~~~~~~~~~~~~~~~~







2012年5月21日 星期一

約會


約會

今晚是平安夜,晚上9時,Bonnie仍然坐在電腦前玩緊,沒有打算跟朋友外出。16歲又唔係醜樣的Bonnie,正值是拍花樣年華之妙齡,但她落得做「宅女」的命運。

母親擔心女兒變成「宅女」,媽媽走入Bonnie房間,Bonnie雙眼只聚精會神望著電腦屏幕,如像跟外世界隔絕,這情況更令媽媽擔心。

媽媽先開口:「阿女,做乜平安夜都唔出街玩吓?」
Bonnie冷淡地:「無人約我,我又唔想約人
媽媽補一句:「咁追緊妳嗰個…Gary呢?」
Bonnie不屑地:「Gary發夢啦佢!

GaryBonnie的同班肥仔同學,狂烈追求Bonnie,曾經多次來電她家中,因而給媽媽知道。Bonnie對肥仔Gary毫無興趣,甚至是反感。所以拒絕了Gary的平安夜約會邀請。

其實Bonnie暗戀班中的籃球健將Jay,可惜Jay是靚仔萬人迷,大班女仔圍著他。Bonnie就算要向他表白,都要排隊。所以Bonnie沒有勇氣約Jay去街。落得一人在家的孤單結局,唯有上網過日辰。

媽媽無話好說,只好叫女兒「早點去睡」之陳腔,之後無可奈何地離開房間。

Bonnieonline數小時,覺得雙眼好攰,不如小睡片刻,待半夜醒來,再上網玩過。Bonnie上床蓋被。她在床上想著Jay,希望自己發夢會見到Jay,也算叫做一起渡過平安夜。

* * * * * *

朦朦朧朧,Bonnie在夢中見到自己被一個男仔溫柔地拖著手,兩人甜蜜地吃了兩個情人節套餐。夢中Bonnie看不清楚男仔的樣貌,但她主觀上覺得他是Jay。男仔結帳後,Bonnie提議去甜品店,由她請客,以示謝意。

在甜品店中,Bonnie點了一客「心太軟」,侍應說:心太軟已經售罄。Bonnie突然失控,大哭大叫!嚷著今晚一定要吃心太軟,男仔安慰她。他除下冷帽和太陽眼鏡,終於見到男仔的盧山真面目,

Bonnie大叫:「怎麼不是Jay!?竟然是街口茶餐廳的伙計阿輝?!」阿輝是個三十歲樣衰口臭的粗鄙茶餐廳伙計。Bonnie失聲大哭,終於嚇到醒了。

Bonnie發現自己躺在床上,枕頭濕了,不知是汗還是淚?心諗:點解夢中跟自己拍拖的不是Jay,而是阿輝!難道自己潛意識裡是喜歡阿輝?無可能架!想到這裡,Bonnie不其然打了個冷震,睡意全消,去開雪櫃吃點東西,定一定驚。

* * * * * *

第二天早上,Bonnie落街買雜誌。路經街口茶餐廳,Bonnie有意避開那間茶餐廳,害怕見到阿輝。Bonnie繞路而行,先橫過對面馬路。

Bonnie行到對面馬路,竟然迎面遇上剛送完外賣,返回茶餐廳的阿輝,真係唔衰攞嚟衰,逃也逃不了。

阿輝猥瑣地先開口:「嗨!噚晚食唔到『心太軟』,真係可惜,今晚我同妳再去食過啦!」
Bonnie聽到,嚇到口窒窒:「點知架?」
阿輝笑淫淫:「前日我約妳去街,我問妳嚮邊度等?妳答我『發夢啦!』咁我哋咪夢中見囉!」
Bonnie好驚好後悔,原來禍從口出。
阿輝騎騎笑:「今晚我哋發夢見啦,我訂定心太軟等妳啊!」
Bonnie別過臉,馬上離開,急步走遠。

背著阿輝的Bonnie,決定從今開始,把她那句「發夢啦!」的口頭禈,永遠戒掉。


註:本故事改編自利志達《大愛神話》的《聖誕約會》。



二少爺說:陳百強1981年的作品,呢首歌仍然咁好聽。



昨夜夢見你 - 陳百強
作曲:陳百強
填詞:鄭國江

(獨白) 昨夜夢中見你 你話陪伴住我
喺童話國中找一句詩 用薔薇做后冠
襯住浮雲裁剪嘅新衣
你彷彿好似一個小公主

昨夜夢中的你 對我吟一句詩 緊囑記起
琴弦慢慢起 挽著長裙隨風飄
飄飛 彷似小仙子

願 願美夢可再 重會你
那詩句願記住
今天 心裏只記起 你那好風姿
不覺忘掉那詩

要再睡 盼望重臨童話國裏
可再遇見夢裏的一個你
如我記得夢中詩句
我想可以~ 留住你

28 則留言:

  1. 卡臣:

    今日豉頭婆生日,乜舖都唔准開門,宅到只可上網,我頂!

    華人商場就人多到要排隊打交爭車位,頂!

    回覆刪除
    回覆
    1. 英女皇生日咩?97後我已經唔清楚。華人果然最努力。唔怪得遭人排斥

      刪除
    2. 卡臣:

      因為華人商舖當旅遊區,才獲准開門營業。

      豉頭婆生日,她的孫子和孫新抱今天來多倫多訪問呀!

      我寫緊一個拉布的神仙鹹故,睇完包你要去垃圾會前支持拉布。猛下手,你會邂逅拉布仙女,一王三后。嘻嘻!

      刪除
    3. 英女皇係咪成日進補?咁長命嘅!

      拉布仙女?專拉走檔布?

      刪除
    4. 卡臣:

      仙女不用拉下褲襠布,已經可以作法的。嘻嘻!

      刪除
  2. 夢中話要中六合彩,俾個仔話現實啲喇老豆!

    結果.....哇哈哈哈!
    .
    .
    .

    係真就好!

    回覆刪除
  3. 好驚呀,我都成日記得D夢,有時都真係情願唔記得呀~

    回覆刪除
  4. 通常起身清醒過後就唔記得,除左特別恐佈果D

    回覆刪除
  5. 夢境成真...有時都會發生呀. 我都早d訓, 夢過同靚女一齊, 然後等佢實現先! 早抖!

    回覆刪除
  6. 呢個故仔正呀!

    有時半夜紮醒我都發現個枕頭濕咗
    不過唔係汗唔係淚
    而係口水

    回覆刪除
  7. 喺咩?几时?是几时?让我对证一下,或者喺喎,那晚的确有次湿梦!嘎嘎嘎~~~

    回覆刪除

LinkWithin

Blog Widget by LinkWithin