~~~~~~~~~~~~~~~~







2014年2月5日 星期三

生日特備節目

生日特備節目

辦公室內的Diana放下手提電話,既羨慕又妒忌地嘆了一口氣。Diana剛收到WinnieWhatsAppWinnieDiana的女同事,今天Winnie生日,她了假期跟男友去慶祝。

WinnieWhatsApp傳來的照片︰她坐在直昇機艙內,剛剛起飛的情況。機窗外望見上環順德中心,Winnie寫道:「出面好嘈但係心情極之輕奮!」畢竟第一次乘搭直昇機,Winnie旁邊坐著搞小生意的肥胖中年男士。兩人打算今天去澳門遊樂,男友給Winnie驚喜,不坐飛翔船、改坐直昇機去澳門。逗得Winnie很高興,立即發WhatsApp給好友們分享喜悅。

DianaWinnie同期進入這間物業管理公司工作,雖然兩人沒有工作上的衝突,但心裡或多或少存著競爭的心態,都不想自己給對方比下去。由工作表現、衣著、手袋、品味、男友,情人節收到幾多束花,都存有競爭的氣味。如今Diana收到Winnie鬆毛鬆翼的WhatsApp,心裡忿忿不平。

當天Diana下班後,約了當中學教師的男友Simon吃晚飯。Diana的生日在十天後,Diana如小孩般,向男友要求在自己生日當天,可以坐一趟直昇機。

Simon聽到後:「嘩!兩個人搭直昇機?要成幾千蚊喎!又唔係咁趕不如搭飛翔船喇!」Diana不好意思講出跟Winnie比鬥的真正內情。

最後Simon提議不如生日當天去五星級酒店吃自助餐。仲懶幽默地說:「如果唔肚餓,食Buffet就唔抵喇,不如當日中午私哋先去行山,傍晚食Buffet就可以食多啲!」

其實Simon的中學正籌備搞秋季大旅行,要Simon老師作先頭部隊到目的地先探路一次。Simon諗著一石二鳥,既工作又慶祝。Diana知道再哀求Simon也是徒然,而且她都愛行山,只好默然接受,自己輸了,今趟讓Winnie威風一次吧。

    * * * * *

九天後,Diana向公司假一天,好釀明天去慶祝生日。當Diana放工時,Winnie懶風騷地問Diana:「聽日妳生日!去邊度玩呀?」Diana支吾以對,因為「行山」這兩個字,真係講唔出口。

Diana生日當天,與Simon到大嶼山遠足,Simon帶著指南針領路。行到下午,越行越險要。Simon露出焦急表情,原來他人生路不熟,行山行到迷路,兩人困於一險峰上,唔上唔落。

無計可施之下,Simon唯有報警求助,警方派出飛行服務隊去搜索他們。黃昏時分,DianaSimon登上「海豚型直昇機」飛返基地。在直昇機倉內,Simon笑笑口取出電話,拍下Diana

Diana此時才醒覺到原來自己的生日願望,最終都能如願以償。DianaWhatsAppWinnie,拍到自己坐在直昇機倉內的情況。機窗外望見黃昏光線映照下的天壇大佛,金光閃閃,更勝Winnie拍攝的上環順德中心。Diana僅以些微點數反勝Winnie

Diana心裡知道,行山經驗豐富的Simon,又怎會這麼輕易迷路?一定是他故意一手造成。

兩位小姐都在生日當天,乘搭直昇機慶祝生日,分別在於一位用自己錢包內的錢,另一位則花政府的公帑。有時,為搏紅顏一笑,明知不可為而為之,愛情……大抵就是這麼一回事吧。


二少爺說︰為了虛榮,鬥餐死都唔知為咗乜?

16 則留言:

  1. 雖然度縮左啲啲。。不過條橋好屈機!

    回覆刪除
    回覆
    1. 手段唔重要,目標為本嘛。

      乜妳呢排得閒咗少少,咁捧場

      刪除
    2. 其實keep 住有睇架,不過之前齋睇唔出聲姐。
      你寫啲故仔咁好睇,應該要留多啲言捧下場既~

      刪除
    3. 多謝哂!
      氹得我咁鬼開心!我繼續努力

      刪除
  2. 哦,Simon濫用納稅人嘅金錢嚟溝女。 :o

    回覆刪除
    回覆
    1. 我仲記得當年海潚後平安番嚟香港嗰對綜援夫婦呀。

      刪除
    2. 咪係囉,彧者今年靚BENZ泊屋邨,遭圾垃筒包圍

      刪除
  3. 卡臣:

    若干年前有性治療師提議,用公帑請性工作者為不舉男人作治療,慳水慳力。因為佢地研究過,好多不舉男人,對住妓女就馬上「瘋」。嘻嘻!

    回覆刪除
    回覆
    1. 用公帑去嫖? 我又去~ 等我登記不舉先

      刪除
  4. 真係好計, 免費坐直升機!
    唉咁都要鬥 , 就快情人節,平時幾十既玫瑰花加價變幾百!

    回覆刪除
  5. 想出这条桥者才是高人,卡臣,你是高人!赞!

    回覆刪除

LinkWithin

Blog Widget by LinkWithin