~~~~~~~~~~~~~~~~







2013年1月18日 星期五

旺角聲音


旺角聲音

旺角是本地市民和遊客的消費購物娛樂集中地,多人行就一定很多雜聲。如果你身處旺角,你閉上眼睛後會聽到什麼聲音呢?現在就數一數在旺角最常聽到的十種聲音。

第十位:「收幾多?」
旺角是一個龐大的二手買賣市場,高價回收電子產品的街邊檔、先達商場有電話二手舖、西洋菜街有「米蘭站」、「二手書店」、信和中心有二手DVDCD舖,基於「需要現金周轉」或「騰出房間空間」兩大原因,支持環保的賣家拿著用過的商品,問二手舖店員「收幾多?」、「吓?收咁少?件貨仲好新正架!」

第九位:「係樓上咋!」
因為旺角地舖租金昂貴,旺角開設了很多「上樓舖」,例如「樓上燕窩莊」、「羽絨城」、「大陸樓展銷處」、「眼鏡舖」、「衣服Outlet」、「上樓Cafe」等等。為了增加生意人流,聘請中年婦人在樓下派宣傳單張,向路人遊說:「間舖係樓上咋!上去睇吓啦」!但旺角的「一樓一鳳」有七彩光管引路,不需要有人在樓下叫:「老細,係樓上咋!」。

第八位:「介紹返俾你!」
西洋菜街擺設很多直銷攤檔,流動電話、收費電視、上網服務、健身、考車牌、減肥纖體、信用咭貸款,推銷員一手拿傳單,一手攔截路人,口中諗著:「有優惠,介紹返俾你!」。但路人的耳朵早已對這句話毫無反應!

第七位:「K歌」
旺角各大商場內的店舖,都會在營業時播放「K歌」吸引顧客,信和、聯合廣場、兆萬、荷里活內的店鋪,都聽到流行熱播的「K歌」(以廣東歌為主);容祖兒、陳奕迅、方大同、林峰、古巨基等。還有台灣歌和韓國樂隊。但永遠不會找到「金曲滿天星」的舊歌,從播放率可以了解時下MK少年愛聽什麼音樂。

第六位:「Miss
這裡的「Miss」並非指在學校裡教書的「女教師」,「Miss」是解作小姐,但在旺角叫「小姐」容易引起誤會是「妓女」,所以改叫小姐做「Miss」,既西化又可避嫌。旺角是女性貨品的集中地。時裝、鑽飾、內衣、化妝品、護膚、纖體、飾物、手袋、美甲等等。雖然女性顧客多被稱為「Miss」,但男性顧客不會被稱為「Mister」或「Sir」。

第五位:「老細」
旺角是全港最多老細的集中地,旺角找到不少的夜總會、桑拿、指壓中心、卡拉OK夜總會、一樓一鳳等等,他們都稱男性客人為「老細」。另外,茶餐廳和平民化的食肆,伙計於門外招客時說:「老細!幾多位?埋面坐!」。旺角女人街和街市的小販,也是自己做「老細」。售貨員不能減價時對顧客說:「再減價老細就炒我架啦!」所以旺角的「老細」稠密率一定排全港頭幾位。

第四位:「粗口」
旺角砵蘭街是九龍歷史悠久的紅燈區,開設指壓中心、邪K桑拿浴、麻雀館、夜總會、桌球室,等等。不難想像在這一帶出沒的古惑仔大佬,說話怎會不帶半句粗言穢語?另外小巴、的士、貨van司機們、Sales、學生、在茶餐廳打躉叔父、食肆伙計、MK仔,全都能操流利粗口。

