~~~~~~~~~~~~~~~~







2012年5月4日 星期五

贈興


贈興

Amanda歸家時,在大廈的郵箱內收到一封紅色的郵件,拆開一看,發信人原來是她分手不夠一年的前度男友。Amanda的情緒又再次波動起來。她的朋友們早已收到風,知道她的前度男友將會結婚,到咗呢一刻,終於證實傳聞是事實。

Amanda最嬲的地方就是:前度男友跟她拍拖四年,期間Amanda一直向他暗示不如結婚啦,不過男的就一直用「拖字訣」。拖到Amanda無哂癮,搞到分手收場。前度男友分手不夠一年,就已結識新女友,並傳出婚訊。未婚妻唔係有錢又唔係靚模咁索咁正,俾著你係Amanda都會嬲爆啦!不可能原諒添呀!

Amanda激到紥紥跳之際,突然收到前度的電話,問她收到請帖未?叫Amanda早啲到,分明攞景啦!Amanda嬲到爆,正想鬧爆佢之際,突然諗到啲嘢,立即沉住度氣,然後扮誠懇祝福佢,應承佢14天後,做定份人情,早啲去到賀佢。

Amanda收線後,奸笑起嚟。她決定在婚宴當晚,在公共電話亭虛報有人在婚宴廳放炸彈,然後返回婚宴廳,親眼欣賞警方殺到,疏散現場,賓客的狼狽情況、新郎新娘的驚訝樣。將婚禮搞到「一鑊粥」咁,結婚吖啦!咁開心吖啦!


婚宴當晚,Amanda盛裝赴會,悉心打扮;試問怎可能馬虎,衰俾前度睇。Amanda入了一張麥當奴10元優惠劵作人情賀禮Amanda笑哂面好假咁同對新人合照後,找個位置坐低,等待好戲上演。

830分,Amanda離開宴會廳,獨自走到路上。她在公共電話亭前徘徊。14天前,她決定在呢一刻「報假案」,破壞婚禮,當時的確十分雀躍。但14天後,她經過時間沉殿和冷靜後,如今有點躊躇。「報假案」有刑事責任喎,捉到坐監點算?Amanda睇過《女子監獄》套戲,入面好黑暗架!

Amanda唔知應該落手?還是放棄?她點起一支煙,思考一吓。她發現在公共電話亭的另一邊,一個二十來歲的男仔也在抽煙。他衣著光鮮,是「著到去飲」咁款,可能他也是今晚婚宴的賓客之一。

Amanda主動問他:「你係咪要用電話亭?你用先吖。」
男仔遲疑地:「我唔趕,妳用先。」
Amanda自言自語:「我都唔趕,我想報警啫
男仔雙眼睜開:「報警?我都係呀!乜咁啱嘅!」

男仔叫Samson,原來他跟Amanda的遭遇相同:Samson的前度女友跟他拍拖四年,期間Samson一直有向女友求婚。不過女方就一直用「拖字訣」。拖到Samson無哂癮,搞到分手收場。前度女友分手不夠一年,就已結識新男友,並傳出婚訊。未婚夫唔係有錢人又唔係明星咁靚仔,俾著你係Samson都會嬲爆啦!

Samson決定在今晚婚宴,在公共電話亭虛報有人在婚宴廳放炸彈,然後返回婚宴廳,親眼欣賞警方趕來,疏散賓客,一對新人驚惶失措。將婚禮搞到「杰撻撻」咁,結婚吖啦!咁高興吖啦!

兩人在電話亭前一見如故,「同是天崖淪落人」吖嘛!兩人決定放下仇恨,不去「報假案」搞破壞。他們沒有返回婚宴廳去替別人贈興。兩人轉去另一餐廳「撐枱腳」。心裡慶幸他們的前度有邀請自己出席婚宴,否則便會錯過這次巧妙的緣份安排。

鏡頭一轉,在婚宴廳內,一對新人步進禮堂,接受親友的祝福。律師在台上作證婚人。正當準新娘要宣讀誓詞時,她突然苦不堪言。雪白色的婚紗裙腳被染成紅色。原來新娘奉子成婚,怪不得兩人肯拉埋天窗。腹中胎兒突然劇痛,還流血不止。結婚儀式未完成,也被逼腰斬。新郎召救護車到場。現場氣氛由喜慶急轉直下到緊張擔憂。可惜AmandaSamson無緣目睹這一幕。有時候,精心計算都不及天意安排。



二少爺說:人唔到唔緊要,最緊要賀禮到。



贈興 - 李蕙敏
作曲:曾加謀
作詞:林夕

事過便情遷 沒瓜葛 甚麼都應算清
貪新顧舊 算是哪種情
似開水般冷靜 仍難以答應你邀請
讓新歡對舊情 剌激死去神經
你盛情心領 沒法贈你的興 替別人高興
縱使怎麼裝瘋表演真誠 
仍舊是熱鬧幸福的佈景

良夜美景 不得了 何必弦耀
敘舊和迎新 不必了
算什麼情調 贈興也許 慰寂寥
先要問哪是誰 重要不重要 
伴侶 我未嫌少

哪可春風滿面 來陪你應對與敷衍
萬千雙眼面前 見識恩愛場面
數年不見 願你任性不變
再十年不見 你會跟她一家幾口糾纏
然後漸漸暴露彼此缺點

40 則留言:

  1. 塞翁失马,焉知非福?

