~~~~~~~~~~~~~~~~







2008年10月13日 星期一

死亡Blog記–(下集)

死亡Blog記–(下集)

Kent知道Edwin將會有幾日唔能夠上網,心底裡閃出一個念頭,
Kent打算於今晚寫一篇文章上載到Blog內,文章內容並非「叮走」秘書Jackie,
而是「Kent升職做助理經理!」

跟Edwin收線後,Kent坐在辦公室對著電腦發呆,反覆思量幾條問題:

1. Kent只試過用Blog去辭退人,從未試過用Blog去將人晉升,究竟這樣做,技術上能否成功呢?

2. 這個Blog給予神秘力量去收服惡人,但用作提昇自己職位,會否產生反效果?反遭報應?偷雞唔到蝕勺米呢?

3. 當初兩人都以俠士自居,警惡懲奸,如果Edwin知道自己利用Blog升職,他會有什麼反應?鄙視自己?定係Edwin一早都有此私心打算呢?

Kent決定要做一次升職測試,這個測試的最佳人選,當然就是自己啦!
好像「變形俠醫」要自己親身接受珈瑪射線,身體突變成HULK!
自己先做白老鼠,如果真係順利升到職,再幫Edwin升職都唔遲。

但Kent又害怕給Edwin知道自己濫用Blog去滿足私欲,所以要趁這數天Edwin未能上網而立即行動。更要在Edwin出院前將升職文章delete,希望神不知鬼不覺。

但萬一Edwin睇唔過眼,突然正義感爆發,而Edwin有Blog 的password,只要Edwin再寫一篇文章,便可以將自己的下場改寫成被公司炒魷!又或者Edwin寫文章升他到更高的管理階層,咁點算好呢?
Kent一念之差,心起魔念,大丈夫做事要狠心徹底,不如將Edwin剷草除根!趕他出公司!Kent念在大家相識一場,Kent安排Edwin出院後,有一間新公司請了Edwin,從此長駐廣西某工廠,再甚少回香港。

當晚回家,Kent在Keybroad上寫故事,結局是:「『獎門人』檢討之後,決定升『K場浩男』做助理行政經理。而『古墓屋邨幫』傷癒後被『迪西欣義和團』招攬,從此駐紮在廣西山寨上,再甚少回省城闖蕩。」Kent不敢寫太高的職位給自己,驚自己「虛不受補」。

文章已經寫完,cursor箭咀在「文章發佈」鍵前,左右徘徊,
擔心此舉會否產生反效果?副作用?弄巧成拙,得不償失呢?
Kent猶豫在「升職加薪」和「失去朋友」之間,最後他選擇了權力和金錢。
深呼吸一口氣,食指一click「文章發佈」,踏上一條網上的不歸路。
他由最初對Blog半信半疑,演變到現在對它深信不疑。
並將自己的前途籌碼也一併壓在這個Blog上。
失眠一夜,究竟明天收工時,自己變成大贏家?還是淪落成大輸家?

第二天他回辦公室,Edwin的座位仍是空的。
Kent回到自己座位,今天他的心情如會考放榜日一樣,七上八落,
終於等到臨放工,人事部新經理「文先生」叫Kent入房,
Kent像攞會考成績通知單般,緊張兮兮,戰戰兢兢走入「文先生」房間。

「對唔住!我哋都唔想!」文先生抱歉地說:
文先生說公司面對生產成本上漲,經濟衰退,
要減省人手,Kent被選中,冇得留低。
Kent垂頭喪氣,勝者為王、敗者為寇、Blog終於要跟自己算帳,
「出嚟行,遇咗還」,願賭服輸,只好返回座位執拾東西走人。

Kent左手一袋右手一袋,跟同事道別,路經Edwin的空座位時,欲告辭也不能,
他很大的感觸:失去工作、失去一位好同事,全因自己一個「貪」字。
他感到羞愧,不想call Edwin,不如將自己離開的消息交由同事們轉告給Edwin吧!

