~~~~~~~~~~~~~~~~







2014年2月17日 星期一

見家長


見家長



Kevin從加拿大留學回流,在香港一間銀行工作。他的父母留在溫哥華定居。每年聖誕節,Kevin也會回溫哥華跟父母歡渡聖誕節。Kevin已屆適婚年齡,恨飲新抱茶的父母,著Kevin帶女朋友回家給他們過目。Kevin唯唯諾諾,12月帶女朋友去攝氏零度的溫哥華渡冬假。



Kevin帶著女朋友,由機場返家,母親正在家中準備豐富晚餐替他們洗塵。Kevin按門鈴,父母殷切開門,女朋友首次拜見Kevin父母。



媽媽見女友後,面色一沉:「Kevin,你入一入嚟廚房幫幫我手吖!」
Kevin入廚房後問:「媽,點呀?幫手整火雞呀?」
媽媽:「哼!你女友咁醜樣,你唔飛咗佢,唔好認我做阿媽!」
Kevin最鍚父母,唯命是從,回港後,不久就甩了這女友。

* * * * * *

半年後,Kevin找到一個更靚的model女友。12月又帶新女朋友去溫哥華見父母。今次Kevin充滿信心,希望媽媽會鐘意呢位模特兒女友啦。

怎料媽媽見新女友後,面色一沉:「Kevin,你入一入嚟廚房幫我手吖!」
Kevin入廚房後問:「點呀?呢個女仔OK啩?」
媽媽:「哼!你新女友咁醜樣,你唔飛咗佢,唔好認我做阿媽!」
Kevin雖然失望,但他最聽父母的話,回港後,不久就甩了這新女友。

* * * * * *

Kevin極度氣餒,不知道什麼女友才可以取悅到父母?Kevin的同事David獻計教路:「嗱!Kevin,你一於根據你媽媽年輕個樣,揾個女友同你阿媽一模一樣,信我!你阿媽一定唔會詐型!」

Kevin照板煮碗,又竟然俾佢咁好彩喺人海之中,揾到一個跟媽媽年輕時一模一樣的女友。

* * * * * *

12月,Kevin帶最新女友去溫哥華見父母。Kevin今次真的充滿信心,媽媽一定會鐘意呢位新女友。

不出所料,媽媽一見這位新女友,面色大悅,當場大讚:「Kevin,你呢位女朋友真係fabulous!」好開心咁仔細上下打量這位未來新抱。

此時,父親叫:「Kevin,你入一入嚟車房幫幫我手吖!」
Kevin入車房後問:「爸,點呀?剷雪機又壞咗呀?」
父親:「哼!你新女友咁醜樣,你唔飛咗佢,唔好認我做阿爸!」
Kevin:「吓……?」


二少爺說︰呢對父母真係一對鬥氣冤家。

10 則留言:

  1. Kevin嘅父母真係好玩嘢喎,呢個又唔得,嗰個又唔得。Kevin又言聽計從,錯失咗兩個女仔,真係愚孝呀。

    我建議Kevin下次探父母時扮中途轉基,叫同事David扮住女朋友先,帶埋佢去見父母,嚇一嚇兩位老人家。

    * * * * * *

    12月,Kevin帶同假女友David到溫哥華見父母。Kevin今次真的充滿信心,估計父母見到後一定很意外。

    不出所料,父母一見David,面如糞色,呆位當場。兩人定過神來後,父親先叫:「Kevin,你入一入嚟我哋房幫幫我手吖!」

    Kevin入房後問:「爸、媽,點呀?David靚唔靚仔呀?」

    父母異口同聲說:「阿仔,你飛咗David,下年求其帶個女仔嚟見我們就得喇。」

    回覆刪除
    回覆
    1. 父親見到一個咁似老婆個様的未來新抱,唔詐型都唔得,容乜易第時「雙鬼拍門」

      另一個角度,老豆錯過,唔想仔再錯。悔恨終生架

      刪除
  2. 卡臣:

    Kevin第二年又搵咗另一個女仔,樣貌似阿爸嘅初戀情人。今次過咗阿爸嗰關。

    阿媽就問Kevin:『但我滿意先前嗰個女仔喎!』

    Kevin恭敬地回答:『阿媽,先前嗰個我hold住咗。我準備兩個都娶,雙囍臨門呀!』

    回覆刪除
    回覆
    1. 呢個結局認真唔錯!
      父母一定唔會詐型啦

      父親見到初戀情人,母親又見到後生的自己,不過最驚老爺一時忍唔住,侵犯新抱啫

      刪除
  3. 卡臣,
    其實呢... 會唔會Kevin條友根本就係"花心大少"...
    搵老豆老母過橋做借口, 然後不斷換女朋友...
    哈, 或者真係如網友"m."所言...
    kevin 咁既男仔, 不要也罷^^!

    回覆刪除
  4. 回覆
    1. 妳又講得啱喎,好多父母見子女開心便可

      刪除

LinkWithin

Blog Widget by LinkWithin