~~~~~~~~~~~~~~~~







2013年8月22日 星期四

重飾演某段美麗故事主人 – 下集


重飾演某段美麗故事主人 下集


(這篇是新寫的)

19年前,Pansy原名叫「陳盼茜」。是廣東省一個18歲姑娘,她在內地卡拉OK當侍應。給某珠三角工廠老闆看中,陳盼茜為了錢,甘心做小三。懷了BB,已婚的老闆放下一筆錢後,一走了之。

因為已經太遲,陳盼茜打胎太危險,結果誕下一名女嬰。年輕的盼茜怎會甘心就此做一世單親媽媽,她忍心把女兒遺棄在市政府孤兒院門口,盼茜帶著那筆錢落香港闖機會。改了英文名Pansy,結果因緣際會下又給她由酒廊侍應做到酒廊歌手,再被唱片公司發掘,扶搖直上。但其實她一直對捨下女兒一事感到內疚和自責。

Flashback完畢,鏡頭回到studioPansy的母性直覺告訴她,面前這個跟自己餅印一樣的18Camy,就是自己失散的女兒。她們在內地分離,上天安排她們在香港因合唱重遇。

* * * * * *

Camy的父母也很忐忑,又開始Flashback︰他們早年在大陸營商,跟不少廣東省地方官員打好關係。他們喜歡小朋友,但可惜他們不育,最後他們決定收養小孩。內地官員特別安排,讓他們在孤兒院領養一女孩,並給他辦好一切批文,在法律上證明女兒是太太親生的。他們就帶Camy回港,給她最好的教育和生活質素,悉心栽培她。

Camy18年來一直蒙在鼓裡,不知道自己是被收養的孤兒。Camy的父母藉詞要見自己偶像Pansy,陪同Camy前來,其實因為直覺告訴他們,面前這位跟Camy餅印一樣的37Pansy,就是Camy失散的母親。他們擔心Pansy會當場揭穿Camy的身勢,所以一定要在場睇實。

* * * * * *

Pansy見到Camy,就好像見到18歲的自己。Pansy曾經有衝動想開口向Camy相認,但一想到「Camy不知道真相」才是為她好,而且母女相認後要面對觀眾輿論壓力,Pansy便把說話吞回去。

最後練完歌,臨走時,PansyCamy父母建議:「見大家咁投契,不如把Camy契給她做『契女』吧」。Camy父母同意,Pansy擁著Camy,開心到流淚,一個足足相隔18年的擁抱。

Pansy可以用契媽身份疼愛Camy,作過往的補償。而Camy父母相信Pansy應該暫時不會揭穿她們身份和關係,父母放下心頭大石,雙贏局面。事情總算有一個理想的安排。

* * * * * *

PansyCamy擺「上契酒」,記者們的相機閃過不停。成為娛樂版的一天頭條新聞。PansyCamy的父母碰杯祝酒,Pansy拖著Camy,場面十分溫馨。

當大家都感到欣慰,其實18年前,陳盼茜遺下的女兒躺在街上,遭「行乞集團」拐去做小乞兒,女兒七歲時因營養不良,凍死在寒冬的街頭。

Camy的親生父母,是貴州一家窮農民。生了五個女後,第六個(Camy)仍是女,無錢養女只好把她遺留在孤兒院門口。這對貧窮父母2003年因感染沙士和禽流感,又無錢醫病,相繼死去。

CamyPansy樣貌相似,只是100%純粹巧合而已。

Pansy找到Camy,母女重聚。作為她心靈的救贖,誰知道事實的真相,原來是無法補償。


二少爺說:Pansy重飾演某段美麗故事主人,不過只是飾演而已。

26 則留言:

  1. 嘩,呢個故事真係畀你扭到頭都暈埋呀,最衰喺街,如果唔係就畫個表出嚟搞清楚d人物關係呀。

    被「乞衣集團」捉咗嚟行乞已經慘㗎喇,仲要凍死街頭添,真係聞者傷心呀。

    不過最後各人都happy收場,咁都好d。

    回覆刪除
    回覆
    1. 生日快樂!

      等你睇埋我先肯瞓

      激戰勁呢...

      呢個故事講大家現在happy算啦,真相還重要嗎?

