~~~~~~~~~~~~~~~~







2008年10月21日 星期二

消聲匿跡 - 上集

消聲匿跡 - 上集

Office Receptionist對阿飛說:「Kelly?佢已經resign咗。」 阿飛聽後,不相信自己的耳朵,目定口呆.......


* * * * * * * * *

阿飛姓歐,同事給他起了一個度身訂造的花名「Fade Out」,因阿飛做事魂遊、遲早被公司淘汰,所以冠以「Fade Out」。阿飛性格吊兒郎當、做事得過且過、唔爹唔吊、怕承擔責任。他在社會上打滾咁多年,仍是一事無成。33歲仍未學懂替自己好好打算,只知道「做一日和尚、敲一日鐘」。

三年前,阿飛當朋友的戥穿石,婚禮當日結識了新娘子的一位姊妹Kelly。兩人隨後約會,並發展成為情侶。Kelly雖然細阿飛三年,但思想比他成熟。Kelly知道自己命中注定並非大富大貴之人,但求找到一個愛錫自己的男人便可付託終生,「公一份、婆一份」地過安穩生活。

Kelly喜歡看愛情小說,希望自己在30歲結婚,組織一個屬於自己的小康之家。雖然阿飛並非年青有為,但Kelly願意跟阿飛過清茶淡飯的日子。

拍拖期間,Kelly曾多番暗示想結婚,但阿飛都以未有經濟基礎為藉口,顧左右而言他。Kelly知道阿飛是愛自己的,只不過未有心理準備去結婚而已。愛看愛情小說的Kelly信奉浪漫主義,她相信終會有一日,阿飛會向自己求婚。

Kelly在她踏入30歲生辰的晚上,阿飛跟她吃晚飯慶祝。
喝大幾杯啤酒的阿飛,沒有準備生日禮物,隨口笑問:「妳今年想要乜嘢生日禮物呀?」
Kelly笑瞇瞇說:「係咪要你送乜?你都應承?」
阿飛:「哈哈哈!喺我能力範圍之內,一定應承妳!」
Kelly半講笑口吻說:「好!要一個老公!」
阿飛打了個突,今天是Kelly生日,不想掃她興,
望著Kelly堅毅的目光,阿飛心諗她已跟了自己三年,不想令她失望,
阿飛其實有點醉醺醺,好!幾大就幾大!
帶醉半開玩笑式答:「好!我哋……結婚!」
Kelly笑著點頭,今年終於收到一份最好的生日禮物。

阿飛帶醉回家,宿醉後第二天早上,醒來後望著天花板發吽呌,十分後悔。後悔昨夜應承跟Kelly結婚,阿飛不是不愛Kelly,只是擔心自己無本事養起頭家,又驚Kelly跟自己生活只會捱窮,自己不能勝任做一個丈夫。

「逃避責任」是阿飛的陋習,阿飛心想:「不如.......打退堂鼓...」想得入神,母親突然拍打碌架床:「起身啦!發咗達吖?唔使做呀!?」阿飛立即換衫出門口,由屋邨趕返公司上班。

當夜,阿飛害怕直接面對Kelly,最後選擇隔著電話,要求她將婚事暫且擱下,結果換來電話旁Kelly的哭泣聲和大力cut線聲。這是他們最後一次的通話。阿飛嘗試再打電話給Kelly,可惜她已不再接聽。過往嗌交,阿飛會讓Kelly冷靜一吓,待兩三日後她下了口氣,就會再接聽電話。

已經過了三天,Kelly仍然音訊全無,阿飛撥Kelly電話,傳來:「你打嘅電話號碼暫時未有用戶登記,請查清楚再打過啦。」吓!?乜Kelly連電話號碼都改咗?

