~~~~~~~~~~~~~~~~







2013年4月19日 星期五

卡臣 ╳ 世純合作企劃(第三回)之「先出口篇」


卡臣  世純合作企劃(第三回)之「先出口篇」

我選了以下五句廣告對白

1.          最鋒利嘅刀都有生銹嘅一日。
2.          雞蛋六隻,糖兩茶匙,仲有啲橙皮添。
3.          而家去街,連香水都唔使搽啦
4.          你今日飲咗未呀
5.          逐漸變黑又得,立即變黑亦得,得咗。

等我看看世純揀那五句先。好,要開工了
星期日(421)晚上9:25見。


二少爺說:好歌一首。

92 則留言:

  1. 「逐漸變黑又得」,我真係有諗過出過。

    「 雞蛋六隻,糖兩茶匙」,呢句真係絕呀,一定諗爆腦。

    回覆刪除
    回覆
    1. 今次真是最大挑戰,可能爛尾收場.

      刪除
    2. 今次大家玩大咗,幾個口號太不相關喇。 :p

      不過我諗到喇,會有少少鹽花調味,剛寫了大綱,哈哈,沖埋涼就可以動筆。 :)

      刪除
    3. 小弟今次認輸了,甘拜下風,想了一晩都係得個桔:(

      刪除
    4. 其實我都係食番老本咋,到時睇咗你就知。 :p

      如果諗唔到,東拉西扯咁交功課喇。不過,我覺得你今次會有超水準之作。

      刪除
    5. 哈哈,証明你做人樂觀,不過我唔驚,最多無厘頭到爆啫。


      毒戰如何呀?

      刪除
    6. 我是悲觀主義者喇,我寫咗嘢大部份都係負面收場嘅。

      毒戰好睇喎,雖然槍戰場面有少少誇張,但係人角性格寫得好好,古天樂充分反映出毒販嘅內心。

      刪除
    7. 我估先睡一覺,明天有靈感啩,

      結局正面負面,唔反應個人,我都好多happy ending

      毒戰我都會睇,杜sir啲戲我會捧場

      刪除
    8. 你結局多happy ending,證明你個人happy囉。

      祝你一醒來,靈感如泉湧呀。

      套戲好陽剛,杜sir一貫風格,但今次多咗d女配角。

      刪除
    9. 醒了,開始度橋了,

      你可以動筆了,好呀!
      我估我點都要寫一些


      杜Sir 電影,喜歡阿郎戀曲,

      刪除
    10. 8點幾就起身度橋,你真係勤力喎。我諗你今次唔會寫動物喇啩。 :o

      阿郎戀曲未睇過喎,遲d搵嚟睇番先。

      刪除
    11. 早上人都清醒啲,可以動筆了

      今次寫人啊,老老土土咁囉


      阿郎戀曲--80年代,你得幾歲咋

      刪除
    12. 冇計喇,廣告係以人為本,都係寫人最易。

      刪除
    13. 哈哈!我見到曙光啦,找到方向了,

      等睇你的大作啦,

      刪除
    14. 大家咁話喇,我嗰篇都係普通嘢,同上次一樣,都係自導自演之作。

      反而我對你嗰篇有期望多d喎。 :)

      刪除
    15. 我越寫越過癮,找到出路了,我的故事唔現實架

      我都對你嗰篇有期望多啲喎:>

      刪除
    16. 我都係玩番現實嘢,好多情節喺「現實」上都係咁樣做法嘅,科幻嘢唔係我強項。

      刪除
    17. 我完成2/3了,傍晚可以去街啦

      大家加油啊

      刪除
    18. 嘩,咁快手,我一半咋。

      今夜我都要出街,睇嚟我都要開turbo喇。

      刪除
    19. 我接近完成了,十時寫到而家呀,

      不過今次有寫作滿足感,多謝你出得刁鑽

      刪除
    20. 都話你會有超水準之作o架喇。

      我都寫緊,仲越寫越激,本作一定被列為三級,兒童不宜呀。 :p

      刪除
    21. 列為三級? 可能佛爺當為碎料咋,佛爺的界線好高架

      我擱筆了,
      pennis down

      去gym了

      刪除
    22. 可能我界線比低,一路寫一路penis up,哈哈。

      刪除
  2. 卡臣:

    這些四十八小時遊戲,好要命!唔敢再玩.況且我要寫續集.