* * * * * * * * * *

Edwin辦完出院手續,由司機攙扶上一部平治房車,駛回大坑住所。
Edwin在車廂內,望著東區走廊給黃昏漂染成金黃色,不禁搖頭嘆息~

事情的經過是這樣:

1. Edwin是公司老細「大黃」的兒子,由11歲起便送到加拿大讀書,雖然其間曾回港放假,但沒有上過公司露面或出席公司年夜飯,所以21歲的太子爺,公司內無人知道Edwin的太子爺身份。

2. Edwin這個暑假回港渡假,「大黃」擔心嬌生慣養的Edwin他朝工作謀生時會吃虧,叫兒子到自己公司當營業代表,又驚同事們對太子爺千依百順,所以要Edwin隱藏自己身份,由低做起,吃吓苦頭,鍛鍊一吓。

3. 溫室長大的Edwin,不懂人情世故,無人會俾面呢個隱身太子爺,Edwin一做錯就炳!一唔醒就鬧!

4. Edwin每日返工受盡冤屈氣,打算向爹地辭職,猶豫尚未有機會開口。

5. 幸而在Pantry中遇上Kent,Kent教曉自己很多東西,仲分享自己寫的Blog,Edwin找到返工的樂趣,決定繼續留低喺公司。

6. 那段亂碼留言只是電腦技術字碼出錯,純粹巧合。

7. 由於所有員工在「大黃」面前都恭恭敬敬,「大黃」分辨不到「邊個係人?邊個係鬼?」Edwin向父親陳述員工罪狀和證據,剷除了「坤哥」和Ryan。替公司清洗瘀血。

8. 人事部「江叔」年事已高,去年起心臟曾出現毛病,退休都是遲早的事情,人事部副經理文先生又是最佳接班人選,可以委以重任。Edwin向父親提議不如補一筆錢給「江叔」退休,當是多謝他對公司的多年來的貢獻。

9. Edwin週未騎馬時意外墮馬,跌斷右腳,騙Kent搬衣櫃時弄傷,叫Kent不要來探病,難道叫Kent來一間高級私家醫院頭等病房探自己嗎?

10. Edwin在病房中用notebook電腦上網,赫然發覺Kent利慾薰心,想升自己職,仲要將自己逼走返大陸?!

11. Edwin看錯了Kent,極度失望!原來他想出院後,向父親提議升Kent做助理經理,無奈Kent「利慾薰心」的歪念,只差一步亦告功敗垂成,Edwin被Kent出賣而感到憤怒,叫父親辭退這個心術不正的Kent。大黃遲早把這盤生意交給Edwin,兒子的建議當然被接納,大黃辭去一個微不足道的小職員,眉也不會皺一皺。

在這一刻,於東區走廊上,Edwin坐的平治房車,
跟Kent坐的冷氣巴士剛巧在公路上的對行線擦身而過,
重疊一秒之後,一輛向東、一輛向西,越駛越遠越遠越遠.........

兩個身份懸殊的後生仔,曾經一同平起平坐,
在茶餐廳內吃飯傾計吹水講笑寫blog,
兩人的心跳聲曾經是何等的貼近。
只可惜因一念之差,
這些光景只能成為兩人各自回憶中的某堆退色的片段。

50 則留言:

  1. 各方好友

    當你睇到呢段留言嘅時候,
    我已經去緊機場,我要離開呢個傷....
    sorry!打錯

    因為我之前遲了
    今次補番數,早啲
    唔使切!

    今次故事焦點在友情/出賣
    警惡懲奸反而次之

    回覆刪除
  2. rachel

    嘩!仲早過我留言!!

    估中!好嘢!
    吓? 乜全世界都估中哂咩?
    er....er....我渣囉~~

    回覆刪除
  3. 呢個傷...? @@

    哈,你又再接近我心目中渣估既地位喇,卡臣兄。

    回覆刪除
  4. lo哥

    你果然守時兼早到
    無法啦
    rachel仲早
    (些些里吻)<-國語

    回覆刪除
  5. lo哥

    渣估sir?
    他在blog界之江湖大哥地位
    我怎可跟他比擬啊?

    等如你話粉絲(我)似魚翅(渣估sir)
    罪過罪過

    罰你抄:我以後不再胡亂說話1000次

    回覆刪除
  6. >>卡臣

    哈哈!!!copy & paste比你!

    魔法句語 :

    $python -c "for i in xrange(1000): print u'我以後不再胡亂說話'"

    呵呵!抄完喇卡臣!