阿飛終於忍唔住,上Kelly公司找她,Receptionist說Kelly已經resign,「因她已儲了30天大假,所以即時可以離職,聽聞她因私事,要單身去一趟很遠很長的旅行,去流浪散吓心喎。」

阿飛十分震驚,立即上Kelly的家找她。Kelly的父母留在大陸生活,她跟兩個女同鄉同租住一個小單位,女同屋說她幾天前已搬走,Kelly拒絕透露搬去邊。

阿飛致電Kelly的朋友打聽,朋友:「你個衰人咁對Kelly,仲係男人?」cut線! 原來Kelly鐵起心腸,可以決絕到如此無情的地步。阿飛只好向Kelly的電郵、MSN、Facebook埋手,狂send道歉messages,都是徒然。Kelly從此消聲匿跡,兩人在茫茫人海中,正式宣佈失去聯繫。

阿飛在家中苦起臉,為自己的懦弱感到羞恥,母親估到一二,阿飛都需要一個訴苦對象宣洩一吓。母親安慰:「當初我嫁俾你老豆,佢都無錢架!咪一齊捱囉!唔使死架!我仲記得生你嗰陣唔夠錢,逼住要去當舖『當』咗張棉胎籌錢。雖然窮,但係你出世之後,一見到你笑,我哋就乜嘢辛苦都唔記得哂.......」阿飛的鼻變酸變紅。他對著個天講:「俾我撞番Kelly啦,我一定唔會辜負佢。」

轉眼三個月後,某一個周末下午,阿飛跟死黨在茶餐廳吃下午茶,心情仍未釋懷。阿飛一人步出茶餐廳門口,劃火柴,點香煙,白煙緩緩上升。

阿飛望著藍天一架飛機略過,唔知Kelly而家喺邊個國家做緊乜?目光四遊,突然見到對面馬路,一個熟悉面孔:Kelly正站在對面街,似乎在等的士。

嘩!阿飛眼睛發光!唔埋一切,冒著被汽車車死的危險,以9秒9速度衝過馬路,在汽車響按聲中,阿飛大叫「Kelly!Kelly!.......」


待續


消息 - 張宇
作詞:十一郎 
作曲:張宇

看著被妳 退回的信 燒成了灰燼
一字一淚 灰飛煙滅 我才肯相信
在我們已經僵持的心裡
用同樣的決心 作不同的決定

這樣也好 我的遠行 回程就放棄
一站一站 帶著傷心 一路走下去
讓異鄉我不熟悉的言語
說他們的悲喜 而我再也不必參與

如果說再見 是妳最後的消息
為何我怎麼想也想不起
妳當時的表情 妳當時的心情
有沒有一點痕跡可尋

如果說再見 是妳唯一的消息
我彷彿可以預見我自己
越往遠處飛去 妳越在我心裡
而我卻是妳不要的回憶

越往遠處飛去 妳越在我心裡
而我卻是妳不要的回憶

76 則留言:

  1. 咦,似乎我拿左個頭位哦~~~

    呢個系上集,應該唔安排阿飛俾車車死啊?!

    系唔系阿飛日有所思,系條街度見到個女仔好似kelly呢?

    回覆刪除
  2. carmen

    恭喜妳上著頭注香
    許個願啦!
    一定靈現架!

    阿飛俾車車死?
    咁韓劇feel?

    見到kelly客死異鄉的靈魂?
    halloween應吓節?

    回覆刪除
  3. 都系要多謝卡臣兄事先做左節目預告,我先上到頭注咋~~~

    既然系要應節架話,不如安排距地兩個系第二個世界、另外一個空間相遇啦~咦,感寫落好易就變成科幻小說了哦~~~

    回覆刪除
  4. 同我同名呀...^^
    我決定唔可以日日泥啦,因為要等下集好吊引呀!
    如果幾日唔泥,就可以一次過睇晒上下集啦!

    carson,如果要肯定自己係咪愛一個人(呢個人己係你男友..),究竟要問自己邊幾條問題..?..

    回覆刪除
  5. 個背影真係你來的?
    好大隻下喎!!!>0<

    回覆刪除
  6. Carmen

    妳賞面啫!

    「不如安排距地兩個系第二個世界、另外一個空間相遇啦」
    嘩! 妳點知架?
    咁都被妳估中!

    妳喺foxy search到下集呀?

    回覆刪除
  7. kelly

    呢篇浪子回頭故事,因應妳要求
    所以用妳名

    要肯定自己係咪愛一個人(呢個人己係你男友..),究竟要問自己邊幾條問題..?

