~~~~~~~~~~~~~~~~







2008年10月9日 星期四

死亡Blog記 - (上集)

死亡Blog記- (上集)

晚上12時,Kent在睡房內,十隻手指在電腦鍵盤上「霹靂啪嘞」,
他一邊寫一邊嘴角陰陰笑,滿足地完成一篇網誌後,按下「發佈」鍵,
一篇講Office的諷刺文章便上載到他的網誌上,
Kent習慣每晚臨睡前寫私人網誌,藉此抒發個人對公司的不滿情緒。
寫完網誌後,便倒頭大睡,翌日7:30分起床,到紅磡上班。

Kent上班的地方位於紅磡區一座工業大廈,一間僱有70位員工的珠寶製造工場。
公司分為寫字樓、設計部、配石部和鑲嵌工場四個部分。
辦公室再分人事部、會計部、營業部和電腦部。
這裡人人都叫老闆黃先生做「大黃」,他由「紅褲仔」出身憑雙手打天下,獨資創辦這間公司。
雖然「大黃」今年59歲,但他仍十分有魄力,每天在公司內批閱珠寶設計款式、揀選寶石、監督師傅的手工水準、親身接見一些大客戶等等。

在辦公室內,阿Kent坐在辦工桌前,正把珠寶的版單分門辨類,之後再filing,
Kent的銜頭是辦公室行政(Office Admin),他是去年才畢業的商業副學士;
經學校的職業介紹處,找到這份工作,由低做起,什麼雜務都由他跟頭跟尾。
基於工作關係,Kent跟公司各部門的同事都有接觸,交過交手,
對於珠寶的製作工程,由設計、配石、做模、鑲嵌、打磨至品質檢查整個過程,他都瞭如指掌。在上司眼中,Kent是一名盡忠職守的標準員工。

雖然公司只得70位員工,但有人的地方就有人事鬥爭問題的存在,
Kent在一年時間內,由於跟各部門工作上接觸的關係,
他已清楚了解到公司內「邊個係人?邊個係鬼?」
見到好相遇的同事,就傾多兩句偈、交吓心、
見到麻煩的同事,就響起防範警報,敬而遠之。
公司內各人脾性、蠱惑陰濕定正直磊落,他都心裡有數。

Kent一遇到公司有激氣嘢,就愛寫下來,用文字發洩一吓!
他開了一個Blog,替公司每個員工起了一個花名代號,
將不滿事件改頭換面寫成短篇故事,搬到Blog上去,
踢穿邊個同事專篤背脊、邊個假公濟私、邊個以大欺小等等。
把鬱結寫出來,人也舒服許多,他不計較有否讀者看他的文章,
至目前為止,仍然是「零回應」,但Kent唔介意,
因為他明白他的文章主要功能是拿來自娛和發洩而已。

這個星期,公司來了一位年輕的新同事叫Edwin,職位是Sales Executive,負責到零售商推銷珠寶及接珠寶訂單。
Edwin是21歲初出茅廬的畢業生:父親早死,家境清貧,住在深水埗屋邨,
Edwin剛畢業,不懂人情世故,戇直魯莽,又唔識講說話嘅藝術,成日撞板。

Kent因要幫補家計,十四歲起,已於課餘時間到快餐店便利店當兼職,社會經驗、待人接物、鑑貌辨色,說話得體,一點也不輸蝕!
Kent見到Edwin咁「弱雞」,回想起自己以前也是「無嚟老醒」嗰類人,幸而當時有一位supervisor對他愛護有加,肯提點新人,否則幾年後自己仍是一嚿飯。

有一次Kent在Pantry碰巧遇上Edwin,Kent看見入世未深的Edwin,
想起自己當年也是年少無知。Kent同情心起,忍唔住主動向Edwin提點兩句,
從此兩人便熟絡起來,經常一起相約吃Lunch傾偈。

Edwin經Kent提點後,人也醒目咗,不像以前經常撞板捱鬧。
Edwin十分慶幸能交上像Kent這樣的朋友,Kent和Edwin吃飯時,Kent簡單地告訴Edwin在公司裡,哪個是奸?哪個是忠?哪個要提防?哪個可靠?
