~~~~~~~~~~~~~~~~







2008年5月14日 星期三

* 餞別晚餐 –下集(小說)


餞別晚餐 – 下集(小說)

八卦的Peggy問:「嘩Amily!著得咁靚,紅噹噹!約咗邊個先?」
Amily心虛地說:「我…我…今晚要出席電影首映禮。我有個同學做電影發行,
今晚海運戲院有個首映禮,多咗張飛,佢咪叫我一齊去睇囉!」
Peggy:「套戲妳有份拍架?」
Amily:「傻啦妳!我邊有本事?」
Peggy:「唔係?咁妳做乜著到咁『恆』呀?搏咩呀?!」
Amily:「係咩?我成世女第一次去睇首映禮咋!我以為要著成咁!」
Peggy:「哼!正大鄉里!」

Amily今天在辦公室裏,早已編好這個大話,必要時拿來替自己解圍。
為了Dennis,她甘願被人笑為「大鄉里」,沒有反駁!
就算明天自己被Peggy渲染成為office的笑柄,也是甘心!

到達地下大堂後,兩人分道揚鑣後,Amily拐個彎折返,回到大廈電梯大堂,
這時輪到Amily擔心Dennis會笑自己穿得太過隆重?
1號電梯的樓層指示燈亮起G字,Amily的手有點發抖;
她的疑慮隨著1號電梯門打開而如釋重負。
Dennis穿著窄身黑色西裝,從電梯徐徐步出。
原來Dennis也跟自己一樣,下班時更換「戰衣」應約。
Amily心裡一甜,知道Dennis和自己一樣重視今晚這個約會。

兩人都對這次約會充滿期望,
相信彼此成為一對情侶,只是遲早的問題;
兩人由沙田乘火車到達又一城。
Amily一早已經在餐廳訂了一個幽靜的卡位;
心想今晚一定水到渠城,馬到功成!

大家都想給對方一個良好印象,十分注重飲食禮儀:
由坐姿、點菜、進食、話題、大家都小心翼翼,
結果換來拘謹的氣氛;晚餐變成「志雲飯局」般的一個悶局!

當他們品嚐完主菜後,Amily點了一杯意大利咖啡。
侍應奉上咖啡後,Dennis偷望Amily加糖後攪拌咖啡時的溫柔姿態,
Dennis留意到Amily的手指十分纖幼,攪拌後滲出濃烈的咖啡香味。
Amily把咖啡杯遞到咀邊輕嚐一口後,
Dennis腦中閃出昨夜吃晚飯的情景:
昨夜會計部同事們請Dennis吃餞別晚飯時,
會計部的Eddie談論男女初次約會,如何能試探女方是否對男方有好感和興趣?
Eddie提出兩個試探方法,準確情度高達百分之九十以上!
Dennis決定今夜運用這個試探方法,
來評估Amily能否跟自己成為一對情侶?

首先,Dennis向Amily提出:「妳杯咖啡好香!可唔可以俾我『拔』一匙試吓?」
這是心理學的推理:如果女方樂意讓男方喝她的咖啡,
即表示女方對男方既沒有抗拒或防衛之心,也願意拉近彼此距離和關係。

怎料Amily聽到Dennis的要求後,
Amily立即緊張起來!張大眼睛、提高聲線、斬釘截鐵、堅拒地說:「唔可以!」
她這麼大的突發性反應,把Dennis嚇了一跳!
Amily亦自覺十分失儀,馬上低聲道歉:「Sorry!但係…但係…真係唔可以。」
Dennis心裡涼了一截,難掩失望表情,
畢竟遭人拒絕的滋味不是好受!
更為自己提出的要求感到自討沒趣;
心中已開始冒起打退堂鼓的念頭。

原來拘謹的氣氛令Amily處於緊張狀態。
這間餐廳餐檯上的鹽和糖也是用獨立紙包裝,都是用同樣設計顏色紙包裝,
只是用很細小的英文字「salt」和「sugar」去區別。
Amily一時錯手,誤把一包鹽當糖,搗進咖啡中。
她喝一口時知道自己「中招」,
但基於餐桌禮儀,她裝作無任何異樣,繼續死撐下去,照飲如常。
當她聽到Dennis想喝一口時,不其然大為緊張地一口拒絕!

