~~~~~~~~~~~~~~~~







2008年5月26日 星期一

摸手仔

摸手仔

雖然時代進步,男女關係比以前隨便咗!
但仍有不少「怕醜仔」或「電車男」,
唔知點樣可以親近異性,,摸吓手仔。
今次數吓有咩方法可以摸到心儀對象的手:

第十位:扮識氣功
「橋」唔怕舊、最緊要「受」!
扮識氣功,可以從自己掌心輸出真氣給對方,
有病醫病,無病就強身!
乘機跟心儀對象四隻手,掌心對掌心,享受一分鐘的手溫。
(因為對方feel唔到真氣,一分鐘後就被人拆穿!)

第九位:物件交接
叫心儀對象傳遞物件給自己,
例如對方找錢、遞刀叉、交文件的時候,
詐傻扮懵地好似唔覺意咁輕輕摸吓對方的纖手!
扮嘢講句:「Oh! sorry!我無心架!」
揩一揩止住渴先!

第八位:打麻雀
跟心儀對象打牌,輪到洗牌時,
8隻手喺麻雀枱度任撞任揩任摸。
這是中國傳統最早的合法身體碰撞!
無人會發覺你「醉翁之意不在牌」而在「手」。

第七位:Give me five
雖然大家都係中國人,但香港人愛扮西化。
有開心嘢發生的時候,走到心儀對象面前,
興高采烈地嗌:「Yo!Give me five!」
如果對方「騷」你,你就可以擁有一秒鐘的蜻蜓點水式接觸!

第六位:作病手涷
見到心儀對象嗰樣唔多舒服,好似「作病」咁,
就第一時間撲上前、一手觸落佢隻手度,
親切慰問:「咦?妳隻手咁涷嘅?妳病呀!」
雖然佢會縮番隻手,但你都享有2秒的溫存。

第五位:按mouse
如果心儀對象遇上電腦問題,
你就自告奮勇上前幫手,
一手揸落佢按緊mouse的玉手,按正確的command。
她可能立即縮手,再用目光厲你一厲,
你解釋因為一時情急之下才這樣冒失。
成功騙走3秒鐘的溫柔!

第四位:交通工具扶手
跟心儀對象乘搭巴士地鐵火車輕鐵,
架車疾一疾,你就本能地要立即抓緊扶手,
你的目標當然就是她已按在扶手上的纖手!
一嘢按下去,講聲sorry!
換取兩秒的觸電感覺。

第三位:多餘hand cream
如果你跟心儀對象算是相熟,
冬天乾燥的季節,
把很多hand cream塗在自己手上,
走到她面前說:「我吱多咗啲hand cream喺手,益吓妳呀!」
自己雙手觸到她的雙手,表面上把多餘的hand cream揩到她手上,
實質是一種輕度的纏綿。

第二位:鬥手掌大小
跟心儀對象無聊吹水,
話題扯到手掌的大細,
提議比一比誰的手掌夠大。
兩隻手拼在一起量度,
有心者盡量用說話拖延時間,
爭取多一秒的旖旎。

第一位:打手背遊戲
跟心儀對象講「童年集體回憶」,
重溫小學時候玩過的一種「鬥反應快的打手背遊戲」;
兩人四隻手掌上下緊貼,下方的手心反轉拍打上方的手背,
一方鬥快打、一方鬥快縮。
如是者,做下方的你只要唔出手,你可以hold幾耐就hold幾耐,
這一招是十種方法中最持久耐用的摸手方法!
(如果對方肯跟你一齊傻的話。)

另外還有:「表演後牽手謝幕」、「紀律部隊手牽手做人鏈」、「牽手祈禱」、「幫人做水晶美甲」、「睇掌」。




125 則留言:

  1. your arm in the pic is very macho wor, man!!

    回覆刪除
  2. 大文
    又係喎, 示範Gay握手, 用中指ur對方掌心.

    nost
    yes, 用photoshop執相, 要幾粗都得.

    回覆刪除
  3. 嗱,都話換過幅相嘛,呢幅都幾好,手瓜起晒展咁樣,最好有埋 slide show囉,不同角度 ( 盡量靚樣 ),實的的咁,可以既話, show show 個倒三角,咁就隨時過千留言喇....

    回覆刪除
  4. 卡臣,你張新相晒你嘅麒麟臂簡直令男士自卑,女士噴血!

    不過你隻左手好似喺擺緊托腮蘭花手咁嘅?

    回覆刪除
  5. 嘩,卡卡,步驚雲的麒麟臂!嚇死人!

    回覆刪除
  6. 大文兄
    我有張上半身半裸照
    係游泳相
    諗過放上去
    不過臨崖勒馬(張相好作狀)
    雖然呢排興真身
    都係唔好去咁盡
    費時你地作嘔
    為香港市容出多一分力!

    snowy
    過馬路呢招...女方覺得男方斑馬線前衝燈是否魯莽?
    如果唔趕時間,無謂咁危險
    請問女孩如妳:
    過馬路時拖手,替男士加分定減分?

