~~~~~~~~~~~~~~~~







2013年1月25日 星期五

電視劇的愛情橋段

電視劇的愛情橋段

香港電視劇有它一條公式,無論時裝、古裝、偵探、家族倫理、制服系列,都離不開「愛情」的元素。今次數吓電視劇中的典型愛情橋段。

第十位:開頭是冤家
男女主角在新環境中初次碰面,不打不相識。例如是公司同事、客戶、鄰居、競爭對手等,一定要針鋒相對鬥餐死。經過一翻了解認識之後,由一對鬥氣冤家,變成一對恩愛情侶。

第九位:父母是世仇
如果男女主角不是鬥氣冤家,編劇製造另一個矛盾背景;就是男女主角的父母都是世仇,製造愛情難度;好似莎劇《羅蜜歐與茱麗葉》咁。男女主角最後排除萬難,修成正果,父母都得到領悟,放下仇恨。

第八位:攞錯或對調東西
唔好話老土,某些男女主角的相識或誤會,都是因為攞錯對方的東西。男女在街上發生身體碰撞,拾錯對方跌在地上的文件、紙袋或電話等。手執對調的東西,憑線索開始一段尋找對方(尋愛)的旅程。

第七位:掟戒指
戒指在愛情劇中是一個重要的道具。男主角千方百計製造一個浪漫求婚,遞上結婚戒指,搞到電視機旁的女觀眾眼濕濕。有開始就有結束,如果男女主角講分手,女主角就當場除下無名指的戒指,憤怒地掟向男主角。又或者,如果分手戲發生在餐廳,女主角起身,轉身走出餐廳前,她除下戒指,掉盡香檳杯中。鏡頭特寫戒指在香檳杯中呼出上升的泡沫。

第六位:落雨分手
愛情戲怎能沒有分手戲?電視女演員靠分手戲發揮演技,場景在戶外,如碼頭或街燈下,時間為夜晚。氣氛由輕鬆、到熱淚盈眶、到淚如雨下、到竭斯底里。當一方轉身離開,另一方就會膝頭一軟,跪低在地上。如果加強戲劇化,仲會在呢個時候落起大雨,照頭淋。

第五位:趕去機場或車站
男女主角分飛異地,主角臨到最後一刻,才會趕去機場或車站挽留對方。趕往途中,通常會遇上塞車或交通意外,主角立即落車跑去,跑呀跑!製造緊張氣氛。最後一刻趕到,可惜飛機或火車已經開走了。主角垂頭,失望離開之際,轉身就見到另一方站在背後,含笑望著他。

第四位:病床旁叫喚
男女主角拍拖,是但一方遇上意外或危疾,在病房中昏迷,另一方就眼淚口水鼻涕一齊流,叫醒瞓在病床上的人,通常都有奇蹟出現。另一幕,就是探病時,發覺病床空了,驚慌以為愛人過身,原來只是找錯病床、或愛人已康復起床去洗手間。

第三位:男女跌親kiss
呢一幕現在已經很少見到了,但又十分之經典。男女主角被絆倒或避車,兩人一起倒跌在地上,就意外地嘴對嘴kiss,女的明怒暗喜,漸生情愫。現實生活中,男女一起絆倒又意外地kiss,或然率十分之低。(男的存心搏懵除外)。

第二位:跟蹤有發現
在現實生活中,你有無試過跟蹤呢?但電視劇中,經常有跟蹤情況出現,穿街過巷,跟蹤主角終於有新發現,例如見到他原來有第三者、原來他用心良苦做一些感動事、原來自己一直錯怪他等等。將劇情推向高潮或替劇情解謎。

第一位:結婚生仔BBQ
一段愛情經過千辛萬苦之後,終於開花結果。大結局最後十五分鐘嗰一節,在教堂或婚宴,有情人終成眷屬,接受電視觀眾的祝福。如果再誇張啲,最後五分鐘,男女主角生咗成竇仔女,拖著兩三個仔女之餘,老婆仲大緊肚。出席家族或朋友BBQ聚會,嘻嘻哈哈,既熱鬧又溫情,人間充滿希望。


二少爺說:「劇中兩位男主角要在天上重遇。」

28 則留言:

  1. BBQ通常會有一大班朋友, 其中有人單身出席, 跟住會有從外國返來的男或女趕至, 他/她與該單身人士是舊情人, 兩人對望撻返著...又大團圓結局.

    回覆刪除
    回覆
    1. 或者某人幾年前的小生意,越搞越好,仲上埋市添

      或者某人的理想不離不棄,最後獲得比賽大獎,肯定其成就

      刪除
  2. 呢期我追緊嘅老表,你好嘢都中咗好多
    呢啲橋段喺電視(尤其係無記)就多
    但係現實生活中就覺得應該唔多囉

    回覆刪除
    回覆
    1. 老表,你好嘢<--呢套最初人人彈
      現在又有人讚,話好笑,角色又搶眼

      刪除
  3. 成家人食飯,但要留返個鏡頭位;而其中一個實話我食唔落,自己返房

    回覆刪除
    回覆
    1. 或者有OL在公司女廁洗手盤前講秘密,而另一同事在廁格中聽到哂

      刪除
  4. 呢篇好有用,我要bookmark咗佢先,我第日寫故仔時要加入呢d情節呀。 :)

    回覆刪除
    回覆
    1. 係就好笑囉,一篇齊哂咁多無記情節,一定好爆呀!

      刪除
    2. 哈哈,呢個idea唔錯,我諗到第二回可以玩咩喇 :p

      刪除
    3. c9劇場呢個好名嚟喎,一於用佢喇 :)

      刪除
    4. 好呀,多謝賞面。等睇生離死別情塔哭死的場面阿!

      刪除
  5. 卡臣:

    仲有,宜家係女生撲上男人身上,跟住狂嘴,男人已經變成被動了.

    回覆刪除
    回覆
    1. 唔怪得我哋話電視情節唔現實啦,呢啲AV情節多啲

      刪除
    2. 卡臣:

      有一齣警匪電視劇,黃宗澤飲醉佐,坐係梳化椅到,被個暗戀佢既女人擒上身,狂嘴.鏡頭一轉,就話女的已經有佐.

      社會心理學家話,這種劇情,教壞細路,等佢地以為嘴吻就會有佐.

      今個星期簡直是冰河時期,凍到零下二十度,連風凍效應,去到零下三十度.仲話溫室效應無冬天?

      刪除
    3. 接吻唔會有咗,等叔叔我親身教北美女童如何先會有BB.

      有套電影the day after tomorrow, 變返冰河時期,可能世界末日了。

      刪除
    4. 卡臣:

      多倫多警局派一個警官去約克大學演講,呼籲女生不要穿著太性感,以免引起色狼垂涎.

      結果成班鬼妹下身只穿著黑絲襪和底褲,在市中心遊行至警察總部抗議.大喊口號:「性感無錯!著得少,唔代表可以俾色狼吞噬!」結果警局宣佈,發言的警官已經受到紀律處分.

      量你在香港也未見過咁蔚為奇觀的遊行卦!差不多成千個鬼妹,大部份下身只穿上白色纖細內褲,黑色網紋絲襪遊行.惹來成班男人.拿住相機或手機,搶住影相.

      刪除
    5. 嘩!如果香港出現這遊行,龍友拍爛手掌!

      幾時輪到香港呀?!

      刪除
    6. 卡臣:

      前年唔知有個乜鬼示威,成班女人裸露上身去遊行.仲要事先大肆宣傳,結果成群龍友,帶埋長火單反大相機去捧場.

      今次抗議警官言論失當,保守果D鬼妹,上身就只戴胸圍,下身就穿迷你裙或短褲.

      香港有咁既遊行,暴動都有份.

      刪除
    7. 希望遅啲日本AV片低迷,搞到全部AV女優上街抗議,機票幾貴我都要飛去東京!

      刪除
  6. 卡臣又是哪一种呢?哈哈……

    没有一种是我的。

    回覆刪除

LinkWithin

Blog Widget by LinkWithin