~~~~~~~~~~~~~~~~







2008年5月6日 星期二

* 初踏台板

初踏台板

我的好朋友阿強,講完佢啲健身經歷後,
跟我講出他一段有趣的軼事:

阿強於八十年代讀預科的時候,具有反叛的性格,
他不是叻在劈酒冧友抽煙賭馬隻揪偷嘢溝女啪丸,
而是他不甘心隨波逐流,唔想盲目跟主流走。

當同學睇港產喜劇,阿強就去睇歐洲藝術電影,
同學聽譚詠麟梅艷芳,阿強就聽英倫電子,
同學睇香港話劇團演出,阿強就睇本地前衛藝術團演出,

阿強睇嗰啲前衛藝術演出,就是那些沒有對白,一班演員喺台上行行企企、
搬檯搬櫈、大叫大嗌、無劇情無角色無佈景無道具無戲服的現代表演藝術。
阿強覺得睇這些演出會令自己「好型」!身邊的觀眾又超酷!好藝術feel!

有一次阿強膽粗粗填寫觀後問卷,誤打誤撞參加了這個前衛劇團舉辦的工作坊。
他又幸運地被選中及邀請參與劇團的下一個公開演出,
由觀眾變成演員,阿強心情好興奮,排戲時都是行吓、企吓、指吓、叫吓、跳吓、坐吓或者唔郁咁。
阿強從來唔會問導演點解要咁做,因為一問就「露底」,
顯示自己好蠢咁!咁就「唔型」啦!
其他演員都好cool唔笑,因為一笑就「唔型」啦!
其他演員講電影音樂,都揀啲十分另類小眾,因為睇太主流大路嘢就「唔型」啦!
其他演員都只穿黑白素色衣服,好少著colourful衫,因為一著鮮色衫就「唔型」啦!
阿強有樣學樣,扮做前衛青年,這是他加入劇團的目的之一。

一個月的排練轉眼便過去。當晚阿強首次踏上台板,心情緊張!
前衛演出的優點就是無論演員做啱定做錯,觀眾都不會察覺!無話啱定錯!
所以阿強從容面對,作他的處女演出,踏上舞台。

無驚無險演到一半,難不倒阿強,但當去到某一場戲時:
在台中央,有兩排演員,分別坐在「前排椅子」和「後排椅子」上,
前排演員是全女班、後排演員是全男班,阿強是後排演員。

根據排練,阿強記得此時全部後排男演員需要站起身,但此時無男演員有任何舉動,
舞台經驗尚淺的阿強,此時心裡方寸大亂,在觀眾眾目睽睽之下,
他不能發聲去提醒或用目光示意其他男演員站起來。
幸而坐在前排的女演員阻礙了觀眾的視線,觀眾只看到男演員的肩膊以上。
阿強靈機一觸,向右面男演員Moore,阿強伸出自己的右手,掌心向上,
緩緩向上擺動,示意叫Moore一齊站起來!

怎料Moore沒有站起來不特止,阿強在毫無心理準備之下,
Moore突然一手握着阿強的右手,Moore的左手在女演員椅背後握着阿強的右手。
阿強最初第一個反應是:「吓?乜導演幾時加了這個新的握手動作?」
但從Moore握手的溫柔力度和手指的緩慢孺動,
阿強立即知道這不是劇情所需,而是戲假情真!
嚇得阿強第一時間縮手,並立即彈起,其餘男演員見阿強彈起,才如夢初醒般相繼站起。

阿強在餘下的演出、入後台、收拾行裝、宵夜、都刻意避開Moore,
阿強記得事隔幾個月後,他在中環擺花街再次碰見Moore,
當時他和一名同性外籍人士一起,態度親暱,阿強沒有跟他打招呼,裝作看不見直行直過,Moore也沒有相認。
這一次之後,阿強再沒有見過Moore。

如果有人問阿強什麼是舞台經驗,他不會答「處變不驚」、「隨機應變」、「顧及對手」、「控制現場氣氛」、「聲線投射」等答案,
而是將以上的故事再細說一遍。


歡迎大家繼續分享吓阿強的其他的健身驚險經歷 :

賓佬 食人花 飛機仔 Catwalk男

倒三角 紋身漢 赤裸男

82 則留言:

  1. 趁呢度人少少,都係十零廿萬網民 + 歷歷十五年所有場觀眾,你唔好話我知,亞強就係你!?

    哈哈 @@V ~~ Yes~~~ !


    ( 講下笑嗟 ~)

    回覆刪除
  2. 即睇完呢篇文呢,完全闡釋左點解香港藝術舞台表現事業,到今時今日都係.....

    咁囉。 因為藝術一定要夠小眾,咁至型嘛。

    回覆刪除
  3. ah, CTM,
    You may be right, or wrong or.... almost right???

    What if he is Moore instead? Um........ just kidding

    Sorry Carson, just joking.