餘下晚飯的氣氛急轉直下,冷場連連。
Dennis提議倒不如結帳離開。
Amily十分後悔剛才的嚴厲語氣。
離開餐廳後,兩人向又一城的火車站入口邁進,
Amily行到商場的洗手間時,想去洗手間,
其實她忍了好一陣子,不過剛才的冷漠氣氛下令她不好意思提出。
Dennis聽到Amily要去洗手間,他又想起會計部Eddie傳授的第二招,
雖然剛才Dennis受挫,但他對自己說:「給她最後一次機會,如果再衰多次,我就對她宣佈死咗條心!」
Dennis出招:「妳去洗手間?不如我幫妳拎着個紙袋先?」
Amily除了手袋外,還帶着一個anges'b的購物紙袋,
Eddie說如果女方願意把自己的行裝交給男方保管,即表示女方覺得男方可以信任。

Amily聽到Dennis的善意建議後,眼睛轉一轉,
面帶歉意說:「唔使啦!我自己拎得架啦。」
Dennis心裡立即打出「Game Over」的英文字句,仲有閃動的感嘆符號!
在同一晚遭同一人拒絕兩次,Dennis心灰意冷!
望着Amily轉身步入洗手間,
他用八個大字「高興而來,敗興而返!」來總結今晚約會的感受!

原來Amily的anges'b購物紙袋內,放有一份神秘禮物送給Dennis,
是一堆在「無印良品」購買的文具用品,
希望Dennis到新公司上任時,放在案頭上,一使用文具就立即記起Amily。
Amily初聽到Dennis的建議時,本應想把購物紙袋交給Dennis之際,
突然祀人憂天,擔心Dennis會好奇偷睇袋中物件,令神秘感消失!
一念之差,馬上收回承命,話自己keep番好啲,再一次拒絕Dennis的善意。

在洗手間門外等候的Dennis越想越氣結,
Dennis今朝在辦公室時打算:今晚先食飯後飲嘢再表白,
現在遭人冷待,Dennis把「再去飲嘢」的建議,硬生生吞回肚裏去。
巴不得立即消失,亦有想過不辭而別!

當Amily出來時,Dennis發揮演技,扮成神情緊張說剛收到屋企電話,
阿婆急病被送進醫院,他要趕去醫院探望。
Amily見到憂心忡忡,神色慌張的Dennis,立即著他快點趕去醫院。
Dennis半走半跑離開又一城,轉了身的他,十分後悔今夜應約,
破壞了記憶中Amily的美好印象。
剩下Amily一人拿着無印文具,剛才Dennis神色慌張,令她忘記把禮物送上。

往後日子,Amily曾經用手電、MSN、SMS、e-mail、facebook跟Dennis聯絡,
但Dennis用off-line、接駁至留言信箱、開緊會好忙、Out of town等藉口疏遠Amily;
Amily亦知難而退。不久兩人失去聯絡,各自湮沒在人海中。

原本一段剛開始萌芽的感情,被一包鹽和一念之差所誤毀,
最終未能開花結果,長埋在商場洗手間內,從此與陽光隔絕,不見天日。
擺在面前的一段充滿可能性的美滿姻緣,由於緣份上的偏差,
竟變成兩人回憶裏的一抺污跡。


50 則留言:

  1. 像Dennis的男人...船頭驚鬼,船尾驚賊,船底就驚曱甴...

