~~~~~~~~~~~~~~~~







2014年9月12日 星期五

電視勸喻


電視勸喻

二十年前,當互聯網仍未普及,電視具有最大的傳媒影響力。那個年代,在電視作出的勸喻或呼籲,最具效益。今次我就選出十句在電視機經常聽到的勸喻。(註:是次數榜並不包括政府宣傳短片的口號)

第十位:「提防假冒,請認明鐳射商標。」
假貨偽品充斥市面,魚目混珠,舉例:Tempo紙巾好賣之後,出現TampoTemperTempa。而一些搶手的特效藥品,經常出現假貨冒充。所以生產商發明「鐳射商標」,分辨真偽。生產商在電視廣告中,對目標觀眾勸喻:「提防假冒,請認明鐳射商標。」但須知鐳射商標都有得假冒架喎。

第九位:「大病梗係要睇醫生!」
傷風喉痛頭暈肚痾的成藥電視廣告,sell自己藥力最有效。服一粒,睡一晚,便藥到病除。一般簡單的頭暈身熱,成藥仲可以幫到手。但一遇上嚴重大病,都係揾醫生穩陣啲。所以廣告出現:「大病梗係要睇醫生!」身體緊要,幾百蚊去睇醫生,唔慳得架!

第八位:「大家快啲打嚟『匯應通熱線』!」
90年代,TVB發明了「匯應通熱線」,用作反映觀眾意見、參加遊戲或投票。「匯應通」廣泛使用於勁歌金曲、籌款節目、資訊節目等。電視節目主持人向觀眾呼籲:「大家快啲打嚟『匯應通熱線』,電訊公司將收取一蚊手續費。」

第七位:「以下節目含成年人內容,敬請家長留意。」
當電視內容包含色情或暴力成份,兒童不宜。螢光幕出現Parents GuidePG家長指引,叫家長多加留意。不過互聯網咁發達,父母都唔知仔女上網睇緊X級喇。電視台要遵守電訊管理局的指引,於晚上9:30後,才可滲入不適合兒童的情節。勸喻觀眾:「以下節目含成年人內容,敬請家長留意。」

第六位:「夜深啦,請將音量盡量收細。」
呢一句應該有幾十年歷史,細細個已經聽到而家。好多居住擠迫的環境,鄰居因電視聲浪而引致糾紛或暴力事件。12時後,電視台呼籲:「夜深啦,請將音量盡量收細。」不過而家都無乜人睇電視,觀眾早已關上電視。而呢句呼籲近年來已經停播了。

第五位:「100條熱線,大家快啲打嚟,踴躍捐輸啦
香港人出名最有善心,每年的慈善節目,都共襄善舉。鄭裕玲、曾志偉、鄧梓峰向電視螢光幕旁的觀眾呼籲。主持人齊聲唸出:「100條熱線,大家快啲打嚟,踴躍捐輸啦」鏡頭即轉向幾排接緊電話的工作人員,密密接聽。後面電子顯示器打出上升的善款數字。

第四位:「我哋俾啲熱烈嘅掌聲
一些佳節綜藝節目或者籌款節目,請了歌星嘉賓,或請了名人頒獎,主持人知道以下呢位嘉賓好有份量,先帶動氣氛,向現場觀眾說:「我哋俾啲熱烈嘅掌聲」以前有「罐頭掌聲」,現今有「專業fans」,都能夠製造出熱烈嘅掌聲同氣氛。

第三位:「廣告返嚟,大家千祈唔好走開!」
商營電視台靠廣告維生,每十五分鐘出一次廣告。節目主持人擔心廣告後,觀眾會轉台,流失觀眾。為了防止觀眾轉冶,主持人預告下一節有什麼精彩節目,呼籲:「廣告返嚟,大家千祈唔好走開!」但觀眾點會咁忠心?無興趣就轉台熄機或者上網好過喇。

第二位:「經過長時間嚴格訓練,小朋友切勿模仿!」
慈善籌款節目,藝人飛車潛水吞刀心口碎大石,這些高難度的危險表演,驚小朋友有樣學樣,節目主持人會呼籲:「佢哋經過長時間嚴格訓練,小朋友切勿模仿!」而家資訊發達,小朋友乜都睇過,無上一代咁單純,又點會輕易模仿呢?

第一位:「信則有、不信則無。」
靈異鬼怪風水玄學的電視節目,講一些科學解釋唔到的東西。為了釋去電視台「鼓吹迷信」之嫌,主持人講完一單靈異事件後,向觀眾煞有介事咁講:「信則有、不信則無。」,信唔信就悉隨尊便了。



二少爺說︰電視都已經越來越少人睇,我們下一代不再是睇電視大,而是上網大打機大。

8 則留言:

  1. 卡臣:

    就快連信用卡公司都唔惦,智能電話漸漸用來付費,要帶咁多張信用卡來做乜?

    回覆刪除
    回覆
    1. 香港有少年因網上遊戲金幣被偷而自殺事件。

      刪除
  2. 仲有「以下表演者經長期訓練,觀眾唔好模仿。」

    回覆刪除
    回覆
    1. 對呀,曾經有小朋友扮超人飛咗落街

      刪除
    2. 有d小朋友幸運d,由碌架床上格跳落地下,爆缸骨折only。

      刪除
    3. 電視仲教人︰呢個人相當可疑/轉身射個3分波

      刪除
    4. 仲有教埋年輕一代理財添,有卡數一筆清喇,幫人易借易還,同埋安心兄弟齊撐你。

      刪除
    5. 我真係以為有個靚女會乘直昇機嚟我屋企借錢給我

      刪除

LinkWithin

Blog Widget by LinkWithin