    回覆刪除
  7. 歪歪

    我去大雄寶殿時拍的,
    「不過你隻左手好似喺擺緊托腮蘭花手咁嘅?」<----我講緊手提電話咋!

    laulong
    睇你啲相
    你都係運動型
    你都好fit呀!

    回覆刪除
  8. 嘩..好勁喎卡臣~你唔會打人架呵?比你打一下肯定即刻飛上外太空!!

    仲有d人係公共交通工具上扮訓覺隻手唔小心掂到~~

    回覆刪除
  9. MONA
    我打唔打人? 我連蟻都唔踩死一隻,

    「仲有d人係公共交通工具上扮訓覺隻手唔小心掂到~~」
    喂~~work唔work架?
    詐訓呢招...好易上差館
    加上我個衰樣
    差佬實信女事主啦!
    喂~監倉有冇得上網架?
    無? 咁真係大鑊

    回覆刪除
  10. 下?咁你老婆見到"甲由"點算呀?佢自己搞掂??

    哈哈..我個朋友試過係巴士上俾人扮訓捉住隻手囉~你就唔好學啦!遇到勇敢的巾幗到時冇得睇你d小說了~ ^^

    回覆刪除
  11. Wai Carson,

    又係同Model 開唔開放同一個問題。
    佢係好男仔而我又鐘意嘅,佢過馬路時拖手係唔會加分or減分嘅,不過我欣賞creative D嘅 Idea. 我覺得氣功嗰個幾得意吖。 =D

    回覆刪除
  12. 素素...

    亞姐呀,即咁架,香港呢,同 USA 有啲唔同,在香港呢,男仔咋咋帝拖女仔手過馬路,唔似好 work 囉,因為香港女仔領導性好強,分分鍾係帶番個男仔過馬路架囉。

    而且香港女仔,【係唔鍾意俾人 lead 住】架,知無?

    回覆刪除
  13. Fit 乜鬼,成隻水唧!

    其實最殺食都係睇掌、拖手過馬路(尤其吼車嚟緊嘅時候,不過判斷要準確,唔係就乃嘢)!

    回覆刪除
  14. MONA
    人不犯我,我不犯人
    如果見到"甲由"
    咁sorry啦,一嘢拍落去
    等佢用最少痛苦死去
    (有啲人用火機燒吓觸鬚,折磨甲由至死)

    「巴士上俾人扮訓捉住隻手」
    嘩!佢發夢kiss咪直情咀落去?

    素素
    妳覺得氣功嗰個幾得意
    我就覺得hand cream得喎
    有人試過,work架!
    效果唔核突架

    回覆刪除
  15. 大文兄

    我都對過馬路呢招投反對票.
    所以不入十大.
    好鬼老土,仲弄巧反拙

    另:如果睇戲買盒大pop corn
    自己一手在盒內stand by
    等她伸手入嚟,都摸到一吓架!

    laulong
    睇掌呢家野
    現今少女一眼就拆穿:「你想搏懵呀!」
    好瘀架!
    話摸骨都無人信
    我最清楚.唉~~

    回覆刪除
  16. Diamond, 唔駛咁,我唔係你呀姐,除非你想上契做我弟弟啦。=D 阿Carson問緊"請問女孩如妳:" 唔係D香港女仔。不過呢,我都覺得D香港女仔好奇怪,唔係賺好多,但係又以為自己好女强人咁。唔鍾意俾人 lead 住? 我有個朋友個女朋友都係,成日覺得自己好醒好勁好正,好難頂。分咗手啦,依家想tum 番個男仔複合。個男仔唔采佢lu。

    回覆刪除
  17. 最好都係教女仔打高爾夫球的正確握棒姿勢及揮棒動作,一來可以show off識打golf,扮上等人,二來可以摸手仔,三來可以企係佢後面係咁貼實佢。。。貼到實一實。

    回覆刪除
  18. 我唸呢個topic太乖啦。依家D人,未必拖手先。可能連拖唔拖手都唔care。 不過男仔會唸點先可以拖個女仔手係好可愛係一件事。其實當年我個QC仔都係當過馬路咁想拖我,我縮咗手,扮冇嘢發生過。=D

    回覆刪除
  19. 吓,我唔信掌相,又唔識睇;咁佢話識喎,咪我比佢睇囉。幾好架,玉掌捧著我的肉掌,又握又揑,不知幾鬼舒服,幾鬼冧!

    回覆刪除
  20. “我去大雄寶殿時拍的,我講緊手提電話咋!“

    Sorry!原來你係傾緊電話,我仲以為你俾Moore摸完隻手之後變咗蘭花手𠻹。

    响大雄寶殿門口傾電話,打直線問准耶穌先至入去吖?

    回覆刪除
  21. 唉,素素,個QC仔你唔 buy 啫。

    其實拖人都要自量,不打沒把握的仗!

