~~~~~~~~~~~~~~~~







2013年6月14日 星期五

無奈我心所想 是妄想 – 下集



無奈我心所想 是妄想 下集


(這篇是新寫的)

Benson終於鼓起勇氣,問Sylvia一條藏於心底的問題。

BensonSylvia:「點解妳咁靚女 都要玩Speed dating?」
Sylvia答:「唔知點解…..無男人夠膽追我囉。」
Benson苦笑同意,作為男人,明白「靚女無人追」的道理。

這晚,兩人傾得很高興。Benson首次在聚會中竟然完全忘記家中的太太和兒子。大會規定,參與者不得私下交換聯絡方法,Benson沒有向Sylvia取聯絡電話。飯後Benson想約Sylvia再飲杯,但Sylvia說身體有點不適,飯後乘的士離開。

Benson失望之餘,回程時諗起以前讀書時跟Sylvia的開心日子。回家後神不守舍,腦中只想起Sylvia的容貌身影。自己一直放不低Sylvia

應否繼續找Sylvia?還是安心做個好丈夫?好父親?跟Sylvia一起可能會好開心,但付出的代價也很大。思前想後,徹夜難眠。

   

星期一,Benson在辦公室一角,打電話給FredBenson經過星期日的思想爭扎後,最後答案是:決定找Sylvia

Fred聽到Benson的故事後,反應是:「又會咁橋撞返初戀情人?」Benson要求攞Sylvia電話號碼。Fred說女性參加者的資料存放在公司女Partner的電腦中,要等女Partner中午回公司後才找到。Benson唯有等多一個上午。Benson收綫後,心中泛起罪惡感,他知道自己已背叛了家庭。

好不容易,Benson才等到下午,第一時間追問FredFred在電話中哈哈大笑!Fred問了公司女Partner後,原來Sylvia也是Speed dating的「媒」。

因為曾經有男顧客投訴女參加者太肥太矮太醜樣,公司女Partner找她的一些靚女朋友來「拉高條curve」。Sylvia就是其中一個「媒」。Sylvia從不回覆對她有興趣的男生,因為SylviaBenson一樣,都是有家室之人。她嫁給一名律師,有一個兩歲兒子,住在司徒拔道,有樓有車有狗有工人。

Benson聽後苦笑,原來大家都已婚,大家都幫朋友做媒。不同之處,就是自己思想上已背棄了家庭。他沒有再提起Sylvia的電話,內疚地收線。

儘管日後Benson繼續幫Fred做媒,但他再沒有在Speed dating中碰過Sylvia

   

星期天下午,Sylvia獨自去做瑜伽。她沒有丈夫、兒子或男朋友。

FredBenson好朋友,Fred不想Benson搞到妻離子散,騙了個謊言給BensonSylvia真是獨身,太靚無人夠膽追求,所以參加了speed datingSylvia曾經向公司取Benson的電話號碼,Fred藉詞BensonSylvia無興趣,拒絕透露他的電話號碼。自此,Sylvia再沒有參與這公司主辦的speed dating

Benson在家中看電視,兒子在旁邊玩玩具,太太在廚房洗碗。但他心中卻想著很多很遠很遠的事情。


二少爺說:妳已粉碎任何夢想。妳現在又怎麼可會想Love me once again

41 則留言:

  1. 呢個故事我好覺得好正呀,有緣無份,明明有情卻無情。

    Benson雖然一念之差而背叛家庭,但好在有Fred,度到一條好橋,等佢死心,Fred真係Benson嘅好朋友。

    Sylvia就慘D喇,咁靚女都冇人追,仲一個人去做瑜伽添,唔知佢需唔需要人陪呢? :p

    最後,希望Benson好快就可以忘記過去喇。

    回覆刪除
    回覆
    1. 正所謂寧教人打仔,莫教人分妻,fred一個大話平息一場婚變,咪話唔夠friend

      給你Sylvia 的電話呀,祝你好運啦!

      初戀最難忘,唯有藏在心深處

      刪除
    2. 好吖,順手叫Fred畀埋佢出生日期我吖,最好有埋時間喎,等我計過度過先去馬,仲可以喺佢生日畀個驚喜佢添,哈哈。

      回你一個喇

      初戀最難忘,初夜最難得。 :p

      刪除
    3. 好似係農曆七月十四日亥時出世,啱唔啱?

