~~~~~~~~~~~~~~~~







2007年10月16日 星期二

* 再嚟一家人!(小說)

再嚟一家人!(小說)

Chris和Mandy正在戲院的售票處前排隊購買戲票,
他們拍拖接近5年,兩人都快要踏進30歲。
自拍拖以來,他們每逢週末至少光顧電影院一次。
今天他們打算欣賞一齣關於婚禮的英國喜劇電影。
電影於下午5:45分開場,Chris望一望手錶,只是5:15分,
雖然是9月尾,但街上的溫度仍然很熾熱,
兩人決定到附近一間冷氣充裕的快餐店,舒舒服服地消磨半小時。
星期六的銅鑼灣,熙來攘往的途人都各自忙着找節目消遣。

兩人踏進一間港式快餐店,食客早已把枱櫈填滿,
自由行、外藉遊客、本地年青人、一家大細等等;
5時許正是下午茶和晚飯的交界時分,
吃下午茶餐的食客未走,新食客又進來吃晚飯;
Chris和Mandy花了一番工夫,才找到兩個空位置。
Chris去買汽水和小吃,留下Mandy一人等待。

Chris端着托盤和食品回來,
望見Mandy正在凝視前面的一張四人枱,
四人枱坐着一家人,爸爸四十歲以上,耳帶藍芽,
拿着新聞財經版逐隻字逐隻字鑽研。
媽媽38歲左右,一邊口啜飲管,一邊掀看《明周》,
專注程度不下於應付公開考試。
女兒大約13歲,雙手按着NDS,
在電腦的模擬世界中跟賽車手飛馳,
當然身邊發生什麼事也不能引起她分毫的注意力。
三人就這樣同枱食飯,各自存在,各自修行!
零說話交談、零眼神接觸、
零思想溝通、零精神交流!

Mandy悄悄地跟Chris說:「這家人由我坐低到而家,一句嘢都無講過!」,
Chris:「而家啲家庭關係咁冷漠架啦!」
Mandy:「咁好慘啫!重要對成世喎!」
Chris:「我諗佢哋一家人都曾經開心過,不過而家感情轉淡啫。」
Mandy:「你估我哋第時會唔會變成咁?」
Chris毫不猶豫回答:「梗係唔會啦!我哋點會似佢哋!」
雖然說話已出口,但其實Chris撫心自問,沒有足夠的憑據去支持自己。
Mandy斜瞄Chris一眼,她心想有什麼辦法可以證實眼前的男朋友可以跟自己共渡餘生?
Chris心諗:妳望乜呀?唔俾係妳變心先呀?
Mandy:「唉!既然搞成咁,當初結婚唔通真係為咗賺親友筆禮金?」
Mandy和Chris沉默下來,不約而同盤算他朝他們會否也變成另一對怨偶?

這時候,爸爸的電話響起,他放下手中財經版,
按下藍芽耳筒:「喂,啊!妳做完facial啦,我而家過嚟接妳呀,拜拜!」
太太聽後充耳不聞,毫無反應,繼續看她的雜誌時尚版。
Chris眼珠瞪一瞪!嘩!現今的家庭關係,
竟然淪落到丈夫可以公然在太太面前找小老婆?
Mandy則推敲電話另一旁的女士才是大婆,
這位女士才是從堔圳討回來的小老婆。
丈夫一句拜拜也沒有講就起身離坐;
此時一名三十多歲的男子,手挽購物袋向太太步近,
先生:「唔好意思!妳等咗好耐呀?好多人排隊換西餅,」
太太:「唔耐,啲餅咁重,幫你挽一袋吖,走囉!」
兩人恩愛地手拖手離開。
跟着一位四十歲太太來接剩下的女兒,
言談間知道原來媽媽到診所配藥,擔心診所多病菌,
所以叫女兒留在快餐店等候。
媽媽說:「爹哋到咗地鐵站啦,我哋去搵佢啦!」
說畢女兒收起電子遊戲機跟媽咪離開快餐店。

真相大白!原來這三人碰巧走在一起搭枱,
無心插柳地拚湊成一幅「家庭合照」而已。
這家人如「變型金剛」般,瞬間由一家三口分拆成三個家庭。
空出的四人枱又馬上被一家四口的自由行填上。
Chris和Mandy都笑自己剛才對旁人作出無謂的猜測。
咦?快5:40分啦!兩人立即起行,離開快餐店。

推開玻璃門,一度熱氣迎面襲來,
但對他們來說:這度熱氣是暖流,一洗快餐店內的冰冷。
因為他們剛剛在30分鐘內經歷了一次由婚姻地獄返回人間的驚險旅程!