    回覆刪除
  22. 素素:

    > google.com > 打【香港增補字集】,install 增補字。

    咁就好多廣東話香港新增字都九方出到喇。

    回覆刪除
  23. laulong

    哈哈~ 個QC仔我buy呀~ 佢好乖。我唔buy D "醒字派"嘅。 (大文之前提過嗰D呢)

    我縮手唔係因為我唔buy,而係無端端拖我我有DD嚇嚫,唔知點反應。

    回覆刪除
  24. 素素:

    妳在 USA 架喎,下話,乜 USA 都有呢類女華人?

    無他,可能睇得香港華人無線電視 TVB 多,學習學習。


    仲有,卡兄呀卡兄,而家呢,即咁架,香港女仔呢,要瘦身,知無? pop corn 呢啲【高熱量無骨膠源無保濕】既嘢,香港女仔見到搵路走架囉。

    或者一路睇戲,整盒 2036 【零脂胞子】呢,可能有用。


    反而呢,帶香港女仔去 L F K ,好鬼仔 feel ,盡量【側田】少少,一杯隊隊下,個女仔自動自覺拖番你轉頭囉。

    OK, fine ~ well, anyway ~ sure, dumn it , oh, yeah ~ I get it ~~

    回覆刪除
  25. 多謝你呀大文,我會去download架啦~ 你眞好。
    其實我係好欣賞你。

    回覆刪除
  26. Hey ,素素 ~~ ,醒字派梗係唔好啦,男人呢,最緊要乖乖地,聽聽話話,咁至無作反架嘛。


    男人,要管架,如何唔係,男人多豬朋狗友,作反架呢。千祈要留意男友既身邊朋友架, check 住佢,小心小心!



    男人呢,太有意見唔好架,多多聲氣,通常呢啲呢,唔錫女仔架,乖乖地,由你做番領導,咁就包無衰喇。

    回覆刪除
  27. [ 其實我係好欣賞你。...]


    嘩咦? 呢句嘢,好似有啲潛台詞咁喎....




    其實以你呢啲咁既衰神...哼!!!唔死無用啦...但又衰唔晒,其實我係好欣賞你...

    回覆刪除
  28. Eric
    「可以企係佢後面係咁貼實佢。。。貼到實一實」嘩嘩嘩!
    邊度賣球棍最平?
    二手價幾多?
    上網bid返支先!

    laulong
    哦!原來你係被動果位
    唔怪鬼咁得戚啦!

    回覆刪除
  29. 歪歪
    阿moore單嘢無後遺症
    我call緊九折taxi由栴窩返澳門氹仔
    點知無人肯接
    有錢都唔賺

    大文兄
    係喎!pop corn條橋唔掂!
    都係去LKF好啲
    不過如果夠膽去LKF,
    應該唔係怕醜仔,
    已識如何拖女仔


    素素
    妳呢句潛台詞會唔會係:
    如果你喺QC仔出現之前出現,你估而家會點?
    不過無論如何, 其實我係好欣賞你...

    回覆刪除
  30. 哈哈..原來你唔踩蟻,係踩曱甴!hahaha

    所以話女仔搭車真係唔可以訓覺,比人摶"蒙"都識閃~

    另過馬路拖手身為女仔的我又覺得幾好喎~起碼睇得出個男仔細心又照顧人!當然,過完應該即刻鬆手~

    回覆刪除
  31. 卡卡:

    得セ鬼戚,嗰段嘢 N 年前咯,個女仔已經嫁咗人,新郎不是我,雖然 --- 她的眼晴,幾次望我,隱約珠淚繞,不應有恨,毋用自苦,今天應該笑......

    哈哈,上高有一半作嘢!


    素素:

    咁嗰個 QC 仔咪死得好慘。其實出得嚟 "行",大家應該心裏有數。



    Mona:

    想當年,唔係我唔鬆手,係佢唔鬆手呀!

    橫掂我都係想拖佢啫,咪齊齊唔鬆手咯!好彩輸麻雀輸到慣晒,一的都唔緊張,手心無出汗!如果唔係,對方都幾惡頂。

    回覆刪除
  32. The one that always work for me....

    "Are you cold? You look cold. Let me check..."

    By then my hand is already on her hand. It worked out for my last 2 gf.

    回覆刪除
  33. 嘩嘩嘩!
    你手瓜總粗過我大腿。
    勁勁勁!

    回覆刪除
  34. 其實 facebook 一早已有得睇了。


    PS : 嗱!都叫你換相啦,睇下! 有反應喇!唔好講笑,輸幅倒三角相先啦快啲!

    ( 盡可能三角泳褲,唔該。 )

    回覆刪除
  35. 乖唔代表冇主見架。你地唸得太negative啦~
    或者眞係冇見識過又好品又聰明嘅男生。
    佢好多嘢都lead到我,仲好有遠見。
    算啦,我同嚫香港D人講PHD, 佢地眞係以為人地太高學歷冇人會請,儍架~ 一個未畢業嘅Google都高薪請佢。聰明人係唔會擔柴擔米架。

    回覆刪除
  36. Diamond,
    我話我好欣賞你,但係唔會講欣賞乜。廢事你囂囂張張咁啦~

    回覆刪除
  37. laulong
    容我代素素回答:
    「咁嗰個 QC 仔咪死得好慘。」
    個 QC 仔不但無死, 仲成為素素而家嘅男朋友, 女生縮一縮, 矝持啲嘛!

