打仔之歌

打仔之歌

大家好！我係二少爺，今次重溫一首1987年舊歌：Suzanne Vega 的《Luka》。

香港報紙，久唔久就會報導「家庭暴力」事件。離婚問題和家庭經濟問題衍生出虐兒問題。Suzanne Vega以一個被虐兒童Luka的觀點出發，由男孩說出他被虐的遭遇。

歌曲內容大致講：

我的名字叫Luka，我住在二樓，即是在你家的樓上。我想你應該曾經見過我。如果你在深夜時分聽到一些爭拗或嘈吵聲音，請別問我發生了什麼事情。

我想可能因為我太過笨拙，我儘量不會大聲說話。或許是因為我有時抓狂。我儘量不舉止傲慢。他們打到你放聲大哭為止。但事後，你卻不敢問「為什麼？」你就是不敢再爭辯下去，情願息事寧人。

我想我會沒事的，我又要走進那個門口了。如果你問我的話，我會怎樣回答呢？我會答：「這不關你的事。」我只希望我能夠一個人獨處，再聽不到扔東西、摔爛東西的聲音。只求你別再問我過得好不好。

體罰

我細細個（即是遠古之前）體罰十分普遍。左鄰右里的小朋友，邊個唔係由細打到大吖？適當打吓令我記住唔會再犯同樣錯誤，父母打我嗰陣我週屋逃跑，訓練反應要快，打吓又鍛鍊筋骨的抵禦力，其實諗落體罰真係唔錯。

不過我父母打我的力度都是有限，「係咁咦」打下。而家虐兒啲父母當仔女係出氣袋或沙包咁打，錯手打死仔女的案例也不少。就算打佢唔死，小朋友也留下心理陰影，長大後又狠狠地打自己的下一代，惡性循環，冤冤相報。

我有一些已為人父母的朋友，都不敢打仔女，驚仔女睇唔開走去自殺。打得重手可能會打死人，打得輕都驚小朋友受唔住去自殺。所以而家啲生命幾脆弱吖！不在溫室長大的植物，才能抵擋烈陽風雨。

完

二少爺說：雖然是1987年（28年前）的作品，現在聽起來，歌曲也沒有過氣的感覺。