Kent更將他的Blog跟Edwin分享。Edwin看到文章抵死啜核之處,都在電腦屏幕前笑到拍爛手掌!
Edwin表示有興趣一齊寫公司故事,Kent把Blog的password告訴給Edwin,
之後,Edwin寫過兩篇關於Sales Department的辦公室趣事。

某一晚十時半,Kent在家中開啟電腦check網誌時,咦!有一個留言喎!
Kent寫了幾個月網誌,終於首次有讀者回應喇!
如在沙漠上流浪了幾個月,第一次遇上另一個沙漠旅客般興奮!
心諗唔通係Edwin給自己留言?馬上click開留言查看是誰?心裡極希望是一位女讀者!

「¤@­Ó³£¤£¯à¤Ö¶º§½¤@­½Ð°Ý02/05 ¦³®É¶¡ / ¿³½ì¥X®u¶º§½¶Ü?」

竟然是一名匿名者寫出一堆沒有意思的亂碼,Kent隨即致電Edwin問他有否留言給自己?Edwin回答沒有。
一時間兩人都唔知道呢堆亂碼的來源。不經不覺,已經傾到十二時,
Kent有點眼睏,決定今晚唔寫,休息一晚。

自從這一晚,這一堆亂碼出現之後,怪事就開始陸續發生!

第二晚,Kent如常臨睡前寫Office故事,內容講配石房主管「坤哥」的惡行。
坤哥是老闆年輕時的同門師弟,所以老闆對坤哥十分信任,怎料坤哥向寶石supplier私下收取回佣,
間中採購一些低品質的鑽石,從中收回佣,袋袋平安,這內情是配石部師傅偷偷爆俾Kent知道。
Kent將「收回佣事件薄」改名換姓寫下來,故事的最後結局是自己加上去:「『邪棍』被『獎門人』發現收回佣,獎門人勸邪棍自動辭職,斗零都無補俾佢!」發佈文章後,抒發完情緒後,Kent便上床瞓覺。

第二天傍晚,臨收工之時,Edwin打內線電話給Kent,
Edwin好緊張咁講:「喂…喂…你噚晚嗰篇文…竟然…竟然…發生咗!阿坤哥被老闆…勸佢自動辭職…仲即時生效添!」
Kent張到嘴巴成O型:「吓!咁邪!又會咁準嘅!?」

Kent在電話中,輕聲說:「唔通……唔通…個Blog……有預知未來嘅能力?」
Edwin:「吓!咁神奇!唔通…嗰堆亂碼…係外星人或者靈界…?」
Kent:「喂!唔好講咁多,我哋即刻買條六合彩,我將嗰六個冧吧寫喺Blog度,話係下期開嘅!嘩!我哋今次發梗啦!」

Edwin舉腳贊成,當天放工後,兩人一齊去投注站買六合彩,當晚把「中六合彩情節」寫進Blog內,等待星期二公佈攪珠結果,兩人下半世發唔發達?寄望在這次開彩啦!

到了星期二晚上,兩人放工後相約在茶餐廳,緊張地握實獎卷,盯實電視機攪珠直播:

「The first number is 7…」

待續

中集於10月11日星期六晚上張貼

40 則留言:

  1. the background of your characters are usually described in very fine details,

    i think edwin is the one who plays the tricks...

    回覆刪除
  2. nost

    哈哈! 咁快就估999誰是兇手?!

    星期六晚見

    回覆刪除
  3. 好想快d知結局呀..
    不如快d post啦..

    p.s..第一次留言..其實我睇左呢個blog好耐呢...

    回覆刪除
  4. Kelly

    多謝妳的支持先

    一次過post埋?
    好快就夠十篇
    咁月中打後做乜好呀?

    咁....好快就星期六架啦

    回覆刪除
  5. 周末快d 到啦...

    晌呢個「後迷債年代」(又關事?), 卡兄令網友重拾一種上世紀老豆老母年代的 "追睇小說"的癮頭, 搞到讀者鬼咁春心蕩漾,好衰架... ^^

    回覆刪除
  6. 渣sir

    多謝你肯追先!

