~~~~~~~~~~~~~~~~







2008年5月8日 星期四

演唱會

演唱會

紅館快要裝修,歌星們趕於裝修前密密開演唱會。
香港歌星演唱會除了歌曲rundown、歌衫舞台唔同之外,
歌與歌之間嘅對白其實都係差唔多,可以循環再用。
以下十句是演唱會的百搭對白,
聽落都熟口熟面!

第十位:「我一話開演唱會,以下呢位嘉賓就立即話要嚟幫手。」
歌星唱到無氣,需要找個嘉賓嚟撐場,換吓衫抖吓氣,
介紹嘉賓的其中一個方法就是打「友情牌」;
江湖兒女講義氣相肩插刀義不容辭拍心口做嘉賓!
其實藉以增加自己曝光率,一家便宜兩家着。
歌星有時會加多一句:「佢認真唔話得,由加拿大飛返香港,啱啱落機就趕嚟呢度!」

第九位:「我今晚喉嚨唔係好舒服,唱得唔好,大家見諒!」
有啲歌手唱Live根本好「牙煙」,走音唔跟咇甩嘴忘記歌詞。
事先張揚自首投案話喉嚨痛失聲,打埋類固醇針,
唱得唔好變成順理成章的護身符。
難怪歌手愛用煙用酒用夜蒲去保養他的爛聲,
否則護身符失效,就會被打回原形!

第八位:「送上今晚最後嘅一首歌。」
如果歌星想製造一個小高潮,
只需宣佈以下一首歌係今晚最後嘅一首歌,
歌迷立即頓足大嗌encore!唔好咁快完場呀!
消費者總希望已付的門票能夠獲得最大效益;
無11:59分都唔捨得離座走人。

第七位:「邊個有睇我上次嘅演唱會?有就嗌一聲嚟聽吓!」
歌星想現場測試一吓自己嘅人氣,
問那些現場觀眾對自己不捨不棄,開親concert都嚟捧場,
但香港觀眾向來比較冷漠,
無咁容易就被你隨便講一句,就樂意替你造勢,吶喊助威!。

第六位:「揮動你哋嘅電筒,嘩!好靚呀!」
入場時派給觀眾一支小電筒,
唱冧歌時叫觀眾一齊開電筒,製造浪漫星光氣氛。
或者叫觀眾開啟手提電話的螢光幕,一樣有同樣滿天星的效果!
歌星一定好陶醉咁,賣魚讚魚新鮮,
懶感動講一句:「嘩!好靚呀!」

第五位:「邊面嗌得大聲啲,我就去邊面先!」
如果歌星開四面台,歌星面對邊面觀眾多啲,等如剝削其他三面觀眾!
大家都俾咁多錢入場,
如果歌星行嚟自己坐嗰邊多啲,就等於賺多咗!
咁嘅情形之下,觀眾受誘因驅使,就唔介意嗌大聲啲啦!
歌星就變成跳艷舞的dancer,邊面老板多就去邊面!

第四位:「識唱嘅朋友一齊唱吖!」
香港卡拉OK之風氣根深柢固,
演唱會的監製,想將紅館變成超大K房!
或者想觀眾重溫幼稚園唱遊堂的集體記憶。
最好觀眾一齊拍手一齊唱,咁就可以製造「萬人大合唱」的口碑!
日後推出DVD都多個賣點!

第三位:「希望佢喺第二個空間聽到!」
歌星向樂壇已故前輩歌星高歌致敬,
唱完之後眼泛淚光、聲音微震,
感性地說:「希望佢喺第二個空間聽到!」
歌星輕易借力讓觀眾在這個演唱會中找到感動位!
其實已故歌星泉下有知,見到後輩們仲不斷借自己過橋,
唔知應該感激定係感嘆?

第二位:「我哋今晚唱通宵!好唔好?」
對成萬觀眾開空頭支票,唔使負刑事責任,
邊有歌星會咁蝕底唱通宵?邊個賠錢俾紅館呀?
觀眾聽完之後,又好開心咁大叫「好呀!」
其實可能係恥笑歌星當觀眾係傻仔,講嘢唔經大腦!

第一位:「無咗你哋,我無可能企喺呢度!俾啲掌聲你哋自己!」
飲水思源,歌星多謝完各大贊助商之後,
梗要多謝一吓台下各位米飯班主啦!
歌星自己一個人替萬幾位觀眾鼓掌,只會顯得太過勢孤力弱,
心生一計,叫觀眾俾返啲掌聲佢哋自己,自己替自己鼓掌!