    desertfox
    問病條橋得呢!
    未婚妻都係咁識返嚟!
    未婚妻被你摸一模
    手涷都暖返啦~~

    回覆刪除
  38. Hana
    哈哈~
    我手瓜總粗過妳大腿?
    可惜我大腿之間的嘢細呀
    陰公~~

    大文
    選港男啲泳裝呀?
    我驚要....塞多幾對襪入泳褲先映

    回覆刪除
  39. 素素

    我支持妳
    拍拖係兩個人嘅事
    妳話ok就ok!
    妳兩個happy就得啦
    祝妳早日開枝散葉
    瓜熟蒂落
    兒孫滿堂

    回覆刪除
  40. 我記得第一次跟女生拖手
    是暑假
    兩人行行吓
    兩手揩吓碰吓, 就黐埋鉤住
    好自然咁拖手, 無施奸計!

    突然想起阿Lennon
    佢用英文同我講:
    Oh yeah, i'll tell you something,
    I think you'll understand.
    When i'll say that something
    I want to hold your hand,
    I want to hold your hand,
    I want to hold your hand.

    Oh please, say to me
    You'll let me be your man
    And please, say to me
    You'll let me hold your hand.
    Now let me hold your hand,
    I want to hold your hand.

    And when i touch you i feel happy inside.
    It's such a feeling that my love
    I can't hide, i can't hide, i can't hide.

    Yeah, you've got that something,
    I think you'll understand.
    When i'll say that something
    I want to hold your hand,
    I want to hold your hand,
    I want to hold your hand.

    And when i touch you i feel happy inside.
    It's such a feeling that my love
    I can't hide, i can't hide, i can't hide.

    Yeh, you've got that something,
    I think you'll understand.
    When i'll feel that something
    I want to hold your hand,
    I want to hold your hand,
    I want to hold your hand.

    回覆刪除
  41. 乜有人話 PHD唔好咩,唔係丫化?我見唔到喎,乜其他人有見到麼?邊位老細有講過呢又...?

    PHD 無人請,唔會架喎,起碼我個人所理解係唔會。

    但當然要睇下係咩 PHD 啦。係咪?

    香港呢,見好多 PHD 搵唔到工,唔係香港人唔鍾意 PHD ,而係太多 PHD 根本唔知讀乜科,上 PHD 太容易,咁梗係難有發展啦。

    而且香港太多 PHD 好強調自己行出嚟係:

    [ 我係 PHD !] 唔願意接近個社會嘛。

    回覆刪除
  42. 香港好多企業係好需要 PHD,但大佬,而家大學生太濫,董建華時代,叫啲人搵唔到工就去讀多幾年 PHD ,結果呢,社工系又 PHD;乜乜社會科學又 PHD、連乜乜都唔知咩科又一堆 PHD。

    咁,連果班 PHD 都唔知自己做得乜,當然死啦。


    PS : 唔好錯誤解讀,我係講香港情況,唔係海外,香港係有呢個問題。

    回覆刪除
  43. 多謝你呀Carson! 我成你貴言。=)

    Diamond, 唔係淨係咩科架,有時係邊間學校。 有D讀Aerospace,未grad已經番咗香港做飛機師。 有個女仔Harvard讀History,依家做IBank。有時候係好睇你咩學校,D engineering major 個個做咗Trader, Private Equity。 完全唔關咩科事。香港係好名牌效應。 當然佢地係好願意接近個社會嗰班,就算唔係好願意接近社會嘅都响科大做prof啦~

    回覆刪除
  44. 素素,

    我同妳講丫,香港 made in HK 果啲 PHD ,真係....好參差 ( 我已經形容得好俾面了 )。

    妳講果啲 Harvard 讀 History;劍橋讀乜乜果班 PHD,除左名牌效應,人地出名大學既 PHD ,真係好 PHD ,即係真係有料同有視野。

    你一定明我講乜啦。


    但香港果啲 PHD ,唔可以話個個水皮,但真係為上 PHD 而 PHD ,係當年董先生營造出嚟既副產物。

    回覆刪除
  45. Diamond, 明白曬,此PHD不用彼PHD。
    董生...唉,我都聽聞香港嘅博士學位係唔多吃香。 都幾慘。

    回覆刪除
  46. 有唔少類似企業營運既講座都研討過這問題,我所指的講座,唔係 cheap 果種才俊 Sales Talk ,而係 Morgan 之類或大型獵頭公司或 PR Firm 果種。


    有好多大企業,會請好似好九唔搭八科目既人才,例如請一個地質學家去處理汽車業務;或一個哲學既人去管理醫療事務、甚至一個讀機械力學既人去做金融!


