~~~~~~~~~~~~~~~~







2013年12月18日 星期三

大賊


大賊


(這篇是新寫的)

技安是一個三十幾歲的肥佬,他專承接裝修工程,當外判工人完成工程後,如有些瑕疵,技安便上門執手尾,順便向業主收工程尾數。

技安吃得裝修這行飯,他走「爛仔路線」,講嘢爛撻撻,有時甚至要「靠惡靠嚇」。

這天,技安患了重感冒,要戴上口罩,他來到一幢舊唐樓,要到某單位,執手尾兼收尾數。技安把私家車泊在唐樓地下,獨自行樓梯上去。

技安上到單位,業主開門給他。技安完成一些油漆工作,還用一把大界刀把木櫃的多餘膠水邊削去。

技安因為尾數和業主發生爭拗,技安為了錢,用爛仔方法令業主屈服。業主死死地氣把現金七千元交到技安手上。

技安因為雙手沾了油漆,不想弄污自己個真皮銀包,他唯有手持現金,待稍後回到汽車,從車尾箱取出天拿水去清洗雙手

如是者,戴上口罩的技安、左手揸現金、右手揸界刀離開單位,落樓到地下時,一出大廈鐵閘,咁啱在唐樓門口遇上兩位路經的巡邏警察。

警察見到技安的「口罩持刀」打扮,立即喝令技安掉低武器舉高雙手。技安解釋事情經過,技安叫警察打電話給樓上業主查證。怎料業主因為剛才尾數爭拗,怒氣未消,一聲話唔識技安,便立即收線。警察當然唔會冒生命危險跟技安上樓找業主啦。

就係因為咁,技安坐了他人生第一次的警車,去警署參觀。


二少爺說︰因果自有循環。

18 則留言:

  1. 技安今次真係水洗都唔清喇,睇嚟都係要洗定個八月十五入去坐花廳lu。

    回覆刪除
    回覆
    1. 咁多襲警/殺警案件,做差佬都咪話唔驚

      刪除
    2. 而家做差佬都係打份工啫,點會同你搵命搏吖,你估成龍嘅「警察故事」咩。

      刪除
    3. 最怕対付和平示威者,內心掙扎呀!

      刪除
    4. 咁就要睇佢哋要黃金定係良心喇。 :p

      刪除
    5. 俾我做消防員好過,真的有意義的工作

      刪除
    6. 係呀,消防員嘅形象同埋工作正面好多。

      刪除
  2. 卡臣:

    咁嘅情形,就等於秀才遇老虎,吟詩都吟唔甩。嘻嘻!

    回覆刪除
    回覆
    1. 乜唔係「秀才遇著兵,有理說不清」咩?

      刪除

LinkWithin

Blog Widget by LinkWithin