    回覆刪除
  7. 都話Edwin有古怪!
    結局好正!

    p.s. 張相都好正, 影得好得意!!

    回覆刪除
  8. lo哥

    java script?
    都接受啦!

    科技真係日新月異<---惰不自禁講句陳腔濫調添!

    回覆刪除
  9. 自由

    多謝準時抵達先
    今舖我唔使切啦
    妳估中kira
    好嘢!

    友情同權力....我梗係選......兩樣都要(貪心王)

    回覆刪除
  10. python! =) 普通人少見啲.

    聽日都post...

    回覆刪除
  11. lo哥

    python?大蟒蛇?
    嘩!
    秋風起,三蛇肥
    好!聽日去你度睇蛇

    回覆刪除
  12. 我初頭會估係佢地其中一人作怪..但都估唔到用"黃馬掛"結尾..有驚喜又make sense丫!!

    Thanks for your story!

    回覆刪除
  13. Kelly

    吓?
    thanks for my story?

    我thank you妳抽空睇先至真!
    我thank you妳肯留言先至真!

    回覆刪除
  14. >>Carson

    Python 係一個比較新興既 programming language.

    好!今晚見!我今晚要出去睇野,肯定好晏返,要去睇下結婚送咩,夜啲覆!諗到頭大~

    ---

    今日朝早紮醒,另有一番風味。好,睇書先!

    回覆刪除
  15. eric

    這篇很有教育意義!

    教育意義在於:
    1)道義放兩旁,利字擺額頭, or
    2)浪費了你寶貴5分鐘?

    希望你唔好揀(2)喇

    +++++++

    lo哥

    你有朋友結婚?買賀禮?
    一於送洋酒和香煙
    睇粵語長片,係咁喎
    (50-60年代)

    好!
    lo哥睇書
    我都睇書要先!

    唔該,要本「YES雜誌」同「小明周」呀

    回覆刪除
  16. 唉,都有諗過 Edwin 就係哩個身份!

    不動為動,阿 Kent 就係唔知道哩個道理!

    回覆刪除
  17. 卡臣:

    你先好野, 寫得咁好睇!

    >友情同權力
    好多人都俾"利"字蒙蔽!

    回覆刪除
  18. laulong

    不動為動?
    我生性被動...結果真係毫無進步
    唉~~~

    +++++

    自由

    >你先好野, 寫得咁好睇!
    ==>唉~~~
    妳又引起四周的噓聲
    我email被人炸爆
    叫我「收x」, or 「x皮」!
    唉~~~

    回覆刪除
  19. 卡臣:

    你睇錯呀! d人係叫你d好野唔好收埋o係blog 度俾人睇, 要出書俾人睇呀!

    回覆刪除
  20. 特別鍾意你最後嗰兩段,意景好之外,仲非常有電影感。

    同你上個月嗰篇辦公室『寓言』相比,我覺得你呢個故事更有寓意,就係教訓人响辦公室之內邊個都唔好信,因為Kent同Edwin都信錯咗人。

    回覆刪除
  21. 自由

    乜啲email叫我出書咩?
    佢地叫我「出輸」:一出就輸!
    慳番啦!

    回覆刪除
  22. 歪歪

    >就係教訓人响辦公室之內邊個都唔好信,因為Kent同Edwin都信錯咗人

    我都想討論一吓:

    我焦點是講友情(或者是辦公室友情)
    Kent同Edwin雖然身份懸殊
    Kent無錢,職位低
    Edwin有錢,太子爺
    但Edwin社會經驗淺,Kent補他不足
    身份懸殊都能夠發展成真朋友(無機心)
    仲去鋤強扶弱
    原本幾perfect

    但Kent因貪念變節出賣朋友
    萬劫不復

    現實中, 辦公室內為升職出賣朋友
    篤背脊,嫁禍,卸鑊.....

    你說:因為Kent同Edwin都信錯咗人
    Edwin信錯kent(財迷心竅)
    但kent沒有信錯Edwin
    因為隱藏太子爺身分是被動(父親逼使)
    Edwin都打算升kent
    只不過kent自信心不夠
    要用旁門左道升職
    (其實kent是有實力升任)

    一個誤會(神奇blog)試煉友情的真偽

    嘩! 我好耐無咁認真答
    歪歪,
    你引發的:}

    回覆刪除
  23. 卡臣:

    我認同你既講法. 辦公室都有真朋友既, 不過遇唔遇到就睇彩數!