好似朋友生日,同佢食飯,埋單果陣叫佢都夾返一份錢。
自己慳水慳力之餘,大家又好似各得其所!
如果歌星下次再講:「俾啲掌聲你哋自己」,
台下觀眾會否回應大嗌:「俾啲噓聲你哋自己啦」!

其他句子:
「我要多謝台前幕後各單位…」、
「我今晚唔講咁多嘢,唱歌把啦!」、
「大家企起身跳舞啦!唔好俾佢停!」、
「我真係要唱出今晚最後嘅一首歌!」、
「Keyboard…Gary!高音結他手…Peter!鼓手……」
「你哋嘅反應,係咁多晚觀眾之中最好!」、
「等我飲啖水先。」、「我件衫閃唔閃呀?」、
「就算得番一個觀眾,我都會繼續唱落去!」。

38 則留言:

  1. [ Yeah !山頂果邊既朋友!你地好嗎? ]

    [ 喂~~~~~~~~~~~~ 今晚點呀? 你地有無變到呀?我無變呀,都係咁鍾意你地呀~~~~~~ ]

    [ 我想同大家講,呢個係我真正朋友,Woo~~~~ eg:Leon ~~~~Come On ~!]

    [ 我今晚靚唔靚呀 ~~~~~~ 大聲 d ~~ ?]

    ....

    回覆刪除
  2. 你對我好有啟蒙 。Really .

    係另一種既啟蒙。

    回覆刪除
  3. 大文兄

    回你幾句:

    多謝parco! 多謝mani!

    好多人彈我唔識跳舞, 今晚我就跳俾大家睇, 好冇呀?!

    哎呀!呢個台好多陷阱, 差啲差錯腳!

    ******
    嘩!"係另一種既啟蒙" 可圈可點喎!
    啟蒙你呢個世界仲有人(指我)低處未見低?
    定係有人(指我)勁無聊吹水廢話?

    希望係{廢中有序},{hea中帶笑}啦!

    ps 明天小弟去做戥穿石,
    祝我滿載而歸呀!我嚟啦!

    回覆刪除
  4. 做戥穿石咁好玩?? 影多D相嚟同大家分享好wooooooo

    回覆刪除
  5. 當然係正面啟蒙啦。基本上,你既網誌其實係一本書,即是散文集。

    回覆刪除
  6. 第四位:「識唱嘅朋友一齊唱吖!」

    亦可以趁機透一透氣!又可以係唔記得歌詞時用!

    回覆刪除
  7. 我淨係覺得,個個演唱會都走 sex approach,自摸摸人,好低格!

    班觀眾又睇到 v wa 鬼震,都好低格!

    演乜鬼唱會,穿了衣服的春宮會而已!

    回覆刪除
  8. 阿laulong 講緊 郭富城呀?
    我去嗰D演唱會冇D咁嘅摸摸事wo...
    你有冇入錯塲呀??

    回覆刪除
  9. I haven't heard of any of the 10 quotes from Ming Gor & Sandy Lam's concerts so far... I think I've chosen the right ones to worship over these years.

    回覆刪除
  10. snowysoso:

    我無睇演唱會好耐,但從娛樂版上的照片,十個有八九個(除咗老餅嗰啲)都行呢家嘢,睇到厭。

    喂大佬大姐,你要摸翻屋企摸,衣家係演唱會,唔係自摸會!

    回覆刪除
  11. laulong,

    嘩嘩嘩~ 係唔係歌手摸dancers,成班dancers一齊摸個歌手咁ar?

    都話娛樂圈好雜 ga la!!!

    回覆刪除
  12. snowy
    香港好熱啊, 戶外成31度
    我著住套黑西裝, 苦不堪言!
    啱啱飲完, 12:30先返到家
    相片嘛...遲啲揀一張放上blog先!

    結婚呢家嘢....幾時到妳呀?

    回覆刪除
  13. 大man
    如果我係散文集(仲係寫喺廁所門後果啲)
    你的blog,正經時就像times
    通俗時就像[不文集]
    感性時就像余光中
    鬼才是也!

    回覆刪除
  14. eric
    係呀!歌手唔記得歌詞時,
    就一手將咪隊向觀眾,自己唔唱
    直至記返起歌詞時, 才繼續自己唱
    此情況常出現於楊x嬅

    回覆刪除
  15. laulong
    sex approach 因為要襯番首歌
    歌詞意識大胆,挑逗
    事源HK 廣東歌主題傾向

    不過我覺得concert唔係十個九個係咁
    有啲好多衫著架!