    唔係講笑,係真有其事,事實證明係好 work 既。


    何解,究其原因,例如讀機械既人,好講求精確,於是金融機構國際視野認為勁;同樣,讀哲學既人可能被認為懂得冷靜思考,管理以人為本既醫療事?事務,會好適合。


    妳提到的例子也多的是,很多讀乜乜文學既人、歷史既人、或誇張到有人曾受軍訓,結果 I-Bank 反而認為呢類人有獨特思維,而果啲讀 M B A 或 Econ 既人,反而唔考慮,理由係有啲人無獨特思考能力,例如乜嘢都 MBA ,乜嘢都 講經濟,未必好。


    係要睇果個人既 Talent ,而係個人獨有既 Charter ,令人覺得【你真係唔同啲架喎!】,誇國企業係睇呢啲。


    只係本港中小企會喜歡水蛇春咁長張 Resume ,香港而家呢,又副學士,又人人大學生、又幾百樣 Deploma、又乜乜 PHD ,但衰無個人獨立思考。


    有一位讀碩士既姐姐同我講過好經典,我係讀 Journalism 既,當然識乜嘢叫做採訪,但那位女士竟然同我講,佢有副選科係要學新聞學,果個所謂既 PHD 定乜乜講師,可以完全未做過新聞機構,連基本既新聞鈙事技巧都無,甚至新聞機構架構都一無所知!


    但佢教你 Journal 架喎,堂堂都係用 Reuters 、外國新聞報導呀,得個講字,九唔搭八既,採訪程序又唔知、點樣捉問題又唔識,死未?

    回覆刪除
  47. 係外國,有D博士都好廢架。就算係D名校,如果個博士導師(PhD supervisor)係廢柴,一樣都好唔掂。揀學校,倒不如揀supervisor。名校都會養埋D好唔掂既廢人。而且為數真係唔少。

    不個名牌效應,點廢都好,有個牛劍Ivy league嘜頭,就好似D名牌手袋咁,搵塊爛布做,只要有個大大既LV印上去,就有人搶。有人搶就OK啦。。。

    有D從外國黎既學生,係為佐移民鋪路,仲死,好日都唔見人影,英文又好唔掂,唔知佢地up D乜春。不過呢D學生通常都好易話圍,冇乜學生津貼都OK。好似黑市勞工咁。當佢地畢業,仲會介紹D同鄉俾佢地既博士導師添。

    讀博士,尤其是科研,多數都係為了將來做研究,但係係香港,真係唔係咁多(其他研究我唔係咁清楚)。

    回覆刪除
  48. 嘩,我才發現卡神的粗壯手臂。好英偉啊。流晒口水喇。我想睇卡神既4X吋胸肌呀。曉唔曉震波架。哈哈哈。
    (以上係代表D女fans留既)。

    回覆刪除
  49. >可惜我大腿之間的嘢細呀
    我哋唔信!
    咁就要:拿出來看看!拿出來看看!(國語音)

    回覆刪除
  50. Hana,你眞鬼馬 笑死我~
    我們一起練習國語:
    拿出來看看!拿出來看看!(國語音)

    回覆刪除
  51. Carson,
    Yes, I did that to my fiance and my ex gf. My hand is somehow much warmer than usual most of the time, even during winter. So whoever grabs my hand will automatically feel the warmth. Easist way for me to initiate body contact.

    回覆刪除
  52. 卡臣:

    題外話:

    如果政府授權你可以合法地殺死一個人,你會

    本來想揀接受,然後殺死一個社會公敵,替天行道

    但最後拒絕接受,可不是因為殺人是不正確,而是何謂社會公敵?一時一地......

    Daniel.

    回覆刪除
  53. Eric:

    講開震波,我仲震得兩嘢。有次中七課期就完,學生就嚟走啦,叫我震,我咪隔住衫震,比佢地影咗,謝師宴放映出來,笑鬼死!

    回覆刪除
  54. 素素:

    原來 QC仔係你真命天子,sorry 丫!佢一定好鬼高質!

    回覆刪除
  55. 大文 / eric
    而家啲PHD俾啲公司中層高層去玩吓
    叫做進修囉
    識吓人,social social吓
    又滿足自己啲self esteem
    喺佢地眼中
    PHD等如學插花茶道整蛋糕

    震波相?
    好!下次post,

    回覆刪除
  56. Desertfox
    人肉暖爐,女性恩物<---正!

    daniel
    嘩! 咁都俾你串通一個故事, 勁!

    Laulong
    嘩!震波阿sir/震波校長
    你做埋學校訓導主任
    學生聞風喪膽

    回覆刪除
  57. Hana & 素素
    請移玉眼去右面一吋位置度
    係咪好細呀?

    回覆刪除
  58. arr Carson,

    隻雀仔好得意wo。

    laulong

    你有Caron咁大隻? 仲識震波? 有冇video share ar?! haha~

    唔駛sorry,係小小嘅誤會嚟啥。 佢係好鬼高質架~ =)

    你知道嘛,佢冇因為我縮手而避開我(好似呀Carson之前寫嗰個愛情小說男主角咁),佢反而好有勇氣同我講,佢好大方亦明白事理。

    跟他拍施以後,他跟我說我已經成為他人生計劃的一部份,由認識我開始,他的每一個決定已不是單單由自己出發,而是常常也會考慮我。

    他對自己要求也很高,由中學至大學也經常參加橋牌比賽亦贏過很多獎杯。精於金融學和數學,現於麻省理工學院就讀金融學博士。

    回覆刪除
  59. 嘩!金融學博士,才俊啊,發發發!