    在辦公室, 可以發展真友誼, 亦都可以一手推翻真友誼!

    回覆刪除
  24. 自由

    唔同部門
    無利益衝突
    無競爭性存在
    或者可以有純友誼

    回覆刪除
  25. 卡兄:

    >唔同部門
    無利益衝突
    無競爭性存在
    或者可以有純友誼

    仲有, 當大家目標一致時(想叮人走), 都可能可以做朋友!

    回覆刪除
  26. 『嘩! 我好耐無咁認真答
    歪歪,
    你引發的:}』

    嘩,咁俾面呀,我都要小心回答!

    『但kent沒有信錯Edwin
    因為隱藏太子爺身分是被動(父親逼使)』

    我覺得就算係被逼,都係呃緊人,再加上就係正因為無人知佢真正嘅身份,Edwin先可以响Kent度攞料,某情度上佢都憑著呢個假身份利用咗Kent,令佢可以向老豆報料炒咗公司入面嘅衰人(包括Kent在內),所以我唔覺得兩人之間有人可以得益嘅,會算係純真嘅友情。

    當然你係作者,我講嘅只係我嘅角度,正如有啲影評人嘅睇法同編劇導演嘅睇法都可以係背道而弛。

    最後想問『:}』係個乜嘢表情/嘴型?想知你究竟係奸笑定係藐緊我呀?

    回覆刪除
  27. 自由

    哦!敵人的敵人就是我的朋友

    +++++++

    歪歪

    講吓「出發點」
    edwin跟kent做friend的「出發點」
    不是存心攞公司人事料
    只是咁啱kent有睇法
    edwin亦由最初唔想承擔公司變到肯落主意
    可以說是kent間接幫助edwin成長

    對呀!
    大家對同一堆文字有不同的睇法&討論
    才給予文章生命力
    它便有了呼吸

    『:}』呢個表情/嘴型嚟自「忍者小靈精」的咀, 係開心笑!

    回覆刪除
  28. I waited the last episode, and finished the whole story in one time.
    OH la la, imaginative and educational, passionately, I always choose friendship....

    回覆刪除
  29. 真係夠晒奇情, 又警世!

    非常喜歡呢個故仔!!!

    回覆刪除
  30. 卡臣:
    最後kent逃不過心魔,是自我內心爭扎
    貪字得個貧
    始「貪」與「貧」只是小小之別,就成了不同結果
    不一樣的選擇,得來不一樣的結局
    這也是教導我們,決擇之重要性!
    當路有兩條,一條生,一條死
    明知不可為而為之
    明知錯都去做,就是人的本性!

    者係「犯賤」:P
    好多人都會咁,抵不住誘惑或決擇錯誤,就死左la@@

    回覆刪除
  31. lo哥:
    哈哈!!!copy & paste比你!

    -->copy & paste呢個句一次就夠啦「我以後不再胡亂說話 x 1000次」
    kakaka
    快、靚、正啊!

    回覆刪除
  32. sounds like a frienship version of Wong Jing's story, edwin= Yau Shuk Jing (princess girl)

    good script!

    回覆刪除
  33. >>carson

    有! 我好煩,仲煩緊,煩死我。

    >>佚名

    梗係, programmer係懶!

    回覆刪除
  34. 巴黎

    哈!一次過睇唔使等
    點呀妳? 果邊好玩啦!
    今天妳應該同法國bb玩
    玩得開心啦!

    ++++++

    渣sir

    >非常喜歡呢個故仔!!!
    簡直是對小弟一支強心針

    ++++++++

    佚名

    利慾真係會薰心
    友情是長線, 眼前利益是短線
    通常人沒有耐性

    回覆刪除
  35. nost

    王晶 + 邱淑貞?
    係咪指王晶的追女仔電影
    講笑啫!

    ++++++

    lo哥

    仲未買到結婚禮物?
    不如.....拆現

    係呀
    渣老闆光臨
    生色不少!