    回覆刪除
  2. 我故意看完上下集才說幾句話。


    很多時候,就是自己太多猜忌、太多顧忌、及太【小心】,而令自己失去了很多東西,或把美事變成壞事。


    在寫字樓文化裡,男士缺少了自己思考能力,常聽所謂的【愛情至尊叻仔】屎橋老點。那些自命情場叻仔,可能是扮得好,講得似,以九唔搭八屎橋來測試愛情,慘得過當事人深信不移,寧願信別人幾句戲話,而不信自己直覺,相反,女性世界也有這類【三毫子一擔軍師】。


    那些軍師,本身可能就是愛情生活亂七八糟,正如一個炒股票輸多贏少的人去指導別人至富之道。


    **********


    我從這篇小說,曲線地看到另一層面,那些愛情軍師,就如市面上的半紅不黑廉價才女,在自我情場幻得幻失之餘,自我投射加上自我期望地,去教人如何尋愛,或者,自己事業浮沉,但一大堆處世偉論,把自己失意的情緒,投射向別人,期望別人也有自己特質。


    很多人不肯相信自己感覺,對自己沒信心,也對別人存在【先天性陰謀論】,男女也有這現象,緣份並不是萬能的,有緣份並不代表合上眼睛便成事在天。


    合眼緣雖不代表可成情侶,但有些特別感覺是自己知道的,除非是智力有問題。


    女主角如果喜歡某人,走自己的路便是了,而也明白,在【寫字樓聖殿】裡,總會有人型喇叭筒,喜歡戲劇化別人,令人尷尬。 男主角呢,既然自己也對女方有意,但還要過度陰謀論地不斷測試,十分無腦。


    這二人不能發展,可能是好事,皆因如此笨得教人標眼淚的男子,和他作情侶,可能是痛苦之始。





    PS : 大佬第一次約會就要同人合飲同一杯嘢,正常人都怕左你啦,你估拍鹹片咩!

    PS : 大佬人地去廁所,男人同女人拎隨身物品,Come On ( 雖然我明白香港人認為咁係 gentleman~),但正常女性都唔會隨便俾男人拎自己嘢架,仲要等人地去廁所至嚟測試人,無嘢丫話!?


    ( 我覺得 Peggy 呢類英文名通常係 Office 常見既八婆名,好多八婆仔都唔知點解叫 Peggy 、Jessica 之類、例牌電豬腸頭果種。 )

    回覆刪除
  3. 噢..好可惜啊~~其實果兩條橋都唔係好準姐,比人飲野同埋拎野都係好普通,就算係冇意思既可能都會咁做~

    不過Amily又唔使飲杯salty咖啡嘛?!落錯都唔係咁瘀姐~

    故事好特別..但睇到好dum心呀~~以為係happy ending添~ :p

    回覆刪除
  4. 首次約會就飲同一杯嘢,同幫女仔拎袋...

    就算對對方無意思既都會咁做...

    咁又係咁又係,超好普通之嘛,落 D 都係咁啦,出嚟玩既對咀預左啦,唔係咁無 feel 丫嘛.哈哈....有道理有道理.

    第一次約出嚟預左上床添啦.飲口水尾濕碎啦

    回覆刪除
  5. 鹽和糖也是用獨立紙包裝...有咁大包鹽...女主角一定是緊張過龍...

    陳大文
    ...很多人不肯相信自己感覺,對自己沒信心,也對別人存在【先天性陰謀論】...
    對呀! 尤其是人愈大 (頭腦不見得愈清晰,可惡^^"), 愈不知信不信...

    他們的感情未能發展是因為太多猜忌、太多顧忌、太小心, 笨..什麼也好, 但這麼多不利情形都一連串地發生,而致這結局, 就算不說成"成事在天"這麼玄, 但我想用"黑仔"來形容也未嘗不可吧!他們亦遇不到任何可以"解畫"的機會.

    Carson,
    這故事令我想起Jane Austen 的 Pride and Prejudice.

    回覆刪除
  6. Dennis極婆媽小氣,而呀Amily就真係緊張過頭,或許社交經驗淺,咖啡落鹽可以自我解嘲令氣氛輕鬆點;Dennis問拎紙袋咪直接趁機話係俾佢既禮物囉。唔係急尿急到要瀨,講幾句都唔夠時間掛?
    其實點解要用agnes b既袋黎裝Muiji既野?老實D用番原本既袋啦。

    回覆刪除
  7. 『拔』一匙係唔會食到口水尾個喎,匿名兄。

    回覆刪除
  8. 喂,我睇咗小小之後,狂fast forward...唔知點解覺得好肉麻~~~~
    阿Amily D taste屎又差,fist date 紅色?! 著得起紅色? 著粉紅色啦!!

