殺死人的衣著

殺死人的衣著

雖說人人品味唔同，著衫有自由，
但有些Dress to Kill（攞命打扮），
對於我來說都幾礙眼。
所謂別人的美酒是我的毒藥，
以下是我在街頭經常察覺到的「攞命打扮」。

情侶裝情侶拖埋手行埋街都慌死人唔知佢哋係情侶，
唯有著情侶裝去招搖過市。
除了情侶，還有母子都有母子裝，
同一款衫買齊大碼和童裝，出街唔驚走失！
孿生仔女又著孿生裝，
父母自幼培養他們追求單一的品味。


不稱身的西裝
初出茅廬的中學大學畢業生，
所添置的第一件西裝多數唔好睇，
剪裁鬆身，闊膊唔修腰，
很多大學生穿西裝做Presentation，
以為自己好型，其實好似小朋友穿西服做花仔咁！
年輕的樓盤經紀也有同樣的衣著問題。


豹紋
女士到了40歲左右，
便需要穿豹紋來提升野性，
並且留長指甲、仲扮幾吓豹的咆哮！
她們以為野性就等於吸引力。
其實香港男士對馴獸師這份工作沒有什麼幻想，
小鳥依人就最好，但又唔見女士扮雀？
女士打麻雀就見得多。


運動衫配皮革手袋一些有錢太太衣櫃內有很多名貴手袋，
星期日去飲茶時想打扮得後生一點，
一於穿粉藍、粉紅或粉黃色的運動裝！
但手上的皮革手袋又出賣了她，立即老氣橫揪。
還有一些太太更衣著大膽到敢用運動衫配高跟鞋。


同色牛仔褸牛仔褲西裝就話要配色配料做夠一套啫，
牛仔褸牛仔褲都要配好同色一套就唔好啦！
可能佢哋喜歡追求一雙一對，
所以要來過「天造地設」的配搭。
連真正西部牛仔著同色牛仔褸牛仔褲都唔好睇啦，
更遑論中國人！（我沒有明指關德興師傅啊！）


民族服裝
香港有一撮民族服裝的擁護者，
由帽衫褲裙鞋袋都是來自新疆蒙古印度尼泊爾，
但由一個欠缺了一副輪廓分明五官面孔的人穿上，
最終效果就像在堔圳小人國內的工作人員，
攜着花鼓於遊客身邊幫手影相。