    (當然其他朋友都一樣咁堅啦!)

    回覆刪除
  36. :} 忍者小靈精:

    我明白Edwin嘅「出發點」最初「不是存心攞公司人事料」,但係因為Edwin好鼓勵Kent報料,目的唔同一般同事响茶室八卦吓,因為佢咁想知多啲公司入面嘅嘢,係為咗攞多啲料而有所得益。佢仲好同意Kent嘅建議,一齊『叮走』公司嘅衰人,咁Edwin甚至可以用呢樣嘢嚟响老豆面前領功,所以我會覺得Edwin憑著呢個假身份利用咗Kent,就算佢打算升Kent,但係兩人之間已經由純真嘅友情,變咗「臥底」同「線人」嘅關係。

    你所講嘅「kent間接幫助edwin成長」,我就認為更應該係Kent幫助Edwin知道咗响辦公室嘅遊戲規則,只要繼續用呢個假身份,就可以响度Kent攞料,聽到嘅料會係一啲响真實身份唔會聽到嘅,而最後得益嘅會係自己同𠹺公司。

    我唔係幫Kent講說話,因為佢「利慾薰心」出賣咗Edwin,有此下場係應得嘅報應,我只係覺得Edwin is not that innocent. 雖然故事入面Kent到最後都唔知道幕後係由Edwin一手策劃,如果佢知道,佢都會話自己「信錯咗人」。

    希望你唔好介意我將一個「忠」嘅角式寫到好似好衰咁,其實最後只係証明咗唔好睇小啲𡃁,因為佢哋可以係青出於藍。

    :{ 甘麥基

    回覆刪除
  37. 歪歪

    多謝你咁有誠意先
    寫下寶貴意見

    真理愈辯愈明
    你提供一些我看不到的盲點
    咁樣討論對我寫嘢好有幫助
    謝謝

    :〕iron man

    回覆刪除
  38. 卡臣:
    利慾真係會薰心
    友情是長線, 眼前利益是短線
    通常人沒有耐性
    ==>是!所要要懂適當的取捨!

    回覆刪除
  39. :〕iron man:
    『真理愈辯愈明
    你提供一些我看不到的盲點
    咁樣討論對我寫嘢好有幫助』

    吓,「真理」呢兩個字太沉重,我嘅睇法你肯聽同討論,就算最後認同與否都唔重要,因為大家已經透過交流,明白到對方嘅觀點,呢樣先係最重要。

    你話呢個故事係向死亡筆記致敬。呢個世界太多唔公平嘅事,每日不停响四周圍發生,如果有方法可以警惡懲奸,其實好多人都會想做。唔知你有冇睇過一套美國電視劇叫‘Dexter‘(嗜血判官),係講一個日頭做CSI嘅血跡專家,夜晚就會替天行道,去殺嗰啲逍遙法外嘅犯人。

    呢種亦正亦邪嘅「無名英雄」,比起刀槍不入嘅超人來得更真實同有血有肉。冇睇過嘅話,我就特別向你推薦。

    :D 叮噹

    回覆刪除
  40. :D 叮噹

    你推薦‘Dexter‘(嗜血判官),
    我立即去揾嚟睇吓先!
    (抄吓橋先...)

    繼續交流呀!

    :0 Kerrobi

    回覆刪除
  41. :0 Kerrobi

    你有時間睇完話我知覺得點。

    繼續交流?一定奉陪!

    :{) Teletubbies

    回覆刪除
  42. :{) Teletubbies

    我上大陸網找尋
    正版太貴了

    交流?梗係!仲使講咩?!

    :@ 布魯圖

    回覆刪除
  43. 又一次證明: "不要跟一個人和他議論同一個圈子裡的人, 不管你認為他有多可靠 !"

    始終人心隔肚皮.

    俾我係阿 KENT, 我會先升 EDWIN 職, 如果真係靈驗, 就再升自己,升得高級過佢....XDXDXDDD

    回覆刪除
  44. kateyip

    「 如果真係靈驗, 就再升自己,升得高級過佢」<--哈哈!
    幾時都話女人最細心!
    咁做就攻守得宜

    回覆刪除

LinkWithin

Blog Widget by LinkWithin