2015年10月7日星期三

我幾十歲人，呢啲嘢唔關我事 – 上集

我幾十歲人，呢啲嘢唔關我事 – 上集

荔枝角某一工廠大廈的辦公室內，早上大班同事們正在熱烈討論今朝收到的一封匿名電郵。他們像「辦公室電視處境劇」一樣，大家都傾偈多過做嘢，甚至大模斯樣「一字排開」地討論得眉飛色舞。

同事們早上九時回到公司，一開email，全公司上上下下收一封匿名電郵，發信時間是昨夜凌晨2:30分。電郵內容說：「你哋公司『會計部嗰位陳小姐』一腳踏幾船，專呃男人錢，呃完錢就撇，正一仆街冚家剷！」相信發出郵件的是某位男受害人，現在要唱衰陳小姐的惡行。

公司總經理「盧先生」今天早上剛巧跟大客有早餐會議，要下午才返公司。盧先生新聘請回來上班剛滿三個月的新秘書叫「Lucy」，Lucy估計盧先生下午回office會問她關於那email一事，所以她先要調查一吓。

Lucy私底下找全公司最八卦嗰位女同事「Bobo」去調查。Lucy假詞總經理盧先生想知道email內容真偽。Bobo如獲總經理重用，受命去調查事件，令她在無聊的辦公室中添上一分幹勁。

Bobo返回座位，立即進行調查。「會計部」一共有三位陳小姐：

第一位：48歲的Mary Chan，無拍拖、唔靚的老姑婆。

第二位：27歲的Yenki Chan，斯文少女、她的男友是保險經紀。

第三位：36歲的Cecilia Chan，平凡已婚婦人，育有一女。

三個嫌疑人物，誰是感情騙徙呢？Bobo分別去找三人。

Bobo跟蹤Mary入女廁，在洗手盤前，問Mary關於那封匿名電郵的睇法。Mary怒氣沖沖回答：「我幾十歲人，呢啲嘢唔關我事！」Mary都就快停經，仲未有人吼，邊有本事去呃男人。現在竟然被人傳「專呃男人」，打爛她的貞節牌坊，晚節不保呀！所以她十分之嘮氣。

Bobo覺得Mary嫌疑不大，因為Mary又醜又老，無乜本事去勾引到男人。Bobo立即打電話俾Lucy，update她一吓Mary Chan的嫌疑不大。Bobo轉向下一個調查目標：Yenki Chan。

Bobo和Yenki 好friend，可以講真心話嗰種。Bobo跟蹤Yenki 到走廊影印機。Bobo見到Yenki面有難色、眉頭緊皺。Bobo問正在影印的Yenki對於那封匿名電郵的睇法，Yenki覺得好委屈，話可能得罪人，被人大整蠱。Bobo問Yenki知道那仇家是誰嗎？正當Yenki想開口回答之際，營業經理王先生突然路經走廊，Bobo和Yenki立即收聲散開。

Bobo返回座位，馬上打電話給Yenki，問整蠱她的仇家是誰？Yenki細細聲說：那仇家好可能是Lucy！

吓？原來係Lucy呀！

待續…