~~~~~~~~~~~~~~~~







2013年4月16日 星期二

或者承受不起 - 下集



或者承受不起 - 下集

Ruby向該名女士表明來意,用電話中的片段說明一切。女士睇片知真相,變得憤怒了。畢竟中了男友的奸計,他私下摷自己手袋,是一種侵犯和欺騙。

兩女子在尖沙嘴站下車,等待下一班列車來臨。女士盤算如何質問這位可惡男友。Tim知道將會有男女嗌交戲睇,怎會輕易放過?雖然身上沒有帶花生。

等了五分鐘後,男士從佐敦站登入下一卡列車,駛向尖沙嘴,Tim跟蹤男士去見女朋友,等睇好戲。

由於星期日晚上11時許,列車班次疏落。女士很緊張自己手袋落入男友手上,肆意地搜摷,越等就越火光。列車到達尖沙嘴站後,車門緩緩打開,男士踏出車門,扮到若無其事,仲笑笑口說:「哈!我真係烏龍啦!」

女士最討厭虛偽的人,仲加上侵犯私隱,男友犯下兩條大罪,罪無可恕。女士已沉不住氣,首先揭開戰幔,唔理喺公共場所,指着男士心口,大聲質問:「點解你要摷我嗰袋?」

男士估不到自己的行藏會敗露,自己又理虧,沒有跟她硬拼,改為採取「苦口婆心」的哀求態度。男士說:覺得女友近日有事情瞞着自己,有神秘來電便獨自行開密密傾、又成日心不在焉、女友仲曾經偷偷哭過、鼻紅眼腫、對男友欲言又止。男士追問之下又無結果,他擔心有第三者出現,女友又否認。在無計可施之下,男士唯有出此下策,誓要找出神秘電話號碼。其實他的出發點是關心女友為何變得心事重重?

女士聽後,兩行淚珠黃豆般徐徐流下。激動抽泣地說:「你咁想知嗰號碼係乜!你而家立即打去吖!」

男士見事情發展到這個田地,無理由要退縮。而且亦很想和第三者直接對話,起碼可以知道對方是什麼人,男士便鼓起勇氣用女士電話按「重撥」鍵。

電話響了15秒後,仍然無人接聽,自動接駁去電話留言錄音機。
「你好!呢度係聖保祿醫院化驗中心,我哋辦公時間由早上9時至晚上
原來對方是一間醫院化驗所的電話錄音,男士再撥下一個號碼,是婦科診所的電話錄音。

女士悽楚地解釋:她上週取身體檢查報告時,發現乳房有硬塊。心慌慌之下去看醫生和接受纖維化驗。化驗結果證實是患上乳癌,幸而是初期。

畢竟年輕的她人生經驗不足,只是初期還有藥可施。但她胡思亂想,諗到:如果萬一要切除乳房,那麼,男朋友可能會離棄一個需要戴義乳的女朋友。所以她未有膽量、勇氣、機會、方法向男友說出自己患乳癌的真相。今天經RubyTim的介入,女士正好借此機會向男友說過一清二楚。

男士知道事情的原由後,上前擁抱安慰,輕聲說:「傻!咁樣諗我我點會介意?」兩人加埋四行眼淚,在兩張臉上流下。

RubyTim相望,估不到自己一時好管閒事,卻無心插柳,造就一個機會給另一對情侶進行真誠剖白。

TimRuby耳邊低語:「拍拖應該坦誠相對,其實我患咗睪丸癌。」
Ruby瞳孔放大:「吓?真架?!」
Tim笑說:「講吓笑啫!」
Ruby不甘原本咁浪漫氣氛被Tim破壞,況且唔應該cancer開玩笑,Tim立即換來胸口給Ruby打了兩搥。男士女士冰釋前嫌後向RubyTim道謝後乘車離去。

RubyTim在尖沙嘴站再次say goodbyeRuby乘中環線繼續向灣仔出發,Tim則乘荃灣線返回佐敦。

兩人登上朝着南北相異方向的兩班列車,分別駛進漆黑深邃的隧道去,一班車向南、一班車向北、越駛越遠。


二少爺說你會記得我是誰,猶如偶爾想起過氣玩具。

玻璃之情 - 張國榮
作曲: 張國榮
作詞: 林夕

從前我會使你快樂 現在卻最多叫你寂寞
再吻下去 像皺紙輕薄 撕開了 都不覺

我這苦心 已有預備
隨時有塊玻璃 破碎墜地
勉強下去 我會憎你 只差那一口氣

不信眼淚能令失落的你愛下去
難收的復水 將感情慢慢盪開去
