~~~~~~~~~~~~~~~~







2013年6月3日 星期一

站到邊緣回望時


站到邊緣回望時



阿傑考完高考後,正在放暑假,等待高考放榜和聯招結果,希望入到大學。他跟拍拖一年半的女朋友慧芬剛剛分手,因為慧芬移情別戀,她跟學校劍擊學會主席拍拖。

慧芬是阿傑的初戀,阿傑唔識處理感情的問題,接受唔到呢個晴天霹靂的壞消息。首次遭愛情重創的阿傑,生無可戀,決定要以自殺作為自我解脫、和向女友的報復。


阿傑在他的facebook公佈在三日後,踏正深夜12點,將會以跳樓來結束自己短暫的生命。Po文公佈後,引起兩種極端的回應:有些網友勸止他這愚蠢行為:
「唔好呀!你諗你父母會幾咁傷心呀?」、 「世界咁大咁多女,做乜咁蠢!?因為條女去死?」、 「與其有勇氣去死,不如拿出勇氣搶她回來吧!」等等。

有些網友則在旁煽風點火:
「呢個世界咁恐怖、絕望!早走早著,安心上路啦」、 「用自己的鮮血,親手把自己祭祀給愛情的葬禮」、 「愛情充滿毀滅性,得唔到就自我了斷,女方才會銘記你一生」等等。

兩種聲音,一正一負,旗鼓相當,最後,阿傑決定用自己的死亡,來換取慧芬和她新男友的畢生內疚。他立下尋死的主意,沒有埋會網上的阻止聲音。

阿傑打算在餘下三天,做盡他想做而又未做的事情,他把銀行戶口內的三千元,一口氣花光。阿傑吃喝玩樂了一整天後,晚上收到一個神秘e-mail,一名署名「亡命失婚漢」寫了一封電郵給阿傑。

電郵中表明來意:「亡命失婚漢」是個化名,他的太太嫌他窮、無用無出息,太太跟有錢上司私奔走了,留下一個11個月大的男嬰,和一大筆大耳窿數給「亡命失婚漢」。

亡命失婚漢知道阿傑橫豎要死,不如臨死前做吓好心,幫手殺死太太上司,
一來,有機會讓太太回心轉意,嬰兒實在需要媽媽照顧;
二來,可以一洩心頭之恨,向情敵報仇;
三來,就算刺殺行動失敗,也算給這對「姦夫淫婦」一點顏色。

如果阿傑同意的話,亡命失婚漢就會將太太上司的照片、地址和行蹤e-mail給阿傑。亡命失婚漢說:因為貧窮,所以沒有酬勞,但大家都係男人,應該明白男人被女人欺壓之痛苦心情。

阿傑臨死前的舉手之勞,可替一名苦命男士出一口氣。亡命失婚漢叫阿傑考慮一天,相約阿傑明晚8時,用電郵回覆亡命失婚漢去定唔去?

阿傑徹夜失眠,想到要親手殺死另一個活生生的人,實在是一件十分恐怖殘忍的事情。開始了解到生命是何等寶貴。不應該剝奪他人或自己的生命和生存權利。領悟到自己無膽殺人,亦無膽去殺死自己。為失戀而死,更加是一件十分十分愚蠢之事情。

* * * * * *

第二天晚上8時,阿傑回電郵給「亡命失婚漢」,直接拒絕了他的要求。

「亡命失婚漢」看到阿傑回覆後,馬上回電郵:「算罷啦!我再找另一個企圖自殺的人去幫手!無論如何,多謝你曾經考慮過我的要求。」

阿傑在facebook告訴大家:「我要活下去!」

之前「支持活下去的網友」立即留言回應:
「支持!四川好多人想生存都唔能夠,你要重新振作啊!」、「替你父母舒一口氣!我撐你!」、 「你終於想通啦!人生美麗與否,在乎自己點睇!」等等。

而死亡派的網友則留言煽動:
「唔死?請你三思!死後世界是一片淨土樂土,」、 「挑!話咗死又唔夠膽去死!你呢種人唔死都無用!」、 「臨陣退縮?你沾污了死亡的高貴名字!廢物!」等等。

阿傑堅持「活下去」的決定,沒有埋會網上的指責聲音。

* * * * * *

在電腦屏幕前,「亡命失婚漢」sente-mail給阿傑後,logout e-mail account。這時,一名中年女士叩房門:「喂!慧芬!好出嚟食晚飯啦!」

慧芬:「哦!知道啦!我而家出嚟喇!」


這夜,慧芬輕鬆地吃著這一頓份外好味的家常晚飯。


多謝世純寫的續集《視覺息間奇幻至》,三人都有唔同的下場。

二少爺說:在佛教世界裡,自殺好大罪孽架,咪試呀!



