~~~~~~~~~~~~~~~~







2013年1月21日 星期一

「衝向雲宵」


「衝向雲宵」

(這篇是新寫的)

Vince剛派完晚餐,飛機突然遇上氣流,Vince立即檢查乘客有否扣上安全帶。Vince是一名空中服務員,經常在雲宵中工作。她正在一班由新加坡飛回香港的航機上。

Vince年輕貌美,大學畢業後考上航空公司當空中服務員。貪份工可以飛來飛去,不似在辦公室工作那麼刻板。而且Vince的表姐,也是空中小姐,表姐在機艙內邂逅一名美藉有錢商人,並成為有錢太太。表姐走的路,成為Vince的目標。

Vince給父母寵壞,有小姐脾氣,其實不適合當服務性行業,她從不enjoy工作。被人呼喝,心中不忿,背向乘客立即炒蝦拆蟹。她希望早日遇到富翁,立即落地辭職,唔使再飛嚟飛去咁辛苦。

Vince檢查乘客的安全帶後,回到艙內休息一吓。她一坐低,又有乘客按「服務燈」,Vince咕嚕一聲,不情願地走了出去,看乘客有什麼需要。

* * * * * *

Vince回港後,根據更表等待下一次工作。這天她回到公司總部,她的supervisor給了她新任務:由政府醫院和航空公司合辦的「送暖到醫院大行動」。醫院考慮到某些病人可能原本計畫好趁聖誕新年假期外出旅遊,但礙於有病需要留院醫治,病人心情自然很苦悶。航空公司安排空姐穿上制服到病房送餐,為病人帶來歡樂氣氛。

Vince是被委派的其中一位空姐,她心中立即「挑」了一聲!「要我去醫院派餐俾病人?今次真係拆墮啊!」她十萬個不願意,但唔通反抗公司指令咩,唯有明天早上十一時,死死地氣到醫院集合。

* * * * * *

穿上制服的Vince,手推著機艙的餐車,在女房病中送餐,她出盡力勉強擠出僅有的幾毫子笑容,當做施捨啦。有漂亮的空姐出現,無疑替沉悶的病房添上熱鬧氣氛。病人和醫務人員都好開心。

Vince向一個老婆婆說:「我哋有蒸魚同西蘭花,妳想要乜嘢?」,老婆婆點了蒸魚,表示十分感激。Vince放下餐盆之後,老婆婆哭了出來,這吓突如其來,嚇得Vince手足無措,她問婆婆什麼事?身體見唔舒服?

婆婆說她後生時做車衣女工和清潔工人,勞碌大半生,都無閒錢享受過,更未搭過飛機、未試過遊埠。今天終於可以叫做嚐到少少搭飛機的滋味,婆婆忍唔住開心到哭了。

Vince聽到,突然良心發現,自己年紀輕輕,已經周遊列國,原來幸福唔係必然。Vince正想安慰阿婆時,突然醫院劇烈搖晃,燈光全熄,吓!香港都有地震…..定係世界末日?