    回覆刪除
    回覆
    1. 係呀,今次真要命,十句有難度,仲要趕交貨添...

      刪除
    2. 今次真係堅難呀,畀起上次用相片嚟玩難好多。

      不過,慢慢睇番,其實有幾句口號係可串連埋一齊用嘅。

      刪除
    3. 同意啊,可能我們的用法也一樣啊!

      刪除
    4. 我諗應該會有幾句嘅用法同埋鋪排會一樣囉。 :)

      刪除
    5. 腦袋如子宮,就算大家生出嚟嘅細路相似,都係性格行為上似嘅啫,外貌及身體特徵應該有分別嘅。

      刪除
    6. 你有得揀,都揀龍鳳胎︿
      起碼跟個女仔一起抱足十個月啦

      刪除
    7. 嘩,一個400萬呀,兩個咪800萬,小弟冇咁多錢喎。

      刪除
  3. 卡臣、世純:

    今次比你地兩個做叻仔,咪搞我.嘻嘻!

    剛同一位讀過Child Study的女生講起叻仔,她聽後的反應,十歲就被打鎮靜劑,未聽過喎!

    我至想起叻仔在家發脾氣,也起腳踢慈母的,但醫院就唔會任佢踢.

    你們兩位在上一篇搵叻仔來開玩笑的對話,有些將來可能會出現在叻仔身上的.

    回覆刪除
    回覆
    1. 係又唔錯,咁多袋招呼叻仔,袋袋高潮袋袋金!

      刪除
    2. 佛爺:

      個叻仔細細個就要乜有乜,未「長」大就話鍾意打機玩玩具啫。

      過多幾年,就會愛上玩d大人嘢o架喇,遲d咪玩女、賭、毒囉。慈母到時真係唔知點收科喇。

      刪除
    3. 一個小霸王遇上另一家的小霸王,必要一戰!

      刪除
    4. 世純:

      「過多幾年,就會愛上玩d大人嘢o架喇,遲d咪玩女、賭、毒囉。慈母到時真係唔知點收科喇。」

      我都係咁諗,到叻仔支野識得彈起,肯定好大鑊.

      刪除
  4. 哈哈,我都搞掂喇,yeah。

    比上次快手咗,今晚番屋企校對多次就可以upload喇。

    回覆刪除
    回覆
    1.  哈哈太好了!

      有考完公開試的感覺

      明晚放榜了。

      刪除
  5. 係呀,當尋晚第一次睇題目,大家都唔知點寫,但係諗一陣之後,就行文如水。

    最後大家24小時內都搞掂晒,感覺唔錯。

    回覆刪除
    回覆
    1. 仲有大家溫書溫到咁上下,就call下朋友。問溫成點?互通消息。

      刪除
    2. 係呀,仲又交換讀書心得,大家一齊貼題目。

      刪除
    3. 不過以前啲同學仔,通常讀哂扮無讀過

      刪除
    4. 我哋唔同喎,夠坦白,話畀大家知寫到邊度,哈哈。

      刪除
    5. 當然啦,那些是小學雞幼稚行為

      刪除
    6. 小學雞都識玩心理戰呀。

      而家萬事俱備,係等聽晚派成績表,我諗大家都應該及格升班。

      睇你故事名,我直覺你玩時空旅行喎。 :o

      刪除
    7. 大家都升班,

      你那篇搞笑,拖埋佛爺落水?

      我篇呀?哈哈,賣個𨶹子先。明晚你就知

      刪除
    8. 呢篇係上一次crossover嘅續集,風格同上次差唔多,不過佢哋三個玩得畀上次更開心,哈哈。 :p

      至於你嗰篇,我買定花生等o架喇。

      刪除
    9. 我果篇呢.....

