~~~~~~~~~~~~~~~~







2013年3月4日 星期一

兩花生 – 第一節 - 東京二小姐

前言

近日我翻看我在2007年(即6年前)寫過的舊作《兩花生》,感到有點難為情。為何當年會我寫得出啲咁肉痳骨痺嘢,情況就似有日睇返自己啲舊相咁,發覺乜著啲衫咁肉酸架!


自問我寫長篇愛情故事認真未夠班,真的不好意思把它重貼見大家。但我又想,係好係醜始終都是出自我手,它是不能否認、追唔返的歷史。它紀錄了我6年前的一些感覺及回憶。好!一於面對自己,重貼這個舊故事,寫得唔好的地方,就請大家多多包涵。


我還要多謝 largeheadboy,他是日本旅遊達人,找他送我十張東京相片,最好不過。他一口答應又快手,謝謝。我的文字配他的靚相,也是一種Crossover

* * * * * *


兩花生 – 第一節 - 東京二小姐

1996年的十月,Calvin身處在新宿JR線車站南口,等待Kathy的出現。

他們相約星期六晚上7時見面,地鐵站內都是上班族、年輕人、學生熙來攘往。深秋的東京只得16度左右,太陽早於4:30已下山。7:12分仍未見Kathy的出現。

Calvin從香港到日本公幹。昨天星期五在大阪跟客人開會,完成大阪的工作後,今天星期六一早便乘新幹線火車由大阪來到東京。3:30分抵達東京市中心,先到新宿一間酒店check in ,放下行李。Calvin預留了星期日整天和星期一早上在東京遊玩。星期一下午5時便要乘飛機回港,趕及星期二早上在香港如常上班。

上一次Calvin到東京旅行的時候,已是5年前,那一次是他自費旅遊。5年間的東京當然變了不少。Calvin對東京這個城市仍然感到新鮮和好奇心。

* * * * * *

Calvin望一望手錶,7:23分仍未見 Kathy 影。Calvin 和 Kathy是經email相約(那時候通訊工具沒有今天那麼發達),Calvin沒有Kathy的日本手提電話號碼。未能跟Kathy聯系上,他只好繼續在車站出口前乾等。入夜後,天氣有點冷。

Calvin在香港有一位固定女朋友叫Betty,是大學同班同學,畢業後各散東西,2年前偶然重遇後才開始拍拖。雙方感情穩定之餘,並已達成共識:計劃兩年之後結婚。

就性格而言:Calvin只是個「大細路」,Betty 比 Calvin更成熟世故。Calvin心底裡略嫌Betty太過文靜斯文,兩人相處時 Calvin總是滔滔不絕而Betty只愛當聽眾。Calvin覺得和Betty相處猶如一人獨自打壁球,有點兒悶。不過Calvin同意「娶妻求淑女」的道理,而且Calvin的父母了解到Betty懂得照顧 Calvin,所以也十分疼愛BettyCalvin根本找不到任何理由要跟Betty分手。

* * * * * *

7:25分,穿著橙色長身絨褸的Kathy,終於出現。她下午四時在中野就讀的大學圖書館做完資料搜集後,五時到日墓里一間外語專門學校當兼職教師,教日本人學習廣東話。下課後立即乘JR趕到新宿站見Calvin

Calvin上一次見Kathy的時候已經是1年前的夏天。Kathy七月放暑假時回香港,在金鐘跟Calvin飲茶。同桌除了 Calvin 和 Kathy外,還有BettyBetty的父母。KathyBetty是孿生姊妹:Betty是家姐、Kathy是妹妹。姊妹出世只相差一分鐘。Kathy兩年前到日本留學,在中野一間大學唸平面設計。獨自一人在代代木租住一個小單位。

Betty知道Calvin要到日本公幹,專程叫Calvin帶一些女性補品給Kathy,並預先送上生日禮物。Kathy是在12月生日的。那份生日禮物是Kathy父母送贈的名牌銀包。

其實Kathy只不過是第二次見Calvin,因為姊姊Betty結識這位男朋友時,自已已遠赴日本留學。上一次暑假時在香港跟 Calvin飲茶,KathyCalvin的初步印象是風趣和幽默。Kathy 留給Calvin的第一印象是健談、爽朗和喜歡笑的鄰家女孩。

KathyCalvin為遲到道歉後,當晚一盡地主之誼,帶Calvin到新宿Lumine百貨公司頂樓吃火鍋放題。估不到CalvinKathy之間有數之不盡的話題,碰巧他倆都是日本漫畫迷,由手塚治虫講到安彥良和再談大友克洋。Calvin覺得和Kathy相處猶如兩人在打網球,有來有往有交流。

兩人講起才知道原來早於數年前,兩人都愛到銅鑼灣某一間上樓漫畫書室看日本漫畫。換句話說,兩人可能很久之前已經在銅鑼灣碰過面,只不過當時大家並不認識對方。想不到數年後,兩人竟會在新宿共進晚餐。

Calvin凝望著Kathy,心裡的感覺很奇妙。面前的Kathy,無論面貌、身材、高度、聲線、神態。幾乎跟女朋友Betty是一模一樣。驟眼望過去還以為Betty真的到了東京。只是 Kathy 比 Betty更開朗、更愛笑、更愛玩、更懂逗人開心。唯一的差異,就是妹妹愛穿鮮色衣服。感覺上,面前的Kathy好像一個已經相處了解很深的情人,但去蕪存菁,性格變得更可愛、更適合自己。

如果面前的Kathy是一件電子產品,Kathy就是Betty的最新改良版第二代,更輕巧、更多功能、更user friendlyCalvin心想:如果Kathy能夠代替Betty就多麼好了。晚飯期間Calvin多次叫錯了KathyBettyKathy沒有介意,她說很多朋友初時都會搞錯她們兩姊妹誰是誰。

* * * * * *

九時許,Calvin提議結帳後,夜遊新宿歌舞伎町。在等待waiter結帳時,Kathy微笑望着CalvinKathy帶笑說:「我想問一問你。」

Calvin一口回答:「好呀。」
Kathy笑一笑便問:「你可唔可以當我係Betty呀?」

Calvin被這條突如其來的問題嚇了一跳,心裏怔一怔:「!乜留學生真係會咁大膽咁直接架!?」

待續

二少爺說:林志美和林志玲有什麼關係?


