~~~~~~~~~~~~~~~~







2013年6月17日 星期一

卡臣 ╳ 世純合作企劃 (第四回) 《命運劇場第一集》


卡臣 世純合作企劃 (第四回)

《命運劇場第一集》

天意差錯誰可補



Janice和七歲兒子Ryan坐在酒店的function room內,參加講座,同場大約有一百人參加,都是父母帶著小朋友前來參與。


這講座是由一間「增強記憶力」的公司所主辦。在香港教育制度下,父母當然想子女增強記憶力,應付公開試。Janice的兒子剛入讀小學一年級,Janice在報章廣告得知這講座,決定帶兒子前來。公司代表正在台上介紹「訓練記憶力課程」的內容和收費。但其實Janice沒有留心聽,她只專注地望著她的智能電話。

* * * * * *

今天全城熱話是「全港震驚!西貢出現UFO!」昨夜已經有許多市民在各區目睹UFO在香港上空出現,高速飛過,市民向天文台報告。

西貢一村民晚上十時目睹UFO飛過上空後,他在附近荒野地找到一個直徑五米圓形燋土烙印,懷疑UFO曾經降落在荒地上。該名村民上前接近,進行「第二類接觸」。

該村民首先拍下相片和短片,放上facebook,之後再call記者,最後才報警。網民立即瘋傳UFO痕跡照片。記者快過警察到達現場,咁爆炸性的報導,怎可錯過!一夜之間,香港人個個望上星空,希望見到UFO

突發新聞在電視報導後,港府打官腔:說未必係UFO,盡快調查。UFO消息一出,香港人分成樂觀和悲觀兩派:樂觀派認為外星人是懷著善意,是宇宙的和平大使。悲觀派就認為外星人是邪惡的,蓄意攻打地球,或者拐走地球人作解剖實驗品。

Janice是屬於悲觀派。她住在西貢郊區的村屋,昨夜她跟兒子只得兩人在家中,從電視看到UFO報導後,立即鎖好門窗,心驚驚擁著兒子在床上,大被蓋過頭。震到天光。家中沒有一個強而有力的男人,真是欠安全感。

* * * * * *

回到酒店講座現場,Janice專注地看智能電話中的新聞報導,突然被一陣掌聲驚醒了。原來「記憶力增強大師」霍老師上台,親身示範如何過目不忘,一字不漏,其驚人記憶力,技驚四座,獲得全場家長的熱烈掌聲。

Janice心神仿佛,已經沒有心情去替Ryan報讀這課程,她擔心若果今晚遇上外星人,都唔知有無命啦?仲增強乜嘢記憶力吖?她真的很悲觀!

講座完畢,Janice離開時,她拖著Ryan無意走過「霍老師」身邊,霍老師先留意到Ryan的眼神,霍老師對Janice說:「太太,妳有無留意到妳個仔有啲特別?」Janice搖頭。Janice主觀上覺得霍老師是施展硬銷課程的技倆,未待霍老師再開口時,Janice已經轉身帶Ryan走遠了。

* * * * * *

去完講座,JaniceRyan坐小巴返回西貢的村屋。Janice的丈夫呢?

Janice的丈夫Kent,跟太太兒子一家三口住在一起。Kent上周去了英國公幹。留下Janice照顧RyanKent應該明天從英國回港。

Janice回到村屋,一打開大門,見到Kent的行李喼放在客廳,Janice開心到大叫「老公!」Kent從廁所中探頭出來,三人擁在一起,一幅一家團聚的溫馨畫面。

JaniceKent既然可以提早回港,為何不先致電給她?Kent回答昨晚曾經致電給太太,但多次都打不通。當然啦,昨晚出現UFO咁大件事,無線電話線路大塞車,所以接駁不通。Kent說在網上看到香港新聞,得知道UFO一事。

Janice很開心,屋裡多返一個男人,發生乜事都有老公在。這夜她睡得很安心。

* * * * * *

到了第二朝十時,Janice才醒過來,因為前晚精神緊張,睡得不好,難得昨夜可以安睡便睡過龍。Kent不在床上,應該已經上班。返小學下午班的Ryan,坐在客廳看收費電視的卡通片,傳來電視聲。

Janice下床,又是「玩遊戲」的時候。丈夫每次出外公幹後,總會買手信送給太太,不過丈夫喜歡把禮物就藏在睡房內,要Janice自己尋寶。

Janice打開衣櫃,見到一個「一尺乘一尺的黑色立方型金屬盒」。金屬很輕、四邊密封,沒有盒口。Janice捧在手裡,是英國的新科技產品嗎?

正當Janice猜估這份禮物時,手提電話突響起,來電顯示是「+44」,英國來的長途電話?她有一股不祥預兆,按下接聽。Janice不能相信自己的耳朵。是Kent在英國希斯路機場打來的長途電話:「太太,我而家上機由英國飛返香港啦」吓?!

正當Janice分不清昨晚那個丈夫是真?還是電話內的丈夫是真時?突然聽到兒子Ryan在客廳大叫:「媽咪!快啲出嚟睇吓!乜嚟架?!」

待續

世純已經完成第二集,記得到世純那邊看啦。

二少爺說:科幻故事,唔知世純會否扭轉成鬼故或偵探故事?



