~~~~~~~~~~~~~~~~







2008年4月30日 星期三

* 新聞報導 -(小說)- 下集

新聞報導 -(小說)- 下集

Kenneth對電話說:「我知道法輪功放咗三個炸彈喺沙田運動場,藏獨份子放咗五個炸彈喺金紫荊廣場,快啲派人去睇吓!」
講完馬上啪一聲cut線,同時間聽到一聲錢幣清脆的撞擊聲音!

吓?個call究竟有無打過出去呀?!
原來Kenneth緊張到拿起電話筒就講,無理會到電話另一邊是否已經接通?
此刻,他才察覺到電話機的液晶顯示一早已打出「Out of Service」,
唉~Kenneth打手電就打得多,他上一次打公共電話的時候已經是11年前的事。
已經都唔記得打公共電話的正常程序和要注意的地方。

唉~或者這是天意!他剛才報假案時已經谷盡身上最後一口勇氣,
現在全身勇氣已耗盡,無膽量再致電作第二次虛報了。

擾擾攘攘,已經是下午三時,
距離今晚6:30新聞尚有三個半小時,
做得保險經紀的Kenneth,當然不會坐以待斃。

他立即致電找老婆:Emily,她在荃灣區工作,
Kenneth:「喂老婆呀!妳知唔知今日係乜日子呀?」
Emily粗聲粗氣答:「我點知呀!」
Kenneth:「係我哋相識第1,500日呀!不如我哋今晚去街慶祝吓囉?!」
Emily:「吓?你又會咁好死?突然咁好記性?short咗呀你!?」
Kenneth:「唔係!我有個client啱啱今日過咗身,佢臨死前勸我要『珍惜眼前人』!我突然之間成個人醒哂!今晚我一於放工嚟接妳,食飯睇戲直落!」
Emily:「妖!都唔知你搞乜鬼?..唉!…是但啦!」
Kenneth:「好!今晚五點九,喺妳公司樓下見。」

Kenneth收線後舒一口氣,他那有client今日逝世呀?只是隨口亂講,
Kenneth的企圖:就是要讓Emily今晚不會留在家中看電視新聞。
再者,如果東窗事發,給Emily朋友拆穿,Kenneth至少利用今夜食飯睇戲,
來博取Emily的怒氣和自己的罪行能略為減輕!
情況類似孩童年代,考試科科紅,把成績表交給父母簽名前,孩子會突然主動幫手做家務,博父母鬧少啲!全是「無事獻殷勤,非奸即盜」的心理作祟。

是夜,Kenneth去接Emily放工後,先去尖沙嘴某酒店吃燭光晚餐,
一步入酒店,Kenneth提議大家把手電關掉,不要讓其他人騷擾。
Emily最初反對,最後都願意關上電話,關電話那一刻剛好是6:30分,是晚間新聞的播映時間!

晚飯其間,Kenneth對Emily既溫柔又浪漫,加上幽默風趣的甜言蜜語,
Emily很久未嘗過跟Kenneth分享甜蜜時刻,時隔多年後,於今夜重溫。
平日惡死的Emily,其實外硬內軟,其實心裡渴望可以重獲愛情滋潤。
不過她難於啟齒而漸漸變得脾氣暴躁!今夜終於如願以償,被這浪漫氣氛所溶化!


晚飯後兩人去港威戲院睇一場9:30電影,
Kenneth當然選看最浪漫嗰套愛情喜劇,
散場後,Kenneth主動拖着Emily的手,好恩愛咁回家。
返到青衣的家中已經是12:15分,乜新聞都播哂!
幸而兩人電話仍未開啟,否則Emily的留言信箱,恐怕早已被信訊爆滿!

Emily先去洗澡,Kenneth立即上網到TVB.com重溫今夜新聞,
咦?點解文化中心嗰段片無出街嘅?!
Kenneth不禁「Wooshii~~~」一聲嗌了出來,像足球比賽臨完場前30秒,
球員射入決定性一球般亢奮!
Kennet如釋重負,立即雙手合十,向四方空氣跪拜!口中「喃嘸呵呢陀佛…」

原來下午拍攝那段新聞,是報導一位政界名人病入膏肓,在深切治療部內進行搶救,隨時有性命的危險。
估不到在黃昏5時半,該位政界耆英突然好轉並甦醒過來,
醒後第一句竟是:「…奧運聖火…安全…嗎?」!在旁的醫生護士,
無不肅然起敬!鼻酸眼紅!