新宿物語 - 郭小霖 林志美
作詞:林振強
作曲:桐ケ谷仁

別又再情深凝視 教我心亂了拍子
話別你 殊不容易 我已暗中哭萬次
日後你如果懷念 這遠方異國女子
望望這藍色信紙 看看信中此十數字:
'I don't know when I smile again, or find another love so true,
I only know l won't forget the night, and you in Shijuku.'

日後你如不懷念 這遠方異國女子
便讓那藍色信紙 跌進雨中洗掉往事
(獨白):究竟係邊個安排,兩個唔同背景、
唔同國籍陌生人相遇、相愛、然後分手?
如果呢啲係浪漫,點解要結束? 如果呢啲係痛苦,點解又要開始?

回首見你未停高呼 列車偏偏繼續駛去 我在車中孤單回顧
The night and you in Shinjuku,
When time stood still for me and you…

24 則留言:

  1. 卡臣:

    YEAH,終於可以再睇喇,等咗好耐。你咁講實在太謙虛喇,你6年前已經超晒班喇,我真心覺得你寫得好好呀,呢個故事好打動到我,我代入男主角度睇,真睇堅正。

    今次可以逐集留言喇,我會當自己從未睇過咁留言,再一次經歷呢個東京故事 :p

    Calvin同埋Kathy如果當年喺銅鑼灣的漫畫店內見面,佢哋咁啱傾,可能一拍即合,話唔定當年一齊去日本留學呀。

    「晚飯期間Calvin多次叫錯了Kathy做Betty」 <-- Calvin係咪有心叫錯o架 :p

    回覆刪除
    回覆
    1. 我多謝你才是,無你鼓勵,這十篇便不會重見天日。

      寫故事要打動人,先要打動自己。寫期間我都會代入Calvin,

      以作者身分回答:因為她們是孿生,所以一時間叫錯啫,好似我幼稚園時叫錯老師做媽咪。

      刪除
    2. 呢個故事,我主觀地覺得係你嘅愛情故事代表作呀。

      情節肉痳骨痺是劇情需要,如果代入咗主角,呢D嘢只係點到即止,恰到好處,啱啱好呀。

      我都試過呀,不過我樣衰D,小學時叫班主任做媽咪,最後當然係畀人笑咗一排喇 :p

      刪除
    3. 多謝先,我當年寫完呢十集後,大受打擊,𨍭寫喜劇。就算再寫愛情,都是一集起兩集止。

      我試過叫錯女朋友第二個英文名,勁呢。

      刪除
    4. 叫錯女朋友名,你都得o架喇,咁你當時點拆呀?

      喺男性嘅角度,如果係極度亢奮嘅時候叫錯,係情有可原嘅,其他情況下就......唉。

      如果驚再叫錯,以後不妨改口叫bb,honey,豬豬之類喇,保證萬無一失呀 :p

      刪除
    5. 我都唔記得點拆,記性唔好。

      在亢奮時叫錯名?仲大罪喎,死刑都似。

      我認為叫「喂呀」最安全。

      刪除
    6. 咁呀,當時加多幾分力,令對方轉咗做忘我mode,咁佢咪乜都聽唔到囉,哈哈 :p

      刪除
    7. 我都係得個講字,現實係有心無力 :p

      刪除
  2. 能夠跟卡臣兄 crossover
    是我的榮幸啊!

    第二張相我好鐘意
    我好想知道左手邊睇住電車時間表嗰個女仔係點嘅樣
    可能就係同 kathy、betty 一樣樣~

    回覆刪除
    回覆
    1. 你的靚相在我這裡出現,榮幸是我的。


      咦,唔講尤自何,一講我都覺得圖左那女孩是我心目中的Kathy.

      我喜歡第一張,好日本社區的感覺。

      刪除
  3. 睇完第一集, 好似係所以男人的幻想...

    回覆刪除
  4. 唸平面設計。。。呢個好D啦當然:)

    回覆刪除
  5. Cathy黎招試Calvin?

    不過你呢個故事我未睇過,初次睇感覺好想偷睇番之前嘅~

    回覆刪除
    回覆
    1. 成個故事都是男女猜心遊戲。

      看新版本吧,舊版有些太肉麻的地方,我刪改了,新版乾淨啲。

      刪除
  6. 卡臣:

    留學生係唔會問架,一下就撲埋去.嘻嘻!

    我反而喜歡這種白話文的書寫體裁,因以廣東話寫小說,總覺得不是味兒.

    回覆刪除
    回覆
    1. 係咪真架? 留學生大招募

      我以前用白話文寫,後來才變了廣東話,抵死啲

      刪除
  7. 系东京戈个二小姐学晒D萝白妹,未婚前就要玩尽佢卦?

    回覆刪除

LinkWithin

Blog Widget by LinkWithin