~~~~~~~~~~~~~~~~







2013年3月19日 星期二

兩花生 – 第九節 - 迷失中野


兩花生 第九節 - 迷失中野

Calvin手中拿着MD機,心裡暗數5聲之後,就要扮仆向Kathy 5…4…3…2

當數到第2聲的時候,酒店房間床頭的電話突然響起!Calvin被急促的電話鈴聲嚇窒了,只好把行動硬生生叫停。

Calvin走到床邊接聽這個該死的電話,究竟誰人這般煞風景?Calvin:「喂!仲未瞓吓?哦?邊隻牌子呀?…OK俾咗啦!

原來Betty突然醒起公司有一位女同事,於今天下午來電相託,要Calvin到池袋某名牌專門店,代購一件只在日本發售的限量紀念版T-Shirt,所以Betty於深夜12時許致電到酒店找Calvin。順便問Calvin是否已經把MD機禮物交給KathyCalvin沒有向Betty透露Kathy在自己房間內,免得Betty胡思亂想。

Betty說明天星期一晚,會到香港機場接Calvin的抵港班機。叮囑兩句後,Betty說聲晚安後便收線。

Calvin如洩了氣的氣球般掃興。原本膽子大了起來的Calvin,怎料Betty的聲音偏偏要闖進這個空間內。如一盤冰水往Calvin頭上直淋,立即清醒過來。Calvin腦中的鬼計,立即化成輕煙,徹底瓦解。

Calvin把禮物交到Kathy手上,Kathy沒有把禮物即時拆開,只放入袋中。Kathy望一望手錶後說要趕火車尾班車,要告辭了。Calvin再沒有勇氣叫她留下,只問她明天早上可否再次見面?

Kathy說星期一早上需要回大學上課。不過11時下課後,可以陪他吃午飯及去池袋專門店買T-ShirtBetty的女同事。2時半便要乘Airport Limousine Bus到成田機場,5時半就要登機回港。就這樣完成他這趟十月東京之旅。Calvin相約Kathy明天早上12時於新宿火車站見面。

Kathy臨離開房間時,Calvin說:「呀!差啲漏咗!」Calvin把今天在秋葉原買的一件家庭電器送給Kathy,當作是Calvin送給Kathy的生日禮物。Calvin遞上的電器:是一部暖風機。Calvin昨夜聽Kathy說家裡暖爐壞了,所以專誠挑選這一份禮物。Kathy明白Calvin的一番心意,雖然她家裏早有一部足可以烘熟雞蛋的電暖爐。她道謝後便收下這部暖風機。

Kathy14樓走廊等電梯。Kathy步入昇降機後,門關上後,若有所失。她今夜在麵檔一邊喝酒時,也有幻想過跟Calvin獨處房間的情況。如今證實沒有發生任何事情,Kathy反而有一點莫名的失落。

* * * * * *

房間只剩下Calvin獨個兒坐在床上。感嘆今天共處的十四個小時這麼快便過去。彼此關係原本可以再行前一步,無奈Betty的電話砸壞了他的計劃。感可惜之餘,亦慶幸天意令自己沒有和女朋友的妹妹行差踏錯。

洗完一個熱水浴後,Calvin躺在床上。電視機的日語節目未能吸引他的眼睛。他只專注地翻看數碼相機內,今天拍攝的Kathy獨照和兩人自拍合照、還有一些偷拍Kathy動靜舉止的照片。

Calvin問自己是一個見異思遷的花心漢嗎?他撫心自問,他定力不夠,未能完全抗拒外來誘惑。但如果Betty知道Calvin搭上的第三者,是跟Betty的容貌聲線身形一模一樣的話,不忠誠中仍帶一點忠心。那麼Calvin的罪狀應該可以判輕一點吧。他想到這裡,便蓋上眼睛,腦海裏全是Kathy的影像,矇矇矓矓便睡著了。

* * * * * *

星期一早上九時,Calvin已經起床,執拾行李。把昨天拍的貼紙相放在行李喼中最隱蔽的地方。10時已經拿着行李落酒店大堂結帳退房。距離跟Kathy見面的時間12時還有兩小時,Calvin要先去另一個地方。Calvin把行李寄存在酒店大堂後,步行去新宿站,乘地下鐵往中野方向出發。

他昨夜打定主意,今天要前往Kathy就讀的大學,給她一個驚喜。星期六晚,KathyDoughnut店已說出大學的地址和選讀的學系。Calvin想到訪KathyLecture Room偷偷坐下旁聽。遙望Kathy跟同學們上課的情形。到11時下課後,立即在課室門口出現。並叫Kathy帶自己參觀一吓大學校舍,了解多一些Kathy的校園生活。

新宿地鐵站內有足夠的英文指示牌,Calvin由新宿站抵達中野站。Calvin沒有遇上太大困難,沿路牌指示步行,便到達該所位於中野的大學。Calvin利用校園地圖找到Kathy修讀學系的校務辦公室。在學系辦公室外的壁報板上找到學生上課時間表。Calvin要找出Kathy在哪個Lecture Room上課?