第三位:「隨便睇 隨便揀」
旺角是香港出名的購物總匯,女人街小販檔、時裝連鎖店、金舖、電器舖、電腦商場、Hi-fi店、化妝品店、書店、漫畫店、玩具店、CD影音店、波鞋店等等。各大商場內的店鋪,不管是「機械式」還是「扮誠懇」、「笑笑口」還是「木訥地」,都一定聽到呢句「隨便睇~隨便揀~」。人流愈多,聽到這句的機會就愈多。如果是時裝店,就加多一句:「攞埋鏡拚拚,新返架!」。

第二位:「多少錢?平宜一點!(國語)」
2003年大陸實施CEPA後,打後十年,「自由行」成為救港的水源之主要命脈。一批批的大陸人在旺角購物,他們在大陸購物時習慣要講價,所以在電器舖、小販檔、藥房、金舖、服裝連鎖店、化妝品店、個人護理店,都聽到自由行說:「平宜一點!」除了跟街邊小販講價外,差點連到麥當奴買漢堡包時,也想對著兼職學生妹說:「我買這麼多,妳算平宜一點吧!」(設計對白)

第一位:「喂~
旺角的人流之稠密,在香港數一數二,港鐵巴士小巴轉車總匯、吃喝玩樂場所。人流多即手提電話用量亦多。旺角街頭裡經常嚮起各式各樣的電話鈴聲,跟著便聽到:「喂!……」除了在街頭,旺角戲院內亦如是,電影放映中,鈴聲嚮起便接聽說:「喂!講得……戲院之嘛」另外,旺角的眾多風月場所,經常有黑道人物紮馬對峙的情況發生,雙方未交鋒前必然先兇對方,大嗌:「喂!咩呀!」而旺角是旅遊區多扖手,警方加派藍帽子巡邏,見到可疑人物就問:「喂!唔該身分證!」所以把旺角的「喂!」字總和,應該最多、最響亮。

除了以上十大聲音之外,其他入選聲音包括:例如:「街頭表演聲音」、「法輪功好法!」、「少甜!」、「俾件新嘅我」、「阻你一分鐘!」、「正宗18歲」、「老細,想叫啲乜嘢食呀?」、「借過!」、「水貨定行貨?」、「俾串魚蛋我」等等。


二少爺說:有些聲音,永遠聽不到。

缺口 - BEYOND
作曲/填詞:黃貫中

一口呼喊聲 然後踏進生命
不懂得究竟 或某年某日 終於可清醒
孤單的背影 誰願共我清靜
幾多哭笑聲 伴我共上路多麼的洶湧

從沒妥協縱有荊棘舖滿著路途
凝望這個永遠修不到的缺口 無可補救

有些聲音 永遠聽不到
縱會有色彩 但是漆黑將它都掩蓋 在人海
有些家鄉 永遠去不到
剩下了追憶 或是只得一些感應 夢魘著生命

根生於四海 沉默地去等待
千秋風雨改 但似未過問一刻的悲哀
這一生也許 全為贖我的罪
幾多血汗水 沒法盡抹掉心底的空虛

44 則留言:

  1. 呢個題目好容易 :)

    埋嚟睇,埋嚟揀,一百蚊三隻,越睇越大隻。

    回覆刪除
  2. 回覆
    1. 老細埋嚟揀,男嘅搏,女嘅索 :p

      刪除
    2. 旺角好景隔離有個投注站,每逢賽馬日,必會聽到呢句 :p

      唔買四仔,點中馬仔?

      刪除
    3. 呢句好!

