~~~~~~~~~~~~~~~~







2014年3月31日 星期一

殺局



殺局

這天中午,金融管理局費局長出席一間金融機構主辦的周年午餐聚會。近日全港市民和傳媒的矛頭都直指向費局長,他成為眾矢之的。

事源上週一間新加坡銀行出現恐慌性擠提,費局長站出來呼籲市民要鎮定,保證該銀行運作絕對正常健全。部份存戶信以為真,唔去提款。結果兩日後,這間新加坡銀行真的倒閉了。幾萬名存戶的血汗錢化為烏有。

結果有部分苦主懷恨在心,集資揍錢聘請殺手暗殺費局長,以洩心頭之恨。眼鏡蛇接了這單生意。今天就要在眾目睽睽之下,置費局長於死地。

    * * * *

酒店的宴會廳內擠滿記者和賓客,攝影機和相機鏡頭對準台上預備祝酒的「費局長」眼鏡蛇早已混入會場。他的左手拿著香檳酒杯,腰間藏了一柄改細size的手槍,暗殺的目標,就是距離他十米以外的費局長。

當費局長高舉酒杯之際,一顆銀色子彈,朝他的頭部射去。「嘭」一聲,局長右手高舉的香檳酒杯咁啱擋了子彈的去路,酒杯應聲爆裂粉碎,酒花四淺。

費局長被襲,嚇至雙腳一軟,伏低在地上。在旁的警察立即擁上,包圍著費局長。眼鏡蛇見行動失敗,立即混入慌亂的人群中離開宴會廳。

由於費局長呢排太惹火頭,出入都遇上示威者抗議,向局長指罵扔蕉加身體碰撞。所以警方特別安排了一批警員給費局長,維持秩序。一位戴著耳朵通訊器的持槍威猛警員,拔槍朝眼鏡蛇逃走方向追出去。可能佢睇得電視劇太多,該名貌似馬德鐘的勇探一邊追眼鏡蛇、一邊大嗌:「企喺度!咪走!」的無聊多餘對白。看來勇探馬德鐘已深受香港電視劇的荼毒。

馬德鐘緊隨眼鏡蛇,追到酒店存放雜物的地牢內,幽暗的地牢四周無人。眼鏡蛇躲在木箱後,伺機制服馬德鐘。眼鏡蛇靜靜雞兜路到了馬德鐘背向,兩人相距只是一米,這一刻正是眼鏡蛇制服馬德鐘的最佳時機。

突然響起歌聲「在世間 遮風擋雨有一種愛 從六歲到八十也不更改 」原來眼鏡蛇的電話好唔生性,竟然喺呢個超級關鍵時刻響起。而眼鏡蛇又忘記行動前校震機。呢部電話是太太Jessica新送給眼鏡蛇的,ringtone歌聲也是Jessica替他揀選的,所以絕對唔襯殺手的冷酷形象。

馬德鐘立即回頭,旋身用腳踢走眼鏡蛇手上的槍,右手用槍指正眼鏡蛇的眉心。眼鏡蛇又衰一鑊。兩人freeze對峙咗三秒。

在世間 遮風擋雨有一種愛 從六歲到八十也不更改 」電話鈴聲仍未停

馬德鐘拉開手槍的保險掣,眼鏡蛇閉上眼晴迎接死亡,不過他真的真的很想在死之前,知道那個索命電話是那條「仆街」打來的?