諷刺的是他們正趕去看一套婚嫁喜劇。

由快餐店步行至戲院需要經過三個街口,
但Chris和Mandy將要行的路是十分漫長,
又豈只三個街口?
兩人手拖手步進街上的人潮當中,不留痕跡。



後記
《一家人嘛!》和《再嚟一家人!》是一個銅板的兩面,分別描述人對婚姻的希冀和對婚姻的恐懼。婚姻生活可以是甜蜜也可以是苦澀,各有前因莫羨人。

44 則留言:

  1. 對, 一個銅板兩面睇。電芯都要有正負極才能發電, 人生當然亦有起有跌、有悲有喜, 更何況是婚姻。將來事, 天知曉, 兩人既然決定一起, 就必須要有信心; 能否並肩到老, 就要看彼此的緣份。

    非常欣賞你的小心觀察, 大膽創意, 想不到一件搭台事件也可成了一個有趣的故事, 多謝。請繼續努力!

    回覆刪除
  2. you're really talented writing these sit-com stories, very interesting.

    i like the first story more, its ending is more touching.

    回覆刪除
  3. 賢,
    "兩人既然決定一起, 就必須要有信心;"
    似乎妳會喜歡第一個故事多啲.
    我要送上徐小鳳金曲
    "有緣無份空痴想,
    有份無緣暗妻涼."

    妳過獎啦,
    好!我繼續寫多啲.

    回覆刪除
  4. Nost,
    You're a sophisticate film fan.
    if you said these stories are interesting, it really make me honour about it.
    You like the first one... actually, me too.

    回覆刪除
  5. 電視人,
    "人生本來就是戲劇"
    對呀! 特別是返工嗰陣!

    回覆刪除
  6. most of your short stories are about those common situations in our daily lives, you make a twist and turn the ordinary flow to somewhere out of my expectation.

    waiting for your new stories!!

    回覆刪除
  7. Nost,
    Thank you!
    my new story is....a love story.
    is a long long story too.

    回覆刪除
  8. 電視人,
    喂! 咁快收工?
    導演未嗌cut喎!

    回覆刪除
  9. My preference is《一家人嘛!》.

    "喜歡哪一個故事,可算是一個小小的心理測驗。" - 上一個故事比較blue, 或許有點遺憾才是人生?

    回覆刪除
  10. V,
    yes, life full of disappointment.
    所以容易有共鳴.
    c

    回覆刪除
  11. in real life, we don't usually find out the fact! SAD!!

    2008年9月29日 星期一 上午10時42分00秒 HKT

    回覆刪除
  12. 自由行
    Chirs同Mandy 2個都係我同事, 唔通佢地有路...?? 哈哈

    唉..我見好多一家人都係同"木台"食飯, 各自修行, 只不過你將冰山一角寫左出黎o者!

    2008年9月29日 星期一 上午11時29分00秒 HKT

    回覆刪除
  13. 我觉得各自修行才是现实的.

    一家拆三家才是童话故事.

    哈哈.

    2008年9月29日 星期一 上午11時57分00秒 HKT

    回覆刪除
  14. C+

    yes, we don't usually find out the fact, and cause misunderstanding

    And misunderstanding cause either
    Comedy or Tragedy.

    +++++++

    自由

    同枱各自修行的催化劑:PSP, NDS, Blackburry,PDA, MP3

    ++++++

    小瓶子

    「一家拆三家」是殘酷现实的童话式出路
    始終是小說嘛

    2008年9月29日 星期一 下午12時07分00秒 HKT

    回覆刪除
  15. 卡臣:
    沒有說話交流不代表關係不好
    有時無聲勝有聲,只要大家互相了解,他/她一舉手一投足,已經知道他/她心所想,因為了解,而不需太多語言

    有時肉眼所看的不代表一切,用心眼去看去感受~~

    但對於素未謀面的人,我們自然會以第一眼去定斷一個人好與壞。

    因此,要認識一個人要慢慢去看,才能了解^^

    hehe又講廢話:p

    2008年9月29日 星期一 下午04時12分00秒 HKT

    回覆刪除
  16. 卡臣,
    謝謝啟發...睇完兩個故仔之後,約左亞媽飲茶^^!