      初戀難忘,初次心痛(Twins 眼紅紅)

      刪除
    4. 佢個八字咁樣,唔怪得冇「人」埋身喇,無人爭又靚女啱我呀,我競爭力偏低。 :)

      呢個「眼紅紅」用得好喎,抵讚。

      初戀難忘,初開情竇

      刪除
    5. 有「鬼」同你爭,仲話競爭力低?直情強!

      初開情竇,初一破瓜。

      刪除
    6. 佢是「鬼」旦,可能會㨂我。

      初一破瓜,初二放煙花

      刪除
    7. 你咁搞鬼,一定揀你。

      初三開餐,初四玩翻攤。

      刪除
    8. 初五抖夠,初六番工又搏鬥。

      留番個人日畀你寫。 :)

      刪除
    9. 多謝哂

      初七生日,初八去拜佛。

      刪除
    10. 初九你先出預告,初十我會諗爆腦。 :)

      咁啱今日係初九,食到應晒。好緊張,等緊你初十發表第一集。 :o

      刪除
    11. 你最細心,今天出預告,你真有記性

      唔會諗爆䐉,好簡單咋,越Q崎越過癮。等明晩啦,巧緊張。

      刪除
    12. 有嘢玩梗係記得喇,我準備好o架喇。

      刪除
    13. 希望你呢排唔好咁忙,否則睇下一集時已經忘記上一集講乜啦。

      刪除
    14. 呢排都係咁忙,但我會記住一個大原則嘅...

      唔駛急,不過最緊要快。 :)

      刪除
    15. 哈哈,咁大家出文前,預早少少email 通知對方。

      刪除
    16. 好喇,我會盡快通報畀你嘅。 :)

      刪除
  2. 卡臣:

    在北美洲,寧教人分妻,莫教人打仔,否則要洗定蘿友!嘻嘻!

    回覆刪除
    回覆
    1. 係呀!香港打仔虐兒都要坐監
      前排有對夫母掛著打機,少餵奶,餓死BB

      刪除
    2. 卡臣:

      餓死嬰兒這裡也有,但通常是母親去了參加派對!

      刪除
  3. Fred 真系做左一件大大好事,救左个朋友一家三口有可以发生家变嘅悲剧-----

    回覆刪除
  4. 哈哈,我睇第一集時已在想,點解你唔係用 Love Me Once Again 架?

    Fred,做得幾好吖,不過今時們日,又 facebook,又 Twitter,Benson or Sylvia 要搵對方,甚至係無意撞返,其實唔難。。。

    咁,你又可以寫多集!

    回覆刪除
    回覆
    1. 果然大家都來自80年代

      下集他們再遇,要由女partner queenie 出手平定,但緣魔出現,最後sylvia 要了...rocky

      刪除
  5. 網誌管理員已經移除這則留言。

    回覆刪除
  6. 卡臣, 以下材料足夠你創作一個完整的有趣的故事嗎?

    1, 光顧了10年的牙醫診所
    2, 牙醫, 助護和自己的年齡相約, 大家見証這10年間彼此的成長和變遷
    3, 助護對醫生的傾慕和忠心無人不識
    4, 兩人關係撲朔迷離
    5, 三年前注意到醫生和結婚多年的太太, 兩個子女的媽媽離異了
    6, 助護身份轉變儼然成了診所的partner
    7, 三年後再訪, 本來寂靜的診所忽然響起優客李林的歌聲, 唱着:'I don't believe it
    是我放棄了妳 只為了一個沒有理由的決定....'
    8, 走進診療室, 裝修改變了, 助護也換成了個年輕的女孩

    回覆刪除
    回覆
    1. 多謝哂!有趣
      係咪真人真事?

      唔好話俾我知你是故事中其中一人喎。

      刪除
  7. 不知为什么,我常幻想不知不觉间碰到前度,而她又会在唱这首歌。

    可能性太低了,我只有一个前度会这首歌,其他的都不知道陈慧娴是谁。

    回覆刪除
  8. 另外喜欢的另一手碰到前度歌:陈慧琳的别来无恙

    回覆刪除
    回覆
    1. 咁祝你早日願望成真

      搵日播別來無恙先,送給你。

      刪除

LinkWithin

Blog Widget by LinkWithin