~~~~~~~~~~~~~~~~







2008年5月3日 星期六

印象落差

印象落差

Stereotype是某一類型人士給予別人的一種集體表面印象,
例如高收入專業人士放工後,愛到蒲蘭桂芳happy hour、
成功男士必愛玩名錶、golf、紅酒、跑車,
富太愛high tea、shopping、spa、去ball等。
可能係啱、可能係錯、可能係啱與錯之間!
以下是十個普遍落差的印象:

第十位:十個賭徒九個抽煙
賭徒長期處於緊張搏殺的狀態中,
需要用抽煙來鎮靜神經、分散注意力。
麻雀館、賭場、投注站外、都見賭民擔住口煙,
隨着賭徒口中唸唸有詞,煙蒂在跌與未跌之間,輕輕擺動。
實際上,有些賭徒已戎煙。因為賭徒輸清光,
如果有錢,都寧願攞嚟落注,而唔攞嚟買煙!

第九位:影痴睇戲多數獨來獨往
做得影痴梗係要「型」要「酷」咁,去欣賞高深的藝術電影!
向電影大師朝聖時,切忌跟朋友喋喋不休。
所以絕對自我的影痴們,愛獨來獨往,從不需要人陪睇戲。
實際上,影痴都想在戲院大堂遇上認識的朋友,
互相交換一個眼神,惺惺相惜,
眼神示意:彼此都是識貨之人,懂得欣賞這套深奧的滄海遺珠!

第八位:返大陸工作的男士多數包二奶
男港客在大陸佔有優勢,受國內女性歡迎。
所以普遍印象中,認為十個男港客九個喺深圳有二奶,
實際上,香港經濟衰退後,此消彼長,港客變港燦,
未必個個男士再有經濟能力養二奶。
再加上二奶生育嘅小孩有居港權,有手尾要跟,
令男士放棄包固定二奶,改玩一夜情算啦。

第七位:專業人士多數獨居
專業人士收入豐厚,有經濟能力租買物業自住;
他們在自己的私人空間內享受yuppies生活,
由於獨居,方便帶不同的異性(或同性)回家渡宿。
實際上,部份專業人士風光不再,失業減薪,
或把熱錢押在股票市場上,故未能於獨居中吹saxophone或點香冥想。

第六位:男同性戀者多數愛健身
男同性戀者的身體,就是他們受歡迎的指標,
越大隻越有粗壯線條,在圈中就越吃得開。
實際上,很多直佬都愛健身。(就以本人為例!)
另外,有說男同性戀者多數愛聽林憶蓮、黃耀明的歌,
實際上,很多直佬都直認愛聽林憶蓮、黃耀明。
也有為數不少的直佬:既愛一邊聽林憶蓮黃耀明的歌、一邊做健身!

第五位:Designer多數著黑色衫褲
設計師如何能給矛客戶良好的第一印象和建立信心呢?
就是穿黑色衫褲,手持blackberry、ipod、iphone,再配上黑色粗框眼鏡,
講嘢玄之又玄,一半中文撈一半英文,就可以扮成一個出色的Designer。
實際上,我識啲Designers有部分係all black,亦有啲著得好colourful。
穿all black啲Designers話佢啲黑色都分層次虛實冷暖,係我唔識貨啫!

第四位:靚女多數高竇
在學校、公司、社會、總之有人嘅地方,
擁有天賦本錢的靚女,她們行的路會較醜女的路,來得平坦寬闊容易。
靚女由於追求者眾,靚女可以選擇具有較好條件的男士作男友。
所以培養到靚女們眼角高,無錢無權者,唔該彈開!
實際上,也有些靚女,沒有追求者,並非因為她們性格高竇,
而是因為她們實在太靚,男士們估自己只有吃檸檬的份兒,
所以先打定退堂鼓;讓單身靚女喺佳節時,留在家中無人約。

第三位:清潔阿嬸多數八卦
Office內的清潔阿嬸可以穿梭通行整個辦公室,
由廁所、pantry、影印房、會議室到老細房,對各人恩怨瓜葛都瞭如指掌!
