
  57. 嘩正呀,個幾鐘頭咁近,可以時時去Oslo囉。好呀,desertfox兄,得閒黎坐下!

    回覆刪除
  58. 可惜又冇咁既時間同精神去讀,日日放工已經想攤o係度,仲要改簿備課等.而且其實依家都係返緊學,讀緊D教育文憑.

    哈哈~Oslo又真係唔係好多肥人喎.係Oslo玩果幾日多數都係落Seven(冇睇錯呀,真係香港果隻7eleven呀,個招牌都一模一樣架!)買D小食食下咋.有一次入左餐廳食,貴都算,賣單先知原來要俾多張Bill既大約四分一既Tax!貴到喊!

    回覆刪除
  59. MONA
    睇怕我去到oslo,
    真係可以做"挪威版一百萬人的故事"的主角啦!

    回覆刪除
  60. 挪威D福利應該唔錯,"一百萬人的故事"唔會有掛。

    回覆刪除
  61. 仲以為你無揸車?

    賣車後會買什麼車? jeep 或7人車好似幾適合你.

    回覆刪除
  62. vincent
    喂!好耐無見你.
    你呢排好忙呀?
    多啲泡頭嘛!

    遲啲睇定啲先買架二手
    你呢?

    回覆刪除
  63. 嘻~ 9月出生的人, 真係特別聰明, 挑通眼眉 ;)

    回覆刪除
  64. kateyip

    9月出生的人, 真係特別聰明,
    挑通眼眉<--我一定同意啦!

    回覆刪除

LinkWithin

Blog Widget by LinkWithin