    要DD時間慢慢接受D肉麻嘢,對呢D嘢冇咗幻想好多年。

    回覆刪除
  9. 唔...佢地有緣無份。可以話係可惜。但係唔會死錯人,就算之後都可以因誤會而分開。

    回覆刪除
  10. 如果話佢兩個社交經驗淺,都幾可悲,只係好自然好普通既男女見面,唔通要考個社交學位 Master PHD 至識咩.

    著紅色好挑逗喎,情婦咩,但係粉紅色...嚇死人咩,大鄉里出城?

    回覆刪除
  11. [ Amily把咖啡杯遞到咀邊輕嚐一口後,]


    eric , 睇左內文,成篇睇,唔好淨睇幾句,亦唔好跳行來睇,完整睇左先吧啦,唔睇晒成篇文,會曲解個故事的.


    個女既已經"輕嚐一口",已經飲過,內文人地寫左,寫得好淺白,女仔頭一次同個男仔約會,我唸唔係咁應該二人共飲一杯吧 ?

    回覆刪除
  12. 唉,小弟一時胡里胡塗,睇少截。多多包涵呀匿名兄。真係年紀大就機械壞,個眼呀腦呀都唔掂囉。

    回覆刪除
  13. usually the characters in your stories are always lacking confidence and full of queries about themselves and the others.

    回覆刪除
  14. Dennis 喺火車站鬆人同之後避開 Amily 嘅聯絡,都係小家嘅表現。

    平日喺公司T-shirt牛仔褲,突然穿到咁隆重加拘謹的氣氛環境;其實是但一方可建議下次揀大排檔呀!

    回覆刪除
  15. 都係男方冇隱用,追女仔要直接一d,睇到眼火爆,擺明受溝傢 la

    回覆刪除
  16. 小妮,

    我諗像Dennis的男人,因為怕輸怕瘀,
    所以無100成把握, 係唔敢輕舉莽動
    說到底...缺乏自信啫!

    大文兄

    其實成個故事源於我跟同事食lunch時
    有人講起這兩種試探方法
    同事連【愛情至尊叻仔】都慳番唔使買
    只係係【聽個friend講】
    我地喺度討論...啟發成此故事

    【三毫子一擔軍師】<--哈哈
    背後理論..〔怕被人拒絕〕
    因為〔怕被人拒絕〕,所以要試探.
    如何〔在被人拒絕前,先拒絕人〕,力保唔瘀
    ”我先揭牌,好蝕底喎!”的心理

    如果有個男仔,心口寫個勇字
    未試探就先示愛
    可能會損手爛腳,
    所以就先問朋友意見:〔喂!我有個朋友, 佢鍾意咗...〕

    當然,有好多師爺都係蠶虫!

    Mona

    無計啦!happy ending唔可以次次出
    否則唔矝貴啊!
    (不過上集張相明明係佢地嘅婚宴架!?)

    回覆刪除
  17. 匿名君

    ”第一次約出嚟預左上床添啦.飲口水尾濕碎啦”<---點解我遇唔到呀?!呀!我知啦!等我搵塊鏡照吓就明白哂!

    sava

    係呀!人愈年紀大,愈唔輸得起
    青春本身就是一種本錢
    衰咗再嚟過
    我呢啲年齡大,心臟負荷唔可以太大
    寧願行吓公園捉吓棋算啦.

    eric

    ”用agnes b既袋黎裝Muiji既野?”
    好地度香港文化,
    你身在西方唔知咋!
    用LV紙袋裝Bossini都有

    回覆刪除
  18. 素素

    好肉麻呀?sorry囉!
    我無心架!