結果阿嬸聽埋聽埋唔少路邊社消息。
實際上,Office內最八卦的可能是老闆秘書或receptionist,
清潔阿嬸聽的只是表面嘢,而秘書和接待員受過專業訓練,
定期給老闆打各同事的小報告,或於女廁內聯誼,講是非當作人情。

第二位:洋化Model多數性關係隨便
年輕的外籍混血或本地model,都慣了出show時在後台隨便當眾脫衣換衫,
培養成她們減輕對身體的禁忌,加上model年輕貌美又愛蒲,
加上八卦雜誌炒作,男讀者的主觀聯想,Model給人性關係隨便的印象。
實際上,有些model思想好保守好傳統。
至少我所認識的model都是!唉~~~

第一位:老闆多數心情差及愛鬧人
老闆憂心盤生意做唔好,要養起成間公司的員工,
承受沉重精神壓力,所以心情點會好?
仲要黑起塊面,與員工保持權力距離。
又要經常鬧人,否則員工唔驚你就難駕馭下屬;
鬧得有咁金得咁金,員工先唔會重複犯錯。
老闆出得糧俾你,員工就預咗要俾老闆鬧!
老闆太和善就無人會聽佢支笛,老細款係要適當地擺吓。
實際上呢…老闆都係逼不得已先鬧伙計,
鬧伙計時,可能老闆係真嬲,也可能老闆交戲扮嬲。
你估老闆好想死咁多腦細胞咩?鬧人傷身嘛!


58 則留言:

  1. I tend to vote for your 1st observations...

    回覆刪除
  2. nost
    你好少可咁夜仲未瞓喎!

    你揀賭徒吸煙呀,咦?你唔賭過噃?!

    回覆刪除
  3. 有說法指,靚女通常少人追求,因為男人個個以為靚女已經一定有男友,無謂爭。所以只要夠膽,就不難追到靚女。這是生活智慧告訴我們的。


    不過,我幾乎肯定是錯的,靚女真是難追求,當然我是指真的靚女,而不是【好醜都係肉】那種自我安慰。

    為何錯?因為靚女可能真是未必有男友,但她會千挑萬選,在有生之年找個最好的,或是她認為是【永世超級飯票】,才會奉陪。

    因此,靚女即使沒男友,但也不代表是易追,因為要女方看上閣下才成。


    香港,不是沒靚女,是靚女多,只是聰明女多得過了份,或自以為非常聰明的女孩,把聰明蓋過了追求者。

    回覆刪除
  4. Model ,不論 ABC 還是華人,都真是比較性開放或隨便的,理由很簡單,Model 多數要真空上陣,或超性感地行 catwalk ,太保守的人,是做不到 Model 的。而且 Model 也接觸很多時尚的人,尤其生活較一般人精彩,靚人靚景,性開放是容易的。


    不過!不過不過....係視乎面對什麼對手,她沒興趣的,就會覺得 Model 保守,我只能說到這裡了....。

    回覆刪除
  5. "沒興趣的,就會覺得保守" ---> hahaha.. sounds like 保守 is actually 不存在。

    I guess 好有興趣的話.. like Maggie Q 可能飛撲去Edison度,但係Maggie Q 面對"八兩金"就好保守la..
    所以八兩金會同D人講話:原來Model好保守ga!

    所以,女仔保唔保守係睇對象??

    回覆刪除
  6. I agree with Chan Tai Man -
    "保守的人,是做不到 Model 的"

    = 保守的人,是不會去選港姐的
    'cause 你要穿泳衣比全世界睇wo!! 唔係普通泳衣,係高V比基尼wo!!

    阿嬌都係Model出身,以前只看衣著言行是很保守的,但未出edison相之前都有泳衣相la。

    回覆刪除
  7. 個原因很簡單。

    做 Model ,真是什麼類型時裝也會穿,不會是次次密實晚裝,也包括性感泳裝、真空不戴 Bra 的時裝,超短裙、半透明衫。

    想象一下,一個【保守怕羞】的女人,可否自然地做 Model ? 不可能的。你怕暴露 sexy 便不可能投身 Model ,設計師也不會賞識。


    和性騷擾道理一樣,女的對閣下沒興趣,自然保守,相反,有興趣的,便會樂在其中。

    對,很保持和不喜歡名利的,不會去選美,什麼匯賢高雅、女性時代智慧、賢慧等等,都是包裝廢話,不求名的,大可自己在房裡自己看鏡子,不須去選美。

    PS : 鍾欣桐做 Model ,老實說,不夠條件的,看她的矮、腳粗、無線條、無腰、樣子無型格、手短,只能做紙上小 Model ,不能上 Catwalk。


    但當然這類樣,在香港是很受落,因為像乖乖可憐小天使無邪浪漫 Look ,滿足了不少香港 Style 的仁愛美學。

    回覆刪除
  8. [ 所以八兩金會同D人講話:原來Model好保守ga! ]

    snowysoso......