咦!原來星期一早上,Kathy應該沒有課要上。那麼Kathy為何要騙自己呢?Calvin在走廊轉角處找到一個公共電話。投下一百日元,馬上撥Kathy的手提電話號碼。

電話接通後,Calvin因為覺得被騙,語帶點氣憤:「喂,妳而家喺邊吖?」Kathy被他的怒氣嚇窒,不知如何回答。Calvin隱約聽到Kathy電話旁有一把男聲在呢喃什麼似的,唔通Kathy的前度男友再找她?但自己不是Kathy的什麼人,有乜權去嬲先?Calvin沉著氣說:「我到咗妳間大學,但係妳今朝應該無堂上喎。」Kathy驚訝地:「吓?….你去咗我間大學?!」

待續
(下集大結局)

二少爺說:呢首sakamoto寫的歌,我很喜歡。

Forbidden Colours - David Sylvian

The wounds on your hands never seem to heal
I thought all I needed was to believe
Here am I, a lifetime away from you
The blood of christ, or the beat of my heart
My love wears forbidden colours
My life believes
Senseless years thunder by
Millions are willing to give their lives for you
Does nothing live on?
Learning to cope with feelings aroused in me
My hands in the soil, buried inside of myself
My love wears forbidden colours
My life believes in you once again
I'll go walking in circles
While doubting the very ground beneath me
Trying to show unquestioning faith in everything
Here am I, a lifetime away from you
The blood of christ, or a change of heart
My love wears forbidden colours
My life believes
My love wears forbidden colours
My life believes in you once again

47 則留言:

  1. 好嬲呀!好興呀!如果我係Calvin,我番到香港,一定打鑊Betty……個女同事呀 :o

    哈哈,講番認真嘢先。 :)

    我又唔覺得Calvin係一個花心漢喎。由此至終,佢想同Kathy發生進一步關係嘅原因,作者不時都有意無意交代過。Calvin希望Betty喺某些時候嘅性格能夠變到好似Kathy咁樣,咁就完美喇。

    當一模一樣樣嘅Kathy出現喺面前, Calvin嘅潛意識就愛上呢一個「性格改善咗嘅Betty」,所以先會做出咁多細路仔嘅行為。

    至於Kathy,喺14樓等電梯呢一幕,佢好明顯係感性上覺得同Calvin好夾,好想同Calvin一齊,但理性上Calvin係未來姐夫,自己唔可以主動做出一D咁不仁不義嘅事嘅。

    Kathy其實心底內有一刻好想Calvin做主動,之後自己半推半就,順理成章。因為咁樣嘅話,可以令自己內心嘅罪責減少,冇咁對家姐唔往。不過,到最後咩事都冇發生過,那怕係輕輕一個goodbye kiss,所以有一點莫名的失落。

    哈哈,我亂嗡完畢。唉,話咁快下集就結局,我都好似Calvin同埋Kathy咁,有D失落呀。 :(

    回覆刪除
    回覆
    1. 嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!嘩!


      太震驚了!

      你竟然講中哂我心中所想的,仲一字不漏咁寫出嚟!
      你最能代入這關係中,所以才寫得出這畫外音!