    當妳時運低.一於著紅色內衣褲沖喜吓

    匿名
    我用紅色,想突出誇張她過份隆重
    所以她才驚自己over dressed

    eric
    你身在加拿大
    多睇英文少睇中文
    一時睇錯喈
    好!我一於寫英文小說
    吓?睇完仲唔明,再次sorry囉!

    回覆刪除
  19. nost
    ”characters in your stories are always lacking confidence ”
    可能係對自己一種投射

    歪歪
    如果我約心儀女仔,第一次食飯去大排檔,她會否以為我孤寒架?!
    你唔好點條黑路我行喎!

    amily
    受溝與唔受溝,真係一線之差
    呢個故事講有啲嘢,牌面贏梗
    最後都輸!
    真係一念天堂,一念地獄
    timing問題

    回覆刪除
  20. 在愛情的國度裡,可能就是簡單的喜歡、有勇無謀的人才是最可愛。

    回覆刪除
  21. 卡兄:

    莫講話【我聽個 friend講呢..】呢樣嘢不知害死幾多人,男士聽呢 d 【忽然情聖】老點,自己又無腦去唸下,死得。



    仲有一樣仲嚴重,就係香港女士好流行既,就係聽好多所謂【女同事】、【姊妹 friend】講好多理論,例如在八掛雜誌由班妹妹仔編輯仔 junior 寫既乜乜【愛情漫步 one two three】、【時尚女性愛的戰場】之類《純粹靠估》既文章,於是一被【姊妹】問起,就即刻搬晒出嚟,偉論一番。


    最常見就係姊妹團會認為全世界男人無個好人,通常一定會有【忽然人辦例
    子】,話【我呢,我個 friend個 friend 個同事呢,識得有個人咁架..】,我以前寫【港女】文章時,除左有好多女讀者( 正常有識之士 ) 認同港女既難頂外,總會有幾個彈出嚟,實會話【我識得有個人,咁咁咁架,所以你錯囉】。


    但當問下個例子詳情時,就會同一時間可以同一個人幾個版本,總之一定有舉一反十、【好多男人係衰神】、【好多男人好恐怖】、【好多女性好慘】、【好多 friend 都係咁 】之類。


    當然,也不忘有更多例子【忽然引證】【你而家個男友 / 老公 係有問題架!】。


    咁樣架!



    PS : 卡兄你又撻著左我喇 ~~ (>.<")~~

    回覆刪除
  22. 卡臣:唔好意思都要講句:哩篇寫得失哂你嘅水準(你寫的三亳子小說其實係好好睇架)!

    講得出哩兩種試探方法的人顯然連心理學基礎都冇學過!又或者你講錯咗
    1)『拔』一匙同飲一啖,意義差天共地!
    2)攞紙袋同攞手袋亦竭然不同!

    哩兩個男女主角的性格注定一生都不會快樂!無論和誰在一起都不會快樂!一個道聽途說、冇主見、粗心、小氣、自私、凡事耿耿於懷且冇真愛(真愛唔會咁快被打沉)!一個自以為是、做作、虛偽、多疑,一條毛當作一條辮。
    即係...
    我會認為這對男女不值得你用上下兩篇小說形式的文去描寫,用你果啲乜乜十大就夠俾有餘了。
    肺腑之言還望見諒!

    回覆刪除
  23. 素素,
    "有勇無謀的人才是最可愛。"
    如果有個又肥又醜口衰體臭的窮光旦
    心口有個勇字,
    狂追妳, 唔知妳果陣仲會唔會話佢"才是最可愛"!

    大文
    【愛情漫步 one two three】、【時尚女性愛的戰場】<---笑死我啦!

    Peer group 影響自己最大
    老土講句:近墨者黑!
    【我有個 friend乜乜物物架..】,
    真係好中!
    圍內就吹咗個價值觀出嚟.
    【嗱!有版你睇架!!..】,

    成個故事由男同事eddie影響咗結局.
    但朋友意見唔多唔少左右自己想法
    將人地經驗(可能來自虛構)變成自己經驗
    但因人而異,未必合用
    身邊人好心做壞事囉!

