~~~~~~~~~~~~~~~~







2013年8月9日 星期五

其實你心中早有誰?


其實你心中早有誰?


(這篇是新寫的)

這天報紙娛樂版的頭條新聞︰「歌手Eaton出櫃,新歌送給前度男友。」

男歌手Eaton在樂壇出道了幾年,出唱片賣得,唱歌拍戲多元化發展。總算有點成績。他近日推出第四隻大碟,主打新歌是《從未覺察到其實你心中早有誰》。Eaton在記者面前,勇敢地出櫃,承認自己是男同性戀者,並說這首新歌是送給他的前度男友。男友也是一名「圈中人」。但Eaton拒絕透露前男友是誰?

Eaton的出櫃事件,立即成了報紙炒作材料。傳媒都在推測Eaton的前度是誰?記者從Eaton合作過藝人、同公司藝人、同志朋友出發,猜測那位「未開名同志」是誰?一時間成為城中熱話。

* * * * * *

在電腦旁看著動新聞的Alex,留意到這宗娛樂新聞後,眼睛突然發亮。

Alex是香港舞台劇三線尾四線頭的普通演員一名,知名度低,看過Alex演出的觀眾,都不能說出他的名字。Alex間中在電影做吓「茄喱啡」,一些行行企企角色。

Alex決定要搏取知名度,希望多些觀眾可以認識自己。雖然他是異性戀者,他要冒認「Eaton前度男友」。心目中希望能夠霸到娛樂版頭條,一天也好。只要一經傳媒報導,自己便可以一夜成名。

Alex壓低把聲,扮「讀者報料」,打電話去幾間報館扮讀者爆料。果然不出所料,自己平日唔多響的電話,立即如警鐘咁響過不停。Alex向記者無否認亦無承認,答到含糊其辭,咁記者就夠料去炒作。

Alex成功搶灘,成為了第二天娛樂版頭條。他被記者起底,詳細介紹。Alex雖然寂寂無名,但也算是圈中人,乎合了基本要求。Alex的名字首次被讀者們談論,很多記者找他做訪問,Alex感到飄飄然,目標已經達到。

* * * * * *

第二天早上,Alex起床後開電話,發現昨晚凌晨後很多記者找他,全都飛去了留言信箱。Alex心知不妙,立即睇動新聞,究竟發生什麼事?

原來昨夜有讀者向報館爆料,說Alex有一個親密同居女友叫Suki,她是一名性感靚模。並踢爆Alex扮基搏出名。Alex看後嚇了一跳,自己從來唔認識Suki,更何來同居?

正所謂︰「剃人頭者人亦剃其頭」。Suki為搏升高知名度,又扮讀者向報館爆料,Suki成功成為第二天的娛樂版頭條,讀者都在談論究竟Alex直扮孿?還是孿扮直,搵Sukicover

Alex為了保持人氣,不想被Suki搶鏡,立即向記者們表明自己唔認識SukiSuki經記者的口,隔空跟Alex展開罵戰。兩人都獲得曝光率。網上討論區熱烈討論誰是誰非。

* * * * * *

第三天的娛樂版頭條︰「歌手Eaton親口承認前度男友是Gilbert。」一天光哂,終於找到「真命天子」。無人再提起Alex或者Suki

GilbertEaton隸屬同一間唱片公司,Gilbert出道一年,他參與的新電影下個月香港上映。

Eaton的經理人MiniAlexSuki在「抽水」,經理人Mini決定「益返自己人」。Gilbert的的確確是一名「衣櫃內同志」。Mini原本打算下個月當Gilbert的新電影上映時候,才叫他公開come out,肯定能造勢、幫助宣傳。但經理人見到現在有人出來冒充抽水,不得不出手阻止。她叫Gilbert提早向傳媒come out。並得到Eaton的肯定,認清正貨 (當然Eaton的前度是另有其人)。令到Gilbert的知名度升了一班。

AlexSuki又回復兩天前的平凡,再沒有記者致電找他們,讀者們也忘記了他們。但是,出了名一天,總好過從未出名呀。


二少爺說︰除了「扮基溝女」之外,還有「扮基搏出名」。


28 則留言:

  1. 睇怕Eaton同埋Gilbert梗系食左太多鸡翼。

    回覆刪除
  2. 郭小霖,我鍾意呀!

    唉丫,唔小心Come out左tim!

    回覆刪除
    回覆
    1. 你Come out 咗你年齡啫,

      同你一樣,我都鐘意郭小霖

      刪除
  3. 下集故事大綱:

    雖然Suki係人造人,但係身材咁正,令Alex色心大起。於是借住「摶出名」為藉口,叫Suki嚟佢屋企一齊住,仲成日有意無意咁畀狗仔隊影到,間唔中見吓報。

    兩人日久生情,假戲真做,Alex仲搞大咗Suki個肚添,於是兩人唯有結婚生仔喇。

    個仔非常旺佢哋,一出世後兩人工作接踵而來。Suki先接拍纖體廣告,極速收身後,由當年嘅性感靚模升級做性感模媽,寫真一本接一本咁出。而Alex咁啱執二攤,與Gilbert合作拍攝藝術電影「剩下肛連」,於劇中三點盡露,一(因)炮而紅。

    呢個咁happy嘅ending,卡臣你收唔收貨先? :p

    回覆刪除
    回覆
    1. 絕對收貨啦,星期六大清早睇到呢個happy ending. 真䦕心。

      刪除
    2. 多謝收貨喎。 :)

      另外,諗諗吓你可以走Alex呢條路線喎,一定成名呀,哈哈。

      刪除
    3. 大師叫到,我一於照辦。

      向顏福位埋手先。

      刪除
    4. 福萎有固定密友,你好難埋手㗎。

      可以試吓流公子,一來叠水d,二來佢啱啱坐完出嚟,身體同心靈都好空虛,而家最需要人支持。 :p

      刪除
    5. 你可以同佢合作拍番套《血戀2》喎,一定hit過《起愛野捕》。 :o

      刪除
    6. 要打真軍喎,叫「驗血戀3」先得!

      刪除
    7. 吓,為藝術咁大犠牲,拍完之後要飲雞尾酒(療法)喇。 :o

      刪除
  4. 睇完呢個故仔,我唔知點解談起Eason同鄭俊弘

    回覆刪除
  5. 咁樣又真係出到位喎,一日都好吖,但係佢可以咩証據都冇咩?起碼有張親密合照,唔覺意流咗出去吖嘛~

    回覆刪除
    回覆
    1. 又係喎,自己用photoshop執返張就更具說服力。

      刪除
  6. 卡臣:

    宜家孿直都好難製造長久新聞.美國有一個電視節目男主持人,跟老婆離婚,五月份做了變性手術.不到三個月,又話要做番男人.真係要講聲:What the fuck?嘻嘻!

    回覆刪除
    回覆
    1. 咁都得? 玩咩?!

      一齊嗌:What the fuck! What the fuck!

      刪除
  7. 出咗名會多咗麻煩, 都係平平淡淡過日子舒服*.*!

    回覆刪除
    回覆
    1. 我同意呀! 半紅不黑的話,不如做返平民,少啲壓力。

      刪除

LinkWithin

Blog Widget by LinkWithin