如果你太累 及時地道別沒有罪
牽手來 空手去 就去

一起 要許多福氣 或者 承受不起
或者 懷恨比相愛更合理
即使 可悲

不信眼淚 能令失落的你愛下去
難收的復水 將感情慢慢盪開去
如果你太累 及時地道別沒有罪
一生人 不只一伴侶

你會記得 我是誰
猶如偶爾想起 過氣玩具
我抱住過 那怕失去
早想到 玻璃很易碎

32 則留言:

  1. 嘩,呢個happy ending好好喎,不得不畀d掌聲你呀。

    咁嘅橋你都諗得到,係咪真人真事啓發你o架? :o

    回覆刪除
    回覆
    1. 多謝掌聲先,果然明眼人,看得出箇中特色。

      半真半假啦,那年2OO8年,我在地鐵目暏一對情侶挨著睡。男的幫女的挽手袋。他們及時醒來跳出車廂。我想如果其中一人跳不出會怎樣?

      如果手袋離開女士又會怎樣?男友會翻看嗎?結果就作了這故事,

      刪除
    2. 嘩,剩係簡單一幕就可以諗到咁多嘢寫,你想像力果然豐富喎。 :o

      據某一無聊人亂噏,男士透過觀察女士手袋中嘅物件,可以了解呢位女士嘅性格。 :p

      見到衛生紙巾,就知道呢位女士係注重衛生嘅人。

      刪除
    3. 想像力豐富?胡思亂才是:)

      我都有聽過,所以八卦雜誌訪問女名星,影她手袋中有什麼?

      如果有「白花油」就唔該哂。

      刪除
    4. 卡臣:

      咁若果女人手袋有印度神油呢?嘻嘻!

      刪除
    5. 唔係好明「白花油」嘅意思喎。

      如果女人有印度神油,咁佢男朋友應該係「不倒翁」。 :p

      刪除
    6. 如果手袋有白花油,手袋的主人可能是阿婆。

      刪除
    7. 係喎,冇諗到呢點添。近年出咗一隻紫花油,將呢類藥油年輕化咗。

      如果手袋有紫花油,手袋的主人可能是中女,咁就唔好錯過喇。 :p

      刪除
    8. 有紫花油,應該係小儀,仲跳住舞添呀!

      刪除
    9. 佢嘅年齡唔細,仲自得其樂咁跳埋d過時舞步,為咗賺取廣告收入,漠視觀眾感受,真係「跳佢老舞」喇。

      刪除
    10. 令我想起Purple姐姐,更加無名火起...

      刪除
    11. 你所講嘅火,唔會係慾火嘛?如果係嘅話,我要對你口味嚟一次從新評估呀。

      刪除
  2. 回覆
    1. 多謝校長,好看是你第一篇留言的故事,

      為什麼我記得呢?那時候是「陳大文時代」,你過來第一個留言說相片角度奇特,內文未看,因要上課,容後再看,所以記得,

      2008年囉。

      刪除
  3. 原來係半真實故事!難得個結局咁出人意表。

    回覆刪除
    回覆
    1. 寫故事那時候,我有一位女親戚患上癌症,放了入去。

      刪除
  4. 卡臣:

    我以為女人有佐,點知原來係諗歪佐.嘻嘻!

    回覆刪除
  5. 其實有時關心都係要講方法...正在學習中:-)

    回覆刪除
  6. 回覆
    1. set timer時教了早上9;25,
      不如今天下午5時一齊貼?

      刪除
    2. 好喇,我剛改咗時間。又有得玩,實在太好喇。 :)

      刪除
  7. 女人手袋是個百寶箱, 男人總想知道內裡祕密。。。
    這故事引人入勝!

    回覆刪除

LinkWithin

Blog Widget by LinkWithin