那麼中午拍下那段過氣新聞片,當然沒有播出的必要。
換言之,Kenneth和Yuko在光天化日下的溫馨kiss鏡頭,
永遠埋藏在TVB新聞部的數碼倉庫中,從此不見天日!

Kenneth偷偷竊笑之際,Emily洗澡完畢後回房,
Emily溫柔地:「早啲沖涼早啲上床啦!」
Kenneth心情愉快地答:「好!遵命!」立即半跳半跑去洗澡。

Emily因為長期缺乏丈夫的溫柔浪漫,變得暴躁!
老公愈驚愈想保持距離,結果墜入惡性循環。
她的解藥就是丈夫的體貼關懷,
怎料Kenneth今天誤打誤撞,對症下藥,惡妻臭脾氣之症,藥到病除!
這夜Emily一反平日的惡妻姿態,甜蜜地挨著Kenneth而酣睡。
今夜窗外的星空分外明亮。

噩耗通常會在良辰美景、得意忘形之際發生,殺一個措手不及!
燙手山芋的難題也可能不費吹灰之力,便化解於無形。
無心的一個溫馨甜吻,結果換來一場顛簸折騰,
預計一場暴風雨的來臨,結果換來一輪皎潔明月。
人生,大概就是這樣吧!

66 則留言:

  1. 咁,同 kenneth 有路...sorr 我意思係佢婚外情人,係咪仲繼續架呢?

    我意思當然係指繼續有路啦下話。

    回覆刪除
  2. o個張去泰國既飛機票會唔會俾番老婆呢?

    回覆刪除
  3. 大文
    我估....佢哋繼續!
    不過就成日留意四周有冇攝影機囉!

    回覆刪除
  4. eric
    機票都打咗yuko lam個名,
    張機票仲落咗係yuko手上
    好難改到噃!
    我諗....佢地都會去bangkok
    不過佢地唔會用手機自拍嘅!

    回覆刪除
  5. 「早啲沖涼早啲上床啦!」

    請問係咪要聽到呢句啲老公先敢/識出手?

    回覆刪除
  6. 有疑點,佢嗰個yuko咁chi身,應該日日打電話gar wor。佢老婆眞係咁都發現唔到??
    hey, yuko 由始至終知唔知佢有老婆?

    回覆刪除
  7. 一早知哀老唔對路,男人滾唔緊要,最重要識返屋企

    回覆刪除
  8. 歪歪
    我諗如果老公對太太有興(性)趣,
    咁就唔使叫, 自己都識做
    否則, 老婆叫都[係咁咦]!

    回覆刪除
  9. SNOW
    我諗...kenneth喺保險agent
    多啲電話都正常

    我估yuko知道kenneth有老婆
    所以kenneth送嗰張機票先嚟得可貴!

    回覆刪除
  10. emily
    所以kenneth咪識做囉
    做番啲補救措施.
    大步檻過!

    回覆刪除
  11. 你張新相好特別!
    是你嗎?
    是否以後你的相都是舉高相手的背面呢?

    回覆刪除
  12. 損友David
    我昨夜在化妝間拍的
    幾好啊, 招牌動作!

    回覆刪除
  13. something bad turns to something good in an unexpected way, your stories always have this positive thinking inside, pretty touching.

    回覆刪除
  14. Nost,
    yes, when you're down, just think that the best is yet to come!

    回覆刪除
  15. 死過番生, 驚險重重, kenneth該明白自己玩唔起吧?

    回覆刪除
  16. Agree with nostalgia. Positive thinking!

    想問吓如果男人發現自己戴綠帽,會唔會打鑊個女人? 個女人會有咩下場?

    回覆刪除
  17. 我唸通常都唔會打個女人架喎,打左又點?

    下場,通常離婚多,係漸漸會步向離婚。

    男人有婚外情有少少唔同,通知衡量過或玩過後,可能會返回老婆身邊,但女人同得第二個男人攪,通常無得返轉頭。


    無須逐個例子拗,是事實。


    綠帽唔怕戴,最緊要除得快 ~~~

    回覆刪除
  18. vicky
    邊隻貓唔食魚架?
    妳養貓一定知道啦!

    回覆刪除
  19. 小妮
    我諗如果男人發現自己戴綠帽,
    佢就:妳做初一我做十五!
    立即去滾番鑊
    男人驚蝕底嘛!

    回覆刪除
  20. 文,
    同意呀!
