~~~~~~~~~~~~~~~~







2013年10月30日 星期三

無仇不成夫婦



無仇不成夫婦

一對丈夫和太太已經結婚二十一年。經歷了三個「七年之癢」,兩夫妻無風無浪地過埋下半生。

53歲的丈夫患了肝癌,一驗已經是末期,無得救,入院等死。
虛弱的丈夫對著太太說:「其實我有一個秘密瞞住妳,我想喺臨死之前同妳講
太太點頭,願意傾聽。

丈夫:「妳知唔知我……床下底收埋咗一個……鞋盒吖?……
太太:「我知呀!我無意中發現,仲偷偷地打開過嚟睇添……
丈夫:「係咩?…..原來妳都睇過個鞋盒……
太太:「鞋盒入面有兩個飲完嘅汽水罐同埋港幣843蚊零4毫。」
丈夫:「唔妳真係好記性,咁妳又記唔記得……我最憎飲乜嘢汽水吖?」
太太:「記得!沙士吖嘛!飲完你會好想嘔……
丈夫:「無錯鞋盒入面有兩個沙士汽水罐,每當我背住妳跟其他女人上床,事後我好後悔內疚,我就會飲一罐沙士汽水……嚟懲罰自己……仲將個空罐放入一個鞋盒嚟警惕自己……妳可唔可以原諒我呀?」

太太垂下頭:「嗯,21年嚟,你都係偷食兩次啫,我原諒你。」
丈夫:「多謝妳……

丈夫眼中閃出淚光,獲得太太原諒之後,流下兩行感恩的淚水。

太太:「咦?!咁個843蚊零4毫呢?」
丈夫:「哦!個鞋盒太細,我咪將擠唔落嘅沙士汽水罐攞去收買佬度賣,二毫子一個,咁慢慢咪儲到八百幾蚊囉!」

太太聽後,如跌入無底深淵……



二少爺說︰夫妻都係你瞞我、我瞞妳。

20 則留言:

  1. 好嘢,果然係聽民意嘅創作人呀,真係寫個「無仇不成夫婦」出嚟,抵你咁多人支持。

    等我將呢個故事中嘅數字整理吓先,先假設丈夫星期一至五上班,每年有20日假期,而逢假日都會做好丈夫,陪伴太太。

    丈夫偷食次數: (843.4/0.2)+2=4,219次
    兩人結婚日數: 365x21=7,665日
    婚後丈夫的工作日數: (365-52-52-20)x21=5,061日

    得出嘅結果係工作日數與偷食次數相差不大,基於以上數據,有理由推斷,丈夫係一個全職「性工作者」。佢多年來密密做,密密做,捱出個病來。

    結論:佢咁辛苦做嘢,都係為搵錢養家啫,太太應該原諒佢嘅。

    回覆刪除
    回覆
    1. 哈哈哈哈哈哈哈哈哈哈!!!

      有咁認真的讀者,我怎能言而無信呢!

      你的確好有邏輯頭腦,推斷真相,我怎能不佩服你呢。

      刪除
    2. 以前多是一個星期工作五天半或六天,五天工作是近兩年才實行,所以婚後丈夫的工作日數應是: (365-52-20x21=6,153日。雖然對結論沒有太大的影響⋯⋯

      刪除
    3. 嘩! 似乎大家都好識計數,唯獨是作者我亂填上一個數字便算數,慚愧中....

      刪除
    4. 係喎,唔記得咗以前係番5日半嘅添。 :o

      你太客氣喇,有咁有創意嘅作者,先吸引到讀者嘛。人倫關係當中嘅父子、夫妻都寫咗喇,唔差在寫埋朋友、兄弟喇,咁就可以出一個系列喇。

      刪除
    5. 好主意噃!! 都話你有諗頭﹐ 無仇不成讀者。

      刪除
    6. 廿年前汽水罐應該唔值兩毫子.

      刪除
  2. 嘩條數原來咁大!
    人之將死其言也善....
    不過,
    我寧願唔知道,留番個美好回憶。

    回覆刪除
  3. 卡臣、 世純:

    我仲有一個疑問,男人嘅老婆,無可能唔需要慰藉㗎?咁,當佢一個禮拜至慰妻一次,52 x 21 = 1092。

    1092 + 4219 = 5311

    5,311次,超過世純計算出的5,061工作日呀!

    卡臣,你嘅男主角,21年裡做了5,311次愛,佢簡直喺超人呀!

    回覆刪除
  4. 哈,個個都計數!

    4000 幾次,都唔係偷食咯,係明趙!

    回覆刪除
  5. 你個故仔好笑, 但留言更好笑.

    4000幾吓, 都要睇佢每次幾多吓. 有D人幾吓就完事...

    回覆刪除
  6. 为何不让老婆留下美丽的印象呢?笨老公!


    ps

    我的最新贴文在连接处显现不出,还在713,你有乜桥?

    回覆刪除

LinkWithin

Blog Widget by LinkWithin