    回覆刪除
  60. 強烈要求laulong及carson貼震波照!!

    回覆刪除
  61. 卡 Zen ~~

    唔好講咁多,就整輯泳裝照,sorry 係泳褲照 ( 泳衣都OK既其實 ),要小褲仔,即呢,好現代果隻呀。

    現代 Blogger ,現代丫嘛。


    素素 ~

    喂,咁亞 QC 博士,拖你手見你縮但佢無避開你...?

    點解會避開你呢又? 咁話明對你有意思,想拖你手,你縮一縮嗟,你又唔係打佢兩巴,下話,咁人地無理由會避開你喎?


    不過咁,你都講得o岩,如果係香港呢,拖手已經,,,,唔係好 work 喇,港式女仔一縮呢,真係要唸走人,因為已經代表無行喇。


    《 香港標準係有啲唔同,與世界各地無關,我覺得啦下 ~》

    回覆刪除
  62. 冇小褲仔既袒胸露X照都得架。

    回覆刪除
  63. eric

    你眞係會摘屋企附近有野生嘅Blueberries嚟食架??!! 唔係呀嘛?! =D
    你都好叻仔呀,我覺得同你地D Bio/Chem PHD學生傾談學到好多嘢。我有個friend同我去shopping會話我知好多skin care products嘅ingredients有咩好。 好有用。有日佢講我知D人成日飲酒有幾傷腦。

    Diamond,

    其實好多男仔都好唔太方+high ego嘅。好唔衰得。 特別係本身條件好嗰D,冇耐性冇毅力。好似黄子華咁講-"三個地鐵站都浦唔到就落車!"

    你講解一下响香港拖手點唔work?港式女仔有乜特別?

    其實除咗拖手呢個考驗之外,當然仲有好多其他考驗,係一齊經歷嘅考驗。

    回覆刪除
  64. 我幾鍾意卡臣新果個問卷調查,你係一個幾特別既 blogger ,其實已經唔可以稱為 blogger....應該話唔止 係 blogger....


    如果真係政府授權可以殺人。日本 80 年代初,有一套漫畫名為【特殺官】,就係講有一個職位,可合法地去殺人,而超越了一般常規法律和道德。

    我唸我會接受,而我會殺.....

    回覆刪除
  65. 素素:

    我唔可以話香港女仔個個【拖手唔 work】,不是指拖手這動作,而是拖手這動作的動機,就算愛情,其實也不全是純感性的,總也要有背後動機,例如起碼要兩人合眼緣,才有後話。


    香港女性現在缺乏中間路線,即是一就很開放,很 wet、很隨便;一就非常過度保守,或自保,自保的程度,已超越了正常男女社交。相反,過度隨便,也令男女關系處於混亂狀態,既要開放,但又想情永在,十分混淆。


    等如,例如一個 wet 女,喜歡 One night stand freedom sex ,但又要求遇上真情天子。 ( 這是引例 ,不要錯誤解讀 )


    香港,女性主導性太強,美化地說是【時代女性、精英女性】,但曲線地,香港女性市場是很矛盾:

    既要時代女精英,但未能接受由女方負責主要家計 ( 指開支$$$ )

    既要奉行強勢女性行為形態,但又要實行【我要嫁人,老公照顧我】。

    是很矛盾的,細想一下就是矛盾。這在我以前寫關於男女問題的文章已有說明。


    *********

    其實我主要不是寫【港男港女】,而是男女矛盾。


    【港女現象,是從社會多元的扭曲因素結集而成,港女不是一個問題,而是一種社會異常現象,港女是一項缺陷的副產物,而男性也在港女問題中佔有互動角色】。

    回覆刪除
  66. snowy: 哈哈,係啊,我好cheap架。又新鮮,洗乾淨就OK。唔只係我,一到旺季,唔少人會拎個籃去採,好似難民冇得食。哈哈哈。

    好多護膚品既成份真係好搞笑,分明搵人笨。做護膚品真係易發啊...你睇下咁多唔係做開護膚既(chanel,hugo boss, 連Tom Ford都搞...)都無啦啦做就知啦。

    我都好想知道港式女仔有乜特別。費事日後撞板。

    回覆刪除
  67. Eric, 大文, 小fans屎

    大家咁高興!
    又咁賞面!
    今晚返屋企我一於post張有胸睇嘅相
    大家宵夜前忌看
    否則驚你地會嘔

    回覆刪除
  68. Diamond

    多謝你喜歡我呢期個問卷調查,
    無錯!
    我其實已經唔可以稱為 blogger....
    應該稱為....一個黐撚線嘅blogger

    你講果套漫畫【特殺官】,我錯過咗
    聽落都好堅啫!

    你會接受,而你會殺? 透露吓好喎!