    女人做了決定,就可以好決絕!
    唔似男人, 三心兩意,
    又想新歡 又要舊愛.
    專一的男人:難求呀!

    回覆刪除
  21. yee...你幅相,好似响《一百萬人的故事》裡面見過你個背面,推緊D紙皮箱。

    回覆刪除
  22. snowy
    係呀~係呀~
    快啲匯啲美金過嚟
    接濟吓~~
    btw, 《一百萬人的故事》?
    美國果面同步播架?
    衛星電視?

    回覆刪除
  23. YOUTUBE ar =D
    我睇咗D,但係冇最新嗰D囉!!!有D好似眞係好憀咁wor!!

    回覆刪除
  24. snow
    哦!原來如此!
    係好慘架!香港貧富懸殊
    妳好好珍惜啦

    回覆刪除
  25. 卡臣/陳大文 - 我剛認識一個戴綠帽男,全地球都知得佢自己唔知. 個女仔D戲好-純情老師look...

    回覆刪除
  26. 全地球都知得佢自己唔知嘅戴綠帽男,
    咁可憐?!資訊咁貧乏?
    等我帶佢返深圳兜一圓,報仇雪恨!

    純情老師?...外表斯文, 內裡open果隻?

    回覆刪除
  27. 卡臣 - 我都唔明.佢仲見過佢女朋友的情夫,仲以為佢地只係好朋友.我地冇人出聲,別人的家事無必要多言了.其實男人都有很多戴綠帽,不過女人會好小心好小心處理,因為知道男人接受唔倒戴綠帽.

    我自己思想比較保守,接受唔倒呢D野.

    回覆刪除
  28. 嘩! 咁剌激?
    三人見面!?what a scene!?
    呢單嘢..令我諗一夫一妻呢個制度
    如果知道自己心野,易受引誘
    咁就諗清楚先去結婚.

    "我自己思想比較保守,接受唔倒呢D野."
    視乎妳遇唔遇到一個妳極心儀而又值得冒險嘅男人啦.

    回覆刪除
  29. 唉~~~

    卡臣兄,你又係既,早知亞志雲哥搵你啦,像真度高嘛。


    Snowysoso : 去 google > 打 一百萬人的故事 torrent 或 BT > download全套連該節目的【全民開講】,好精彩的。

    有seed over 1000k/s ,快!


    小妮:咁果個唔知自己戴綠帽既 On-男,仲要全世界都知得佢唔知,咁正?係咪外星人架?

    回覆刪除
  30. 陳大文-冇人提佢gra...我唔知點解攪成咁.

    卡臣 - 情夫是有錢仔, 留學美國,學識比她的正印高,一口流利英文 presentable,但花心.

    正印是local Kong boy,冇咩一技之長搵食,冇咩特別,但好人品.

    可能local Kong boy走唔甩可以做老公,情夫可以帶她出去見識個世界咁啦.

    我睇唔過眼呀,可能我比較老土...

    回覆刪除
  31. 善良的小妮:

    [ local Kong boy,冇咩一技之長搵食,冇咩特別,但好人品...]...


    >>> 咁死得架喎,呢 d 人無用架啦下話,嫁嚟做咩。無一技之長、應該無 $ 啦、人又唔係型過人;但好人品? 好人品可以當補品咩?


    佢老婆晨早應該飛佢啦,只係個傻佬自己在不適當的社會,娶了不適當的妻子而已,無得怨,佢老婆亦係個人意願揀另一個,即是佢老婆根本就唔係安份於同一類人,唔飛佢點得呢?



    邪惡的陳大文 上

    回覆刪除
  32. 這個偷情故事刺激得黎又驚世!

    好多男人自以為演技高超, 能瞞老婆一世, 但係世事往往冇咁「如意」!

    有冇試過手機離奇自動接聽來電?

    伍詠薇在一次電台節目中, 話當年打電話俾某君, 某君手機唔知點解離奇接通左, 伍姑娘全程聽晒某君同老友記晌夜總會同小姐們既對白, 後來見面時, 仲講番句一模一樣既對白俾某君聽, 真係驚嚇!

    回覆刪除
  33. 渣估 - 咁點先可以瞞一個男人一世呢?

    其實我覺得男人好可憐,女人-老公有外遇,女人可以向別人大哭,成個世界都幫你罵個男人.

