~~~~~~~~~~~~~~~~







2014年3月11日 星期二

原來的我 – 下集


原來的我 下集

(這篇是新寫的)

2034年,即是20年後,科技進步一日千里。人的保養、抗衰老藥物、整容技術已是突飛猛進。40歲人的外表可以整到好似二十幾歲咁。

有一個男仔叫JackyJacky20歲那年發現了自己有「性別認同障礙」。打後的日子,他十分渴望變成女性。在他30歲那年,即是2024年,他成功做了變性手術,變成一名女子,改名成為Jackie。加上先進的整容抗衰老手術,Jackie外表像一個25歲的少女,她嫁了給一名有錢佬。

又過了10年,即是2034年,發明了時光機,可以讓人回到過去進行「時光旅行」。但客戶需要簽署一份協議書︰回到過去後,不能對任何人透露身份、不能犯法、不能企圖改變歷史、不能洩露秘密、只能做一個旁觀者。

Jackie參加了「時光旅行」,由2034年回到2014年,探望20歲的自己。Jackie變了女性,她扮作Jacky的新加坡遠房親戚。Jackie很開心見到年輕的自己。自己跟自己傾計,唔怪之得佢哋咁夾咁啱傾喇。

怎料Jacky愛上了變了女性的自己。Jacky決定愛上女性後,間接改變了歷史︰Jacky是異性戀者,Jacky將來不會去變性,Jackie便不存在世上,立即消失。難怪她那天早上不辭而別啦。

Jackie從來沒有企圖去改變歷史,但她估不到年輕的自己竟然會戀上未來的自己,間接造成一宗自殺事件。



二少爺說︰自己玩死咗自己。

34 則留言:

  1. 最尾嗰句最精警, "自己玩死咗自己"應該係好多人寫照...

    回覆刪除
    回覆
    1. 都係架,自己以為聰明,通常到累死自己。

      刪除
  2. 睇到呢度,我差d畀作者玩死,呢個係一宗網上企圖誤殺事件喎。

    回覆刪除
    回覆
    1. 我不停喺度諗呢個「循環」,差D諗到腦死。

      刪除
    2. 照推斷: jacky直返,30年後仍是直的他考慮去唔去時空旅行? 如果去,分分鐘令仍有基的疑惑的jacky愛上自己,gay咗,那麼未來的老婆兒子便消失,又另一宗謀殺

      刪除
    3. 我喺度思考緊一個概念,就係現實上「時光旅行」應該唔可以同「以前」嘅任何嘢互動。因為一有互動,就會有變化,咁就會影響歷史,繼而影響到將來。但係喺電影同埋故事上當然冇問題喇,反而會是提升刺激感同埋可觀性添。

      舉個例子大家諗諗,阿明於2050年係30歲,佢覺得自己30年來都好唔快樂。佢想「時光旅行」回到2021年,殺死嬰兒時嘅自己;或者係「時光旅行」回到2019年,殺死自己的父母;又或者「時光旅行」回到過去做一D事,總之目的係令自己唔存在喺呢個世界上。

      但係阿明理論上係「完全冇辦法」做得到,因為只要「過去嘅阿明」一唔存在,「2050年嘅阿明」亦唔可以存在。如果「2050年嘅阿明」唔存在,就連在2050年「叫人回到過去殺自己」呢一幕亦都唔可以存在,更惶論「2050年嘅阿明」自己回到過去殺自己。

      所以我嘅淺見係,「時光旅行」將來總會實現,但係只可以回到「過去」立體咁觀看「過去」嘅事情,好似睇電影咁,並不能干預事情嘅發展或作出任何嘅改動。

      刪除
    4. 多謝你執筆寫咁長的辨証,同意啊,
      我的愚見認為︰「時光旅行」無論向前或向後,都會有改變歷史的可能性,天下序秩大亂。睇相佬呢行將會淘汰,人人都可以改變歷史,或被人改變自己的歷史,避開交通意外等等...

      刪除
    5. 希望我哋有生之年會發明到時光機喇,我想體驗吓「時光旅行」。 :)

      刪除
    6. 我希望可以發明透明技術,等我入女厠/女更衣室

      刪除
    7. 可惜隱形技術只限於人體,要唔著衫先可以全透明喎。 :p

      刪除
    8. 仲好,赤裸裸咁入女更衣室,方便啲

      刪除
    9. 小心女更衣室裡面有幾個200磅嘅Queenie同樣隱咗形,喺度守「豬」待兔呀。

      刪除
    10. 咁恐怖? 最好發明埋「隨意門」,等我立即逃脫

      刪除
    11. 這陷阱這陷阱,偏你遇上。 :p

      我希望當時你攞住一個「放大縮小電筒」,應該有d用嘅。

      刪除
    12. 你有「還原靚靚拳」,佢哋有「猴子偷桃手」

      刪除
  3. 回覆
    1. 晴天霹靂...通常發現女友是親生妹
      如果發現女友是自己,應該落狗屎

      刪除
  4. 卡臣:

    呢個狀態認真超越時空,咁嘅時空穿越,好多可能性也會出現。

    回覆刪除
    回覆
    1. 可能Jackie俾jacky搞大個肚
      或Jackie在現在變了lesbian

      刪除
  5. 吓,回到未來?啲讀者真係畀你玩死!

    不過睇到你寫『有一名男同性戀者叫Jacky,他在20歲那年發現了自己是男同性戀者。打後的日子,他十分渴望變成女性。』就要澄清一點,Jacky唔係同性戀者,而係有「性別認同障礙」,完全係兩回事嚟㗎。

    回覆刪除
    回覆
    1. SORRY! 再一次證明小弟冒昧無知,多謝指正,已經更正返, 否則傳播偏見。

      刪除
    2. 卡臣:

      歪歪的認知好清晰,我都唔記得咗「性別認同障礙」了。

      刪除
  6. 卡臣,你更正咗上集,其實上集你話Jacky『懷疑』自己係同性戀者,可以算合理,我只係覺得下集第二段令人有誤解。你亦都唔係無知,只係對呢方面少接觸啫!

    回覆刪除
  7. 唔..有d 混亂, 2034返到2014,Jacky 與 Jackie 同一個人...時光錯覺,看後令人思前想後,故事勁呀!

    回覆刪除
  8. 卡臣兄, 終於返來睇古仔, 我會乖乖地睇返你過往幾個月的post.

    看完原來的我, 久久不能平復. 20年後變性後回到過去令到confirm以前自己的性取向係鍾意女仔, 咁即係佢唔會變性, 將來亦唔會去返以前同Jacky傾計, 亦即係話Jacky會繼續有性別認同障礙....??? 死喇, 我有邏輯認同障礙!

    回覆刪除
    回覆
    1. 多謝支持,終於得閒啲啦,慢慢睇,唔好急

      我知你明架,情形似TERMINATOR,機械人派T800回到過去刺殺John Corner,就是要改變歷史。

      Jackie的存在任務就是要去改變歷史。所以她一定要存在,Jackie拗直完JACKY便自動消失。

      刪除
  9. 連 Gender Identity Disorder 都比你玩埋~

    不過講真,時光旅行改唔改變到歷史呢個課題係無答案架噃 :P

    回覆刪除
    回覆
    1. 我主觀希望可以改變到歷史,咁我就改變人生的一些錯誤決定

      刪除

LinkWithin

Blog Widget by LinkWithin