    回覆刪除
  4. 阿強回憶錄?

    卡臣,你唔好以為改咗個名就無人知係講你自己!

    呢位"阿強"仲有冇扮做前衛青年?

    回覆刪除
  5. 阿強:

    I miss your strong, smooth hand!

    回覆刪除
  6. 熱烈支持你加入我們

    回覆刪除
  7. 車兄

    當時你唔係前衛青年, 係 ( 現代 )青年,
    當年電視台流行穿緊身褲現代舞

    回覆刪除
  8. 泰國人妖劇團現召募台前演員

    回覆刪除
  9. 大文,
    阿強...嘛....虛構又好, 真有其人又好, 大家心照算把啦!

    藝術要小眾先型...這個題目有排講.
    我諗視乎'受眾'點睇?
    如果佢攞"藝術"嚟炫耀自己,
    就會有咁高深講咁高深
    如果佢當"藝術"係文化娛樂
    就雅俗共賞!

    回覆刪除
  10. Deserfox
    haha~~
    我為咗學好英語, 而家同老佬相處緊,
    well~~he's coming me,
    excuse me for a while!

    回覆刪除
  11. 各方好友,

    本人強力熱烈向大家推介:
    "阿強回憶錄"中阿強的其他幾段"健身經歷"
    都幾驚險奇情...

    卡臣上

    回覆刪除
  12. 歪歪
    該名前衛青年終於喺25歲前領悟到,
    以為自己係無腳嘅雀仔,
    其實一出身個日已經死咗, 邊度都無去過.
    從此不再以追求前衛為目槱,

    安於本份,營營役役
    喜歡主流大眾大路.
    大路過印度導演薩耶哲.雷的《大路之歌》,
    呀!佢有時都忍唔到口添~~

    回覆刪除
  13. Moore
    it's nice to talk to you again.
    i know you almost forget how to speak Cantonese.

    Are you live in LA or Lamma Island?

    regards

    回覆刪除
  14. SNOWY
    妳試過最前衛的行為是什麼?

    行為藝術?

    回覆刪除
  15. 熊熊合唱團

    Bear Bear, sugar daddy,
    軍佬, 姊妹們, 妖精們
    一齊高唱:
    ~~ We are family
    I got all my sisters with me
    We are family
    Get up ev'rybody and sing ~~~

    回覆刪除
  16. tv buddy
    唉~~當年[現代]
    如今[縮代]啦

    回覆刪除
  17. 泰國旅遊發展部

    多謝邀請, 不過我唔識開汽水蓋
    加上曼谷鱷魚潭請咗我
    你的好意心領.

    回覆刪除
  18. 卡臣,我試過最前衛的行為藝術是...一路un腳一路了鼻屎。

    回覆刪除
  19. Snowy
    唉, 小兒料啦
    我記得我幼稚園嘅時候
    食過自己啲鼻屎, 鹹鹹地!
    服未?!

    回覆刪除
  20. 阿強有咩吸引到Moore??
    其實男同性戀者會點樣揀對象呢?

    回覆刪除
  21. mona
    問得好, 我都唔知我個friend阿強
    他其貌不揚, 乏善可陳!
    點解吸引到gay man?
    可能冤豬頭都有盟鼻普薩!

    "其實男同性戀者會點樣揀對象呢?"
    呢條問題呀...
    交俾:熊熊合唱團,泰國旅遊發展部,moore
    指點吓迷津啦!

    回覆刪除
  22. snowysoso :我試過最前衛的行為藝術是...一路un腳一路了鼻屎....



    >>>> 呢個係行為嗟,藝術就...都唔係唔得既,藝術領域好闊既其實~~ @@.....~


    在深情的鼻孔裡,撩了不粿孤獨的鼻屎,在鹹鹹地的感覺中,看透了這粒鼻屎的喜怒哀樂......

    回覆刪除
  23. man
    行為藝術呢家嘢...
    我試過喺鳳凰山頂, 對住梅窩方向痀尿.
    點知突然風向逆轉
    為防弄濕條褲,
    硬生生hold住尿勢,
    這一仗好傷呀.
    直到現在仍然未痊癒
    廢廢地~~

    回覆刪除
  24. Carson,

    Why are you asking? Want to meet up? Do you have strong, smooth hands like 阿強?

    回覆刪除
  25. Moore,
    sorry, just curious!
    forget it please.

    everybody said my hand is thin and bony.

    回覆刪除
  26. 有人認為,睇唔明既野,就係藝術,於是新浪潮、無題裝置....可以是高深哲學,也可以是故弄玄虛,因為很難評價。
    我認識一些同性戀朋友,他們之間有尋偶的態度,有時候是試探,有時候也會表錯情。

    回覆刪除
  27. hahaha maybe skinny hand is more attractive to Moore?!