    呵呵....妳.....映射緊.....呵呵..

    回覆刪除
  9. 啊。。哈哈。。。我諗snowy唔係咁既意思既。。。

    回覆刪除
  10. hahahaa~ =D

    陳大文,都估到你會咁講ga la!!挑撥離間呀?

    好在有eric兄幫幫口。=)

    回覆刪除
  11. 看電影我喜歡獨來獨往,可避免全程欣賞的時候,有人問我拿爆谷汽水,有人問我點解主角會在這時候出現....其實,我仲有野唔明,點解女生往洗手間,總要人陪。妳去唔去呀?
    原來,寫廣東話可以抒發感情。

    回覆刪除
  12. 卡卡:等我得閑就同你講下一個极品姿整港男Designer。

    最八掛應該係老板個司機(如果有嘅話)。

    回覆刪除
  13. 清潔阿嬸多數八卦-佢地覺得自己有獨家消息.

    同意snowysoso/陳大文 - "沒興趣的,就會覺得保守",保守不保守睇對象.Absolutely correct.

    靚女真是難追求-未做過靚女,無法給予意見.

    巴黎旅客 - 香港人不像歐洲人,很少自己一人看電影,上館子.我好怕成日要一班人才go ahead.有其樂趣,但有時會delay很多計劃.

    回覆刪除
  14. 用"經典咕慈圖案"對"舊式紙皮石地磚"嚟表達"印象落差",揀得好!

    回覆刪除
  15. 我就係有個老友玩 Hi-Fi 的,佢就係香港一位【福布斯前十名亞洲富豪】....既司機,只得一個司機,信任程度係富豪有屋俾佢住果種。


    佢知道同行其他富豪,幾時幾刻同咩人去咩地方【傾】乜乜( 包括黑白事..),因為富豪通常都集中出沒某些地方。呵呵。

    而呢位人兄,亦係在下之老友,係會有故仔聽的。

    清潔亞嬸、甚至秘書 ( 視乎邊種秘書 )都是很低層次的 ( 我指聽故仔 ~),尤其清潔亞嬸,無地位的。秘書頂多知老細有無滾,但行踪一定係個近身司機。

    回覆刪除
  16. sonwysoso :

    我意思係....影射緊.....我.....@@~

    回覆刪除
  17. snowy, 大文,

    [ 所以八兩金會同D人講話:原來Model好保守ga! ]

    文中我提到我認識的model好保守,
    而家我終於明白箇中道理了!!
    大家以後叫我[九兩金]吧!

    回覆刪除
  18. 巴黎旅客
    我最怕睇戲要等人
    自己準時, 但朋友遲到
    結果累到自己都錯過電影開頭
    我寧願自己睇無咁嬲!

    回覆刪除
  19. hana
    另外, 好多fashion designers係gay!
    好細心! 有taste, 講美感!

    老細個司機八卦...yes!
    啲無拖拍嘅中女同事都好八卦!

    回覆刪除
  20. 小妮,
    "未做過靚女,無法給予意見."
    妳唔好咁謙喎!
    好多人反對喎!

    我試過一人去旅行,一人去紅館睇show
    一人食飯, 一人睇戲.
    自得其樂~~

    回覆刪除
  21. 歪歪
    知我者莫約你啦!
    簡直睇穿我的心!

    回覆刪除

  22. 又係喎!請司機真係要審查誠信
    政府高官司機就更甚
    最好自己揸番

    [我意思係....影射緊.....我.....@@~]
    唔好同我爭喎!
