~~~~~~~~~~~~~~~~







2013年1月11日 星期五

時空電話

時空電話

(這篇是新寫的)

John Jonathan在房中執拾行李,他們將要飛去英國留學。同樣是18歲的John Jonathan,他們是一對孿生兄弟。Jonathan是哥哥John是弟弟。John一臉苦惱,因他極不願意去英國。

John Jonathan的父親是在政府當一名高層公務員。高薪有名車有宿舍有津貼。太太不需要外出工作,留在家中專心相夫教子。

父親是虔誠基督教徒,為人作風保守。安排兒子受洗信教、經後門入讀名校。父親自幼對兒子管教嚴厲,一頑皮就打。又要兒子學彈鋼琴、劍擊、法文、划艇等等,每天編好時間表要兒子幾時溫習、幾時課外活動、幾時食飯睡覺。唔使贅述,總之是一個「悶」字。孿生兄弟敢怒不敢言,長期抑壓情緒,在這封閉家庭成長。

* * * * * *

細佬John17歲的夏天,首次接觸到Rock n Roll音樂,嘩!不得了,立即愛上這種反叛性音樂,John偷偷學電結他。仲同朋友組band玩音樂。

紙包唔住火,JohnRock n Roll單嘢被老豆知道,父親怒不可遏,先打John一鑊。安排兒子離開香港,送去英國遠郊一間基督教寄宿學校,等神父睇實佢哋。

父親驚個仔做band仔無出色,送John去外國讀書,又驚細仔無人照應,所以叫大仔Jonathan一齊去英國留學。Jonathan從來都是無乜意見的乖乖仔,無喱火氣,逆來也會順受。

父親仲安排佢哋大學讀會計系同法律系,乜都plan好哂,仲係non-arguableJohn只好屈服,死死地氣執行李,七天後上機。

John最放不低的,就是他組成那隊band,參加樂隊比賽,已經入圍,十天後總決賽。最頭痛的問題是:John是樂隊主音,如果他離隊,臨時臨急去那裡找個主音來?隊友問John可否比賽完畢後才起行,父親的答案當然係「唔~可~以~啦!」

* * * * * *

晚上十二時,John在床上輾轉反側,不能入睡。突然手提電話響起,來電顯示然是一堆「亂碼」,唔通電話Short咗?John好奇接聽想知是誰打來,對方傳來一把50幾歲的男聲,聲音有點窒、帶點迴音。

男人:「喂,我係40年後嘅你,未來發明咗『時空電話』,可以打返去以前。不過目前只係做到單向溝通(One Way Communication),有我講無你講,而且只得一分鐘時間。我而家講嘅嘢,你要留心聽著:你去咗英國讀書,畢業後留在英國伯明翰做會計師,工作超乏味。35歲娶老婆,生兩個仔,日頭返會計師樓工作,放工回家睇電視,總之好悶嘅生活,你千萬唔好放棄參加樂隊比賽!你要改變你嘅命運,唔好俾老豆擺佈你一生!命運要掌

對方未講完「命運要掌」就斷了線。John茫然,係咪有個黐線佬搭錯線亂講嘢?定真係發明咗「時空電話」?定係自己發緊夢?

John諗深一層,對方把聲真係好似自己把聲,相似程度高達90%。而且對方咁清楚自己的家庭背景,唔通真係40年後,58歲的自己打給18歲的自己?勸自己為理想而戰?