    唔好意思,搭了爹~:p

    回覆刪除
  28. 係咪好興奮呢果下...

    人腦善忘, 但係呢d 「驚/經驗」真係十幾年後都會記得...

    「我朋友阿成」都有過類似「你朋友阿強」的遭遇, 等我又試下寫出黎先。

    ^o^

    回覆刪除
  29. 【陰陰下 R 掌心】呢....

    真係...好咩既~

    回覆刪除
  30. 巴黎旅客,
    妳旅居巴黎15載,
    由妳講藝術真係實至名歸!

    有人話藝術=偽術,
    Art即係呃錢,
    都係一線之差

    回覆刪除
  31. Mona
    "maybe skinny hand is more attractive to Moore?!"

    Depends on whether Moore is "0" or "1"?

    回覆刪除
  32. 渣古兄

    你有個朋友叫阿榮,又有個朋友叫阿成?
    唔使審...你呢兩個朋友根本係..........你嘅朋友,
    sory! 講咗廢話添!

    回覆刪除
  33. 大文
    【陰陰下 R 掌心】呢吓....如果係女仔就叫纏綿啫, 如果你阿moore就叫____啦!

    題外話
    今晚睇[星期二檔案]今集講姓名
    找了一個50歲的地產舖老板
    他身分証真名叫陳大文,
    哈哈~我知唔係你老哥

    回覆刪除
  34. 你知唔知我身份證號碼,係全香港 --> 入境處公認最特別。

    我唔係呃你,真係做戲咁做。

    回覆刪除
  35. man
    [你知唔知我身份證號碼,係全香港 --> 入境處公認最特別。]
    咁堅?
    但係你又唔能夠講出嚟,
    係咪709394? 000007?
    199999? 888888?

    回覆刪除
  36. 卡兄:

    不違言,真是很堅!有次我遺失身份證去補領,高級入境主任特別親自要對著我,反覆看我的資料,原來真有這類人!


    [000007?199999? 888888? ] 唔係呢 d ,唔會有呢 d number ,係好合邏輯但又一定要存在那種,真是遲一個早一個都唔得,就只能有一個人能存在這號碼。


    我回想當小孩時申請兒童證排隊時( 要取籌) ,如果我排前一個或排後一個,或不是那一天去排隊,就不會有這號碼。

    回覆刪除
  37. 鳳凰山頂,對住梅窩方向痀尿...一路 un腳一路撩鼻屎....

    snowysoso 同 carson 講嘢都好核突變態....




    PS : but it is 賣飛佛 ~ 哈哈哈哈..哈哈.

    回覆刪除
  38. 陳大文:"but it is 賣飛佛 ~ 哈哈哈哈..哈哈." <---你好似"IQ博士"裡面嗰個"則卷千平"自己响度傻笑咁。=D

    我嘅核突變態level只限於"IQ博士"gor D。 將核突嘅嘢卡通化,所以我所講嘅屎,其實係粉紅色gar (小雲日日玩gar D 呢!)
    我唸你嘅變態level高好多。=D

    回覆刪除
  39. 則卷千平...好懷念呢個名.

    咦, 妳既鼻屎粉紅色架,咁正?

    唔好講笑,儲埋一袋擺上網 bid 啦....

    ebay 幫唔幫到妳?

    但小吉係玩...屎架喎,咁...無嘢喇。

    回覆刪除
  40. ...傻瓜.....傻瓜....傻瓜....(烏鴉飛過~)

    回覆刪除
  41. 卡臣:

    比佬挑...逗我都試過,哇,竟然條佬咁無眼光,哈哈!

    回覆刪除
  42. I thought "ah keung" is telling something interesting from his past theatre experience...

    however it turns out to be another "straight vs gay" story...

    回覆刪除
  43. snowy & 大文

    咦? 粉紅色的屎?
    如果我一個禮拜剩食stawberry
    會唔會痀出粉紅色的屎?

    又:是否排泄時肛門要順時針定逆時針打圈,
    才能痀出粉紅色的屎餅?

    回覆刪除
  44. Laulong
    "竟然條佬咁無眼光,哈哈!"
    嘩! 你一副黑超威武樣
    好制服誘惑嘛!好多gayman對制服有fantansy!

    回覆刪除
  45. Nost
    阿強下次會講一單異性事件
    (不日上演)

    回覆刪除
  46. 卡臣 提到...

    Depends on whether Moore is "0" or "1"?

    小弟無知,什麼是"0" or "1"?

    阿強回憶錄"中阿強的其他幾段健身經歷,有幾項我也曾經有相似經歷。每次我都向健身室人員投訴。投訴多了那好事者的會籍便會被取消。

    回覆刪除
  47. ERIC
    我都係聽番嚟咋~~
    1者;男性化啲,主動啲(攻擊型)
    0者;女性化啲,被動啲(受襲型)

    你有相似的健身經歷呀?