迷路 - 張國榮
作曲: 黎小田
作詞: 鄭國江

天意差錯誰可補
一切遭遇誰擺佈
人生果真有定數
太是殘酷 太是殘酷

多少真愛求得到
得到失望和苦惱
情感困三角裡
我迷路 你亦迷了路

誰人令情意幻化作迷人色譜
誰又在幕後埋藏圈套
這段情遺留下太多問號

誰人令情意幻化作無形的刀
誰像是幕後無形主腦
有情人無言地發出問號嘆號 


38 則留言:

  1. 派卷喇~派卷喇~

    科幻故事,開正我弱項,唯有頂硬上喇。 :o

    回覆刪除
    回覆
    1. 哈哈

      你的弱點和優點都是:太注重邏輯,需要合理化。

      這遊戲玩法是天馬行空,你鍾意咪下集改做鬼故,
      難保我第三集改為偵探故事架

      捉唔到條路,咁樣先係命運嘛

      刪除
    2. 係呀,我有強迫拆招症。

      我已經諗好晒點拆,而家plan緊點set番d嘢畀你慢慢嘆,哈哈。

      刪除
    3. 好呀! 我一招發夢瞓醒就可以將你寫的推土從來,

      yo~使乜驚

      刪除
    4. 當你估我唔敢的時候,我就要出人意表。

      刪除
    5. 我寫咗一半喇,應該可以19/6 17:00出街,如果要改遲d,再通知你喇。

      到時輪到你接招喇。 :)

      刪除
    6. 好喎!星期三起貨
      果然有料到

      我以不變應萬變

      刪除
    7. 寫咗80%喇,執埋d細位就ok喇。

      故事發到好大,我驚你睇完之後,口中唸唸有詞,掉那星呀...他媽的咁呀,哈哈。 :p

      刪除
    8. 哈哈

      等我一手摧毀

      努力興建,盡情破壞

      刪除
    9. 今次真係難為正邪定分界喇。 :p

      刪除
  2. 科幻開頭,第二集冇理由又科幻掛?

    回覆刪除
  3. 卡臣:

    你個UFO是什麼?搞到咁混亂!莫非是Universal Fxxking Object?嘻嘻!

    回覆刪除
    回覆
    1. 兩位:

      雖然第二集全無鹽花,不過仍然會出人意表,應該唔會失望。

      卡臣咁有創意,第三集一定好搞鬼,哈哈。

      刪除
    2. 你點會令大家失望呢

      第三集..我要小心接招先

      刪除
    3. 剛剛排咗程,聽日準時見。

      我延續自己嘅缺點,要解晒d嘢先安樂,哈哈。

      究竟金屬盒係乜、兩個老公係點、Ryan咩事大叫,我拆咗喇,不過留番更多問題比你。 :p

      刪除
    4. 好嘢!果然快手,思如泉湧,勁!

      不是缺點,你喜歡每件事都有個答案啫

      好!明天下午5時等睇第二集。

      刪除
  4. 其实而加D外星人系度帮紧D地球人,尽量将好多嘅大灾难减轻-----

    回覆刪除
    回覆
    1. 我相信呀

      前排外星人幫手打爆粒大殞石,令它在俄羅斯荒野中墜落,否則殞石就會撞向倫敦,大災難,多得外星人咋!

      刪除
  5. 卡臣:

    大半年前因貪污被迫辭職的滿地可市長,正被控告貪贓.新任市長走馬上任,聲稱要清廉.昨天他又被捉,又被控貪污.宜家滿地可暫時無市長架喇!

    滿地可市長個位,簡直風水有問題.第二次世界大戰時,當時滿地可市長呼籲法裔不要去參戰,結果判了入冊.直到二戰結束才放番出來,佢再叫法裔唔好參戰,就有言論自由喇!嘻嘻!

    回覆刪除
    回覆
    1. 香港都是政治爭議之地,不單止風水希問題,領導人仲大問題呀!

      刪除
  6. 好緊張呀~~~

    仲有個幾鐘我就放榜喇,到時輪到你考試lu :)

    回覆刪除
    回覆
    1. 好呀,我在試場門口仲掀書,最後衝刺。

      刪除
    2. 掀書用處唔大喇,掀吓裙仔可以更有效,一來可以減壓,二來可以讓頭部充血。 :p

      刪除
    3. 你咪靠害,掂下女仔手臂都俾人告非禮,多得哂啲人生導師。

      刪除
    4. 搞到上差館!
      可能遅啲你工作上見到疑犯添呀

      刪除
    5. 見到佢真係好難忍住唔笑喎,成30幾歲人都仲咁幼稚。

      不過單嘢咁小事,可能唔落charge呢。

      刪除
    6. 好似話個男人飲醉

      我醉咗的話,都可能係咁

      刪除
    7. 飲醉可能係條友嘅抗辯理由咋,真相只係得當事人先知喇。

      千祈唔好呀,一時手多多,後悔莫及。如果手痕嘅話,自摸了事算喇,唔好摸人呀。

      刪除

LinkWithin

Blog Widget by LinkWithin