~~~~~~~~~~~~~~~~







2013年1月9日 星期三

終於肯相信我未?


終於肯相信我未?

(這篇是新寫的)


今年四十三歲的阿萍,幾年前同佢老公阿卓兩個人開咗間小公司做貿易生意。兩口子一直為事業打拼,公司辦公室由荃灣做起,越做越大,由荃灣搬到炮台山,再搬到灣仔的中環廣場。做到有點成績。阿萍係女強人,事業心重,擔起半邊天性格硬朗家務交給菲傭處理。阿萍七年前生咗個女,囡囡上小學之前,阿萍依舊朝早返公司開會,同老公阿卓一齊處理業務。揍女兒的工作,落入菲傭身上


但阿萍發覺囡囡升上小學後黐菲傭多過黐父母,阿萍覺得事態不可以這樣變壞下去,決定攞返個女嚟揍。阿萍送完囡囡返學後,自己就回公司巡視吓下晝就接個女放學,返屋企陪個女玩,母女感情恢復正常化


因為阿萍想多啲時間照顧個女,而且公司業務又已經上咗軌道,阿萍決定放少啲時間在公司,一個星期先返去公司一次,每周花一個朝早時間視察公司業務。阿卓則整天駐守公司大本營賺錢養家 
* * * * * *

九月十二日,是「敬師日」,囡囡的學校放假,阿萍趁機帶埋囡囡去搵阿卓食lunch,諗住等老公同個女多啲相處機會。

阿卓突如其來在1245分接到老婆電話,他穿了西裝外套就出去。三人在灣仔三里吃午飯食到咁上下,阿女不小心倒瀉杯橙汁,橙汁沾到阿卓的西褲和外套阿卓急忙到洗手間清理阿萍幫手用濕紙巾抹外套,阿萍在西裝袋中發現一張Memo紙。紙上寫著:「Cheuk, I love youYours, Alex.

嘩!睇到阿萍眼火爆!不過,阿萍行走江湖、見慣風浪,立即納定心神,把情緒平服過來,她知道小不忍則亂大謀,再從詳計議。阿卓回來,阿萍扮無事繼續吃飯阿卓不知將會大難臨頭。

* * * * * *

阿萍駕車回家時,坐在後座BB seat的囡囡,已經睡著了。阿萍知道公司的Alex一向滋滋柔柔、陰聲細氣,又見佢從未帶過女朋友出嚟,原來佢係gay,仲要跟她爭老公!爭分身家!

阿萍雖然好嬲,但她也有反思自己,她知道自己性格一向剛烈,一個女強人經常跟丈夫為公事私事爭拗。她推測阿卓可能不滿他們的婚姻狀況,於是趁自己唔多上嚟公司,他就開始心思思、搞搞震

阿卓找一個溫柔小烏伊人作的偷情對像,平衡一吓,但點估都估唔到,阿卓竟然搵個男人Alex!定係Alex追求自己老公?唉~~近來咁多人出櫃,唔通老公都要趕上潮流?

阿萍心情平服後並沒有剛才那麼憤怒。可能第三者是一個男人,自己並非敗給年青美少女,而是老公轉口味,非戰之罪,阿萍給自己找到落台階。

阿萍從倒後鏡見到熟睡中的囡囡,不想女兒在成長階段中沒有父親,阿萍想維繫這段婚姻。首先從改變自己橫蠻態度開始。她相信坦誠溝通可以解決問題。

當晚,阿卓臨睡前阿萍在床上心平氣和跟阿卓攤牌,把今天中午發現那張memo紙交給阿卓看阿卓面色一沉,無言。阿萍先開聲,向阿卓道歉自己多年來的專橫阿卓估不到太太會有這麼做,他說自己是被動的,並同意辭退Alex

第二天,阿萍回公司補足錢辭退AlexAlex沒有反抗,立即執包袱走人。從這天起,阿萍花多些時間回公司,睇實佢老公阿卓都好乖,重回正軌,努力工作

* * * * * *

阿卓獨自一人在老闆房內whatsapp新來下屬Sandra,告訴Sandra太太已經知道一切,不能再跟來往

阿萍之前一周才上公司巡視業務一次,她只知道公司有一個任職兩年男員工叫Alex,而不知道公司剛來了一個新女同事叫Alexandra

Alexandra第一天上班時,同事們嫌她英文名太長、太難讀,索性簡稱她叫Sandra便算。所以阿萍以為這位新女同事叫Sandra。而那張memo紙的確是Sandra寫給阿卓的,不過她的下款就簡稱自己是Alex

昨夜攤牌時,阿卓以為阿萍會發顛發爛渣,點知她經下午反省後保持心平氣和阿卓犧牲一個男員工Alex,無所謂啦!碰巧Alex早有離心,已在外面找到工作,這個星期內要向公司遞辭職信,怎料老闆娘今天補錢叫佢走,順便可以休息吓先返新工。Alex開心都嚟唔切。

打後的日子,阿萍變得無咁惡死,算是阿卓的意外收穫。而另一個bonus,就是阿萍驚阿卓會再變」,阿萍在聘請員工時,偏向揀靚女為首選。但當然阿萍會在公司睇到實佢老公

阿卓心諗:跟Sandra之前的姦情未被揭破、老婆性格變得無咁嘮嘈巴喳、公司咁多靚女下屬。原來「大難不死」,真的「必有後福。」

特別鳴謝 詩白爾提供本故事概念


二少爺說:下集是Sandra阿卓勒索,阿卓被迫扮基。

信任 - 陳奕迅

作詞:小克
作曲:Eric KwokJerald

你無謂迫我 打開剛才那一版
早前便講過 舊友聚餐
你擒住不放 相中痴纏那一挽
平凡活動社交也要防範

肯相信我未 肯體恤我未
雙方要靠信任還是放餌