    對方是西人嗎?
    會唔會因為你係華人, 喺西方社會, 成為螞蟻眼中的蜜糖?

    回覆刪除
  48. 卡卡:
    >如果佢攞"藝術"嚟炫耀自己,
    就會有咁高深講咁高深
    如果佢當"藝術"係文化娛樂
    就雅俗共賞!x2

    回覆刪除
  49. hana,
    妳彈琴藝術造詣咁高超,
    我對妳, 梗係肅然起敬啦!

    如果有人當藝術係工作,
    即所謂藝術工作者
    咁佢以什麼姿態出現(懶有嘢)?(當工一份)?
    就反映佢對藝術的演繹.
    sorry~~我好廢話

    回覆刪除
  50. 香港最弊既,就係將【藝術】,同【德高望重】視為同一樣嘢,而【德高望重】,又要同【搵唔到錢】,又係連帶關系。

    即係藝術人,係要窮光蛋,而搵到錢既藝術人,就係【 唔 Art 既 ~】

    而【德高望重】,就係要全世界唔明你做乜,而唔明,因為觀眾 low level 。

    因此,市民仍然對藝術行業,認為係好遙遠...好遙遠...

    回覆刪除
  51. 卡臣,

    原來如此,即係當1同0係象形文字咁。。。

    對方都係西人。可能佢地食厭西餐,想試下D中餐掛。這裏華人又比其他大城市少。所以連我呢D咁既質素既人都有人吼囉。

    回覆刪除
  52. 大文
    嘩!你講得好中!
    藝術界有啲江湖地位崇高人士
    自動己棄物質享受
    過簡樸生活
    一啲以"藝術"為名的跑江湖
    賺過滿堂紅.

    不過藝術係百花齊放
    有另類也有商業取向
    太過單一發展或單一選擇都唔好

    回覆刪除
  53. eric

    "所以連我呢D咁既質素既人都有人吼囉。"
    咁你又唔好咁講!
    我睇過你fbk啲相啦
    型!

    回覆刪除
  54. 咦,你幾時有我既f/b account架。
    點都好,多謝晒先。
    不過而家我就唔係咁型啦,唉。

    回覆刪除
  55. 係啦Caron,你點有ga? 呀Eric都冇add我ar!!! =0

    回覆刪除
  56. eric & snowy

    即係咁呀....我搞錯咗
    此eric,不是彼eric呀
    sorry!!!
    年紀大, 機器壞
    成日搞錯!

    回覆刪除
  57. 傻瓜.....傻瓜....傻瓜....(烏鴉飛過~)

    =D

    回覆刪除
  58. 咦,呀snowy,乜你想add我咩,點解我唔知既?

    回覆刪除
  59. eric & snowy
    吓! 你add我,我add妳!
    借我地方公然調情?眉來眼去?

    有冇搞錯!!!
    唔預埋我!!

    不過算啦,我身處東方
    你兩位身在西方.
    我只好忍痛...祝福你哋喺地球另一面, 從此好快樂咁生活落去.

    回覆刪除
  60. What about me? am I considered in the west? or rather at the end of the world?

    回覆刪除
  61. desertfox
    你...直情喺世界村之巔啦!
    如果香港係地球,
    你就住喺北區沙頭角啦!

    回覆刪除
  62. 卡卡"我只好忍痛...祝福你哋喺地球另一面, 從此好快樂咁生活落去."

    傻瓜....傻瓜....傻瓜....(烏鴉又飛過~)

    =D

    回覆刪除
  63. sava
    long long time ago~~~
    i'm afriad you don't know him

    回覆刪除
  64. snowy
    我回妳一句:
    電髮....電髮....電髮....毛虫都電髮~)

    回覆刪除
  65. 嘩,snowy名花有主,唔好亂講,我驚俾人打架。

    回覆刪除
  66. just curious, is this a make-up story or a true event? If this is true I wonder why "Moore" is so dare & bold to flirt "ah keung" on stage- such a high profile action?

    回覆刪除
  67. 如果阿強或你(99.9%)好彩遇到"白花油王子",就不是手心這般簡單,是胸或大腿?

    Vincent

    回覆刪除
  68. NOST
    這故事半真半假啦!
    不過有啲gayman好進取,
    無視其他障礙物
    勇往直前!

    回覆刪除
  69. vincent
    白花油王子?
    起碼有張500蚊紙扔俾我.
    夠食幾餐啦

    回覆刪除
  70. 有人留意自己, 總好過像透明似的...
    好鍾意呢 d 自謿的故事.

    回覆刪除
  71. 响你個 blog, 最愛歡迎男配角, 阿強當之無愧啦~~~

    回覆刪除

LinkWithin

Blog Widget by LinkWithin