      不是講現在,
      即是可能講過去/未來

      認真兵行險著

      刪除
    10. yeah,估中少少。 :p

      呢個題材好吖,我之前都計劃過挑戰自己,寫一個類似電影「蝴蝶效應」嘅故事,不過得個諗字,太懶。

      呢篇嘢去到70幾個留言,應該好少見。 :)

      刪除
    11. 你好嘢! 比你估中

      「蝴蝶效應」嘅故事慢慢寫囉,沒有廣告對白限制,可以自由好多,咪再話無靈感啦

      70個留言..都是我們三人的WHATSAPP啫:)

      刪除
    12. 證據1:「我越寫越過癮,找到出路了,我的故事唔現實架」

      證據2:「我的故事叫:天涯各處鄉」

      合理推論:「我直覺你玩時空旅行喎」

      呢個思考方式係從老細度學番嚟嘅,終生受用呀,尤其是對住d成日講大話呃我嘅人,嘻嘻。 :p

      呢度係大眾平台,講嘢點都就住少少,而whataspp講嘢可以盡d直接d,哈哈。

      刪除
    13. 果然重邏輯思維,欣賞你

      我今次不是穿越時空,只是講過去的事情

      今晚你就知...

      刪除
    14. 唔通係:

      懷緬過去常陶醉,一半樂事,一半令人流淚。
      夢如人生,快樂永記取,悲苦深刻藏骨髓。

      以前d歌詞填得真係好精景呀。 :o

      刪除
    15. 哈哈!中呀!

      以前啲詞好有意境,舉個例:

      鄭國江填詞

      似是歡笑 似是苦困 怎可分開假與真
      恩怨不分 愛亦有恨 明亮背影有黑暗

      好勁呀,經典!

      刪除
    16. 我都回你一首,順便宣傳吓自己寫好但未post嘅作品。 :p

      雷聲風雨打, 何用多驚怕, 心公正白璧無瑕, 行善積德最樂也

      人比海裡沙, 無用多牽掛, 君可見漫天落霞, 名利息間似霧化

      刪除
    17. GOOD IDEA

      輪到我的宣傳

      幾多往時夢 幾許心惆悵
      別了昔日家 萬里而去 心潮千百丈

      收起往時夢 拋開心惆悵
      任那海和山 助我尋遍 天涯各處鄉

      刪除
    18. 哎,唔記得註明,呢首「浪子心聲」唔係「三郎缺一」嘅主題曲,而係另一個作品。 :p

      咁我和一和你喇,雖然未知你係寫人生定係愛情,但呢首都應該啱用。

      時光 美麗動人 如何不捨都要分 如何不捨都要忍 再獨行
      時光 最是弄人 如何相親都要分 如何傷感此刻都要笑著行 
      因我無憾

      刪除
  6. 故事未出街巳經知道劇情精彩古怪兼出人意表。。。

    回覆刪除
  7. 卡臣、世純:

    那位兒子一年撞爛三架寶馬車的慈母,出身草根,嫁了一頭好人家,但她待人接物卻非常友善,十分尊重他人,就算經濟條件比她低下的人,她也待之以誠.只是講起她的獨子,卻有「超凡邏輯」.或許你們可從這節簡短介紹,得到一些靈感.

    回覆刪除
    回覆
    1. 好彩她不是財大氣粗的暴發戶。否則身教叻仔。

      刪除
    2. 卡臣:

      寶馬車可以爛了再買,感情不可以.獨子跟他中學時已經認識的女友分手,女友苦苦哀求,但都無補於事.

      不到一年,獨子突然念起舊愛,要重拾舊情,卻被拒.

      慈母再出面.前度女友跟慈母說:伯母,我有新男朋友了.

      慈母又跟人講:世風日下囉!宜家D女仔,同男友一分手,就咁快另結新歡,完全不重視感情.

      卡臣,你話呢?個女仔係咪應該為個獨子守寡呢?或者至少守寡三年呢?

      刪除
    3. 應該頒個貞節牌坊俾佢...............阿媽!