    1)數出他三大缺點而自己可否看成優點?
    2)自己身邊朋友覺得他麻麻而妳唔mind?
    3)如果他另結新歡,妳會祝福他或是死爭?
    4)如果明天起跟他永別,妳撐得下去嗎?
    5)妳中咗六合彩,第一個想通知誰?

    >因為要等下集好吊引呀!
    哦?
    我仲以為:「愈是期待愈是美麗」添!
    雖然吊引,但係可以一齊估吓結局嘛~
    況且,呢度係留言好睇過正文
    咪睇吓留言囉!

    ~個背影真係我~

    回覆刪除
  8. 首先想講我鍾意呢個名多過你之前講嗰個。

    本來我一路睇得好投入,突然「哨」到右手邊張相,睇完即刻打亂哂我嘅思緒。

    做乜阿強現身咁大件事都唔早啲講俾我哋知呀?佢咁樣晒背肌同手瓜法,應該要先預告,等啲會自卑嘅男仕早有心理準備唔睇,啲女仕又可以準備定口水毽嘛!

    請問幾時有佢嘅正面全身相?

    回覆刪除
  9. 嘩卡神張剝衫相好man呀。
    我隱約聽到啲女fans嘅尖叫聲!

    回覆刪除
  10. 卡臣:
    呢篇文張相好靚啊~~
    卡臣有冇諗過作長篇d既文章呢?
    試下分四至五篇?
    謀殺卡臣中:P

    回覆刪除
  11. 歪歪

    係呀!「銷聲匿跡」絕過「再遇」, 悲劇啲

    阿強現身?
    阿強上星期六同朋友行屏山文物徑
    晚飯後,去吃B仔涼粉
    行行吓, 有啲熱咪除衫囉!

    幾時有佢嘅正面全身相?
    不如叫阿強整張正面大頭相先
    就30/10 2345!

    ++++++++++

    eric

    係咩?
    我隱約聽到啲女性的慘叫聲!
    (如見鬼)

    +++++++++

    佚名

    篇文張相....
    上星期六,朋友在屏山文物徑影嘅
    佢俾我借用
    等我多謝佢一聲!

    >卡臣有冇諗過作長篇d既文章呢?
    試下分四至五篇?
    ==>十篇都試過
    請看label:「紀漢醇」和「兩花生」

    構思想寫下一個十篇
    不過....未有好橋

    回覆刪除
  12. 其实大家人生目标不同, 嗰女仔想结婚, 但嗰男仔不想, 都无谓勉强一齐吖.

    嗰男仔不想结婚都无错哦, 驶乜内疚?

    回覆刪除
  13. >構思想寫下一個十篇
    不過....未有好橋

    你咁好橋點會冇橋吖!

    回覆刪除
  14. 小瓶子

    >嗰男仔不想结婚都无错哦, 驶乜内疚?

    我以作者身份回答:

    1)其實阿飛不是不想結婚,他對自己無信心,驚kelly跟自己只會捱苦而已

    2)拍拖時,女方話唔怕捱,但可能終會有天貧賤夫妻百事哀,所以阿飛猶豫

    3)後來從母親得知,他們雖也捱出來, 但開心! 原來只是自己無信心

    3)加上一段感情,突然中斷,hurt到女友
    阿飛內疚.(只要堅強點便不會如此)

    回覆刪除
  15. 卡臣:

    嘩!! v~ v~ 賭神?
    um...現實中我見過一對情侶, 情況雷同, 最後女方提出分手, 揀左第二個, 仲好快就結左婚!

    回覆刪除
  16. Hana

    >你咁好橋點會冇橋吖!

    ==> 唉!
    如果「下一次十篇」渣過「紀漢醇」
    咪衰收尾!
    所以如果條橋唔勁,不如唔寫住

    靈感~靈感~靈感~
    你係邊??

    回覆刪除
  17. 自由

    男方吊兒郎當, 無自信
    都係死症!

