~~~~~~~~~~~~~~~~







2013年10月11日 星期五

Truth or Dare?


Truth or Dare


(這篇是新寫的)

一班後生男女在酒吧中興高采烈地玩「Truth or Dare?」。當中SusieTak是一對情侶。

Tak袋裡有一枚結婚鑽石戒指。Tak打算今晚當著眾多朋友面前向Susie求婚。

計劃是這樣的︰Tak和朋友Keith事前約定,如果酒樽口停在Tak面前,Keith就會問TakTruth or Dare?」Tak會回答︰「Dare」。這時候,Keith就會命令TakSusie當眾求婚。當大家都以為鬧著玩的時候,Tak就會一本正經,拿出結婚戒指向Susie跪下,場面一定好感人。

結果玩了半天,酒樽口從不停在Tak面前,TakKeith都開始有點不耐煩。

酒樽口停在Susie面前,朋友問Truth or Dare?」Susie答︰「Truth」。朋友問Susie一共跟幾多個男人睡過?Susie數了一數,靦腆地答︰「6個」。其實是12個,Susie因為男友Tak在場而報少一半人數。Tak聽後面色一沉。

咁啱下一轉,酒樽口終於停在Tak面前,Keith照計劃問TakTruth or Dare?」Tak回答︰「Truth」,Keith打了一個突。

Tak要把婚事暫時擱置。


二少爺說︰男人多數是小器嗎?

30 則留言:

  1. 你有冇睇過 The Perks of Being a Wallflower?
    入面個男主角用 Truth or Dare 同個女朋友分手。

    回覆刪除
  2. 卡臣:

    十九世紀俄羅斯劇作家「契訶夫」有一句名言:『要求你所愛的人是純潔無瑕,是自私自利的.自己沒有的,卻要求別人有.』

    這一句名言,用來安慰那些女友琵琶別抱,跟住又再度投懷送抱的男生,是非常有效的.唔信你試一下.萬應萬靈呀!

    至少唔會不斷給忐忑男重覆又重覆地煩住:『我應唔應該接受番佢呀?』

    回覆刪除
    回覆
    1. 講得有道理,男人仲要追求成年的處女,真是笑話!

      刪除
    2. 卡臣:

      十九世紀俄羅斯劇作家「契訶夫」的名言,我講少了最後兩句:『要求你所愛的人是純潔無瑕,是自私自利的.自己沒有的,卻要求別人有.這不是愛情,而只是崇拜而已。』

      刪除
    3. 抵佢做大文豪,一針見血,有道理!

      刪除
  3. 而家還興truth or dare? 記得中學最鍾意玩!

    回覆刪除
    回覆
    1. 我沒有玩呀,只是近期看到楊函林的一個MTV講truth or dare 啓發靈感

      刪除
  4. 如果我係Tak,我會當以前嘅事過咗去就算喇,6個同60個我都接受到,因為每個人都會有做錯過事,但係以後唔可以再發生囉。如果再係咁的話,叫佢X街喇。

    等我學吓你哋先,嚟個二次創作先。 :p

    酒樽口最終停在Tak面前,Keith開口問「Truth or Dare?」Tak答︰「Truth」。Keith明白Tak這一答案的用意,於是依樣畫葫蘆的問Tak一共跟幾多個女子睡過?Tak數也不數,理直氣壯地答︰「一打」。其實是6個,Tak因為女友Susie剛才的答案而報多一倍人數。Susie聽後面色一沉。

    咁啱下一轉,酒樽口再次停在Tak面前,Susie搶著向Tak發問︰「Truth or Dare?」Tak回答︰「Truth」。

    接著,Susie問......

    卡臣,交番畀你喇。

    回覆刪除
    回覆
    1. Susie問:你同我一齊之後,有冇同第二個上床?
      Tak因為嬲,答:有呀!男女狗都有呀!

      刪除
    2. Tak一時激動,忘了truth or dare的規則,人手地將酒樽口指向Susie,提高聲線地問:「truth or dare?」

      Susie叉腰挺胸答:「dare」

      朋友們紛紛不作聲,食著花生等睇好戲。

      刪除
    3. Tak說︰俾個玻璃樽妳,除咗我之外,在坐朋友入面揀一個出嚟爆佢樽,敢唔敢呀?

      Susie接過酒樽...

      刪除
  5. Susie樣靚身材正,在坐的所有男性內心都「雀雀欲試」,但礙於面子問題,眾人皆不敢點態。

    一陣沉默後,Keith一手搶去Susie的酒樽,大叫一句:「我不入地獄,誰入地獄。」

    Susie聽後,自然地跪在Keith面前,熟練地奏起單簧管來。

    回覆刪除
    回覆
    1. 咦?據我了解:爆樽指用酒樽襲擊頭部,爆破玻璃樽使其頭破血流。

      你這一集唯有交給佛爺寫,我棄權了

      刪除
    2. sorry,你講番我先留意到,我一路睇錯咗,誤以為係「吹爆」,所以先咁樣作落去。 :o

      刪除
  6. 谁没有过去?
    忘记过去,努力将来才是上策嘛!

    回覆刪除
  7. 6個又好 16個又好,唔係錯呀! 有些人就是生成命裡桃花。。。

    回覆刪除
  8. 首先同呢班朋友絕交. 眾目睽睽之下俾佢地監生落面.

    回覆刪除
    回覆
    1. 可能有一人飲醉,才生事.
      不過都係做錯事

      刪除

LinkWithin

Blog Widget by LinkWithin