~~~~~~~~~~~~~~~~







2014年2月24日 星期一

最愛都會過去 - 上集



最愛都會過去 - 上集

K房內傳出歌聲,有一對男女,正合唱許志安和車婉婉的會過去的》,最愛都會過去 都會散去 都會退去 既然難忘 為何連記得都太累

房內有8人,拿着咪的26歲男子,叫阿輝;因為他知道自己不是讀書材,他中三畢業後,沒有繼續學業,投身社會。阿輝和父母及細佬,一起住在屯門的公共屋邨。父親是大廈護衛、母親當餐茶廳侍應。細佬任職電腦程式員,阿輝在荃灣區一間集團式卡拉OK做水吧。

阿輝從來沒有什麼宏大的理想或目標,只想輕輕鬆鬆,無乜壓力過日子。他沒有奢望過富裕的日子,因他知道自己的條件限制,無野心、唔進取、怕辛苦、被動,好聽一句是:「知足者貧亦樂」。難聽一句就是:「不思進取,原地踏步。」

阿輝每月把部分薪金交給父母,餘下的薪金拿來作生活費及賭馬。沒有積蓄或選購投資工具,因他不喜歡數目字(除了賠率和派彩外)。阿輝沒有長遠的退休計劃,他想年老無收入時,政府綜援就是他的唯一出路。

阿輝最喜歡的嗜好就是賭馬,有時輸、有時贏,他不是病態賭徒。他跟卡拉OK同事調更,務求星期三和星期六可以入馬場。阿輝賭馬作為嗜好,因為他相信他的賭本已作慈善用途,學校、醫院診所之類,福有攸歸。

    * * * * *

阿輝今晚跟女朋友阿Yan卡拉OK消遣,其餘六人是屋邨長大的朋友。坐在阿輝旁邊的阿Yan,她拿着咪,跟阿輝對唱會過去的》,Yan十分鐘意唱K,阿輝只是一般喜歡,不過為了的陪阿Yan,加上同一班朋友熱熱鬧鬧飲吓啤酒,阿輝都唔介意間中去唱吓K。阿輝和阿Yan的飲歌,就是這首會過去的》。

他們在同一間卡拉OK工作,男的做「水吧」、女的當侍應。兩人因為工作關係而認識,朝見口、晚見面,後來發展成為情侶。

Yan自幼在屋邨長大,自父親去世後,留下做速遞員的母親,獨力養大阿Yan和她的細佬。阿Yan是讀書的材料,可惜她中六考完會考後,母親因工作過勞患了慢性疾病,經濟擔子便一下子落到阿Yan身上,原本可以升讀大學的阿Yan,被迫缀學,做過時裝店sales及化妝小姐。

她覺得做零售業,前途會有限制,曾經想轉做OL,但在大學生泛濫的社會,又怎會有公司肯聘請中六學生?

她想嫁給有錢人,改善生活水準,但富家子弟愛上窮家女的童話故事,只能在粵語長片或韓劇中找到,現實又怎會發生呢?

Yan自父親去世後,她已經知道金錢的重要性。她想找緊每個賺錢的機會,做多份兼職。但仍然只賺得雞碎咁多,試過炒股,又損手離場,真是「財不入急門」。她的鬥志被生活磨得更堅毅,心裏仍有一團烈火要賺錢。

就性格來說,阿Yan和阿輝並非十分相襯,一個不斷向前衝、一個怕累想坐低,阿Yan心裡知道,阿輝不會是自己的結婚對象。阿輝亦知道自己沒有本事留得住有野心的阿Yan

    * * * * *

某個星期三晚上,阿輝入了馬場。晚上十時阿Yan下班。同事CashierMay生日,叫阿Yan一起去慶祝生日;阿輝有點身體不適,跑馬散場後自行回家。

Yan等一行16人,到同卡拉OK集團的旺角分店唱K,員工享有5折優待。席間,阿Yan經阿May介紹下,認識一名24歲男生叫Ronald,他在溫哥華留學讀時裝設計,剛巧回港渡聖誕假。Ronald溫文有禮,阿YanRonald同坐,兩人談話投契,互相交換了電話號碼。

Ronald於聖誕假完畢後,回加拿大繼續學業,他們相約日後保持聯繫。阿Yan沒有把今晚的事情告訴給阿輝知道。

過了8個月,阿Yan對阿輝的消極生活態度,早已到達心淡的地步,只是她未找到一個適合的機會跟阿輝攤牌。

八月某個晚上,阿輝零晨5時放工,如常送阿Yan回家到屯門。行到屋邨冬菇亭前,阿Yan突然轉頭向阿輝說:「今年9月我會去溫哥華讀書。」

阿輝聽後,望着阿Yan呆了

待續

二少爺說︰你有係嘅生活,我繼續我嘅忙碌。

12 則留言:

  1. 阿輝心裡想,阿yan跟著自己都冇幸福,不如放手喇。之後阿輝說:「去罷,祝你找到你的理想。」

    呢d故事真係睇到我好投入o架,以上我亂估完,等睇下集。 :)

    回覆刪除
    回覆
    1. 證明你係一個好男人,為對方著想
      分開都好,步伐唔一致

      想起一句歌詞....「是否你走得太快,還是我走得太晚」《一個人在途上》

      明晚你就知阿輝點反應啦

      刪除
    2. 我有個「好男人」嘅推論方式,大前題係來自「好腰好腎好男人」:

      根據上面嘅前題,要證明係咪一個好男人,可以由「好腰好腎」入手。 點證明一個男人係咪「好腰好腎」呢,咁就要先了解佢嘅性生活喇。 如果一個男人同時間有好多性伴侶,每晚都可以3次以上,而且係鞭鞭有力,第二朝仲可以精神奕奕咁番工,呢d咪係「好腰好腎」囉。

      由以上推論,我唔係好男人lu,我係虧男 。 :p

      謬論發表完喇,今晚睇吓阿輝點答喇,希望最後happy ending喇。 :)

      刪除
    3. 咁樣講法,舞男先係好男人,
      我哋都係壞男人,但係又話「男不壞,女人不愛」我哋應該好大市場喎

      我都希望阿輝好....
      (俾個貼士,呢個故事抄自"阿甘正傳")

      刪除
    4. 如果將「好腰好腎好男人」加上「男不壞,女不愛」兩個前題,我又可以推出另一個謬論喎。

      女人只愛壞男人,即係女人唔鍾意「好腰好腎」嘅好男人喇,所以女人對性嘅需要唔大。因此結論係「女人都是性冷感的」,難怪咁多男人控訴自己嘅伴侶喺床上係死魚喇。 :p

      《阿甘正傳》式嘅故事好吖,夠勵志,啱我睇,我渴望好似阿甘咁樣,機會不斷咁湧埋嚟。 :)

      刪除
    5. 你得出一個結論︰「女人都是性冷感的」。
      不過如果遇上「高富帥」,就立即熱情如火....

      我都想似阿甘,傻人自有傻福。做埋富翁添呀

      刪除
  2. 讀時裝設計,可能喺孿人?嘻嘻!

    回覆刪除
  3. 吓...《阿甘正傳》...即係阿Yan有絕症?

    回覆刪除

LinkWithin

Blog Widget by LinkWithin