34 則留言:

  1. 最初睇冇乜印象,反而呢幅相好似見過喇喎,但係睇到最後,我又記得番lu。

    有少少唔明,希望作者解釋吓,就係慧芬扮「亡命失婚漢」嘅動機。佢係驚阿傑自殺後,自己會內疚一世吖;還是係佢仲關心阿傑呢?如果話驚自己內疚又合理d,因為慧芬移情別戀,又唔似係會顧及阿傑感受。如果話佢係關心阿傑,佢就應該結束一段感情後,先開始同劍擊學會主席拍拖,唔會突然間變心。

    咁究竟慧芬當時係咩心態呀?? :o

    回覆刪除
    回覆
    1. 等我試吓解釋:

      慧芬拍拖是「擇木而棲」型,見有好嘅(劍擊學會主席)當然要離開阿傑。

      慧芬從facbook知道阿傑可能自殺,自果成真,慧芬累死人喎,一定內疚啦,慧芬要do something

      慧芬清楚阿傑為人,叫佢去殺人,阿傑無勇氣去殺,從而知道生命可貴,咁阿傑便不會自殺

      慧芬救返阿傑條命後,繼續和劍擊學會主席拍拖。

      歡迎再研究吓

      刪除
    2. 你解得好好喇,好有人性,我明晒lu。

      「擇木而棲」用於愛情,的確好可悲,但係又好現實主義喎。

      慧芬了解阿傑、亦都了解自己嘅需要,結果慧芬救返阿傑條命,又可以繼續和劍擊學會主席拍拖,都叫做winwin喇。

      如果再有下集,會唔會輪到劍擊學會主席玩自殺呢? :p

      刪除
    3. 多災接受我的解釋

      男歡女愛都是離合散聚...

      下集交俾你,在你那面發表。

      刪除
    4. 呢個提議唔錯喎,個故事可以繼續發展落去。

      下集我要幫番阿傑先得,希望可以今日出到喇。

      刪除
    5. 好嘢,故事持續發展

      今天出到街?
      你的效率真係超勁呀!

      刪除
    6. 都唔係勁喇,咁啱有idea啫,而家趕緊工,寫咗一半,如冇意外,17:00見。 :)

      刪除
    7. 搞掂晒,我係快槍手,已排程,好快有得睇。 :o

      呢鑊真係要畀d教訓慧芬,同埋撐吓阿傑先得,哈哈。 :p

      刪除
    8. 好嘢! 都話你堅架啦!

      今日5時來,替阿傑平反! 平反六四! 人民萬歲!

      刪除
    9. 平反六四,留番畀大人物做喇。我呢D小人物,寫個下集為阿傑出番啖氣算喇。

      刪除
    10. 我構思好了接龍第一集,不太難接

      刪除
    11. 哈哈,等緊訂今次嘅玩法,我隨時準備接招。 :)

      另外,多謝你加咗條link去我度喎。 :)

      刪除
    12. 好呀,遲啲電郵你過目,再定日子。

      刪除
    13. 好吖,等你o架喇,六月下旬我唔排嘢,就你個期喇。 :)

      刪除
    14. 之前做咗咁多熱身,今次一定好瘋狂呀。 :o

      刪除
  2. 我諗每一個人喺唔同階段都有諗過死
    好彩呢個念頭大部分人都一閃即過

    回覆刪除
  3. 卡臣:

    擇木而棲的女人,仲會關心前度,這是前度的期望.嘻嘻!

    昨天在多倫多北部五小時車程的中型城鎮附近,一列貨運火車,經過一條橋時,條橋突然斷佐,五架車廂跌佐落河.嘩!仲有人教我坐火車去果度玩,咪搞我!

    回覆刪除
    回覆
    1. 女人分手後不関心前度,否則讓前度以為有翻撻機會。


      嘩!佛爺福大命大,必有後福呀!(大把女)

      刪除
    2. 卡臣:

      果個鎮,分明風水有問題,兩年前,成個大商場中間塌下,死佐兩個店舖的員工,傷佐十多人.好彩是上午,無乜人流,否則仲死得人多.

      但救援人員隔佐兩日至敢入去大搜索,因怕成個商場全部塌下來.

      刪除
    3. 如果發生在香港,一定有風水師傅出嚟發表風水唔好,有鬼呀....

      刪除
  4. 死要好大勇氣架,千奇唔好試。澳門早兩日,有兩單跳樓自殺,因感情出現問題。

    回覆刪除
    回覆
    1. 我都有看過報導,其中一單是台灣歌手的年輕妻子自殺,可惜。

      刪除
  5. 卡臣,
    第日會唔會寫篇「亡命失業漢」?

    回覆刪除

LinkWithin

Blog Widget by LinkWithin