      刪除
    2. 多謝你咁畀面喎。

      激戰真係好正,港版嘅rocky呀,張家輝真係下過多番苦功,同埋佢做得好好,尤其是係佢喺拳館度,話要上擂台打嗰段呀。

      有時真相係好殘忍嘅,唔知好過知,大家糊里糊塗咁過咪仲happy,做人都係柒吓柒吓好,開心好多。

      你d作品越嚟越有深度,越嚟越有教育意思喇喎,一於「集文成書」,出番本《卡臣寓言》喇,到時小弟一定搶住自薦寫序呀。

      刪除
    3. 激戰...講中年危機,我有共鳴,戲中話48歲的賤輝重新肯定自己,拳館那段自白,真的寫得好,三個失敗的人(媽媽,齊父、主角)都站起來。

      戲中賤輝在小丹家中找到家/父親的感覺,跟這故事一樣,不是親生,但感覺一樣。

      其實我覺得陳慧嫻應該契咗糖妹啦,一定Hit

      咁你一於壩我寫序啦,不過無人搵我出書,自己又無閒錢自資。咦,等我學賤輝,打MMA賺錢出書先

      hello darkness my old friend..

      刪除
    4. I've come to talk with you again... :)

      小弟都開始步入中年喇,我都有體會,不過唔係著重喺失敗的人站起來,因為我人生又未成功過,亦未大失敗過。我最共鳴嘅係「唔想走過但沒有回憶」,人生匆匆數十年,到死嗰日先發現乜都冇做過,咁就最可悲喇。

      我鍾意賤輝找到佢人生嘅意義,人一但到自己存生嘅意義,就算幾辛苦,都會努力向住嗰個目標進發,可惜我暫時未搵到,我希望喺40歲前搵到喇。

      刪除
    5. 我估我呢個年紀的人,一定有回憶,不過是壞回憶:97做樓蟹,08有雷曼....

      如果輝煌的回憶,可能無乜,唔怪得咁多人跑馬拉松,起碼有個目標。

      我的目標是:仍然有工返,成日驚被炒後無人請,呢個香港,老是一種罪

      刪除
    6. 97,08你都捱過喇,起碼有人同你一齊走過,我諗你都走出陰霾喇。

      你都話冇好嘅回憶,唔好講少喎,你係台上發光發熱咗咁多年,有好多人真金白銀入場支持你㗎喎,起碼得到陌生人嘅認同吖。你之前咪話過,有次見客,個客認得喺台上見過你嘅,呢份滿足感,錢都買唔到呀。 :)

      喺香港,老係罪,但窮更大罪呀。如果冇人請,咪得閒買吓股票,做吓gym,寫吓嘢,做吓戲咁囉,享受吓生命嘛。

      話時話,Y仲有冇咁大壓力呀,放鬆、看開了點嗎?

      刪除
    7. 講得啱,做人唔好同人比較,如果我比較其他紅星,自己當然渺小,但其實已經很幸運。好多美麗記憶
      如果代入在激戰中,我就要去選港男,仲要出奇謀勝出添呀!

      你真好記性,記得我邁過。

      窮人真係死罪喎,老嘅有錢人都好逍遙,好啦,我去學太極先

      Y情況一樣,工作不順,需要時間看化

      刪除
    8. 如果要突圍而出嘅話,我提意你喺「材藝表演」度用胸肌嚟搾橙汁,我諗伍詠薇一定會成杯飲晒呀,到時你肯定攞滿分喇。

      至於Y,佢真係要學懂放下呀,太執著只會令自己辛苦,你一於帶埋佢學太極喇。 :p

      刪除
    9. 你呢招勁喎,一於苦練!
      希望搾到女評判尖叫!
      算啦,盞俾人恥笑

      Y太執迷,大師你幫佢先有得救。

      刪除
    10. 哈哈,咁都係唔好去選港男喇,因為贏咗都冇咩好路數。 :)

      性格太剛,旁人真係好難勸得掂佢,唯有等佢自己諗通,風水可以幫佢行得順少少少少嘅,如果你覺得有需要就講聲喇,我樂意效勞。 :)

      刪除
    11. 多謝先

      正所謂江山易改,品性難移,真是死果日可能係咁

      我又觀察下先啦,要幫手一定出聲,謝謝

      刪除
  2. 卡臣:

    其實現在一驗DNA就知道有無血緣關係,Pansy只要取得Camy頭髮或口液之類,已經可以確定Camy是否她的親生女兒.

    回覆刪除
  3. 人有相似,物有相同;领养D细路仔,养养下都会同养父母有D相似架!
    D洋人最钟意搞到自己同只宠物一模一样添!物似主人形甘话咯!

    回覆刪除
    回覆
    1. 我同意呀! 兩夫妻對得多都會互相影響,樣都似埋╴所以有夫妻相。唔怪得要揀個靚愛侶啦

      刪除
  4. 嘩, 有無咁似, 除非整容.

    好似衝上雲霄, Zoe同夏晨咁似樣, 其實係同一個胡杏兒扮啦.

    回覆刪除
    回覆
    1. 前排果套「好心作怪」黃宗澤都孿生一模一樣,所以好合理

      刪除
  5. 淚中有笑/笑中有淚...可能就是不少人生的寫照>.<!

    回覆刪除

LinkWithin

Blog Widget by LinkWithin