    回覆刪除
  69. eric
    你想知道港式女仔有乜特別。費事日後撞板?
    diamond提供了很詳細的分析
    睇完應該唔會撞板!
    如果都撞板,
    咁就係...運氣唔好啦

    回覆刪除
  70. 卡 Zen :
    【特殺官】同【歌布拉】同期咁上下。

    有胸相睇?係至好講喎,呢度人少少,都係十零廿萬嗟,無嘢既!


    eric, 談男女矛盾文章,我在 blog 已有了。係分析嚟,有點不同的是,我是從新聞角度去看這問題,嘗試去理解【為何會出現港男港女現象】。

    回覆刪除
  71. 素素:

    嘩,高質呀高質!

    男才男貌女才女貌,睇你文字都感到你個心幾甜!

    第時拉埋如果返香港擺酒,請埋班 blog 友就盛事啦,成班老頑童喪姊妹,酒樓肯定拆晒天!


    Eric:

    我震嗰個係乒乓波,卡卡震嗰個係歐聯用緊既世界波,睇佢嗰個得啦!我匿埋唔見得人呀!

    回覆刪除
  72. 其實我想講好耐了,你兩位老兄啲問卷調查成日被我搞搞震架,得啖笑,水份大高了(唔好打女人丫)

    又:都話你勁架啦!大腿之間的嘢居然可以離開大腿,係就係多毛啲...

    回覆刪除
  73. Diamond San
    【歌布拉】<----正!
    右手係支砲果位!
    啲邦女郎衣著好sexy!

    man san的【為何會出現港男港女現象】文章
    到肉抵死!
    一次過可以滿足你三個願望添!


    laulong
    「我震嗰個係乒乓波,卡卡震嗰個係歐聯用緊既世界波,」
    查實我個波係....波子size咋!超細

    回覆刪除
  74. Hana
    我嘅survey本著超無聊的宗旨
    直搗各位腦部主幹深處的無聊神經
    平日生活咁緊張
    一於無聊一陣先!

    我隻雀做完treatment,染了藍色
    佢無離開大腿,只不過危危乎咁「町」住下面.

    回覆刪除
  75. 大文, 素素, desertfox

    原來....原來.....diamond就是「醬爆」!!
    今期興真身披露
    估唔到大文都要露一手
    示金面!

    「醬爆大文」兄,
    嘩!今晚星光煋煋!

    回覆刪除
  76. 最衰【曹查理】幅相俾渣估用左,我本來都想用盧大偉....

    仲記唔記得有條友叫盧大偉?

    回覆刪除
  77. 嘩...咦?

    亞卡先生:

    你幅新相都幾恐怖.....


    等我搵亞蕭定一,同 Kim Robertson + 鄧達志 + 高文安( 健身方面,請勿誤會~) ,撚靚個樣,再同律師傾傾,會唔會構成【令觀眾感到不安】,至貼上嚟。

    回覆刪除
  78. 哈哈~~
    「你幅新相都幾恐怖.....」
    我得呢幅相show 到少少胸肌咋!
    sorry!
    我好從善如流!
    為免引起大家恐慌....都係還原基本步先

    回覆刪除
  79. 九十在望!
    乜恐怖新相呀?我見唔到!
    乒乓波又好波子又好世界波也罷,統統都要睇過先知!
    哈,我好似係度數緊波波。。"我瞇埋雙眼數波波。。。"

    回覆刪除
  80. 嘩~~! Carson, 正當我想留言問你做乜換左張咁爆既相,入到黎就見到咁多留這關於你既「強勁臂"彎"」,紅wor你! (^_^)

    回覆刪除
  81. eric
    Sorry!
    張相都幾驚嚇
    我睇番都有啲餚底,驚有反效果
    立即回收相片
    所以張新相曾經喺今晚10:00到11:30出現過
    有朋友時運低睇到張相,我就say聲sorry!
    睇唔到嘅朋友,就可以考慮去買六合彩,因為你算好彩一族.

    * 我八卦想問大家一句:除咗大文兄,唔知仲有冇人睇過張新相? 如果你睇過就好心話聲比我知.
    等我評估一吓今次造成的傷害,謝

    回覆刪除
  82. Jay
    好耐無見呀姊妹!
    我張相....用電腦執啫
    我紅乜鬼!大家happy吓
    吹吓水咁囉!

    回覆刪除
  83. 大文兄
    多謝同我湊數喎!
    哎呀!唔覺意錯手又整多單
    sorry! sorry!

    回覆刪除
  84. Carson,
    If that girl "lum" that guy, any way would definitely work.
    Is the pic taken in Taiwan?
    P.S. sorry for typing your name wrongly last time :P

    回覆刪除
  85. Carson
    我有看過你的新相片,
    是一條深深的乳溝!

    回覆刪除
  86. 咩相?? 我冇睇到!! Diamond 你應該save咗佢吖嘛~

    回覆刪除
  87. 佢 facebook 有架,果幅有乳溝架!

    有個【人】字既乳溝呢。

    (.人.) <------ This is 乳。

    回覆刪除
  88. Michelle
    如果女仔冧的話,男士就唔使度咁多屎橋.
