~~~~~~~~~~~~~~~~







2013年8月15日 星期四

英倫直航 – 下集


英倫直航 下集


(這篇是新寫的)

鏡頭這一邊,穿上三點式泳衣的Camy,向公子哥兒們搔首弄姿,雙眼狂發電。可惜躺在曬太陽的公子哥兒們,一眼都唔望CamyCamy以為自己靚女,但在這班男玩家眼中,Camy簡直唔入流。Camy坐了成整日冷板凳,去倫敦的夢粉碎了。

鏡頭那一邊,Bess緊張地把獎券的號碼,逐一核對中獎號碼。結果……幸運之神今次沒有眷顧她。Bess食白果,去倫敦的夢也幻滅了。

* * * * * *

AbbyDaisy吃完早餐後,收到Bess的壞消息(對於AbbyDaisy是好消息),三人相約在銅鑼灣見面。傍晚,三人收到Camy的壞消息(對於AbbyBessDaisy是好消息)。到目前為止,無人有機會去倫敦,工作又無著落,怎會不洩氣呢。三人又坐在快餐店吹水消磨。

Daisy一邊飲汽水一邊看八卦雜誌,突然大叫:「yeah!」。AbbyBess回頭望她,Daisy指著雜誌說:「香港小姐佳麗今年到倫敦取景」嘩!入選佳麗將會遠赴到倫敦接受訓練。她們四人相約一齊報名參加競選香港小姐,公平競爭睇吓邊個有資格入圍去倫敦。

結果呢她們到電視台遞form時,在門口被記者拍了照,並放上娛樂版,嘲笑一番。替她們冠以「國產XXX」、「MKXXX」「肥版XXX」和「變性XXX」等花名。俾人笑不特止,四人又唔入圍,真是賠了夫人又折兵。

四人都灰心到極點,沒有人再提起這比賽。認命啦,做基層前線工作啦,盡快賺錢。

* * * * * *

過多兩天,這場比賽又再復活。勝利者終於產生了。Daisy通知大家:「她.去.倫.敦.了!」吓?錢從那裡來呀?

電視新聞報導:倫敦郊區發生嚴重交通意外,一輛旅遊巴士在大霧中撞穿欄墜山,五名港客重傷不治。旅行社和政府立即啟動緊急機制,人民入境事務處官員和旅行社的代表,陪同死者家屬飛往倫敦,替死者辦理身後事。

五名不幸喪命的港客中,其中一位女士,就是Daisy30歲姑姐。姑姐跟60歲的姑婆兩人相依為命,姑婆獲悉壞消息後,呼天搶地。Daisy自告奮勇,陪姑婆到倫敦認屍。姑婆六神無主,見有人相陪,求之不得。

AbbyBessCamy輸了。雖然Daisy贏出的方法很黑色,但贏了就是贏了。三人祝Daisy路上小心。Daisy當晚已經上機起飛了。

* * * * * *

AbbyBessCamy在電視新聞中,見到遠赴倫敦的死者家屬,個個都神情哀傷。唯獨見到Daisy,她的表情明顯地跟其他人不同。

AbbyBessCamy心裡不服氣,唯有努力搵工賺錢,希望總有一天,可以憑自己努力去歐洲,吐氣揚眉。


二少爺說:去倫敦,記得去大笨鐘呀。

50 則留言:

  1. yeah~~~我估中咗一半,雖然估唔中過程,但總算估中咗個果吖,我而家坐喺電腦面前,等卡臣派彩先。

    呢個故事真係好黑色幽默喎,令我諗到d嘢,而家呢個社會,唔問過程,只問結果,笑貧不笑娼呀。

    等咗好耐,我估多樣嘢先,我估卡臣嘅奬品係一句:「多謝支持」,呢樣我好有信心估中呀。 :p

    回覆刪除
    回覆
    1. 大師真係大師,真係俾你估中哂︰「多謝支持」呀!
      一字不差,好嘢!

      呢個社會,有車有樓有女,唔理你用乜方法得到

      特首想鎮壓反對聲音,用極端方法,真係瘋癲!!

      刪除
    2. 除咗「多謝支持」之外,可唔可以好似以前d汽水/雪條咁,加多句「憑此蓋/雪條棍可贈飲/食一枝」呢?