      你幫我寫前傳、後傳、左傳、右傳都得啦
      人人都以為我寫添呀,根本分不出(你寫得比我更好)

      最初我講過:我並不太喜歡這故事,而家比你講吓講吓,又重新喜歡它了,乜咁多心理描寫咩? 寫果陣唔覺,經你一講,又好似好多隱喻

      一於幫我寫外傳啦,因你用方法演技,你已經是CALVIN了。

      刪除
    2. 我係睇你今次從新發佈出嚟,我先有咁嘅想法咋,我之前睇咗兩次都係冇咩體會。所以話,我一早覺得呢個個係你嘅「代表作」喇。 ;)

      Calvin呢類型嘅男人往往希望自己嘅女人喺適當嘅時候可以陪自己玩,喺另一D時間又可以幫自己解決問題喎。只可惜Betty剩係做到後者,而Kathy喺東京呢幾日就能夠滿足晒前者。如果Betty同埋Kathy能夠二合為一,咁就perfect喇。

      作者可能寫得太投入,唔係好覺呀,你當自己係讀者咁樣睇一次就會感覺到當中嘅隱喻o架喇。我比較懶,求其舉兩個例喇。 :p

      第一集嘅「Kathy就是Betty的最新改良版第二代」 - 如果Calvin係見異思遷愛上Kathy,而唔係「性格改善咗嘅Betty」,你就唔會用改良版,你會用新model喇。

      第九集嘅「不忠誠中仍帶一點忠心。」- 潛台詞好似係「嗱,Betty,我唔係貪圖外表,我就算不忠都搵個同你一樣樣o架,我只係愛上佢嘅性格咋。咁樣我唔係因為衰咸濕好色喇,應該可以判輕一點吧。」

      如果我係Calvin,Kathy可能渣都冇得剩喇,我已經係1412房間中仆親了。 :p

      哈哈,寫寫吓變咗寫讀後感添,中學時代我最憎就係寫讀後感o架喇。 :o

      刪除
    3. 首先多謝你,係你驅使我重貼這舊作
      唔同時候重讀同一故事會有唔同領會

      你好有心,對我和佛爺我留言都好長細
      好感動呀我

      你說中我潛意識所想,Calvin站在十字街頭,不想背負betty, 但又驚錯過面前一個理想對象
      衰在kathy是女友妹妹,企咗喺度

      "如果我係Calvin,Kath可能渣都冇得剩喇,我已經係1412房間中仆親了。"<---你前幾日講過不會上哥哥的女友噃

      多謝你的讀書報告.你那邊也很精彩!
      這個月,我們一起玩連載

      刪除
    4. 因為你同佛爺嘅作品啱我口味,我先寫多兩句啫。 :)

      哈哈,畀你發現咗我前後口供唔一致添,有疑點,究竟邊個說法先係真嘅呢? :p

      呢個月真係好過癮,每日周旋於你、我同佛爺嘅blog度留言。你同我嘅故事好快大結局,而家等睇佛爺嘅作品喇。 :)

      刪除
    5. 你客氣了,你的寫作風格也很吸引,令人追下去。
      製造吊癮位。有構思,又立體。

      呢個月大家不約而同貼長故,又係時候玩crossover,構思一下先

      佛爺接力啦,我要抖一抖

      刪除
    6. crossover好吖,靠你諗諗第二回點玩法喇。

      我下定決心,獻醜地寫另一個結局,而家趕緊工,我一搞掂會即刻email畀你,希望趕及喺星期六出喇。 :)

      刪除
    7. 我初步構思好,私下電郵你,四月發生。

      太好了!!
      你出手肯寫另類結局,讀者之福啊!
      一定更細膩更動人

      唔急,慢慢嚟,你也post 在你邊
      我們同步貼出吧!

      刪除
    8. 讀者之褔就真係唔敢當喇,Calvin之褔就真嘅,哈哈。 :p

      剩係post喺你度喇,感覺上會有條理D,因為係個結局嚟嘅,要順住你嘅上文下理嚟睇先會明。

      大綱已經計劃好晒,仲欠d細節,故事將會於calvin同betty收線後開始嘅。

      刪除
    9. 正喎! 個切入點好吸引,我仲以為由BETTY在香港接港開始,原來由收線開始,咁睇嚟東京的故事仲會有變數

      我老實不客氣了,咁放在我這裡,我會寫明是你的作品

      呢個結局....我等了6年

      刪除
    10. 之前提過吓「平衡空間」的結局嘛,當然係留番喺東京喇。

      故事由收綫開始,Calvin落機結束,再留番條尾畀你,等你寫落去喇。 :p

      究竟Calvin收線後做咗乜?

