~~~~~~~~~~~~~~~~







2013年1月16日 星期三

旺角氣味

 
旺角氣味

我中學時代經常留連旺角,對旺角有一份獨特的感情,讓我整理一吓對旺角的感覺。幻想你現在身處旺角,閉上眼晴(當然要小心你的銀包被偷、或被人用鞋踩到腳),你會嗅到什麼氣味呢?現在就數一數在旺角最經常嗅到的十種氣味。

第十位「街市味」
旺角有兩個街市:一個位於新填地街的露天街市、一個位於旺角道的市政大廈室內街市。街市氣味就是混合了濕貨乾貨、菜疏、魚腥、鮮肉味、鮮花、水果、熟食的氣味。如果光顧開超級市場的人,尤其是年輕夫婦,未必了解街市味是什麼。不過我年幼時就經常跟媽媽到街市買餸。

第九位「燒衣紙味」
麻雀館、桑拿、指壓中心、夜總會、一樓一鳳等開設於砵蘭街。這些就是俗稱「撈偏門」的生意。「撈偏門」的人會在門前用聚寶盤燒衣紙給遊魂野鬼,以示敬意,期求不要搗蛋。所以傍晚時分路經砵蘭街,都會嗅到燒衣紙和燒香的氣味,紙灰隨黑煙飄揚街頭、後巷或梯間。

第八位「塑膠味」
新簇簇波鞋發出的「塑膠味」,在花園街(又稱『波鞋街』)飄蕩。「波鞋街」專做本地人和遊客的波鞋生意。一踏入波鞋店便聞到波鞋發出的塑膠味。可惜政府話要城市重建,已經拆了「波鞋街」幾幢樓。另外很多旺角玩具舖的action figure、模型、扭蛋公仔、推膠公仔、DVD、汽槍、等等,都提供源源不絕的塑膠味。

第七位「香味(人造)」
西洋菜街有很多化妝品護膚專門店,莎莎、天使、卓越、Fancl HouseBody ShopIPSADHC等等,都堆滿國內旅客。店內的化妝品、護膚品都添加人造香味,此外,行街的少女、OL、職業女性都會塗香水,女性身上的各國各款真假品牌平貴香水混合後,交織成陣陣人造香味。

第六位「汗味(天然)」
錢幣有公一面也有字一面。當旺角女性散發陣陣香味時,同時間,旺角的男性散發汗味或嗅孤味。(我知道這是一個政治不正確的推斷,當然男性可以很香、女性也可以很臭)。尤其在炎炎夏日,男或女的汗味,在擠迫街頭連鎖感染揮發。重災區是沒有空調的女人街街邊檔、露天街市和行人專用區。

第五位「花草葉味」
「花草葉味」並非來自旺角公園,或馬路旁鐵欄上掛著的盆栽。而是來自花墟道的花店,「旺角花墟」成為植物集散地。特別是過年、拜山、情人節,花店塞得人頭湧湧。成為空氣污濁旺角的「市肺」。

第四位「街邊小吃味」
旺角出名在於很多「街邊小吃」,最出名首推:辣味魚蛋、牛什牛栢葉、咖哩魷魚、煎釀三寶、夾餅、碗仔翅、雞蛋仔、炸大腸、燒賣、臭豆腐等等。國內遊客趨之若鶩。辣醬辣油咖喱麻油千年油地溝油的味道,隨風隨麈直達途人的嗅覺神經,唔買都埋嚟聞吓。

第三位「冷氣異味」
公共場所的冷氣夠勁夠涷,才能在炎夏中吸引人流進場。冷氣異味取決於冷氣機的新舊與維修,一些較舊的商場、茶餐廳、K場、戲院、波樓等,由於冷氣風口長期無清洗,所以傳來一陣發霉的冷氣味。新落成場所的冷氣相對問題較小。雖然舊場所的冷氣有異味,但街外30幾度的高溫,途人毫不猶豫便走進去。忽熱忽冷,難怪有人話如果到旺角,就一定要試「冰火」的滋味。

第二位「廢氣味」
旺角位於九龍區兩條主要道路的交匯點:亞皆老街貫穿九龍東西兩區、彌敦道連貫九龍南北兩方。公共交通工具來往之頻繁,令到旺角區空氣質素變得惡劣。在小巴站、的士站等客的車輛排出噴廢氣,冷氣巴士埋站附送散熱高溫,加上旺角西面的屏風樓群,令旺角區污氣和懸浮粒子結聚不散。患有呼吸疾病者忌長時間逗留旺角街頭。

第一位「煙味」
政府071月室內禁煙,令更多人於街頭抽煙。如果走在前面的行人吸煙,後面的路人就會兜頭食正前面的二手煙。加上旺角是龍蛇雲集之地,抽煙人士五步一位:靚妹、Sales、古惑仔、職業司機、賭徒、學生、撈偏門、自由行等等都抽煙。而旺角區內的茶餐廳、卡拉OK、食肆、網吧、麻雀館、酒吧、夜總會、指壓中心等,就算室內也是煙霧彌漫。基於抽煙者的背景、疊馬、紋身和刀疤;禁煙辦採取半開放的禁煙制度,隻眼開隻眼閉啦。

除了以上十大氣味之外,其他入選氣味包括:「樓上書店的紙味」、「公廁味」、「寵物店動物味」、「咖啡香味」、「salon洗頭水味」、「出爐蛋撻味」、「花園街Outlet舊衫味」、「車房味」等等。



無聊對白:


世純:仲有呀,你會喺旺角見到好多妙齡女子,佢哋好重「撈味」 :P

卡臣:好多麻甩佬「食過翻尋味」。

世純:係呀,仲有唔同國藉揀,各有「風味」 :p