    回覆刪除
  18. 『不如叫阿強整張正面大頭相先
    就30/10 2345!』

    嘩,阿強一向講得出做得到嘅,咁即係我哋終於可以見到阿強嘅真面目,就算要等一個禮拜都抵喇!

    回覆刪除
  19. 歪歪

    雖則阿強一向講得出做得到,
    但係佢好蠱惑,
    邊有咁順攤吖?
    咁...我地等星期四晚
    睇吓佢做乜手腳先

    回覆刪除
  20. 校長:

    >我寫情愈來愈好,抵讚!
    當真?
    唔好氹我開心喎!

    不過..

    你調情愈來愈好,仲抵讚!
    咁靚嘅女仔都追到
    勁!

    回覆刪除
  21. 吓,乜唔勢等一個禮拜(30/10),星期四晚就有得睇咁筍!

    阿強「面精心懵」,成日蝕底俾人,我又想睇下阿強今次有幾蠱惑。

    回覆刪除
  22. 歪歪

    阿強今次洗濕個頭
    頂硬上啦
    醜婦終需見家翁

    回覆刪除
  23. 『醜婦終需見家翁』

    嗱,先至聲明,如果阿強真係「醜婦」嘅話,唔該俾啲心理準備我哋,唔係我嘅思緒又會被打亂哂,而影響咗我欣賞你嘅大作。

    回覆刪除
  24. >校長調情愈來愈好,仲抵讚!
    咁靚嘅女仔都追到
    勁!
    totally agree x 2


    我都想見強哥一面呀!!

    回覆刪除
  25. 卡卡:

    你抵讚,真架!


    至於,我追到靚女....

    我只想佢開心!

    回覆刪除
  26. Applaud!!!
    Realistic and imaginative elements in this episode described delicately his inner struggle!

    Oh Carson , your back....

    回覆刪除
  27. >咁韓劇feel?
    唔係呀!記得以前有句歌詞係:
    「果條濕滑既公路、果個粗心大意既司機....」

    >你寫情愈來愈好,抵讚!
    >當真?唔好氹我開心喎!
    嘻嘻~只要佢唔太心急露出敗筆既破綻
    d劇情講真真係值得一讚架
    ;)

    >我都想見強哥一面呀!!
    咦!今個月d芥菜起心喇喎!

    回覆刪除
  28. 歪歪

    阿強話佢似羅莽喎!
    大家心裡有數啦!

    ++++++

    自由

    妳都想見強哥一面呀?
    聽晚見到啦!

    ++++++

    校長

    羨慕你地~~~

    回覆刪除
  29. 巴黎

    我後面有乜呀?

    ...嘩!..鬼呀!..

    ~~哈~~囉~~喂~~

    校長

    佢而家遇溺...在愛河遇溺,在愛河沒頂!

    回覆刪除


  30. 張麗謹和旦:「果條濕滑既公路、果個粗心大意既司機....」

    >嘻嘻~只要佢唔太心急露出敗筆既破綻
    謝教!銘記銘記~

    >今個月d芥菜起心喇喎!
    ==>大家見完佢個樣,蕃茄臭蛋斷市

    ++++++

    lo哥

    明夜記得抽空睇睇

    回覆刪除
  31. nost

    喜劇結局?
    定悲劇結局好呢?
    ...唔...
    一於咁啦!
    (即係無講)

    回覆刪除
  32. lo哥

    唔緊要
    你做正經嘢先
    我實等埋你

    回覆刪除
  33. 又或者結局係阿強見到的Kelly係Kelly的孖生妹妹,而Kelly就....客死異鄉..等阿強獨自承受呢個傷痛,想挽回都救唔番...
    所以做人要把握機會,免得到時愛得太遲....

    回覆刪除
  34. 逍遙小妹

    妳的構思唔錯喎!
    good idea!
    下次用

    老土講話:呢個故事講「誰會珍惜當你還擁有,將要逝去總想挽留」

    回覆刪除
  35. 嘩~~~尋晚眼矇矇都無睇到個背影~~~手臂線條好靚啊!卡嫂箍住你手行街街的時候一定覺得好有安全感啦!!!