    我在上幾個留言說的例子,我地冇人有膽講比個男人知佢女人有第二個,仲釣住佢做人世,因為佢好仔走唔甩,而個女人出面有個有錢帶佢見世面的情夫...唉!男人唔衰得ga ma...

    天理何在啊!

    回覆刪除
  34. 純粹我個人觀點:


    一男一女兩公婆,好難計算誰是有天理。男的,他是好仔,但只不過係其他人認為好,但重要的是,作為老婆認為不足,已經無須反駁,相反,男的認為老婆未合己意,道理也一樣。


    通常,什麼類人應該和同類人在一起,尤其夫妻,此為合拍。如果女方心頭高,但男的相反,而男的不自覺之明,女的又無所謂地跟隨,結果就是分手,只是遲早問題。


    也見過例子,男的悠柔寡斷,常對人說自己幸運地娶了強人妻子,結果女的在外結識了強人新歡,又分手。因為妻子認為丈夫未能和自己同步。

    回覆刪除
  35. 小妮大文
    唉~~小妮, 妳個friend又係嘅
    人品好..值幾多錢? 唔通當寵物養咩?!

    情夫是有錢仔...妳個friend當然有上進心.
    擴寬自己眼光境界是無可厚非!

    綠帽男輸俾佢都無話可說, 賽果正常!
    唉,大文兄, 我地共勉之!

    回覆刪除
  36. 渣估兄
    你講個故事似鬼故溝科幻故事多啲!
    唔通係啲太太們(伍詠薇)編出嚟嚇老公?
    情況似阿媽呃仔女扖飯唔乾淨,
    就會娶個豆皮老婆一樣.

    計我話..夫妻坦白啲
    相約一年有一日, 兩方都唔好埋對方去邊做乜
    第二日,跟著又當無事發生, 2人繼續生活
    大家抖吓氣

    回覆刪除
  37. 卡臣哥: 

    咁咪「攞正免死金牌」?
    你老婆制唔制先 ?

    "計我話..夫妻坦白啲, 相約一年有一日, 兩方都唔好埋對方去邊做乜, 第二日,跟著又當無事發生, 2人繼續生活, 大家抖吓氣"

    回覆刪除
  38. 笑 聽

    係呀!
    證明kenneth果陣已經好desperate!
    方寸大亂, 乜都搞唔清楚!
    況且佢11年前才用過公共電話
    已經唔記得打999唔使入錢呢啲簡單通識

    ps. 你愛古典音樂, 我...無從搭爹, sorry!

    回覆刪除
  39. 渣估 - 啊! 我有一個結了婚十多年的朋友說的跟你差不多. 要一段關係長久, 就要對對方冇期望(Zero Expectation Theory).求期佢肯浦頭就算,咁就可以一世了.

    回覆刪除

  40. 你老婆制唔制先 ?
    佢梗係制啦!
    你估佢唔想搵個男人長啲咩!?
    嗚~嗚~

    回覆刪除
  41. Zero Expectation Theory?
    嘩!咁禪?
    即係:無為而無所不為?
    咁不如順便做埋和尚囉!

    回覆刪除
  42. 「你估佢唔想搵個男人長啲咩!?」

    卡臣你其實可以試下每晚叫細佬垂吊一磅啞鈴三分鐘, 久而久之佢就會變長架喇。

    唔駛「嗚嗚」咁慘喎, 姐姐錫番!

    回覆刪除
  43. Carson the Frenchy, here is the translation -

    "I am a french, I can't understand english"

    Je suis Français (男人)/ Française(女人), Je ne comprend pas l'Anglais.

    回覆刪除
  44. 你地講到婚姻咁灰gei?
    個人容易滿足D就冇咁多不滿吧。
    係唔係D人太貪心lei?
    成日覺得自己deserve D好D嘅。
    但係根本就唔適合自己。

    回覆刪除
  45. Um.... I like the zero expecation theory. Since I will be getting married in October, I will have half a year to learn the details about this :)

    回覆刪除
  46. 莊姐姐

    叫細佬垂吊一磅啞鈴三分鐘?
    我試過啦,係就係長咗少少,
    不過就拉幼咗, 而家同支中華牌鉛筆一樣呀!
    得不償失啊~~~

    回覆刪除
  47. snowy
    妳的老公..真係幾生修到囉
    幸福!!

    回覆刪除
  48. 試下利用物理學的 "冷縮熱脹原理", 用風筒應該可以吹番大佢既。

    姐姐錫番!