卡臣:如果你無錢,啲女仔「騷你都有味」。

世純:吓吓都講錢 :o 咁d女仔都賺得好「和味」。

卡臣:你同佢講價就會有「火藥味」

世純:如果要平,唯有將價就貨,選擇「成熟韻味」

卡臣:老嫩都要,「一雞兩味」

世純:WOW,你咁「重口味」 :p

卡臣:呢啲嘢,各有各「口味」


二少爺說:電影《旺角卡門》另一結局:劉德華不死版本。

忘了你,忘了我 王傑
作詞/作曲:王文清

當你說要走 我不想揮手的時候
愛情終究是一場空 誰說我倆的過去盡在不言中
別忘了我曾擁有你 你也曾愛過我

當你留給我 我不想接受的傷痛
愛情到頭來還是夢 別說我倆的世界有太多不同
就說你已經忘了我 你就要離開我

誰能夠告訴我 我是否付出太多
就當我從來沒有過 還是消失在我心頭
誰曾經提醒我 我的愛沒有把握
就當我從來沒有過 還是忘了你 忘了我

44 則留言:

  1. 『難怪有人話如果到旺角,就一定要試吓「冰火」的滋味。』<--呢個好似唔關冷熱同氣味事喎?!

    太子唔知算唔算旺角地區呢? 細細個成日以為太子站有死屍無俾人發現, 月台經常有陣霉味.

    回覆刪除
    回覆
    1. 我在翠華試過「冰火菠蘿包」。

      我聽聞太子區地鐵建在地下渠道邊,所以一陣味。

      刪除
    2. 車, 咪即係普通嘢, 改個名吸引人之嘛

      刪除
    3. 好似電影節小冊子,戲名同簡介講到好精彩,入場便中伏。

      刪除
  2. 回覆
    1. 係呀,旺角跟銅鑼灣的空氣質素之差,全港第一。

      刪除
  3. 仲有呀,你會喺旺角見到好多妙齡女子,佢哋好重「撈味」 :P

    回覆刪除
    回覆
    1. 係呀,仲有唔同國藉揀,各有「風味」 :p

      刪除
    2. 如果你無錢,啲女仔「騷你都有味」。

      刪除
    3. 吓吓都講錢 :o

      咁d女仔都賺得好「和味」。

      刪除
    4. 如果要平,唯有將價就貨,選擇成熟韻味

      刪除
    5. 哈哈,我諗唔到喇,投降 :)

      個「味」字幾好玩 ;)

      刪除
    6. 你咪咁謙啦,我都啱啱無貨。都投降了!

      呢個字真值得玩味。

      刪除
  4. 卡臣:

    我最鍾意街頭小食,尤其是炸豬大腸、魷魚、煎釀三寶.不過我對旺角唔太熟悉,要靠坐地鐵,唔敢坐巴士.

    回覆刪除
    回覆
    1. 旺角最出名砵蘭街,你一定要去幫趁。

      刪除
  5. 旺角女人街,D游客冲住去个度捐癃捐旯。

    回覆刪除
  6. 我中學年代最鍾意去「田園書屋」,人大了有一段長時間好少去旺角,而家住得近,又有咗朗豪坊之後,又成日去。。。

    回覆刪除
    回覆
    1. 「田園書屋」?
      果然有書香味,我去airland多,因有cali

      刪除
  7. 卡臣:

    咁啱到你新加嘅「無聊對白」,好嘢好嘢 :D

    回覆刪除
    回覆
    1. 正呀!一起創作
      你轉數快,又有計
      讃呀!

      刪除
    2. 我d轉數同埋計仔都係做d無聊嘢,難登大雅呀 :)

      刪除
    3. 哈哈~~
      所以嗰次食飯咁啱傾,原來大家都係無聊人 :p

      刪除
    4. 係呀,所以啱哂咀型。

      創作都是由無聊想象開始。

      刪除
    5. 啱呀,我之前開始寫嘢嘅其中一個原因都係咁。

      刪除
    6. 紀錄低啲想法,遅啲睇返都唔錯

      刪除
    7. 我好白痴o架,我寫完咗個故事之後,過一排我就唔記得o架喇,遲d再睇番,感覺似係睇緊別人作品 :p

      刪除
    8. 自己親生仔都認唔出?

      通常老婆就話認錯啫,自己文章是自己心血喎

      刪除
    9. 認就認得出,不過細節嘢就會唔記得囉。或者係唔記得咗點解當初會諗到呢d橋段、情節囉。

      刪除
    10. 我其實將一些親身經歷改編,所以通常記得。

      刪除

LinkWithin

Blog Widget by LinkWithin