      所以我覺得「塵衝衝」真係好叻,可以由小混混做到富豪,可惜太貪,而家衰收尾喇。

      其實每個領導人都係咁,為咗鞏固自己地位同權力,乜方法都會用,都未出到防暴隊,所以我都冇乜特別感覺lu。

      刪除
    3. 好啦,下次見面可獲一包250ml凍檸茶,唔使多謝

      係喎,震衝可能同朋友打賭誰人最快買到私人飛機,結果佢先勝後輸,通櫃入冊

      刪除
    4. 我要VLT,仲要係一路rap一飲喎,陽光d味偏淡,冇咁好飲。

      或者震衝本來係同朋友打賭誰人最快喺淘寶淘到極品,結果佢淘淘吓淘出個古井,仲嘆埋極品陳年乾鮑添。

      刪除
    5. 震衝淘淘吓,入獄被人搞,天有眼啦終於。

      刪除
    6. 開咗天眼之後,他能見鬼魅,有了一對陰陽眼。

      刪除
    7. 前後左右都睇到,多了一隻後眼

      刪除
    8. 賣生活日用品只會去「八佳」,因為佢有一對至叻精明眼

      刪除
    9. 到畀錢時發現件件嘢都貴過其他舖,即時火摭眼

      刪除
    10. 曾經嬲到打售貨員,誤傷其他顧客,拳頭無眼呀

      刪除
    11. 其他客人當中,其中一個係外國人,個樣紅鬚綠眼

      刪除
    12. 當中無意中打倒一個壞人,真係天有眼

      刪除
    13. 當年畀佢打傷o個個壞人,咁啱今日喺獄中見番佢,實行以牙還牙,以眼還眼

      刪除
    14. 將會有一場腥風血雨,佢處於暴風眼

      刪除
    15. 震衝機警,佢先下手為強,一手插向壞人的A眼

      刪除
    16. 壞人「小心眼」察覺到,成功避開

      刪除
    17. 壞人避開偷襲之後還撃,震衝畀佢打到反晒白眼

      刪除
    18. 震衝入了醫院,以他的為人,如今折墮,當然受到「白鴿眼」。

      刪除
    19. 他在床上反省自己的人生,整夜未能入睡,明早有了一對熊貓眼

      刪除
    20. 他思前想後,悟出道理:萬事皆因自己有對桃花眼。

      刪除
    21. 就係因為佢呢對桃花眼,令到「龍心心」對佢生滋貓入眼

      刪除
    22. 震衝對「龍心心」份身家「打雀咁眼」

      刪除
    23. 龍心心商場打滾多年、閱人無數,今次竟然識人唔帶眼

      刪除
    24. 龍心心多年來為了尋回丈夫,大灑金錢聘請私家偵探,於四周廣佈綫眼

      刪除
    25. 最終都搵唔番個老公,走都走得合唔埋眼

      刪除
    26. 原來老公一直在身邊,真係鬼掩眼。

      刪除
  2. 真係估你唔到的黑色幽默! :-P

    我在看有線電影台重播“基佬四十”,聽緊林子祥。。。

    回覆刪除
    回覆
    1. 還有陳小春...

      林子祥...更係要聽《衝上砰蕉II》啦!

      刪除
  3. 唔知佢去咗倫敦後,返唔返到嚟呢?

    回覆刪除
  4. 真係估你唔到。。。
    故事有各種香港元素,很地道。

    回覆刪除
    回覆
    1. 係呀,旅遊易生意外,不過幾年先一單。

      刪除
  5. 卡臣:

    Shit! 咁樣去遊玩,認真陰公.

    回覆刪除
    回覆
    1. Daisy對她30歲姑姐無乜感情,心情愉快!

      刪除
  6. 阴功咯!等人地死左先至有机会去游阜,点安乐窝?

    阿强D桥的确系好嘢!打赏你丝靺奶茶、菠萝包,仲有鸳鸯多士啦!

    回覆刪除
    回覆
    1. 多謝哂啲獎品
      為了妳的美食,我買機票啦

      刪除
  7. 雖然我都算估中咗, 但無想過咁中法...真係估你唔到-.-!

    回覆刪除
    回覆
    1. 剛睇電視,今屆港姐遊世界,我好羨慕佢地啊

      刪除
  8. 哎呀,这样去哪里好玩?三两天,办了正事,哪有没时间去玩?

    回覆刪除
    回覆
    1. 一場比賽,到達為勝,所以沒有玩都無辦法。

      刪除

LinkWithin

Blog Widget by LinkWithin