    除了睇小說, 我將會發起行工展會,
    坐涼茶舖,打天狗,照田雞 及百萬跳.....

    回覆刪除
  7. 卡兄:

    我好耐無追睇既習慣, 如果你肯將blog拍成電視劇, 可能係世界上最精彩既電視劇!

    喂..好在你提下我, 你知我都有寫公司野, 寫完真係心情舒暢架!

    我估..亂碼係亞大黃既留言!

    回覆刪除
  8. 自由行

    如果將我blog拍成電視劇, 可能係世界上最巴鬼既電視劇!
    收視插水

    妳寫完公司野, 心情真係舒暢啲架!
    我寫完男女錯摸故事, 心情真係舒暢啲架!

    回覆刪除
  9. 小瓶子

    妳好叻!完全估中哂!
    正因為妳真係估中結局
    所以我delete咗
    非常之抱歉
    非常之抱歉
    非常之抱歉

    妳睇戲果陣,
    都唔想後面果位一早講咗結局出嚟呱?
    希望妳見諒

    回覆刪除
  10. 男女錯摸乜野先? 至怕摸著八兩金同夏蕙衣

    p.s. 好驚喎! 上次同你講有同事問你(facebook) 都係叫kelly, 唔通.... oh..出事添! 唔駛等星期六, 個中集同結局同時上映!

    回覆刪除
  11. 自由

    有冇搞錯?!!
    上次我話如果呢位同事係男性,妳就當唔識我
    如果呢位同事係女性,妳就立即介紹俾我識
    妳就無哂下文..

    點知妳而家先話俾我聽她叫kelly?
    又唔介紹
    除非....kelly是男同事
    咁就...算罷啦!

    回覆刪除
  12. 哈哈,引人入勝,好正!

    你好嘢喎,珠寶公司啲嘢咁熟嘅,寫來如在目前!

    回覆刪除
  13. 卡臣:

    我都有名你叫"自由", 咁就梗係你地自由攪掂架呀! 而家唔興介紹架呀!自由組合呀!

    回覆刪除
  14. Laulong

    多謝先
    我熟珠寶公司
    因為我有個朋友叫阿kent
    佢真係做珠寶

    加上無線台慶劇「珠光寶氣」就快上
    等我贈吓慶先

    +++++++

    自由

    我知係人都愛自由
    但人海茫茫
    妳叫我點揾kelly吖?

    妳這剎那在何方?我有說話未曾講~

    回覆刪除
  15. 有緣千里能相會呀!! 你去番o個度搵呀!

    回覆刪除
  16. 自由

    我去過殘廁,無人喎!
    唉~~算罷啦!

    ++++++++

    海火火女

    he he he he he he he!

    回覆刪除
  17. Hey, which number were written on the lottery? Let me know so I go buy it.

    Had been a bit busy last week, went on a mini business trip. Now that I am more free you will see more of me again!

    回覆刪除
  18. 卡臣:
    鐘意晚上發表blog文章唔係卡臣來既咩??
    呢編自述來ga??

    回覆刪除
  19. 卡臣:

    六合彩跟你d no.買, 唔中有無得賠番6, 7成先? 無就唔好講出黎呀! 唔係我去你公司請願架!

    回覆刪除
  20. Deserfox

    去了business trip呀?
    咁快就冷落嬌妻?
    定帶埋一齊去呀?

    多啲嚟坐,好呀!
    唔使買嘢上嚟

    +++++++

    佚名

    我雖然夜晚post文章
    但寫office激氣嘢...似乎似自由行多啲喎

    如果我有改變現實的blog
    必寫.....世界和平
    真架!

    ++++++

    苦主(行)
    雷曼餘波?
    唔中都要我包底?
    我都係苦主嚟架!

    回覆刪除
  21. 係架! 又唔會出聲丙, 唯有用呢個方法呻下, 都幾好架!

    你係苦主? 咁一齊去遊行呀!