    回覆刪除
  24. "如果我約心儀女仔,第一次食飯去大排檔,她會否以為我孤寒架?!
    你唔好點條黑路我行喎!"

    唔係第一次食飯去大排檔!係Dennis 同 Amily下次揀大排檔,即係再有下次,俾多個機會雙方喺換個氣氛環境下再試一次。

    如果卡臣兄你想約心儀女仔食飯,我諗你都係問阿嫂有乜好介紹,或者佢會煮餐砒霜飯俾你哋食!

    回覆刪除
  25. hana
    "肺腑之言還望見諒!"
    唔好咁講!我當然樂於接受批評.
    多謝妳意見就真!

    〔講得出哩兩種試探方法的人顯然連心理學基礎都冇學過!又或者你講錯咗〕...其實就係正正講緊一啲〔隨口嗡,當秘笈〕的現象.
    而導致弄巧成拙的後果
    妳有成熟的思考方法,所以一睇到就眼火爆啩?!

    〔我會認為這對男女不值得你用上下兩篇小說形式的文去描寫,用你果啲乜乜十大就夠俾有餘了。〕
    咁...講啲失敗既男女個案出嚟,大家討論吓咁囉.無話嘥唔嘥兩篇幅嘅

    阿Q啲講,寫呢篇失手,下篇咪有空間進步.
    Sorry!我慣性自嘲發作.

    ps妳愊玉照令我心臟嚴重負荷
    留唔到言~~

    回覆刪除
  26. ”如果卡臣兄你想約心儀女仔食飯!”

    我嘅意思係:如果有機會講唔埋或者可能萬一講開又講假設一吓搭口順便問句咁啫..

    我愛惜生命架!

    回覆刪除
  27. 歪歪
    原來係你!
    我仲諗緊邊個咁有幽默感

    回覆刪除
  28. 人世間姻緣,忽然邂逅,忽然寂滅!

    不過無野嘅,有時得之非福,失之非憾,好多嘢,講唔埋!

    回覆刪除
  29. 不過其實感情真係唔應該太理智.太理智既唔可以話唔係真心,只不過可能鍾意極都好有限~

    阿男主角咁容易打退堂鼓的話證明佢都唔係咁鍾意人姐~

    回覆刪除
  30. 不過話時話,男女第一次約會,男方便要即時【測試、銷定、呈堂證供】的要 Test 女方,是很無謂。


    老實講,我都想講一樣嘢,第一次約會,女的【遞到咀邊輕嚐一口後】,文中說( 我應該無睇錯 ? ) 女方已渴過一口,第一次約會,男的要【分一匙試下】,咁唔係幾好吧?


    我可能是有點【未夠時尚】,但第一次約會,有些基本禮貌是要的。更何況男方急不及待要測試別人,但又手法奇劣。


    我覺得女主角是有點緊張,但反映女方其實很重視想和男主角發展,她是小錯。


    但男主角就真的....好唔惦! 乜嘢都要測試,咁鍾意測試,不如去做化驗所吧,包你日日有好多嘢做 Test ....


    但我覺得這篇小說也有其意義,因為事實上真的反映了很多男女的愚笨。

    回覆刪除
  31. Carson,

    "又肥又醜口衰體臭的窮光" 咁極端嘅人冇見過wo。肥仔又唔係好靚仔嘅就有一個,但係佢心地善良,心口有個勇字,人品好同聰明。我開始覺得肥人係可愛嘅。 好過D成日以為自己好靚仔嘅人。

    回覆刪除
  32. "在愛情的國度裡,可能就是簡單的喜歡、有勇無謀的人才是最可愛。"
    對, 是可愛, 但可愛並不代表你會愛上那人...

    回覆刪除
  33. 我個人比較欣賞簡單的愛,細水長流的。
    很靚仔但格衰的也是很難愛上,因我沒有自虐狂。 我喜歡可愛的人,從喜歡開始,慢慢愛上。喜歡就是淡淡的愛, 愛就是深深的喜歡。我喜歡這個說法。

    回覆刪除
  34. laulong
    係呀!