      另外有一句好有畫面:
      擺低一舊水,帶走五條女

      刪除
    4. 仲有一句,都係有畫面嘅,當年小弟親眼睇住d sales做嘅添。

      當日,幾個神智不清的中年瘦削男子,平排站在好景商場正門的扶手電梯前。他們邊叫口號,邊隨著節奏的快慢做動作。

      首先,他們先用右手對途人做一個「招徠」的動作。接著,順勢地放下右手高舉左手,做一個「四」字的手勢。再之後,放低左手再舉起右手,同樣做一個「四」字的手勢,不斷重覆,非常熟練。

      他們的口號是「埋嚟睇,四樓……有四仔。埋嚟睇,四樓……有四仔。」 :p :p :p

      刪除
    5. 果然犀利,好睇過舞台演出。佢地大佬應該好好珍惜班兄弟,進軍劇場。

      刪除
    6. 佢哋大部份都應該去晒喜靈洲喇 :)

      時代唔同咗,而家冇人叫口號o架喇, 改為派咭片。

      刪除
    7. 不過網上都有四仔AV, 這行又被淘汰。粉友少了就業機會。

      刪除
    8. 係呀,bt / download除咗趕絕咗電影業,仲趕絕埋佢哋呀。

      刪除
    9. 有人嘅地方就會有娛樂藝術,所以你唔駛驚喎。

      刪除
    10. 我驚有日你去好景地下見到我在表演

      刪除
    11. 喺好景門口見你表演並唔係問題喎,而家大把人喺西洋菜南街表演喇,你只不過係搞搞新意思,移師到好景商場門口之嘛,C AllStar當年都係喺旺角表演而打出名堂喇。你可能咁樣一舉成名呢,英雄莫問出處呀 :)

      不過……

      最驚嘅係我喺好景買完碟,番屋企放入部機度play時,見到你做男主角啫 :p :p

      刪除
    12. 又啱喎,上一代某些歌星都是酒廊歌手唱生名堂。

      做AV男優良?唔錯噃。

      不過我驚要做CG,駁長啲先得

      刪除
    13. 估唔到你有興趣投身呢一行呀。你咁大隻,屬於肌肉型喎,同「向井朱古力波」有得揮。

      小弟建議你同佢一樣,用食物嚟做藝名,不如叫「卡臣法蘭克福腸」吖,又國際化,又可以特顯你嘅長處 :p

      刪除
    14. 都話你有創意啦,「卡臣法蘭克福腸」呢個朵勁喎,嚇得吓人

      話時話,如果唔影樣,走投無路之下,真係要試吓,

      刪除
    15. 又要拍av,又要唔影樣,以小弟嘅認知,得兩嗰角色可以做o架咋喎 :o

      A. M男
      B. 汁男

      你自己揀喇 :p

      刪除
    16. 多謝資料提供先

      呢兩個男都在旁突然走入客串吓助吓慶,都幾啱我性格。可以考慮吓。

      刪除
    17. A唔啱我,我怕痛呀。

      B都可以考慮,橫掂都係一班男人柴娃娃咁去做埋同一樣嘢之嘛,你到時搵唔到人陪可以叫埋我喎。

      刪除
    18. 一個捐精,一個汁男,都是我走投無路的最後選擇,預埋你架啦。

      刪除
    19. 好吖,一言為定。

      做完之後大家仲可以寫番篇blog文留念添 :p

      刪除
    20. 那篇要圖文並茂,加埋片同詳細描述,分五集添呀!

      刪除
    21. 哈哈,我連題目都諗好,叫做「下...身不由己,口吐白沫」。

      至於片嗰方面,唔知可唔可以問官方攞番隻碟呢?到時喺云云眾「頭」之中tag番自己 :p

      刪除
  3. 而家啲舖頭,尤其相機,多咗好多普通話聲。

    回覆刪除
    回覆
    1. 係喎,妳都常去相機舖,收人民幣吧

      刪除
  4. 卡臣:

    邪K係乜事?點邪法?可否 ..... 詳盡一點?嘻嘻!

    回覆刪除
  5. 邪K呢家嘢真係好邪,唱者必會筋疲力盡,如中邪般不能自拔,所以真係好邪。

    回覆刪除
    回覆
    1. 卡臣:

      哈哈!唱邪K都不能自拔?或者被人拔佐呀?嘻嘻!

      刪除
  6. 卡臣好细心呀!
    到处市场都好吵,没留言听,以后要竖起耳朵啦!:)

    回覆刪除
  7. 香港人好多了,用whatsapp 或 wechat, 打短訊,靜了少許

    回覆刪除
  8. 以前有见过D阿Sir拖住只大狼狗行Bit,而加仲有无架?

    回覆刪除
  9. 男性顧客被稱為「Sir」,我聽過呀,我一愕,係咪我學生黎架?

    回覆刪除
  10. 卡臣:

    真係Out哂!乜野叫M男和汁男?

    回覆刪除
    回覆
    1. 都好難詳細描述,麻煩你上綱search下。

      刪除
    2. 卡臣:

      唔該哂!M男即係SM的SuperMAN。汁男即係即時損精拍AV片。我暫時的理解係咁.

      刪除

LinkWithin

Blog Widget by LinkWithin