    你識啲model對你好熱情,
    唔同我,無人show呀!
    天啊~~~

    回覆刪除
  23. i would say,
    no idea. 第十位:十個賭徒九個抽煙
    Yes,被逼. 第九位:影痴睇戲多數獨來獨往
    No, but... 第八位:返大陸工作的男士多數包二奶
    very No. 第七位:專業人士多數獨居
    Yes. 第六位:男同性戀者多數愛健身
    very Yes. 第五位:Designer多數著黑色衫褲
    No. 第四位:靚女多數高竇
    Yes. 第三位:清潔阿嬸多數八卦
    no idea, ha ha. 第二位:洋化Model多數性關係隨便
    Yes & No. 第一位:老闆多數心情差及愛鬧人

    回覆刪除
  24. 卡臣:

    小妮就係謙厚噃,抵有咁多人鍚!

    大文兄及snowysoso所言甚是,而且攪到我諗起比咩個兩個新廣告:P

    Daniel.

    回覆刪除
  25. 等我又學vc咁留言...vc,希望你不介意我抄你啦!

    depends on what "level" of gambler, those stand outside jockey club, definitely a yes.
    第十位:十個賭徒九個抽煙
    I don't know. But for performance goer like me, yes. Hard to find anyone to go with me ma.
    Btw, Carson, do you like to see Lowell Lo's concert?
    第九位:影痴睇戲多數獨來獨往
    VC, I want to know what do you want to say after but...haha
    第八位:返大陸工作的男士多數包二奶
    I have no idea. But seems most of them (guys) already have gf live with them
    第七位:專業人士多數獨居
    YES YES YES!!!
    第六位:男同性戀者多數愛健身
    YES! Because this is very safe...wear colorfully with good taste is harder to achieve. btw, are you implying someone?? haha
    第五位:Designer多數著黑色衫褲
    I don't know. But when a guy is rejected by the girl, then he will use this as an excuse to make himself feels better...hahaha
    第四位:靚女多數高竇
    No, at least the one works in my company is not.
    第三位:清潔阿嬸多數八卦
    Not just model, nowadays many people are open in sex...
    第二位:洋化Model多數性關係隨便
    Lucky me the boss I'm working with is a super nice and cheerful person!
    第一位:老闆多數心情差及愛鬧人

    回覆刪除
  26. SAVA

    妳就好彩, 遇上好老細
    Model多性關係,因為靚,有啲人(醜)想多性關係都唔得.(like me)
    黑衫人嘛....我梗係講緊呀邊個呀...

    2050 concert, good woh! call you later to discuss.

    回覆刪除
  27. Savageman, 當然不介意,不知幾開心。

    ha ha, but...if counting one-off deals... '設廠'經營難,o米轉做一次性採購o羅。兩樣都無o既或者重有極少數o既,雖然我不用北上,我信我D好朋友無o架。

    回覆刪除
  28. Omg!! 卡臣!! 其實你好靚仔!!
    我真心覺得你係好型gar!! 好有style,人又謙厚風趣。真係可以迷倒萬千少女! (我在內,雖然我唔係少女) 如果唔係點會日日咁多人來留言又睇你D嘢呢?係咪? =D
    有時候model熱不熱情,不一定同外貌有關。有可能只係$作怪。

    回覆刪除
  29. 印象落差 ( 黃蛇出洞 ) ( 肥媽美的 )

    回覆刪除
  30. snowy,
    如果我教鬼佬中文,教佢乜嘢係{補鑊}?
    叫佢睇妳段留言, 佢就即刻明白哂.

    因為補鑊, 講大話, 仲擾亂公安!
    我靚仔?....好多人已經應聲倒地
    撳緊平安鐘啦!

    咁多人睇我個blog?
    我寫啲把鬼野有乜好睇呀?
    查實佢地係想睇妳snowy呀!仲有大文!小妮...(不能盡錄..)啲留言咋!
    妳估我唔知呀?!

    各方好友, 大家不妨去snowy blog
    睇吓snowy的玉照
    就知道乜野係{清純中帶溫柔, 親切中有驚艷}, 無呃大家架!
    (不過佢明花有主啦!)

    不過暗戀無彊界架!!