      刪除
    4. 卡臣:

      哈哈!係喎!講得好呀!我都無諗過貞節牌坊呢樣咁崇高嘅嘢!

      刪除
    5. 因為在你的字典裡,貞節是唔值錢吖嘛

      刪除
    6. 慈母說:

      寶馬廠越做越差,不如改玩保時捷喇。

      不到一年,個仔已經鳥倦知返,真係乖仔。所謂浪子回頭嘛,係個女仔唔識珍惜我個仔。

      刪除
    7. 卡臣:

      我好鍾意讀歷史書,因歷史書先至找到「貞操」這一個詞彙.嘻嘻!

      刪除
    8. 世純:

      玩保時捷、法拉柴,是大陸富二代的玩具,不是香港富二代玩的.

      大約一年前,溫哥華以北一條高速公路,六架保時捷慢駛,阻住後面的車前行.

      六架車前變成通行無阻,就有十多架保時捷、法拉柴和林保堅尼大賽,時速去到二百多公里.

      結果有十多架名貴高級跑車,因時速超過速限五十公里,被即時行政拘留三十天.全部司機也是二十一歲以下的大陸富二代或富三代.

      大陸的富二代或富三代,當加拿大的高速公路,是他們的私人跑道.服未?

      刪除
    9. 世純:

      「鳥倦知返」

      哈哈!你的用詞真是文雅.

      刪除
    10. 我聽人講,大陸高幹富二代冇嘢做,學揸飛機添呀,係「駕駛」,唔好誤會係「打」喎,層次有分別。 :p

      好彩加國係法治之區,否則佢哋又可以畀錢了事。

      既然你讚我,咁我再拋拋書包。上文你哋講話個叻仔前女友攞「貞節牌坊」都唔夠好喇,慈母會話佢沽名釣譽咋。

      所以我認為呢位前女友應該好似「梁寡高行」咁呀,以行動證明自己嘅忠貞。

      刪除
    11. 世純:

      嘩!我要上網查閱一下,才知道「梁寡高行」是何許人也?怪不得我筆下無烈女,只有蕩女.嘻嘻!

      刪除
    12. 早晨兩位

      好有文學修養呀!

      好! 我又拋吓書包

      「姣婆點守寡」

      死未?

      刪除
    13. 佛爺:

      你而家嗰篇咪有綺珊同埋冰風兩個烈女囉,不過兩者嘅解釋唔同。

      綺珊將會成為一個敢愛敢恨嘅人,係烈女;冰風係剛烈欺夫之人,亦叫作烈女,哈哈。

      卡臣:

      回應吓你「姣婆點守寡」先。

      好簡單,買枝自「衛」棒咪得囉,但凡遇上啱心水嘅男人,先係手為強,喺畀人扑濕之前,自己扑濕自己先喇。

      刪除
    14. 哈哈....但係到了21世紀,點解仲要守寡?

      刪除
    15. 「守寡」係我國儒家思想當中,一個評價女性忠貞與否嘅道德標準。

      不過好在而家社會進步,唔玩呢套咋。如果唔係,大把祟尚戀愛自由嘅男女,無辜受浸呀。

      刪除
    16. 同意,所以「浸豬籠」也唔存在了。

      刪除
    17. 殺人放火同強姦,就應該受浸喇。

      至男女感情之事,旁人實在難斷誰是誰非。

      刪除
    18. 係囉,好似城城單嘢,第四者不得說三道四,他們的事情而已。

      刪除
    19. 城城有幾單嘢o架喎。 :p

      最近嗰單,你講得好啱,當事人嘅感情生活,外人的確冇資格講嘢。

      不過,當年澳洲嗰單,就可以用「色字頭上一把刀」嚟做總結呀,嘻嘻。 :)

      刪除
    20. 澳洲果單就要攞出嚟討論吓,有警世作用吖嘛

      刪除
  8. 呢排勁忙, 少咗睇blog...你地玩crossover好似玩得好開心咁喎

    回覆刪除
  9. 你忙正經嘢先,文章一直在這裡等你。

    回覆刪除

LinkWithin

Blog Widget by LinkWithin