    阿强去食大餐喔!

    回覆刪除
  2. 今次唔駛排第尾啦!
    其實報復都係一時意氣,倒頭來損人不利己。

    你最近好鍾意影餐後空碟喎

    回覆刪除
    回覆
    1. 仇恨令人失操!

      我覺得飯後的碗碟很多故事在其中

      刪除
  3. 有冇下集講下 Amanda 同 Samson呢?

    回覆刪除
  4. 卡臣:

    通常這種情況,被飛的男人,半年裡便馬上結婚,要奪回面子。

    我洗底好耐,不再落鹽花。可能是本能被超自我壓抑得太耐,無法宣洩,宜家突然淫根大發,你要有心理準備,我下一篇帖子只有一個中心思想,就是:淫!淫!淫!嘻嘻!

    回覆刪除
    回覆
    1. 唔怪得梁詠琪要閃婚快過伊健。

      淫根起?好呀!整篇超鹹唔該

      刪除
    2. 卡臣:

      我原本只落些少鹽花,點知手震,成樽鹽倒哂落去喎!嘻嘻!

      刪除
    3. 卡臣:

      咁睇下跌佐落乜海?位於以色列的死海就最鹹!位於北歐的「波羅的海」就最淡!

      刪除
    4. 卡臣:

      慾海!笑死我!

      慾海無涯,唯淫是岸!

      我今次要跳出床的慾海,因為枕頭大悶了。我要無床行淫呀!嘻嘻!

      刪除
    5. 咁你呢個慾海孤雛,唯有投奔慾海,做個慾海奇皅

      刪除
    6. 卡臣:

      哈哈!這三個慾海簡直妙絕,或許將來可以用來作鹹故的標題。

      刪除
  5. 卡臣,卫塞节快乐!(香港有庆祝吧?)

    礼当然要到,人在江湖,不能免俗啊!

    回覆刪除
  6. 回覆
    1. 什么?佛教大节日,怎么没听过?奇怪呐!

      刪除
    2. 香港只有佛誕,在今年四月二十八日過了,但不是公眾假期

      刪除
  7. 又會兩個都想報假案...咁夾, 整定Samson同Amanda一齊, 白頭到老, 恭喜恭喜!

    回覆刪除
    回覆
    1. 兩人太心靈相通,同一時間一齊越軌,一齊變心。

      刪除
  8. Tee

    如果我俾一蚊呢?會否太盡?遭天遣

    回覆刪除
  9. 最後見紅收場, 噢!
    其實我都諗過$101蚊做人情, 如果佢比帖我既話. 當我比$100食餐飯, $1 做貼士lor :p
    c man~

    回覆刪除
    回覆
    1. 哈哈,睇到真結局

      101 我都會俾,如果対方超唔熟,比佢話我都預咗

      刪除
  10. 見你呢排有隱藏版結局, 咁0岩又見到有咁多空白位, 咪多手又多眼咁睇下lor :p
    $101 真金白銀, 你請得有d牙齒印既我或者超唔熟的我, 你都預左我玩野喇下嘛?! 我整句祝你白頭到老, 五世其娼都算係咁啦.

    回覆刪除
  11. 回覆
    1. 證明你有偵探頭腦和好奇心。

      五世奇娼?哈哈
      不如祝埋:百無禁妓

      刪除
  12. 我们拥有独一无二的系统帮助我们创业,让创业更简单。 【 http://bit.ly/MhEFNg 】
    这是证实非常成功的系统,18岁到70岁都可以。
    只要你愿意,都可以成功!
    如果您有增加收入的欲望,赶快加我吧。
    别嫌麻烦了,赚钱本来就得付出。

    【 http://bit.ly/MhEFNg 】

    放弃了解的机会,损失的不是我

    回覆刪除

LinkWithin

Blog Widget by LinkWithin