    佚名,
    "有時肉眼所看的不代表一切,用心眼去看去感受~~認識一個人要慢慢去看,才能了解"
    雖然聽落幾無奈,但係我真係好認同,可能有時我發現同人影相,有D人係鏡頭前後,真係完全兩個人...所以睇人真係要用心用時間...矣...好似長氣左小小**!

    2008年9月29日 星期一 下午04時37分00秒 HKT

    回覆刪除
  17. 佚名

    妳唔係講廢話呀!
    擲地有聲!
    估唔到妳年紀細細
    已看透世情....

    2008年9月29日 星期一 下午04時51分00秒 HKT

    回覆刪除
  18. denzel

    我多謝你才是!!

    如果有朋友看完小弟拙作, 之後有點啟發的話, 我會開心!

    如果有點啟發之後, 加諸行動的話, 我會更開心!

    所以
    如果你約你媽媽飲茶
    而伯母感到高興

    她的高興是間接因為小弟的文字
    我會很開心!很開心!很開心!很開心!很開心!很開心!很開心!很開心!很開心!很開心!很開心!很開心!很開心!很開心!很開心!很開心!

    2008年9月29日 星期一 下午04時58分00秒 HKT

    回覆刪除
  19. 一對戀人,從熱情到平淡如水,中間經過的變化,其實也是許多人的經歷。
    沒有永遠不變的戀情,最重要,是一起經歷過的快樂與痛苦。
    曾經擁有....便不再回頭望。

    卡卡,你提醒我,要疼他、珍惜他。

    2008年9月29日 星期一 下午07時10分00秒 HKT

    回覆刪除
  20. 都係以前好。冇電視嗰時仲好,大家閒話家常,不會被電視劇離間如同戲院裏隔離座位的阿茂阿壽。

    2008年9月29日 星期一 下午09時20分00秒 HKT

    回覆刪除
  21. 巴黎女客

    如果妳真的看完這故事後,而更疼、珍惜「巴黎男賓」,
    我真的會更高興!更高興!更高興!更高興!更高興!更高興!更高興!更高興!更高興!更高興!更高興!更高興!更高興!更高興!更高興!更高興!更高興!更高興!


    +++++

    劉劉

    係呀!
    好少香港人食飯唔用電視撈飯

    2008年9月29日 星期一 下午11時01分00秒 HKT

    回覆刪除
  22. Denzel:
    雖然聽落幾無奈,但係我真係好認同,可能有時我發現同人影相,有D人係鏡頭前後,真係完全兩個人...所以睇人真係要用心用時間...矣...好似長氣左小小**!
    -->嗯!係ga~尢其靚女靚仔!「他/她很美,但他/她也很醜陋!」外表很美麗,但內心不美麗!
    但也有例外!因為我也看過,她不但很美麗,也很善良,也很溫柔!!

    卡臣:
    妳唔係講廢話呀!
    擲地有聲!
    估唔到妳年紀細細
    已看透世情....
    -->看似看透,乃未透,否則我就不會對事、對人如此執著!!
    e~其實係看未化wow...kakaka:P

    2008年9月29日 星期一 下午11時05分00秒 HKT

    回覆刪除
  23. 爺爺:
    都係以前好。冇電視嗰時仲好,大家閒話家常,不會被電視劇離間如同戲院裏隔離座位的阿茂阿壽。
    -->咁仲唔快d打爛部電視!!

    2008年9月29日 星期一 下午11時09分00秒 HKT

    回覆刪除
  24. 鸚鵡先生:
    係真架!你篇三毫子發人深省呀!

    我5日冇見過同屋主啦!佢今朝返嚟,我比平時更熱烈歡迎佢!
    點知佢即刻問:你係咪又用張附屬咭買咗D唔等駛嘢?

    2008年9月29日 星期一 下午11時20分00秒 HKT

    回覆刪除
  25. 佚名

    妳做人有態度嘛!
    好嘢!

    ++++++++

    巴黎

    哈哈!笑死我!
    同屋主好抵死!!
    其實....我都會咁諗~~


    點解叫我:鸚鵡先生?

    鸚鵡學舌?

