~~~~~~~~~~~~~~~~







2013年12月2日 星期一

悲慘世界Les Misérables


悲慘世界Les Misérables


(這篇是新寫的)

20年了,
人生可以有幾多個20年呢?

我呢啲中坑最鍾意久唔久就懷舊一下。

20年前,
我有幸參與了一個劇場演出︰
1993年在香港文化中心劇場上演的《我所知道的悲慘世界》。



劇場帶給我很多,改變了我的路。


轉眼又20年了……
20年後,我有幸參與另一個劇場演出︰
2013年在香港文化中心劇場上演的《悲慘世界香港》。



相隔20年之後,
同樣都係《悲慘世界》,是否暗示世界從沒有變好過?
同樣都係「香港文化中心劇場」,是否暗示我又要回到起點?

雖然中了兩個「相同」,不過自己就變了很多︰少年變成麻甩佬。心態、身材和體格都起了變化。20年噃,身體機能衰退不少,踎低起身見頭暈、食飽就眼瞓、髮線向後移、皺紋魚尾紋出哂嚟、肚腩向前突、細佬垂頭喪氣

二十年來,留下不少舞台的回憶,有甜有苦,都是開心多過苦,否則一早已離開唔玩喇。而且舞台帶給了我很多。

下一個10年,即是2023年,如果到時候我仍行得走得,希望仍然能夠站在台上,開心地做一個甘草演員。





二少爺說︰在《悲慘世界Les Misérables》中,Fantine唱了以下兩句歌詞︰ “I had a dream my life would be, So different from this hell I'm living.” 年輕時憧憬過未來會過得怎樣?成長之後方發覺現實世界是地獄般悲慘的。

32 則留言:

  1. 回覆
    1. 馬克,多謝光臨呀!

      一言為定,十年好快就過。買飛啦

      刪除
    2. 我剛剛問了城市電腦售票處,佢話仲未有飛買喎!

      刪除
  2. 或許我比較悲觀喇,我覺得呢個世界不但冇變好過,反而越來越差。

    大部份人嘅人生都係好無奈同埋悲慘,如果冇勇氣提早離場,咁就唯有苦中作樂喇。

    你所講嘅變化當中,細佬垂頭喪氣係最令男人擔心,男人最緊要係做個硬漢子嘛。

    做小生或者甘草都冇咩所謂喇,最緊要係自己演得開心、投入,尋找到一個讓自己快樂嘅舞台嘛。

    回覆刪除
    回覆
    1. 世界末日咁,人心不古!乜衰野都有,十年後仲恐怖

      細佬死氣沉沉,由佢啦

      甘草好呀!做個開心老人家

      刪除
    2. 做甘草做到好似胡楓咁都唔錯吖,你就朝住呢個目標進發喇。

      吖,係得留番幾條長長嘅壽毛喺塊面度呀。 :)

      刪除
    3. 希望可以《三個小生去旅行》,可以去歐洲玩。

      我想紥辮扮謝老四

      刪除
    4. 謝老四成日都有d廿幾歲嘅女朋友o架喎,你真識揀呀。 :p

      刪除
    5. 同孫女玩好吖,心境即時後生三十年呀。

      刪除
    6. 嘩,你真識玩喎,玩人哋嘅孫女,身體即時後生三十年呀,呢個應該係謝四不老的秘訣。

      刪除
  3. 岳華拍處境電視劇都仲可以做男主角, 七張嘢喎. 你咁快就諗要做甘草?

    回覆刪除
  4. 卡臣:

    海報前面個女人,個樣好恐佈,唔喺悲慘。嘻嘻!

    細佬死氣沉沉,千奇唔好食偉哥、立威大或犀利士,因它們等同信用卡購物,先洗未來錢,將來要還的。嘻嘻!

    回覆刪除
    回覆
    1. 咁我食海狗鞭、拔蘭地加生蛋、生蠔....

      刪除
  5. 之前唔知道..個劇原來已經過左, 仲想話買飛支持你! 幾時會有next show?

    回覆刪除
  6. 唔記得廿年前有冇睇過《我所知道的悲慘世界》,但肯定係多得劇場舞台,通過呢道橋樑,先至識到你!莫講話再多十年,你肯做就實長做長有。希望到時唔再係悲慘世界,不過可能會係演樣版戲。

    回覆刪除
    回覆
    1. 歪歪,

      多謝你多年來支持,原來你一直有捧場,可惜你身在他鄉,我會在這地奮鬥的。

      十年後,2023年,記得我們的約定呀

      刪除
    2. 可惜去唔到捧你嘅舞台劇場,好在仲可以喺呢度捧你嘅場,而且你嘅創意都好掂呀,一直長寫長有!

      刪除
    3. 歪歪,多謝你由2008年起支持本卜至今。真是無言感激,創意無乜啦,只是不斷翻炒。

      刪除
    4. 你唔講我都唔醒起,翻查一下,原來第一篇睇嘅係零七年十二月十九日嘅『做吓好心』,就快就六年喇!

      你都算創意無乜?近排啲短小精桿好正呀,文淺義深,唔駛扭橋,係成熟同進步咗至啱!

      仲有呀,你呢啲唔係『翻炒』,係『重溫』!

      刪除
    5. 多謝你Check返,原來是19/12/2007,嘩~光陰似箭,多謝你咁多年的默默支持。

      我的近期「短小精桿」,其實因為我無乜時間寫,可能讀者也喜歡,幾分鐘睇完。
      以前工作空閒,可以寫幾千字上下集,而家幾段了事。

      哈哈~唔係『翻炒』,係『重溫』,你果然身在他國心在港。

      刪除
  7. 哎呀!原来阿强系将军0 黎架!失敬失敬!
    “我发了个美梦叫Hong Kong-----” ,首歌好好听啊!

    回覆刪除
    回覆
    1. 我是將軍O呀~~多謝支持呀,肯CLICK去睇吓
      下次來港有機會睇吓啦

      刪除
  8. 卡臣,真的吗?
    那么有没有录影片看?
    上载给我过瘾下嘛!

    回覆刪除
  9. 我想睇你做[三個小生去旅行],一定跳皮好睇過謝老四!

    回覆刪除
    回覆
    1. 下次如果妳在香港,一於看我的演出啦

      刪除

LinkWithin

Blog Widget by LinkWithin