    回覆刪除
  22. 自由

    咁祝妳寫乜都成真啦!

    我老了,見到公司不合理的荒誕情況
    咪當鬼故咁睇囉
    總之唔好激親自己

    遊行?等我揾口罩,cap帽,banner
    同大聲公先

    回覆刪除
  23. 卡兄:

    >我老了,見到公司不合理的荒誕情況
    咪當鬼故咁睇囉
    總之唔好激親自己

    我都係抱呢個心態, 當睇戲咯! 但係佢地次次都攪著我o麻....頂!

    你咁靚仔, 唔駛口罩呀! 你驚人認得你,標你心呀?

    回覆刪除
  24. banne? 我直情要寫血書呀!!

    回覆刪除
  25. 自由

    >但係佢地次次都攪著我o麻....頂!
    咁就可怒也!
    河水犯并水就要表達吓啦

    你咁靚仔?
    相反,我太樣衰
    驚俾差佬告我「有損市容」

    banner 血書?
    我演街頭劇抗議
    預埋妳啦苦主

    回覆刪除
  26. >banner 血書?
    我演街頭劇抗議
    預埋妳啦苦主

    好呀! 我扮banner定扮血書呀?

    p.s. 你星期六都要返工? 咁早覆??

    回覆刪除
  27. 自由

    妳扮血書啦!(妳有貨嘛)

    我五天工作
    不過慣咗早起唧!

    妳在上班中?

    回覆刪除
  28. 你前兩篇題目也是OFFICE令我看第一段都猜KENT就是你...哈哈
    好心急中/下集x1000000!!!!!!!!!

    回覆刪除
  29. >我老了,見到公司不合理的荒誕情況
    咪當鬼故咁睇囉
    總之唔好激親自己

    可能要功力好深厚先掂....

    回覆刪除
  30. jessie

    咦? 妳從NY回港啦?
    happy啦!

    我係阿kent? 哈哈!
    如果我認咗大家會睇得開心啲話,
    我唯有認囉~~~

    阿kent中唔中六合彩?
    今晚12:00前有得睇

    ++++++++

    火女

    >可能要功力好深厚先掂....

    ==>時間會將妳的菱角磨平
    好似uncle car咁
    物移心靜

    回覆刪除
  31. 卡臣:

    血書? 我有貨, 但轉頭又唔記得.
    我邊你你咁好命水返5日工, 我5.5 days.

    uncle car 物移心靜, 真係要好高境界.
    如果有個噴血美女o係前面, uncle car 唔知可唔可以仍然物移心靜? 哈哈!

    回覆刪除
  32. 卡臣:
    我雖然夜晚post文章
    但寫office激氣嘢...似乎似自由行多啲喎

    如果我有改變現實的blog
    必寫.....世界和平
    真架!
    -->嗯!討厭戰爭!生命可貴!不應有戰爭,人亦如是不應有爭吵!

    回覆刪除
  33. 已經係星期六晚上喇喎!
    點解仲未有中集啊..
    等待中.....

    回覆刪除
  34. 自由行

    靚女?
    立即噴血


    ++++

    佚名

    imagine all the people, sharing all the world, you may say i'm a dreamer, but i'm not the only one.

    ++++

    Kelly

    sorry! 遲到!
    嘿嘿!證明妳真係想睇喎

    回覆刪除
  35. 卡臣:
    imagine all the people, sharing all the world, you may say i'm a dreamer, but i'm not the only one.
    -->嗯!世界和平係好多人既夢想,但有d人居然想地球快d滅亡><!

    回覆刪除
  36. 佚名
    >但有d人居然想地球快d滅亡!
    ==>佢哋係咪外星人吖?
    星球大戰

    回覆刪除
  37. 卡臣:
    佢哋係咪外星人吖?
    星球大戰
    -->唔止一個人,好耐之前係論壇睇全球暖化,d人係咁講!!
    咁唔愛惜地球!!

    回覆刪除

LinkWithin

Blog Widget by LinkWithin