    但系點解個腳瓜好似......幼左D.......系唔系我錯覺啊?

    回覆刪除
  36. Carmen

    我腳瓜真係..幼左D..少練下面

    卡嫂有冇安全感?
    等我問吓先?

    回覆刪除
  37. 我有個男友好似健美組的港男一樣身裁,抱著他覺得天塌下來都不怕~好有安全感~哈哈哈~~~卡嫂真幸福~

    回覆刪除
  38. 卡門

    嘩!
    妳有個男友好似健美組的港男一樣身裁
    咁勁?!
    扖手賊仔唔取打妳主意!

    回覆刪除
  39. 卡臣:
    篇文張相....
    上星期六,朋友在屏山文物徑影嘅
    佢俾我借用
    等我多謝佢一聲!
    -->係啊!真係影得好靚啊~~
    我都多謝佢啊!

    >卡臣有冇諗過作長篇d既文章呢?
    試下分四至五篇?
    ==>十篇都試過
    請看label:「紀漢醇」和「兩花生」
    -->係?係邊度有得睇啊?

    構思想寫下一個十篇
    不過....未有好橋
    -->卡臣一定得既!^^
    期待中~

    回覆刪除
  40. 佚名

    我果位朋友係攝影發燒友,啲器材唔講得笑!

    請看blog版面右手面:分類(即背脊相下面)
    就會找到「紀漢醇」和「兩花生」
    我提議先睇「兩花生」
    後睇「紀漢醇」

    回覆刪除
  41. 瘋:

    >我都想見強哥一面呀!!
    咦!今個月d芥菜起心喇喎!

    你無睇之前個"靈異酒店"? 亞強上世紀未同女友去大阪旅行, 之後亞強個朋友話佢地仲成埋親添! 所以唔關十月事.

    回覆刪除
  42. 自行

    我梗係support妳啦
    阿強其貌不揚
    邊有人對佢起痰吖?

    阿強話:咁多位,今晚見
    下集大結局

    回覆刪除
  43. 卡sir:

    些些lee 呀!!

    亞強其貌不揚?
    又唔可以咁講, 怨豬頭都有聞鼻x薩

    (正字老師救命呀!)

    回覆刪除
  44. 自由

    danny chan說過:「莫道你在選擇人,一亦同選擇你,公平原沒半點偏心」

    陳慧嫻說過:「就算多平凡,總亦有關心他的伴侶,就算多平凡,總有互愛的情人」

    回覆刪除
  45. 卡臣:

    定係阿飛見到Kelly時,先發覺自己已經不在人世~~~~~~?:O

    Daniel.

    回覆刪除
  46. 卡臣:

    亞飛歐唱俾kelly聽:"怎麼偏偏我現時失掉你"~oh...真係要睇結局先知!

    你呢幾句歌詞...令我開始懷疑..我有資格加入中坑大聯盟! 唔該..入會form 邊度law?

    回覆刪除
  47. >邊有人對佢起痰吖?
    冇人起痰呀。起心之嘛!
    o拿當事人都認左做萌鼻菩薩喇,仲話唔係?

    回覆刪除
  48. 瘋耳魔屍:

    >o拿當事人都認左做萌鼻菩薩喇,仲話唔係?
    亞強個聞鼻菩薩係強嫂呀! 佢名草有主, 對佢起痰, 下世請早!

    唔通你唔抵得連亞強都有人"候"?而你...呵呵

    回覆刪除
  49. Daniel

    好耐無見你囉!
    你的提議真係唔錯!

    +++++++

    自由

    妳一啲都唔中坑
    唔通聽貝多芬就係百年人瑞咩?

    回覆刪除
  50. 瘋耳魔屍

    我要一正視聽
    自由行是有taste一輩
    唔會對阿強有任何感覺

    強嫂何止是萌鼻菩薩?
    直情係盲架!

    回覆刪除
  51. 卡臣:
    我果位朋友係攝影發燒友,啲器材唔講得笑!
    -->wawawa!勁啊!

    請看blog版面右手面:分類(即背脊相下面)
    -->唔講無留意到卡臣個背脊
    呢條咪係去淘大既橋?

