~~~~~~~~~~~~~~~~







2012年5月28日 星期一

我天生不會用眼睛看人



我天生不會用眼睛看人


架著黑眼鏡的阿昌,手拿著紅白色間條的手杖,在跑馬地電車總站附近,緩緩向前行。阿昌正前往他客人的住所,提供上門按摩服務。阿昌是一名失明人士。

阿昌是一位自僱人士,收到客戶的電話後,便上門提供按摩服務,價錢平宜。政府鼓勵傷健人士自力更生,減輕社會福利的龐大支出。

阿昌每個星期一下午三時都會去馬跑地某單位,服務一位已幫襯阿昌三年的「熟客仔」。熟客仔是一名中風臥床三年的七十歲陳伯。阿昌替陳伯的四肢進行按摩,保持他的肌肉彈性。這天下午,阿昌如常到訪陳伯住所。

陳伯跟太太同住,陳老太是一位和藹可親的老婆婆。陳伯的兒子早已搬離該單位。阿昌每次上去,直入睡房工作,陳老太則在客廳做家務。二小時服務完畢後,陳老太便付款給阿昌。

下午258分,阿昌在單位門外按門鈴,陳老太比平日遲了少許才開門。阿昌從陳老太的語氣中,察覺到她的呼吸有點慌亂。

阿昌入到客廳,見到一具四十歲的男性屍體躺在沙發上,屍體身上和地板上染有一大灘血跡。鮮血仍從傷口流出,相信剛剛斷氣。地板上有一部染血的電燙斗,應該是兇器。

呀!忘了告訴大家:阿昌其實睇到嘢,視力正常過正常人。他失業時跟師傅學按摩,師傅教他扮盲,可以搏取同情,換來多些生意和多些貼士。阿昌架起副黑超、拿起盲公竹,便開始他的「盲昌按摩」生涯。

「盲昌」的生意果然勝過開眼人,另一個意外收穫是:有些女性客人放下戒心,在阿昌面前換衣服或只穿內衣褲,阿昌要抑制興奮,扮作看不到,否則便會「穿煲」。

鏡頭轉回客廳內,阿昌保持鎮定,當乜都睇唔到,直入睡房工作。原來死者是陳老太的爛賭兒子,債台高築的不肖子今天又上門向母親索錢。隨和的陳老太其實患有「急性無定向躁狂症」,母親被兒子刺激下突然病發,變成另一個兇狠婦人。她發狂用電燙斗重創死者頭部致死。

她錯手殺人之後,碰巧是阿昌到訪的時間。陳老太知道如果拒絕開門,便會引起懷疑,所以唯有放了這個「盲人」入屋。以為阿昌乜都睇唔到,無所謂。

阿昌在睡房替陳伯進行按摩。他對自己說:「現在殺人兇手在屋內,自己一定要表現極度鎮定,若果被陳老太識穿,一定會遭殺人滅口!」阿昌要如平常一樣,從容地替熟睡中的陳伯按摩,陳伯正呼呼地打鼻鼾。

阿昌感到背後有黑影悄悄接近,在梳妝鏡的倒影中,見到陳老太拿著血燙斗,靜靜走進睡房。阿昌想起一句電影對白:「殺一個係殺人,殺兩個都係殺人。」唔通陳老太想斬草除根?阿昌高度集中精神,不能露出絲毫破綻,否則性命難保呀!

阿昌以為自己已經好鎮定,但畢竟第一次見到死屍和殺人兇手,難免會有少少緊張,不禁手微震。結果引來陳老太的懷疑,拿燙斗入睡房。

阿昌在鏡中見到陳老太突然手舉燙斗,撲前向阿昌背後偷襲。嘩!係正常人都會本能地避開,阿昌立即閃身到床的左邊。陳老太重心一失,連人帶燙斗前傾仆向床上的陳伯。

嘩!陳伯突然本能地避開,彈起身,閃到床的右邊。吓?!癱瘓都識起身?唔通激發體內潛能?

陳伯習慣下午瞓晏覺,今天257分被客廳的打鬥聲音嘈醒,他從睡房門口驚見到兒子被太太打死在地上。陳伯知道患病的太太病發了,他模仿動物的本能:「扮死」,靜觀其變,再作打算。剛好258分,阿昌按門鐘入屋。

三年前,陳伯中風後一直臥床。他投買的保險計畫讓他每月獲賠償一筆生活費用,直至他百年歸老為止。怎料一年半前,他尋得一位坊間隱世神醫,竟然可以醫好陳伯,令他恢復活動能力。但陳伯又唔想無咗筆保險金,唯有繼續扮癱。出街時用輪椅,在家中則活動自如。他沒有終止阿昌的按摩服務,免引人懷疑。但對於陳老太剛才的致命攻擊,陳伯本能地轉身避開。

阿昌指著陳伯,驚詫地:「乜你唔係癱嘅咩?!」
陳太指著阿昌,驚訝地:「乜你唔係盲嘅咩?!」
阿昌指著陳太,驚愕地:「乜你係癲嘅咩?!」

陳老太放下燙斗,倒跌在地上,病發來得快,去得也快。醒後對於自己錯手殺人,感到後悔莫及。阿昌代為報警。待差人入屋後,阿昌和陳伯繼續扮盲扮癱,兩人回警署落口供協助警方調查。阿昌和陳伯慶幸因為「識扮嘢」才逃過一場浩劫咋!