眼鏡蛇問︰「可唔可以喺我臨死前,睇下邊個打俾我?」
馬德鐘冷笑,
馬德鐘移開手槍:「你走啦
眼鏡蛇問:「點解放我走?」
馬德鐘:「因為……我都係倒閉銀行嘅苦主…..你同我殺咗個狗官!」
眼鏡蛇:「咁點解你頭先咁搏命追我?」
馬德鐘:「因為我下個月見broad,我咪要喺上司面前爭取表現囉!所以我頭先要大聲嗌:『企喺度!咪走!』驚死無人知我去追你吖嘛!」
眼鏡蛇點頭同意,原來面前這個明辨是非的人才,並沒有中電視劇毒。

馬德鐘從他的耳朵通訊器取得情報:「個狗官而家喺B2-A出口,你快啲去啦。」
眼鏡蛇:「B2-A出口?會唔會係一個陷阱?我點解要信你?」
馬德鐘:「哈哈!因為如果我要殺你,一分鐘前我已經可以殺死你喇。」
眼鏡蛇向馬德鐘交出一個感謝和肯定的眼神後,向B2-A出口跑去。

    * * * *

眼鏡蛇行動前,早已熟讀酒店的各個出入通道的藍圖,趕來B2-A出口見到一眾警員護送費局長上房車。費局長背向著眼鏡蛇,相隔10米左右,在射程範圍之內,眼鏡蛇正想一槍解決他。

眼鏡蛇舉起手槍瞄準費局長的後腦,開槍之際電話又突然響起「在世間 遮風擋雨有一種愛 從六歲到八十也不更改 Oh my God!擾亂心神,「砰嘭」一聲,子彈飛歪誤中費局長身旁一名穿制服警員後腦,當場斃命。噢!錯手殺咗個無辜市民添,可惡的來電呀。

眼鏡蛇知道今天欠缺運氣,兩顆子彈都落空,又有兩個黐線來電,行動注定失敗。眼鏡蛇立即跳入冷氣糟逃走,逃離酒店。

    * * * *

走在街上的眼鏡蛇,神情落寞,殺不到應殺的人,反而誤殺一名警員,製造孤兒寡婦,不免受到良心責備。

前面有一班路人駐足看商場牆上的戶外大電視,特別新聞報導:「20分鐘前,費局長於酒店遭獨行殺手槍殺,送院途中,證實不冶。」吓?乜唔係誤殺側邊位警員咩?眼鏡蛇心裡一堆問號。

原來費局長愛睇荷里活電影,他逃走時突然想起某一套電影橋段,他用局長權威勒令一名警員把制服跟自己的西裝對調更換,分散殺手注意力 (其實想搵替死鬼)

結果眼鏡蛇錯有錯著,誤殺副車命中紅心。費局長唔衰攞嚟衰,聰明反被聰明誤,死於命運的作弄。而街上的部分路人是銀行苦主,知道這好消息後,紛紛對身邊陌生人互相握手、擁抱、甚至親吻,大陸遊客唔知道內情,仲以為香港提早除夕倒數,紛紛拍低這奇景,嘖嘖稱奇。

眼鏡蛇知道費局長死訊後,心情大喜!此時此刻,是時候做「完成任務signature」。環顧四周沒有警察,眼鏡蛇隨手在口袋中取出一張家居電器宣傳單章,把它撕碎,手一揚,碎片四飛。自己freeze咗個pose,好型啊!

這時候,他才醒起要找出打那兩個索命電話的真凶。來電顯示是太太Jessica打來,眼鏡蛇又不能向她表露殺手身份,只好心平氣和地回電給Jessica。太太提醒他今天放工回家前,要到信用卡禮品換領中心,換部抽濕機回來。眼鏡蛇答應了。

咦?頭先撕爛嗰張好似係「信用卡禮品換領通知書」喎!

雖然眼鏡蛇返去被老婆鬧,但能夠符符碌碌咁完成一單驚險的任務,總算執返身彩。

全文完


二少爺說︰唔知有無網民發起集資,騁請殺手暗殺政要呢?

8 則留言:

  1. 費局長聰明反被聰明誤,呢d咪叻唔切囉,費局長真係廢呀。

    我開始捉到路,今集睇到「子彈飛歪誤中費局長身旁一名穿制服警員後腦,當場斃命」,我就估到費局長同警察換咗件衫喇。

    費局長亂咁呼籲市民鎮定,又咁樣對下屬,實在抵死,眼鏡蛇well done呀。 :)

    回覆刪除
    回覆
    1. 果然捉到路,眼鏡蛇永遠都會完成任務,雖然過程乎碌D,

      而家D局長,十縛皮一個月,廢到震,我納稅俾呢班廢柴,公積金又白供,屌!!

      刪除
    2. 眼鏡蛇有d阿甘嘅影子喎。

      睇「眼鏡蛇系列」,唔需要在乎結果,因為明知佢次次都能夠完成任務;我只享受過程,享受佢每次都無心插柳,使我會心微笑呀。 :)

      李超人都講喇,叻嘅人唔做,唔叻嘅人爭住出嚟做嘛。其實香港都冇乜出路o架喇,佢哋坐以待幣,我哋坐以待斃喇。

      刪除
    3. 「坐以待幣,我哋坐以待斃」<---金句! 果然係食字高手,點解我要納稅養班仆街? 佢地淨收錢。唉~~

      刪除
    4. 哈哈,係你面前,小弟班門弄斧咋。 :)

      你有冇聽過一個理論,我哋嘅薪金,其中70%係人工,餘下30%係畀老細上司屌先?

      至於仆街嘅薪金,如果根據以上理論,比例略為改至10%係人工,你就明白佢哋點解十幾萬一個月㗎喇。 :p

      刪除
    5. 要承受全港7百萬人嘅咀咒同惡念,真係唔夠命硬都會死。咁佢份糧90%要嚟接受七百萬人的咀咒,又唔過份喎。

      刪除
  2. 卡臣:

    閻王要費局長三更死,留唔到五更.嘻嘻!

    回覆刪除
    回覆
    1. 正所謂︰命裡有時終須有、命裡無時莫強求。

      刪除

LinkWithin

Blog Widget by LinkWithin