    2008年9月30日 星期二 上午01時35分00秒 HKT

    回覆刪除
  26. 『哈哈!笑死我!
    同屋主好抵死!!
    其實....我都會咁諗~~

    點解叫我:鸚鵡先生?』

    你顧住笑人,連自己點解俾「巴黎旅客」叫做『鸚鵡先生』都唔知,你去睇返自己講過啲乜咪知囉!

    2008年9月30日 星期二 上午07時24分00秒 HKT

    回覆刪除
  27. 鸚鵡先生...會唔會係......我估因為以下的說話~

    很開心!很開心!很開心!很開心!很開心!很開心!很開心!很開心!很開心!很開心!很開心!很開心!很開心!很開心!

    更高興!更高興!更高興!更高興!更高興!更高興!更高興!更高興!更高興!更高興!更高興!更高興!更高興!更高興!更高興!更高興!

    2008年9月30日 星期二 上午09時30分00秒 HKT

    回覆刪除
  28. 好好睇!好好睇!好好睇!好好睇!好好睇!好好睇!好好睇!好好睇!好好睇!好好睇!好好睇!好好睇!好好睇!好好睇!好好睇!好好睇!好好睇!好好睇!好好睇!!!

    2008年9月30日 星期二 下午12時29分00秒 HKT

    回覆刪除
  29. 歪歪

    sorry!
    俾你鬧醒番!

    唔得醒!唔得醒!唔得醒!唔得醒!唔得醒!唔得醒!唔得醒!唔得醒!唔得醒!唔得醒!唔得醒!唔得醒!唔得醒!唔得醒!

    +++++

    自由

    妳真醒!妳真醒!妳真醒!妳真醒!妳真醒!妳真醒!妳真醒!妳真醒!妳真醒!妳真醒!妳真醒!妳真醒!妳真醒!妳真醒!

    +++++

    怒火

    多....多....多....多....多....多....多....多....多....多....多....謝.....謝.....哂.....
    (今之漏口)

    2008年9月30日 星期二 下午01時24分00秒 HKT

    回覆刪除
  30. 巴黎旅客
    哈哈,唔通我嚟左鸚鵡樂園?

    2008年9月30日 星期二 下午01時56分00秒 HKT

    回覆刪除
  31. 『sorry!
    俾你鬧醒番!』

    喂,你唔駛同我講sorry喎!我只係見你咁都要問,有啲出奇諗住俾啲貼士你啫,乜你真係覺得我鬧你呀?咁應該係我講sorry至啱。

    其實日常生活咁匆忙,對予擦身而過嘅人和事,一般人冇乜時間會去深究。

    好似當中嘅主角咁,只要早走五分鐘,除咗見唔到整件事情嘅真相之外,仲可能會留低咗長遠嘅陰影!

    依家俾佢哋發現咗見到嘅唔係冷漠嘅家庭關係之餘,更重要係知道原來呢三位食客都各有一個溫暖嘅家。

    人間尚有情嘛!

    2008年9月30日 星期二 下午02時35分00秒 HKT

    回覆刪除
  32. 卡卡卡卡卡卡卡臣臣臣臣臣臣臣...卡臣:p
    妳做人有態度嘛!
    好嘢!
    -->哦..哦...哦
    係..係...啊..

    死啦!如果真係口窒成咁都幾..幾大制..啊!:p

    2008年9月30日 星期二 下午05時05分00秒 HKT

    回覆刪除
  33. 歪歪

    原來只要早走五分鐘,或遲走五分鐘
    分別可以咁大!!

    ++++++

    佚名

    如果真係口窒成咁都幾..幾大制
    ...係呀!報案果陣花多點時間囉~~

    回覆刪除
  34. 卡臣︰很喜歡這篇!

    同枱食飯,各自修行!的確是人間風景。

    回覆刪除
  35. coffee

    此篇乃真人真事啊
    仲係被我目睹

    回覆刪除
  36. 留意身邊既事物,都未必能寫出咁好既故仔 !
    真係好正 !!!!!

    回覆刪除
  37. kateyip

    這篇我真的很喜歡架
    而家翻睇我都奇怪點解我以前寫得到?

    回覆刪除
  38. 唔只正呀!你寫得好鬼細膩呀!要向你多多學習,觀察方面

    回覆刪除

LinkWithin

Blog Widget by LinkWithin