    回覆刪除
  49. desertfox
    恭喜哂!
    十月做新郎哥!
    唔使担心, 北歐多見樹木少見人
    引誘少啲

    ps,新娘子是華人還是外籍?

    回覆刪除
  50. 莊姐姐
    風筒吹? 頂龐鉛筆變支幼marker

    前晚有蚊飛入褲浪
    針腫咗, 叫做improvement啦

    回覆刪除
  51. Desertfox - "零要求理論"是我一個學佛的朋友教的.無要求是得到真正幸福必須的心態.

    對於你的另一半,我的朋友有以下見解:

    1)求其是但佢會自動定期"蒲頭"就是幸福.

    2)見面時不用理會佢開不開心,你自己開心就得啦.正如見到丐乞你唔會開心,見到吳彥祖你會自動好開心一樣.

    以前我唔信,但年紀越大我覺得越真啊!

    在此多謝大哥Ti!

    回覆刪除
  52. Carson,
    Thanks, the bride is a foreign student from China (重庆). We do most of the wedding planning/shopping in China this summer and that is one of the reason why I am back to HK.

    Yeah, I have had enough of those romantic stories, I just want to settle down. Attractions don't do much to me nowadays. It is just unfortunate that from my past love history, I had been with 越南华侨, Hong Kong, Taiwan and this one (China) and I have the say the one from HK gave me the most headache. Too high expectations and always wants to prove me wrong.



    Lili:
    Yes, this theory is very true. I do believe in it. One of the main reason how a relationship turns from good to bad is when people take their significant other for granted. Lost the sense of appreciation. I keep remind myself of this.

    回覆刪除
  53. Carson,
    I actually talked about this topic with my gf. Her response was:

    "Don't worry, I will do exactly what you did. You sleep with 1 girl I will sleep with 1 guy, you sleep with 10 girls I will sleep with 10 guys" I drop of sweat just ran down my cheek.......

    回覆刪除
  54. 冷縮熱脹......

    If that is the case, then how come the meat shrinks when we cook them?

    The theory doesn't apply to body parts since heat will evaporates the water and make it smaller.

    Carson, think before trying, or else...... 变了牙签我都救你唔到

    回覆刪除
  55. Dessert - I agree with you.

    I had Chinese friends in Sweden and I get along better than Mainlanders than Kongese (though I am a 100% Kongese).

    香港人- I feel that Kongese like to give other pressure by trying to change your mentality. If you don't think their way, you become an outsider even though you're born in Hong Kong.

    鬼仔鬼妹never infringe your private life. They have many topics like travelling, books, music to talk about. So much FUN to be with them

    中國大陸人 - Their new generation travel a lot in China or overseas for studies or for work. To some extent they are more or less like the 鬼仔鬼妹.

    As a Kongese, I won't deny that I am materialistc in some way. However, I won't bother to change others to think in my way or to infringe their private life. That's it or to change mine to fit in the majority.

    回覆刪除
  56. 前晚有蚊飛入褲浪
    針腫咗, 叫做improvement啦....


    >>>> 呵? 真係?咁,無比膏幫唔幫到你 ~~~~~ ? 小心會有殘留...蟲卵...@@"!

    回覆刪除
  57. 我知聽故唔應該駁故, 但報導政界名人病入膏肓, 仲入埋ICU, 點解唔係喺醫院報導, 而喺尖東海旁?

    這又令我記起無線早幾年播的一套劇 - "談判專家", 劇中張智霖是守油麻地的, 但行咇可以行到去北角因畫面曾出現一輛行駛中的電車。

    回覆刪除
  58. 小妮
    講得好中啊!
    閱人無數呀!
    仲有日本人, 我覺得佢地會講理想
    kongese的理想=揾錢

    回覆刪除

  59. 又係喎!
    無計啦, 妳又唔幫我審閱劇本
    我就立即出事!

    幾時再一齊度吓故事呀?

    回覆刪除
  60. desertfox
    冷縮熱脹......
    好似打邊爐, 大蝦滾過龐
    縮到變蝦米咁細
    咁就大劑囉!

    回覆刪除
  61. 好睇呀~~~ 笑死我~~~~
    不過, 世事邊有咁好彩吖~~

    回覆刪除
  62. kateyip

    希望可以咁好彩囉,
    希望在人間嘛

    回覆刪除

LinkWithin

Blog Widget by LinkWithin