    就會找到「紀漢醇」和「兩花生」
    我提議先睇「兩花生」
    後睇「紀漢醇」
    -->有空看看先~~

    回覆刪除
  52. 佚名

    呢條咪係去淘大既橋?
    >呢條喺元朗大馬路,去吃B仔涼粉途中

    有空看看「紀漢醇」和「兩花生」?
    多謝先
    睇完俾吓意見,唔該!

    回覆刪除
  53. 卡臣:

    無計,突然想起見鬼那套電影~~~~~~:)

    Daniel.

    回覆刪除
  54. 卡臣:
    >呢條喺元朗大馬路,去吃B仔涼粉途中
    -->估錯左tim><!
    涼粉好食啊!
    但唔識b仔涼粉

    有空看看「紀漢醇」和「兩花生」?
    多謝先
    睇完俾吓意見,唔該!
    -->嗯!但想睇,真係要抽下時間@@

    回覆刪除
  55. 佚名

    b仔涼粉喺元朗出名架!
    款式千變萬化
    下次去試吓啦

    看「紀漢醇」和「兩花生」
    要抽下時間?
    >>唔使急!
    佢地站喺度等妳,唔會走
    妳慢慢啦

    回覆刪除
  56. 卡臣:
    b仔涼粉喺元朗出名架!
    款式千變萬化
    下次去試吓啦
    -->但元朗好遠wow><!
    我又唔識路><!

    看「紀漢醇」和「兩花生」
    要抽下時間?
    >>唔使急!
    佢地站喺度等妳,唔會走
    妳慢慢啦
    -->嗯,我掛住吹水多:P

    回覆刪除
  57. 佚名

    >-->嗯,我掛住吹水多:P
    唔緊要
    我知道每人每日只得24小時
    鐘意點分配隨自己啦

    回覆刪除
  58. 卡臣:
    唔緊要
    我知道每人每日只得24小時
    鐘意點分配隨自己啦
    -->唔知點解,聽到你咁樣講有d慚塊><!
    掛住吹水唔o岩ga!

    回覆刪除
  59. 佚名

    >掛住吹水唔o岩ga!
    ==>千祁唔好咁諗!
    blog就是各取所需
    吹水都好重要架!

    回覆刪除
  60. 卡臣:
    千祁唔好咁諗!
    blog就是各取所需
    吹水都好重要架!
    -->都係,一眾blog友都好叻,學到好野,睇到好多野~~

    回覆刪除
  61. 佚名
    >一眾blog友都好叻,
    ==>一定包括妳在內

    回覆刪除
  62. naruto

    你估中哂呀
    叻!!

    下集:

    『 車死

    打字幕:路上零意外 香港人人愛

    多謝收看

    完 』

    回覆刪除
  63. 卡臣:

    有朋友想結婚,女朋友走佐。佢又同另一個女仔同居。跟住走佐既女朋友又再出現,要同佢復合。死未?

    回覆刪除
  64. 下集:認錯人,一呆,即刻俾車車死,揸車果個係Kelly^^

    回覆刪除
  65. 佛爺

    你的case:
    如果舊女友唔介意一夫兩妻
    咪復合囉
    否則叫她找個另一個男人吧
    之前她走得一次
    之後可以再走多一次

    +++

    eben

    下集:

    阿飛認錯人,一呆,即刻俾車車親,
    揸車果個係Kelly
    送去醫院要人捐肝
    Kelly適合
    捐肝給阿飛
    復合了

    回覆刪除
  66. 香港太小資訊也太發達,要完全跟一個人斷絕一切關係是一件很難的事,不知道這是喜還是悲~

    回覆刪除
  67. kelly已嫁作人婦,正在等老公!
    ps︰我見佢哋估下集,我又估埋一份咁咯!:)

    回覆刪除
  68. largeheadboy

    有道理喎
    好難消聲匿跡
    除非cut寬頻


    ++++

    coffee

    佑得好呀
    嫁給阿飛的上司

    回覆刪除

LinkWithin

Blog Widget by LinkWithin