* * * * * *

John手持電結他,大汗淋漓在台上力竭聲嘶地唱。身後是他的隊友,他們正參加音樂總決賽。舞台設在戶外空曠地方,舉行一個rock festival,台下觀眾情緒高漲。

John思前想後,決定離家出走,暫住在朋友家中。今晚,他為了不讓未來的自己後悔,反抗父親,拒去英國留學,決定做個band仔,打出自己的一片天。

John唱到好high,獨自爬到speaker上,居高臨下,繼續叫喊。突然間風雲變色,下起大雨。觀眾沒有走避,任由雨水打在身上。

John見大家咁high,高舉手中電結他,投入solo之中。突然一聲「轟隆」!John被雷電劈中,成個人由3米高台跌落地上,觀眾嘩然!John送院途中,證實不冶。

* * * * * *

鏡頭轉到40年後的英國……

Jonathan睡夢中被電話吵醒,是科學研究所的Dr. Benson打來找JonathanJonathan在電話中收到一個驚訝消息後,他掛線後立即check電話,沒有John的通訊紀錄、電郵、相片,彷彿 John 已經不存在這世界上。Jonathan閉目垂頭,深深嘆了一口氣。

原來Jonathan在英國大學讀書時,同房是一個讀「通訊系」的學生Benson。兩人成為好友。後來Benson成為科學家Dr. BensonDr. Benson40年後發明了「時空電話」,但只是testing階段,技術未完全成功。Dr. Benson邀請Jonathan作實驗,Jonathan決定打給40年前的自己。

其實18歲的Jonathan,在香港也偷偷地跟朋友夾了一隊電子band,參加音樂比賽,並入圍了總決賽。不過Jonathan善於掩飾,John和父親都不知情。最後,Jonathan不敢反抗父命,放棄音樂,去英國留學。

Jonathan厭倦了現在枯燥的會計師生活,希望18歲的自己改變日後的命運,打了個「時空電話」給自己。怎料Dr. Benson的技術未成熟,電話線路駁錯去弟弟John手電。因為他們是孿生兄弟,兩人的聲線十分相似。John誤將Jonathan當作自己。

因為Jonathan的「時空電話」曲線改變了歷史。原本在英國威爾斯當律師的58John突然消失於世上。即是哥哥間接害死了弟弟。

正所謂:生命的意義不在於長短。John能夠死在舞台,將生命燃燒到最光芒的一刻才結束,總好過黯然庸碌到老。John在天上暗暗感激哥哥和Dr. Benson的實驗意外。


二少爺說﹕本故事靈感來自這一首歌。


時空 - 周國賢
作曲:周國賢 
填詞:林若寧 

霓虹前這位潦倒老年 淪為時光機的配件
直到活到歲月到終點 沒有自己經典
挖苦你的少年 在倒後鏡片段裡一閃
然後人生蒸發一縷煙 被發現經已大殮
如何後悔 也知道 無從後退 能探險必需探險

明日在那裡再望向這裡  怕那一位較這一位更唏噓
一個人平行時空怎去面對 從前起身嗌反對而如今偷偷隱退
誰記得這少年和這老年曾天生一對
六百歲再夢見過往六歲 這一天看那一天崎嶇 
才對得起當天那個小孩 無負那個小孩 
曾為信仰出發不理反對

捉得到一隻蟬 誤信便會抱住這花園
懷著童真可笑的某天 立紀念碑去自勉
年年度過 怕只怕 年年白過 而據點只得句點

明日六百歲再夢見過往六歲 這一天看那一天崎嶇 
才對得起當天那個小孩 無負那個小孩 
曾為信仰出發不理反對

還是有生活興趣 能令你生命有趣 看盡山水

如明日在這裡你又到哪裡 有這一位替那一位作先驅
出發前無人能知選錯或對 年輪都刻進骨髓年齡都不可倒退
無悔於這旅程留低過程 曾衝出堡壘
六百歲再夢見過往六歲 這一生看那一生興衰 
還記得今天演過這一場 無論去到終場 
曾為信仰掙扎可以死去

35 則留言:

  1. 為理想、為生活,從來都係好難決擇嘅。最好就係自己中咗六合彩或者有祖蔭,完全唔需要擔心錢,盡情做自己鍾意做嘅事,就好似霍公子咁 :p

    另外,卡臣兄,你連「蝴蝶效應」都玩埋 ,小弟實在佩服 :o

    回覆刪除
  2. Google有時short short地,我在gmail那裡抄過來。

    先發財,才可做喜歡的事,特別在香港,無辦法啦,手停口停。

    「蝴蝶效應」套戲我有睇呀,2000年舊戲囉

    回覆刪除
    回覆
    1. 好彩你搵番啫,唔係又要打過。

      我都要對住個天大嗌幾聲「我要發達」先得 :o

      「蝴蝶效應」有1,2,3集o架喎,不過越拍越唔掂,遲D有機會重溫先。

      刪除
    2. 「我要發達同健康!」嘻嘻、我貪心啲,

      乜Butterfly effect有三集咁多咩?我只看過首集。

      題外話:昨晚我10:10分回家,扭開電視,見到電視劇中,女主角坐飛機,男主角追巴士情節,呵呵,仲有嗰喎。

      刪除
    3. 卡臣:

      留言有時被過濾入了Comment的Spam裡,在那裡選Not Spam,就會馬上跳回留言處,不用從Gmail抄回留言的.你去Comment - Spam看一下,世純的留言還在那兒的.