    回覆刪除
  31. [ Omg!! 卡臣!! 其實你好靚仔!!
    我真心覺得你係好型gar!! 好有style,人又謙厚風趣。真係可以迷倒萬千少女! (我在內,雖然我唔係少女) 如果唔係點會日日咁多人來留言又睇你D嘢呢?係咪? =D ]


    嗱,呢段呢, 亞....好明白既!

    [如果唔係點會日日咁多人來留言又睇你D嘢呢?係咪?]

    咁妳想 D-9 我,咪出聲囉 ~~ 交叉投射,咪投囉,下話? :D ~~

    回覆刪除
  32. 大文兄,
    請息怒!
    我諗snowy唔係咁意思!
    snowy咁和善,好人品!
    點會D9你?!

    回覆刪除
  33. 之前成日有D卡臣Fans話要約卡臣gar wor。 咁唔係叫受歡迎係咩呢?
    但係我一個留言都冇wo!!!唔係你地咁落力幫我賣廣告,我個廢blog係唔會有人嚟。

    呀~陳大文,*#%^*#^$@&$&%*^!!!

    回覆刪除
  34. 卡臣兄你有所不知啦,其實我係惡女嚟家! >:D
    陳大文,開戰啦!!!响九龍公園女廁第三格等你!!!

    回覆刪除
  35. 九龍公園女廁第三格等你...


    乜妳唔知果幾格俾亞...顏福....包左喇咩?

    回覆刪除
  36. 其實我都幾欣賞顏福偉這個人,因為佢對於白花油新創意,真係幾好,唔會古板。

    只係香港標準,要計較佢是基人,其實,咁又點?商台俞錚都.......咩啦。

    回覆刪除
  37. 卡臣,大文兄,snowysoso:

    果廣告就係投資銀行比咩,入面講過男女問題.

    Daniel.

    回覆刪除
  38. 陳大文 部落 提到...
    其實我都幾欣賞顏福偉這個人,因為佢對於白花油新創意,真係幾好,唔會古板。

    只係香港標準,要計較佢是基人,其實,咁又點?商台俞錚都.......咩啦。

    所以就算我是教徒,一樣提倡政教分離

    跟住拋下書包先:P

    《魏武求才詔令》

    昔伊摯、傅說出於賤人,管仲,桓公賊也,皆用之以興。蕭何、曹參,縣吏也,韓、陳平負污辱之名,有見笑之恥,卒能成就王業,聲著千載。吳起貪將,殺妻自信,散金求官,母死不歸,然在魏,奏人不敢東向,在楚則三晉不敢南謀。今天下得無有至德之人放在民間,及果勇不顧,臨 敵力戰;若文俗之吏,高才異質,或堪為將守;負污辱之名,見笑之行,或不仁不孝而有治國用兵之術:其各舉所知,勿有所遺。

    Daniel.

    回覆刪除
  39. snowy,
    吓? 妳返咗香港呀?
    仲喺九龍公園?
    我而家立即飛的士嚟!等我!

    唉~~有人約我?
    其實係我自己假扮嚟滿足吓自己咋!
    鬼吼咩?

    snowy's blog
    音樂悅耳, 顏色悅目,圖片生動
    內文談及西方生活
    又可以學英文
    真係一個益智感性的少女blog
    正!

    回覆刪除
  40. man
    除咗顏生外
    一啲舊牌子re-banding都唔錯
    榮華, 奇華, 雞仔嘜, 鱷魚恤...etc

    你就好啦...有女仔約你入女廁..
    我都試過, 不過係阿媽帶我入女廁小便咋!

    回覆刪除
  41. daniel
    係呀! 個廣告叫女性擇木而棲.
    $$$$$

    你篇古文係唔係教人[用人唯材]呀?
    因為我成段文copy & paste後
    打落google度.
    佢search 唔到嘢呀!

    回覆刪除
  42. 卡臣,

    你又有所不知啦。我約陳大文响gor度,亦都約咗 "王子"。我同"王子"講話---呢,有個靚仔話好欣賞你,想同你見見面。

    你都快D飛的士去啦!王子等緊你地! =D

    回覆刪除
  43. snowy
    我一上的士話搵顏生,
    的士司機趕我落車
    唔做我生意喎
    sorry!今次嚟唔到!

