~~~~~~~~~~~~~~~~







2015年8月10日 星期一

颱風狂吹



颱風狂吹 

懸掛八號風球,除咗有人緊守崗位,需要繼續上班。有人會到戲院或飲酒,也有人會到海邊睇浪。其他人就留在家中或者安全地方。究竟大家留在家中無所事事,會做什麼渡過打風的日子呢?

第十位:執屋
平日忙到死,難得有一日可以留在家中,終於有時間可以執屋。扔舊雜誌、無用雜物、打掃一吓。執了幾袋垃圾,拿出後樓梯,才發現早已經堆放了幾袋垃圾袋,原來鄰居都趁打風同一時間執屋。

第九位:執相
平日用數碼相機或電話影低好多相片,存放在電腦硬碟內唔理。其實好多相片都可以delete,趁打風日子把相薄分類及刪減一些多餘相片,騰空更多電腦記憶空間,供日後的繼續濫拍。

第八位:烹飪
打風期間,部份食店關門,唯有留在家中煮即食麵開罐頭。也有喜歡煮嘢食的人,趁打風日子整蛋糕甜品或跟食譜烹飪,把製成品放上facebook跟朋友分享,標題是:「打風的日子裡,我煮了」。

第七位:懷舊
平日咁忙邊有時間坐低停一停、抖一抖吖?正好趁打風日子睇吓舊相片、聽舊歌、睇舊信舊咭,懷緬一吓舊日子。

第六位:掉衫
平日買衫,把衣櫃塞到滿一滿。終於可以趁打風日子,打開衣櫃審視一番,把較舊衣服抽起入袋,投進屋企附近的「舊衣回收箱」。騰出衣櫃更多空間買新衫。

第五位:上網
呢一個活動,其實跟「打唔打風」無乜關係。就算天朗氣清,人都要上網啦!不過如果橫風橫雨,就更需要依靠社交網絡聯誼,足不出戶但仍能跟朋友吹水解悶。

第四位:打機
同第五位一樣,打機跟打風其實都無乜關係,就算風和日麗,人都要打機啦!不過打機能消磨時間,打吓打吓,不經不覺已經打到乜風球都除下。

第三位:睇碟
平日在影視店買下來的影碟,因為太忙無時間睇,回家就把影碟擱在一邊。終於可以趁打風日子睇影碟。消費完該批影碟後,下次就可以再入其他新貨守門口。

第二位:瞓覺
一向睡覺不足的朋友,一知道打八號就拍爛手掌,繼續在床上昏迷落去,瞓足一日一夜補眠,人都精神啲,抵抗力強返。也不失是上帝給予世人的一項驚喜禮物。

第一位:打牌
香港人喜歡打麻雀聯誼,「打風日子打牌」是香港人的文化傳統,也是港人的核心價值。應該保育這些非物質文化遺產,窗外打風落雨,室內打牌作樂,就係咁簡單咁易滿足。



二少爺說:鄧寄塵在1965年有一首《十號風波》,講丈夫因打風返唔到屋企而去搵舞女過夜。

8 則留言:

  1. 卡臣:

    可以做瑜伽冥想,同仙女溝通一下。嘻嘻!

    回覆刪除
  2. 第十一位:執番劑

    香港人平時壓力好大,番工畀老細逼之餘又不時OT,捱到放工已經攰到想死,仲邊有心情同精力都做其他嘢吖。難得有一日可以留在家中,終於有時間可以同伴侶二人世界,卿卿我我一番。至於冇伴侶嘅,就開著電腦,邊睇邊搵五姑娘喇。

    回覆刪除
  3. 如果停电就大镬咯,电梯都唔行喎!

    回覆刪除

LinkWithin

Blog Widget by LinkWithin