請相信我哋 請珍惜我哋
為何總不留餘地

你無謂偷看 手機中號碼一閃
私郵和短訊 逐個查驗
我門外經過 緊張得像過安檢
懷疑令實相會更快呈現

肯相信我未 肯體恤我未
雙方要靠信任還是放餌
請相信我哋 請珍惜我哋
謠言沒半點道理

講真廳中那擴音機
奢侈價格不菲
而我施展過 只此一次 謊言絕技
只不過是 一點怕事
撕走價錢 不講你知
不想有象徵式意義
成為你戒示

終於肯相信我未 肯體恤我未
雙方要靠信任還是放餌
請相信我哋 請珍惜我哋
謠言是與非 瞎猜了還忌

肯相信我未 肯體恤我未
怎麼砸破信任才是勝利
請相信我哋 請珍惜我哋
來年多點人情味

28 則留言:

  1. 哈哈,成個故事當中,我最鍾意睇以下一節,重覆讀咗幾次都仲咁津津有味呀,唔知點解呢?? :p

    「阿萍想維繫這段婚姻。首先從改變自己橫蠻態度開始。她相信坦誠溝通可以解決問題。

    當晚,阿卓臨睡前,阿萍在床上心平氣和跟阿卓攤牌,把今天中午發現那張memo紙交給阿卓看。阿卓面色一沉,無言。阿萍先開聲,向阿卓道歉自己多年來的專橫。」

    回覆刪除
  2. 呵呵~~睇怕都跟你自身經歷有關囉~

    係人都想個老婆心平氣和,容易相處...

    回覆刪除
  3. 有道理,有道理。

    可能喺現實生活上唔如意,所以睇呢類故仔特別滿足呀,麻煩你有時間嘅話,寫多d畀小弟欣賞吓,謝謝。

    回覆刪除
    回覆
    1. 係呀,因為現實世界唔理想、如意,我才寫出一個小說世界滿足自己或發洩。

      唔使等睇我,你寫的故事更出色啦。

      刪除
    2. 你太客氣喇,小弟係寫作bb班咋 :o
      我覺得睇別人寫出自己嘅心聲,感受更深喎。因為存在住共鳴感,原來世界上有人同自己諗法一樣咁呀。

      刪除
    3. 點會呀!BB班?你寫緊長篇喎,咪咁謙。

      我諗大多數男人都希望太太溫和唔巴渣。除非有自虐性

      刪除
  4. 都有女仔就咁叫Alex...阿卓個老婆竟然第一時間諗個老公係gay都有

    回覆刪除
    回覆
    1. 因為老闆娘只知道公司只得一個男staff叫alex, 而不知sandra 就是 alexandra.
      通常,白紙黑字上寫alex,矛頭就直指那人,加上呢排多人come out 嘛。

      刪除
  5. 「今年四十三歲的阿萍,幾十年前同佢老公阿卓兩個人開咗間小公司做貿易生意。」

    會唔會太誇張?XDDD

    回覆刪除
    回覆
    1. sorry, 打錯,應該「十幾」,已改

      係呀,多謝你提供故事idea

      刪除
    2. 不謝啦!幾時寫《春卷炸兩》?很多著名的電影都是由文本故事改篇而成的。

      刪除
    3. 《春卷炸兩》? 故事發生狂布宜諾斯,要好多RESEARCH喎,時間夠多,不如我用《春卷炸兩》寫過LOCAL故事,可行一點。

      刪除
  6. 阿萍太易失策喇
    畀着我我一定唔會咁快踢爆老公
    搵多啲證據先
    例如追姦在床 :p

    回覆刪除
    回覆
    1. 故事講到:阿萍不想女兒沒有父親,不想離婚,加上她反省自己性格太惡死,令老公變心,自己也有責任,所以不捉姦,反而跟丈夫修好。

      刪除
  7. haha, 哩啲誤打誤撞橋正,偷食仲有得著!

    回覆刪除
    回覆
    1. 咁好彩,只在小說世界出現,現實世界只會上吊或放火,唉...

      刪除
  8. 饱食就思淫欲,D甘嘅衰格,千年不变!

    回覆刪除
  9. 卡臣:

    昨晚朋友來電,說沒有互聯網,是否路由器跪低了?

    我回答:我都係無得上網喎!

    我才知道,原來是網絡供應商又虧了.結果成晚無得上網.

    認識一位女社工碩士,最近她才發現,她要與男兒爭男朋友.慘在佢個男朋友唔嗲唔叫,認為他有男兒追,不是問題.簡直笑死我.

    回覆刪除
    回覆
    1. 香港人無得上網,真係會暴動,搭車上、食飯上、返工上、返屋企又上,手唔停

      那男仔Bisexual? 唔好爭啦,一於玩3P!

      刪除
  10. 之不過,呢個世界應該冇咁完美嘅,有冇下文呢?

    回覆刪除
    回覆
    1. 因為小說世界跟現實剛好相反,現實中離婚分產搶撫養權,抑鬱自殺。

      下文呢:男的真去了搞基。

      刪除

LinkWithin

Blog Widget by LinkWithin