    回覆刪除
  16. nost
    梗係啦
    明哥同憶蓮當然唔講呢啲濫調啦

    ps 有冇聽過明哥的新歌{深港公路}啊?

    回覆刪除
  17. snowy,

    "嘩嘩嘩~ 係唔係歌手摸dancers,成班dancers一齊摸個歌手咁ar?"

    咁第十一句就係:"oh baby! ah~~ woo~~~ hoo~~~"

    回覆刪除
  18. haven't heard it yet, but i know this is a country style Mandarin song.

    my blog can update the new "ming gor" essays soon!!

    回覆刪除
  19. 你的blog,正經時就像times
    通俗時就像[不文集]
    感性時就像余光中
    鬼才是也!

    __________________

    如果呢段嘢係皇冠或者明窗出版社同我講,我唸我已經發左喇。( * 但我發夢果陣係聽過既 )

    多謝。

    回覆刪除
  20. MAN

    皇冠又好,明窗又好,牛津又好
    博益又好(sorry執咗)
    呢段說話喺好多讀者心中都認同

    當然..有筆可觀的收入就更加雙得益障!

    回覆刪除
  21. NOST
    明哥隻新哥好country架
    木結他+口琴
    好聽架

    回覆刪除
  22. Laulong
    '都話娛樂圈好雜 交 ga la!!!"
    吓? 咁堅?
    請問點樣可以加入娛樂圈?

    回覆刪除
  23. 演唱會是廟街賣唱的現代豪華版.

    Vincent

    回覆刪除
  24. laulong-"係羅,都話娛樂圈好雜 交 ga la!!!"

    哈~ 你加多咗個字wo hahaa 不過又啱wo =D

    卡臣--"請問點樣可以加入娛樂圈?"

    你首先去泰國正正佢,然後去找阿楊生。

    回覆刪除
  25. vincent,
    "演唱會是廟街賣唱的現代豪華版."
    咁棟篤笑就是相聲的現代豪華版吧!

    回覆刪除
  26. snowy,

    請問"去泰國正正佢"
    是否指"去勢"?

    man,
    嘩!果然好介紹! 勁笑笑笑!
    佈局一流!!

    回覆刪除
  27. snowy
    喂!點解妳刪除咗妳個blog的留言欄呀?

    回覆刪除
  28. 冇呀!!! 我冇刪除我個blog的留言欄呀!!!!
    好驚呀!!! 咩sei!!!??
    我見到wo!!! 你見唔到ar?!!! ARR!!!! Refresh la!!

    回覆刪除
  29. 留言比我!!!
    留言比我!!!
    留言比我呀!!!!
    快啲留言比我呀!!!! =0

    回覆刪除
  30. snowy
    sorry!
    一時時運低睇唔到
    而家開番天眼睇返
    仲留返言啦

    回覆刪除
  31. 大家互相求救後...

    原來係幻覺嚟既。


    幻海奇情之...

    【~~~~ 留俾....我....】~~~~~

    回覆刪除
  32. 第三位:「希望佢喺第二個空間聽到!」

    我相信多數歌星喺演唱會喥向樂壇已故前輩歌星高歌致敬,
    應該都係出自真心,同用心唱好首歌,唔係借前輩歌星過橋。

    不過,有啲音樂節目同頒獎典禮嘅"致敬"環節就......

    回覆刪除
  33. 大文兄
    嘩嘩嘩嘩!
    大佬,你一講幻海奇情, 我就毛管都直豎!!
    有一集講白衣余以霞係女鬼,坐電車,
    無人睇到佢, 除咗羅浩楷....
    好驚啊~~~~~

    回覆刪除
  34. 歪歪
    又係嘅, 有啲關係密切
    eg 何韻思 對 梅艷芳
    容祖兒 對 羅文
    beyond 對 家駒
    梅艷芳 對 lesile
    都係真心嘅~~

    回覆刪除
  35. snowy
    妳年紀太細啦
    等叔叔講妳知
    1978年度, 歡樂今宵其中一個環節
    講鬼同奇幻嘅嘢!
    youtube唔知有冇?

    回覆刪除

LinkWithin

Blog Widget by LinkWithin