~~~~~~~~~~~~~~~~







2013年12月11日 星期三

阿強拜大佛



阿強拜大佛



(這篇是新寫的)

大家好!我係阿強,今次講一個香港旅遊景點︰「大嶼山天壇大佛」。

「天壇大佛 (Tian Tan Big Buddha )是一座位於大嶼山寶蓮寺前木魚峰上的佛像。由中國太空科技部設計和製作,佛像由202塊銅片組成,高26.4米,重220公噸,是世界上最大的戶外青銅座佛。天壇大佛於1990年動工,19931229日佛家阿彌陀誕辰日開光。」- 維基百科

我記得小時候跟父母星期日去梅窩旅行,在中環港外線碼頭乘船去大嶼山。那時候碼頭有一間「統一酒樓」,假日時旅客們喜歡在那裡邊飲茶邊等人,等齊人吃飽便出發。

那時候的離島小輪,分冷氣頭等和普通二等。船尾有Open dock,吹海風曬太陽傾偈聽歌。仲有小賣部,味精餐蛋麵更是必吃食品。今時今日,離島小輪上已沒有人手小賣部,只剩下自動販賣機。

95年第一次去天壇大佛,那時候沒有昴坪360,要乘船到梅窩碼頭再轉巴士去大佛。山長水遠終於去到,嘩!好大座啊!咁宏偉,拜祂祈福一定靈驗!

20年後,交通改善了,乘港鐵和吊車便可以快捷地到達。太容易去到,反而少了當年那份去旅行的心情。正如以前入元朗是要大半天,現在半小時便可。

* * * * *

好了,花園遊完,今次講我遊日本的鐮倉大佛(The Buddha at Kamakura)。

「位於日本神奈川縣鎌倉市的高德院,寺院內供奉的本尊阿彌陀佛被稱為「鎌倉大佛」,大佛高達13.35米,重約93噸的露天阿彌陀佛青銅塑像。根據寺院有關青銅像建造的相關記載,大佛的歷史可以追溯到1252年的鎌倉時代。鎌倉大佛完全保留了造像當初的風貌。起角、平面的面相、低肉髻、帶點陀背的姿勢、頭身比例上頭比較大等等,都顯示出鎌倉時代流行的「宋風」佛像特色。」- 維基百科


我在1994年到訪「鎌倉大佛」,13米高的佛像,我已經覺得很宏偉。怎料一年後,我在香港見到double size身高26米的天壇大佛,感到香港終於威返一次!

不過深一層︰「鎌倉大佛」興建於700年前,天壇大佛則建於20年前。咁計法,天壇大佛要成500米咁高,先叫做贏到「鎌倉大佛」囉。至於對兩座大佛許了什麼願?已經忘了,所以唔知邊座佛靈啲呢?


二少爺說︰見到大佛,立即邪念盡去,阿彌陀佛。

16 則留言:

  1. 佛家教人放下七情六慾,做到無慾無求。

    你對住佢許願即係你嘅內心心存欲望呀,應該唔靈㗎喇,嘻嘻。 :p

    回覆刪除
    回覆
    1. 要做到無慾無求,認真困難,唔怪得唔靈啦

      刪除
    2. 唔食肉剩係食菜食素都難喇,何況要「無慾」,我哋都係做番凡人好過喇。 :)

      刪除
    3. 係呀! 腦海中經常有歪念,特別係公共場所。真係難以淨心

      刪除
    4. 有歪念,即係代表你係正常人囉,好事嚟嘅。

      淨咗身都唔能夠淨心喇。 :p

      刪除
  2. 最初见到个天坛大佛,真系觉得好大,系内地打左几转,去左新疆个大佛寺,又睇左敦煌个大佛,仲有乐山大佛,再睇番大屿山个大佛,哎呀!点解宿晒水嘅?

    回覆刪除
    回覆
    1. 中國地大物博,大屿山个大佛真是班門弄斧。
      歷史又悠久,充滿歲月痕跡。

      刪除
  3. 您講嘅兩座大佛未去過,只去過中國嘅樂山大佛,高71米,真係覺得自己好渺小。

    回覆刪除
    回覆
    1. 我今年去過洛陽龍門石窟,那座17米大佛,魏晋至今,歷史悠久

      刪除
  4. 卡臣:

    天壇大佛我都去過,不過有朋友唔敢坐吊車,坐的士上去。其實洗乜驚,衰起上嚟,的士都會有意外。

    回覆刪除
    回覆
    1. 咪就係囉,有隻吊車叫「水晶吊車」,或部曷玻璃,畏高乘客都咪話唔驚!

      刪除
  5. 細個睇旅遊節目介紹鎌倉大佛一直覺得佢好巨型
    然後有機會見到真身又覺得比印象中細

    回覆刪除
    回覆
    1. 係呀,超人打怪獸時見的大阪城,真身也是想像中小

      刪除
  6. 真係好似十幾年都冇坐船去大嶼山...

    回覆刪除

LinkWithin

Blog Widget by LinkWithin