    串錯名唔緊要
    我知妳叫我就得啦

    張相喺台灣以西南的....大嶼山
    大雄寶殿拍的.

    Tokyohands
    sorry!向你致歉

    素素
    唔使save, 妳睇過架啦
    咪又係facebook果輯相其中一張乞丐相!

    回覆刪除
  89. 文兄
    (.人.) <------ This is 乳。
    你嘅描述真係繪聲繪影,歷歷在目
    佩服!

    回覆刪除
  90. 「我可是你的粉絲啊!」
    只不過詞窮,無留言啫!!

    下次不如寫下女仔反拖男仔手....or 扮矜持呀!!

    回覆刪除
  91. 得喇,皇冠同天地圖書聽日會搵你架喇。

    明窗都應該會。

    陳志雲就安排緊約你。

    回覆刪除
  92. I had to work, so I didn't get to see the picture. What did I miss out on?

    回覆刪除
  93. Jay

    妳是我的粉絲啊?
    係咪friend先, 講啲咁嘅嘢?!
    詞窮唔緊要,妳銀包唔窮就得啦!

    大文兄
    皇冠,天地,明窗,牛津都無搵我呀。
    不過博益就call過我.

    陳志雲就忙於開會,傾緊收購TVB

    講開盧大偉
    我梗記得,佢將尖沙咀鐘樓變走
    自稱「盧大偉高柏飛」
    而家從商

    回覆刪除
  94. Desertfox
    你無錯過任何嘢
    相反係逃過一劫
    並開始踏入你50年大運
    升官發財

    回覆刪除
  95. 哈,大文兄個醬爆 look 好過癮!

    噚晚去咗摸手仔,夜返,睇唔到卡卡的乳溝相,悵甚!

    人貼我又貼,震波無相,整張陳年露點相。

    回覆刪除
  96. laulong
    我第一時間睇咗
    我一早都話你勁架啦!
    macho!!!

    回覆刪除
  97. 卡卡:

    邊度勁?

    整多張粗大肶相。你粗手,我粗腳!


    Eric:

    嘩,你啲推廣勁過我以前做嗰間 O&M.

    回覆刪除
  98. Laulong

    一望就知你腿力驚人
    俾你踢一嘢, 非死即傷!
    降龍十八腿是也

    eric
    只是一名老實人, 記實話而已

    回覆刪除
  99. 劉兄果對 AC 米蘭腳真係無得頂。


    卡 Zen :咁唔好貼文住喇, reply 過 200 至講啦 ~~ @@"V

    回覆刪除
  100. Wa, everybody is posting their own pictures now. Well, I have already done so in my sweden post. As you all can see, unlike Carson and Lau-long, I am just a fat guy seriously out of shape.

    回覆刪除
  101. 卡臣兄~~

    hand cream唔太work丫,因為有D女仔怕污糟呢~~~

    回覆刪除
  102. 大文兄

    「reply 過 200 至講啦」
    嘩!我唔似你咁後生,
    我的持久力唔夠,
    已經疲態畢表,
    大市無力回軟!

    desertfox
    你張哈哈鏡的相
    梗係影到你又肥又矮啦
    你呃唔到我嘅!

    逍遙小妹
    妳好呀!
    原來handcram唔work架!
    好彩我仲未撞板
    臨崖勒馬啫

    回覆刪除
  103. 卡兄,以我後生過你.....幾個月咁大把 ( 我剛過 26...) ,呢度隨時無 200 都 百五。

    一過 150 reply ,已經係紀錄。

    回覆刪除
  104. Diamond
    150嘛~~~~~似乎力有不遞喎!
    不過, 開心過已經好滿足!

    回覆刪除
  105. Carson已經是"reply王" - 117 個留言!

    正所謂:多我一個唔多.

    回覆刪除
  106. VINCENT
    「正所謂:多我一個唔多.」
    你講乜呀!?
    每位朋友我都好重視
    呢排你好忙呀?
    多啲嚟坐至得架!

    回覆刪除
  107. We are a group of volunteers and starting a new scheme in our community.
    Your site provided us with valuable information to work on.

    You've done an impressive job and our entire community will be thankful to you.
    Feel free to surf my homepage petrsloup.cz

    回覆刪除
  108. What's up to all, how is all, I think every one is getting more from this web site, and your views are nice in favor of new people.
    My website :: Acehardwareoutlet

    回覆刪除
  109. Touche. Solid arguments. Keep up the good spirit.


    Also visit my site; adoption.com

    回覆刪除
  110. Excellent post. I was checking continuously this weblog and I am inspired!
    Extremely helpful info particularly the final part :) I handle
    such information much. I was seeking this certain information for a long time.
    Thank you and good luck.

    Feel free to visit my blog acuvue advance

    回覆刪除
  111. Hi there, I log on to your blogs daily. Your story-telling style is awesome, keep
    it up!

    Also visit my site; www.talktyria.net

    回覆刪除

LinkWithin

Blog Widget by LinkWithin