* * * * * *

Vince再張開雙眼,發現自己睡在鐵床上,床腳被金屬餐車撞到,發出「嘭」一聲。推車阿姐沒有講sorry,反而冷冷睥了Vince一眼。Vince睡在醫院的病床上,又是中午派餐的時候,阿姐推著餐車進病房,快速地把餐盆放在病人的床桌上,轉身便走了。

Vince記起:自己昨天在航機工作時,當飛機遇上氣流,Vince在劇烈搖晃的機艙內檢查乘客有否扣安全帶時,一個急墜,令Vince失去重心跌倒,頭部撞椅柄,暈眩在地上。Vince落機後立即被送到醫院,進行腦部檢查,需要留院觀察。

Vince從夢中甦醒。方發覺剛才那個「送暖到醫院大行動」只是一個夢,但夢境中的遭遇仍歷歷在目。Vince望著面前那兜淡而無味的飯餸,想起剛才那位無笑容的醫院派餐阿姐,似乎見到平日的自己,Vince似乎得到一些領悟。


二少爺說:我第一次搭飛機,地點是大阪。真係好緊張。


歲月如歌 - 陳奕迅
作詞:劉卓輝
作曲:徐偉賢

愛上了 看見你 如何不懂謙卑
去講心中理想 不會俗氣
猶如看得見晨曦 才能歡天喜地

抱著你 我每次 回來多少驚喜
也許一生太短 陪著你
情感有若行李 仍然沉重待我整理

天氣不似預期 但要走 總要飛
道別不可再等你 不管有沒有機
給我體貼入微 但你手 如明日便要遠離
願你可以 留下共我曾愉快的憶記
當世事再沒完美 可遠在歲月如歌中找你*

再見了 背向你 回頭多少傷悲
也許不必再講 所有道理
何時放鬆我自己 才能花天酒地

抱著你 我說過 如何一起高飛
這天只想帶走 還是你
如重溫往日郵寄 但會否疲倦了嬉戲

49 則留言:

  1. 回覆
    1. 醫生喜歡了來探Vince 病的空中少爺。

      刪除
    2. 空中少爺個老豆(空中老爺)鍾意左vince,關係好複雜呀

      刪除
    3. 原來空中老爺是醫生的伯父,勁複雜。

      刪除
  2. 希望vince領悟完之後有所改變喇 :o

    題外話,你每逢9:25出文,係有少少意思o架,係嘛?如果係有意思的話,我諗我估到d玄機喇 :p

    回覆刪除
    回覆
    1. 你咁叻,當然估出有玄機,
      去我fb check 下我profile 就知道。

      刪除
    2. 我係無端端留意到嘅,之後開番自己嘅record對一對就估到喇 :p

      「送暖到醫院大行動」係咪你親身經驗先,係的話可否告知係邊間醫院,等我第日有事都去住嗰間嘛 :p

      刪除
    3. 呢啲嘢點暪過你雙眼吖!

      好了!講一講這篇的創作背景:
      有一晩我做gym,在跑步機看了「鏗鏘集」,講九龍醫院率先請了酒店大廚做膳食,改善病人対醫院食物的印象。我當時諗:住院有酒店美食,如果送餐係空姐仲好,因而発展成這故事,阿門。

      刪除
    4. 利害喎,睇一集「鏗鏘集」就有題材。

      我唔得o架,我好難主動諗到題材,我要靠無端端腦內一閃先寫到嘢。

      如果個腦唔閃嘅話,就乜都寫唔出喇。

      刪除
    5. 等靈感到?其實每天身邊都充滿材料:問下他們為何這樣?如果咁呢?又得唔得?

      另一方法是:先想出一個瘋狂結局,再推回正常結局。

      刪除
    6. 係呀,我通常等運到。我有時故仔寫咗一半,諗唔到點寫,於是開另一個故仔,寫吓呢個,寫吓嗰個咁囉,有時好自然「叮」一聲咁諗到個結局係點。

      而家你睇緊嘅「一枝煙」都咁喺呢個情況下寫出嚟嘅。

      刪除
    7. 我都會啊,寫到一半咔著,開過另一故事,之後就解決了之前的問題,原來大家一樣。

      刪除
    8. 唉,有幾個之前開咗個頭,諗極都諗唔到,而家爛尾放咗喺度。 :(

      刪除
    9. 咦,即係揸了幾個劇本喺手,未知開邊套戲咁。

      唔好爛尾呀,但也不要迫自己,勉強埋尾。

      刪除
    10. 每個劇本咗2,3百字開頭就放低咗,冇嘢喺手呀 :o

      勉強埋尾就唔會喇,因為連尾都諗唔到點埋 :o

      刪除
    11. 有文未埋尾?
      如果多得滯,俾個我完成埋佢,玩crossover嘛

      刪除
    12. 而家有2個寫緊,不過都係自己身邊嘅人發生嘅事,暫時畀唔到你喎。 :o

      玩crossover都好喎,但係點玩法?一個寫上集另一個寫下集?定係一個故事兩個主角,一人寫一個?定係有咩idea?