二少爺說:明哥這首講盲人愛情的歌,其中兩句歌詞「聽見關心的你開燈 聽見開心的你關燈」填得最妙。





絕色 - 黃耀明
作曲:盧凱彤
填詞:林夕

聽見指尖攀過絕嶺 聽見呼吸吹皺浪聲
不吻亦忘形 一吻亦無形 我的風光不靠風景
沉魚落雁若能動聽 醋雨酸風亦如月影
一見又如何 不見又如何 你的春色不染心境
目送不到走遠身影 目送不到一切縮影
但信花灑聲裡聽到你表情

太好聽的戀愛 看不見亦存在
我一世未明何謂綠柳黑髮亦無礙
看不到衣衫遮蓋 放不進面容在眼內
免得你帶著明眸皓齒裝飾 我身外

聽見關心的你開燈 聽見開心的你關燈
我也天生不會用眼睛愛人

太好聽的戀愛 看不見便存在
我一世未明紅男綠女黑與白仍沒障礙
看不到衣衫遮蓋 放不進面容在眼內
免得你剩下明眸皓齒裝飾 我身外

看不到的戀愛 看不到是誰在
你色身根本從來未看一眼 但求沒掛礙
看不到對面露台 放不進紅塵在眼內
免得你有日懷著絕色一刀 插心內

26 則留言:

  1. 你嘅世界好多奇人異仕喔~

    但我覺得結局可以再加一句。。。阿仔原來未死,起埋身


    陳太指著阿仔,驚慌地:「乜你未死嘅咩?!」

    回覆刪除
    回覆
    1. 哈哈! 加得好!

      阿仔原來未死,起埋身
      陳太指著阿仔,驚慌地:「乜你未死嘅咩?!」

      警察指著他們,氣憤地:「乜你哋仲未玩夠咩?!」

      刪除
  2. 我而家唔用盲人按摩, 唔捐錢俾乞丐, 都係驚俾人呃. 唔係錢的問題, 而係借人地同情心來搵錢, 真係好差!

    回覆刪除
    回覆
    1. 係呀! 在大陸講同情心,結果吃虧只有自己,舉例:捐錢去災區,錢入幹部袋

      刪除
  3. 嘩!你呢篇睇得人神經緊張,阿老太係背後舉燙斗嗰一幕都幾得人驚!

    回覆刪除
    回覆
    1. 喺香港咪得罪精神病患者,死咗都無命賠

      刪除
  4. 我睇睇吓有啲驚,跟住再睇睇吓又覺得好好笑。。。

    係囉,不如加埋阿仔起返身...

    回覆刪除
    回覆
    1. 阿仔向警察篤爆老豆扮癱呃保險金,篤爆盲昌扮盲抽水昅嘢,阿媽扮鬼上身,傷人乃鬼魂主使

      刪除
  5. 真係估佢唔到
    畀着我係阿昌一見到條屍已經叫晒出嚟~

    回覆刪除
  6. 卡臣:

    咁多人咁理智去扮癱、扮盲、扮傻,唔知邊個係唔正常囉!嘻嘻!

    回覆刪除
    回覆
    1. 照咁推理,係咪嗰啲儍嘅去扮正常呢?好似:我無飲醉咁。

      刪除
    2. 卡臣:

      傻人聽人勸告,還有出路。傻人自以為是,就無得救。這是我見到的一些真實情況。

      刪除
    3. 通常叻人自以為是,懶聽勸告。

      刪除
  7. 乜都係假,盲人係假,和尚又係假,果皮都話假

    回覆刪除
    回覆
    1. 不過大陸有一樣嘢真:啲賊佬路匪係真架!

      刪除
  8. hahaha, 咁都俾你諗到 XDDDD

    我都扮盲劉咯,去幫美女按摩!

    回覆刪除
  9. 開頭個idea有d似果套法國微電影 調音師
    但後來既發展真係好估你唔到

    回覆刪除
    回覆
    1. 果然眠利,開頭真的抄那套法國短片,餘下是二次創作。

      刪除

LinkWithin

Blog Widget by LinkWithin