    回覆刪除
  44. 唔好嘈,賣下廣告 ~~

    snowysoso 部落,是集合時代青春少女新思維、新觀點和新生代學術、敢言、浪漫兼並的地方。


    看她的網誌,可了解外國華人生活點滴,描寫細膩,文字間刻畫情感與理性之衝激,網誌也由她定時挑選悅耳背景音樂,加上她對美術有高度認識,會揀選具有意景及優美插圖,讓讀者在觀賞網誌之餘,可從文字、音樂和圖畫啟動立體思維空間,是不可多得的新一代網誌。

    .....( 下刪 6000 字 )

    此外,.D-7 ~...( 再下刪 8 Chapter , 7000 字)....


    PS : 卡兄,人地約我去女廁,個屎塔塞左而已,我正職是通渠咁解...搵食艱難...

    回覆刪除
  45. man

    一講起snowy, 我又停唔到!
    如果你鐘意上二樓書店, 咁你就要睇snowy's blog
    書香撲鼻, 一杯earl tea,
    藍天白雲, 久久傳來少女竊笑聲,
    不經意, 已經黃昏西下
    樂而忘返.....

    (多啲大頭相就更好!)

    man, 通緊廁呀?
    罪魁禍首係咪一塊M巾呀?
    叫女士們棄於旁邊膠桶仔呀!

    回覆刪除
  46. 卡臣 提到...
    daniel
    係呀! 個廣告叫女性擇木而棲.
    $$$$$

    你篇古文係唔係教人[用人唯材]呀?
    因為我成段文copy & paste後
    打落google度.
    佢search 唔到嘢呀!

    個廣告抄Jared Diamond一系列著作嘅意念噃:P

    係呀,通常我地會叫魏武三詔令,嘻!:P

    Daniel.

    回覆刪除
  47. 卡、文,

    兩兄言重啦。你地兩個對我眞係好啦,知你地用心良苦la。但係咁誇張失實D人會踩場抗議。又或引起你地D女Fans妒忌對小妹嘅厚待,到時眞係萬劫不保啦。

    卡兄,

    我唔多上鏡,所以冇乜相。不過有時間會影番D gar la. 天氣暖番D會多D出外。

    回覆刪除
  48. snowysoso :

    卡 Sir 至有女 Fan屎嗟,我就無乜既。我就係知衰所以費樹貼自己幅車頭相出嚟,令本來已經小貓三幾隻既爛 blog ,再趕客就真係咩啦,人唔 D ,自己都 D 自己啦。

    其實我都計劃緊,搵亞肅定一幫我整整個款,起碼有 Freeze 做模範嘛,如果我有古巨基咁上下 feel ,已經發喇。
    最好有 d Korean look 咁囉。

    回覆刪除
  49. brother man
    唉~~如果我有女fans就好啦!
    全部都係我虛擬出嚟!好martix feel!

    如果你嘅係廢blog,
    咁呢度就係核戰後的殘骸!
    你果度有version, insight, sense, wisdom,
    我係一本"Akasu" 你就係一份"信報"

    樣貌方面, 我同你一樣, blog內無自己啲相
    務求為市容出多一分綿力.

    回覆刪除
  50. Karson, 我報名做你(第一個)女fans!!!
    要括住(第一個), 因為我驚比其他女fans打, haha!
    Besides, really like the passage and agree with you though I'm not a standard model or beauty.

    回覆刪除
  51. Michelle,
    做我fans?我何得何能呀?
    妳唔好玩啦!
    我話啲model好守規舉...擺明講妳啦

    ps....我叫carson 唔係karson
    除非妳覺得我係:K 型啦

    回覆刪除
  52. 我都好鍾意果兩張相, 強烈既對比...
    見你地講snowy 個 blog, click 入去, 咩都睇唔到, 係咪兩年發生左好多事呢 ???

    回覆刪除
  53. kateyip

    gucci 同階磚呀!哈哈!

    snowysoso可能無再寫了,畢竟兩年前的事了。

    回覆刪除

LinkWithin

Blog Widget by LinkWithin