    有緣無份空痴想
    有份無緣暗淒涼...徐小鳳講架!

    mona
    [男主角咁容易打退堂鼓的話證明佢都唔係咁鍾意人姐~]

    男主角缺乏自信心,
    被人拒絕兩次便宣佈放棄.
    現今某些男士唔衰得
    再俾女人拒絕前, 先拒絕她
    先下手為強

    素素
    肥仔=QC仔?

    回覆刪除
  35. 大文
    一講起[試探]我就有嘢想講.
    舉例:某人對另一人有好感興趣
    就向他身邊人[試探]攞料
    想知多啲他的二三事.
    [試探]完身邊朋友
    就向目標人物親身[試探]
    慢慢滲入目標人物的生活.
    如果目標人物一早斬釘截鐵拒絕
    就唔使咁煩惱
    sorry~~~離咗題添!

    snowy,

    作句-例子:喜歡就是淡淡的愛, 愛就是深深的喜歡
    答:揩嘢就是小小的爆鑊,爆鑊就是大大的揩嘢

    sava
    [但可愛並不代表你會愛上那人...]
    係呀!我諗無男仔想同Hello Kitty拍拖

    回覆刪除
  36. 卡兄:

    唔...試探呢,睇下係探乜嘢,例如想知道對方其實結左婚未,都係要既 ( 當然,攪撬牆腳既例外,無分別喇 ~)。


    其實,【試探】呢樣嘢,我唸起自從八十年代乜乜愛情小品電視劇,都好 buy 呢種嘢。有可能已經潛移默化。

    回覆刪除
  37. 素素

    揩嘢是:出了亂子,犯錯,(輕微程度, 可補救)
    爆鑊是:大問題曝光, 嚴重程度, 花好多氣力才可修補.


    大文

    【試探】=【探吓口風】
    下屬上司, 夫妻,同事,朋友,買賣交易
    都會【探吓口風】先, 避免引起不愉快
    其實都係一種【關係緩衝】
    不過, 通常因為估估吓
    最後愈探愈錯
    搞出大頭佛

    回覆刪除
  38. 可是,從沒開始過,怎知道會是一段美滿姻緣?缘份,是沒有早一步,也沒有遲一步,盡在不經意、燈火欄柵下。

    回覆刪除
  39. 巴黎旅客果然係巴黎旅客!
    什麼東西出自妳的口都變得詩意~~

    回覆刪除
  40. 卡臣卡臣卡臣卡臣卡臣卡臣卡臣卡臣卡臣卡臣卡臣卡卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣卡臣

    回覆刪除
  41. 港式廣東話活用引例:

    what is 揩嘢?

    eg: 買左個唔好用既手提電話,話:【 喲 ! 卜街,又貴又唔好用!今次真係揩嘢!】



    what is 爆鑊 ?

    eg : 瞞住女友同另一女人約會,點知被女友既死黨見到,仲要衰到係攬晒腰,千言萬語難解畫。

    卜街! 次次都無事,今次爆鑊喇!

    回覆刪除
  42. 阿素素
    妳做乜漏口呀?

    大文
    你舉的例子s
    活靈活現
    深得當中神髓!
    勁狠準!!!!!!!!

    回覆刪除
  43. 爆鑊 似係自己做錯事多wo~ 先會爆鑊wo~

    揩嘢 似係唔覺意,like "踩屎"。

    回覆刪除
  44. 揩嘢 似係唔覺意,like "踩屎"。<...
    無人主動想揩嘢,所以係唔覺意揩到嘢.

    爆鑊 似係自己做錯事多wo <.....
    爆鑊可以係自己可以係人地
    總之有個難題爆發(誰人導致都好)
    都叫爆鑊

    回覆刪除
  45. 小瓶子

    嘩!咁有心
    到訪我的舊文

    謝謝

    回覆刪除

LinkWithin

Blog Widget by LinkWithin