      刪除
    13. 我提議如下:

      每人準備五張有趣圖片,相約某晚九半刊在自己blog,我倆把十張相片自排次序,一圖一段文,組成一故事,24小時後後一齊刊在自己blog, (即第二晚930寫成。如何?

      刪除
    14. 雖然對我嚟講有d難度,不過都可以試吓嘅 :)

      1. 有冇字數限制先?越少字越好喇 :p

      2. 24小時我驚我搞唔掂喎,48小時可以嘛?

      3. 另外有少少要求,由於我d故事排好晒日期post喇,當中有兩個係較長嘅故事(分別係6集 & 19集),所以抽起會好困難,可唔可以喺30/1 - 8/2內玩呢?

      刪除
    15. 好呀!寫blog是娛樂,不要給自己壓力。

      字數Free style。

      48小時,好呀,以防遇上公私意外。

      日子方面,你ready email 我定日期,我都要時間找相:)

      刪除
    16. 卡臣:

      我都想玩一下,不過我寫野要靠靈光一閃,我要待你們放了相出來,才知有無靈感.

      刪除
    17. 好呀!睇下啲相有無靈感啦,不過應該無你blog啲相咁刺激喎。

      刪除
    18. 卡臣:

      唔緊要啦!等我轉一下口味,唔一定係AV女既.

      係咪放你們十張相,然後各人在自己的博客寫故事?

      刪除
    19. 每人放五張,加埋十張,自行排次序,組成故事,你有feel都可以寫一故。

      刪除
    20. 我寫嘢都要靠靈光一閃,看圖作文比較考起我,不過我諗今次應該幾好玩嘅。

      刪除
    21. 應該好玩啦,玩吓之嘛,一俾壓力就違背原意。

      刪除
    22. 卡臣:

      我用你們的十張相,因我無趣怪照片.

      刪除
    23. 好呀,HK時間二月一日晚上九時半收相啦

      刪除
  3. 我第一次坐飛機係由廣州到桂林
    仲驚~

    回覆刪除
  4. 有人話, 年輕貌美的空姐識到富豪機會好多喎. 年輕空姐無經驗, 只可以服務經濟艙; 夠經驗去招呼有錢佬坐的商務甚至頭等的, 都是比較成熟的. 廿幾出頭諗住serve economy class搵到有錢長期飯票, 好難咯~

    回覆刪除
    回覆
    1. 講得有道理,咁俾啲時間囉,遅早都會上岸。

      刪除
  5. 我第一次做飞机,是移民去挪威的路上,目的地是英国。谢谢卡卡这篇让我重温一下小时候的回忆。

    回覆刪除
    回覆
    1. 第一次飛,已經要飛十幾個鐘,很辛苦吧?

      我第一次飛三個半鐘,好新鮮呀!尤其是飛機離地個一下。

      刪除
  6. 卡臣:

    九龍醫院有冇AV女,穿著比堅尼泳衣,或內衣褲去探病,可能可以起死回生,醫生都慳番.嘻嘻!

    回覆刪除
    回覆
    1. 卡臣:

      可能連通波仔或心臟搭橋手術都唔洗做,即刻血液沸騰,乜都通哂呀!嘻嘻!

      刪除
    2. 可惜全身血液只流向身體某器官,導致其他部分缺血,一樣死。

      刪除
  7. 以前坐嘅飞机,大多系福克机,遇到些少气流,架机就上摇下摆,D细路就呱呱叫,D乘客揸住杯橙汁,就抛到去机顶,都几刺激架!

    回覆刪除
    回覆
    1. 福克機?是老爺機嗎?
      如果一家人乘搭最好,可以同年同月同日......

      刪除
  8. 人到死前才流淚,事非經過不知難。

    回覆刪除
  9. 家家有難念的經
    飛行空姐空少大多有失眠耳水不平衡呢
    但能夠免費遊世界交朋結友也是難得
    至於嫁過有錢人未免不實際
    緣份啊。。。

    回覆刪除
  10. 老爺辛苦了,經常時差調節身體
    好彩識到妳,乜都抵返

    回覆刪除

LinkWithin

Blog Widget by LinkWithin