      至於Kathy又回應咗D乜呢?

      最後Betty又決定咗D乜呢?

      哈哈,有冇咁誇張呀,等咗6年,我諗你心中一早就有一個理想結局喇。 :p

      刪除
    11. 好啦好啦!唔好再劇透了,留點驚喜給大家。

      我的心中結局:咪無嘢發生,大家又當無嘢,kathy在東京找到男友,calvin在香港一年後跟betty分手,因性格不合,calvin沒有去找Kathy,不想再踏入Betty 家。間中想下Kathy

      這是我的愛情觀

      刪除
    12. 哈哈哈,冇人咁有心睇晒所有留言嘅,大家應該等緊你明天嘅大結局。 :p

      你的愛情觀,真係估唔到喎。 :o

      我寫寫吓,由一集變咗兩集,你唔介意嘛? :o

      刪除
    13. 可能大家專誠看你留言多過想看故事本身。

      我是淡友,這結局最貼近現實,䦕花結果機會微啲。

      兩集!太好了,更細緻多曲折。

      刪除
    14. 哈哈,點會「專誠看我留言」喎。 :p

      你嘅結局係最正常不過的,我就掉番轉寫一個滿足吓自己,哈哈。

      我而家完成咗第11集同埋第12集嘅一半,我email咗第11集嘅初稿畀你望望先。

      刪除
    15. 哈哈!我已先暏為快,果然好嘢,情境交融。

      補償了不足的地方,謝謝

      刪除
    16. 難得原作者睇得滿意,咁都好d,如果你話唔及格,咁我真係獻晒醜喇。 :p

      刪除
    17. 點會唔合格呀?要貼堂添呀
      寫出我心中不敢說出口的期盼,你說了出來。

      刪除
    18. 好喇,一於喺你個blog度貼堂喇 :p

      我估唔到我嘅進度咁快,我send埋第12集嘅初稿畀你喇。

      呢個係我理想嘅結局,尤其是對於calvin嚟講呀。 :)

      刪除
    19. Bravo! 我已看了結局,非常滿意!
      星期五六有得睇,再續前緣
      謝謝!

      刪除
    20. 多謝多謝,我都好鍾意呀。

      呢個結局含有隱喻,詳見你嘅email :)

      刪除
    21. 看了,好中呀!
      快啲星期五啦
      為這6年前舊故事注入新生命

      刪除
  2. 原來Kathy都春心蕩漾, 其實好易搞出事...

    大結局幾時發佈呢?

    回覆刪除
  3. 卡臣:

    吾!莫非Kathy去做援交女,無讀書?嘻嘻!

    回覆刪除
    回覆
    1. 做援交咁早開工?唔通真係early bird catch the worm?多勞多得。

      刪除
    2. 卡臣:

      係喎!咁早,援交女都未訓醒喇!

      刪除
  4. 阿强系咪研究过心理学?又或者有过甘嘅经历?写得甘———细腻架!

    回覆刪除
  5. 回覆
    1. 的確係幾好玩o架,我哋之前玩過一次。 :p

      刪除
    2. 奕山

      2013年2月試過一次crossover, 還有佛爺,快去補看。

      刪除
  6. 卡臣:

    我都係度等睇兩個不同的結局.本來我都想加入,玩埋一份.但我宜家諗緊自己果篇嘅續集,腦筋轉唔到過來.

    回覆刪除
    回覆
    1. 咁唔打擾你了,你專心度續集,接力繼續連載下去啦

      刪除
    2. 佛爺:

      我等緊你嘅「第四集」,哈哈,快D交貨喇。 :p

      刪除
  7. 睇咗三位'看圖作文'的crossover...過癮之作,謝謝分享:)

    回覆刪除

LinkWithin

Blog Widget by LinkWithin