      刪除
    4. 係喎,漏咗健康添,呢樣嘢都同樣重要。

      「女主角坐飛機,男主角追巴士」呢d橋段,歷久不衰呀,咁結果追唔追到先?

      另外,係tbb嘅「法網狙擊」嗎?

      刪除
    5. 是「幸福摩天輪」結局2小時版
      當然追到美人歸,大團圓結局啦

      刪除
    6. 原來係鍾嘉欣 :)

      tbb嘅電視劇如果唔係大團圓結局,會畀觀眾投訴o架 :p

      刪除
    7. 係呀,「楝篤神探」的黃子華,結局死了,俾觀眾投訴,香港人接受能力好低

      刪除
    8. 咪係囉。

      話時話,當年tbb係咪即時再拍番個happy ending畀大家呀?

      刪除
    9. 印象中,無記無補拍,仲叫大家接受生命無常,幾正面吖。

      刪除
  3. 屈機正!不過無諗到行雷劈死咁轟烈!

    回覆刪除
  4. 好睇!我有朋友呢幾年練得一手好結他(細個時冇錢亦冇機會學),我跟過佢唱下歌仔,又去過一千零一次夾 band,發現“band 仔唔易做“,最近去睇完 Mr. 演唱會呢幾日成日想以此為題寫一篇,但未有時間。。。

    回覆刪除
    回覆
    1. 夾Band啦,我晚晚都有睇天與地,我成長的時候聽band sound, 好rock 架!

      等睇妳的新作。

      刪除
  5. 真係命裡有時終雖有,命裡無時莫蛋求,不過係條命...

    咁就俾人送走咗條命...命運能選擇...不過不能先啱

    回覆刪除
    回覆
    1. 命運...是否支配一生?

      唯一選擇/控制,就是幾是終結自己生命

      刪除
  6. 卡臣:

    其實有很多條件很好,又有父蔭的人,是不會有理想的.十九世紀俄羅斯大把貴族,只出過托爾斯泰和屠格涅夫等少量文人,其他貴族就只是風流快活.而奠下現代俄語基礎的詩人普希金,只是一位小公務員而已!

    回覆刪除
  7. 咁惡死好打嘅老豆,啲仔能長大成人都已係奇蹟咯!

    回覆刪除
    回覆
    1. 香港好多嚴父,以為棒下出孝兒,結果仔女長大咗,啋你都有味

      刪除
  8. 卡臣,我来了……:)

    “年年度過 怕只怕 年年白過 而據點只得句點”

    “明日六百歲再夢見過往六歲 這一天看那一天崎嶇”

    很美的句子!很配合你的故事呢! 

    回覆刪除
    回覆
    1. 多謝妳欣賞這歌,之前我去台灣旅行,每天都聽這歌,所以決定為這歌寫一篇。

      刪除
  9. 通常D老豆越专制,D细路仲越反叛----

    回覆刪除
  10. 唉,老豆老母就係要將個仔塑形,塑乜鬼呀,俾佢地自由發展喇!

    回覆刪除
  11. 如果John無去過英國,Johnathan應該同一時間都會失去John喺英國嘅回憶,應該唔會去check電話之類嘅嘢掛?

    回覆刪除
    回覆
    1. 多謝指正,又係喎,那電話改變了歷史,也剷除回憶。

      刪除
  12. 叫Jonathan搵Benson再駁通俾之前的John, 警告佢唔好返去參加比賽, 咁就唔使死.

    可唔可以叫佢駁通埋俾幾日前的我, 話個六合彩開獎俾我聽?

    回覆刪除
    回覆
    1. 果然好計,拯救一命。

      人人都要改變歷史,六合彩頭獎分薄哂。

      刪除
  13. What's up everybody, here every one is sharing these kinds of familiarity, therefore it's fastidious to read this weblog, and I
    used to go to see this blog all the time.

    Visit my web site ... buy a car

    回覆刪除

LinkWithin

Blog Widget by LinkWithin