~~~~~~~~~~~~~~~~







2008年5月23日 星期五

殺入娛樂圈

殺入娛樂圈

好多自問樣貌上鏡的青春少艾,
他們夢寐以求的理想可能是入娛樂圈,
大紅大紫後,名利雙收!
究竟有乜途徑可以入娛樂圈?
以下是其中十種方法:

第十位:藝員訓練班
TVB藝員訓練班,近年來已沒有定期招生時間表,
在訓練班畢業後,便可能有機會於電視劇出鏡,
由閒角慢慢浸起,日後發展就睇自己造化。
周潤發都係由【民間傳奇】中的門口衙差做起,
這條途徑入電視圈是最簡單直接。

第九位:新秀比賽
以前無綫搞新秀歌唱比賽,
捧紅梅艷芳、呂方、杜德偉。
2004年無綫與英皇娛樂集團合作,
改稱《英皇新秀歌唱大賽》;
將吳浩康、泳兒、洪卓立、鍾舒漫等新人帶進樂壇,
為愛唱K的少年提供勇闖歌壇的入口。

第八位:選美活動
先有港姐亞姐華埠小姐,後有電視先生、香港男士,
為自問是型男型女的任何年紀人士,
提供進入電視城的途徑。
落選又上鏡的佳麗,不需要等一年卸任後,
便可以立即有Job接,拍劇做司儀。

第七位:省鏡模特兒
八卦雜誌報導名模的明爭暗鬥,
男女多角關係,撻著分手再返兜,模特兒成為紙上明星,
有些混血模特兒拍電影出唱片,
所以,只要先成為名模,
便有機會乘搭娛樂圈的直通車。

第六位:唱片騎師(DJ)
森美小儀、I Love You Boyz、
軟硬天師、都是從收音機殺入電視機,
再拍廣告、出唱片、出書、殺入影圈,
電台每年搞DJ訓練班,
不少自認口才了得的少年參加。
以前考DJ先注重聲線,現在當然要先睇樣!

第五位:遊戲節目
電視台搞由觀眾參加的真人show遊戲節目,
「殘酷一叮」帶出:喬寶寶、馮文樂和莫凱謙,
「一擲千金」帶出「一蚊雞先生」。
有些觀眾為了脫穎而出,甘心作騎呢打扮!
不惜付出任何代價,誓耍殺入娛樂圈。

第四位:電影招募
電影開拍前,用招募演員搞吓宣傳,
大班自問有演戲細胞的準演員去試鏡,
或者行街的時候,選擇多去旺區,希望被星探發掘;
李燦森都係踩緊滑板嗰陣被陳果導演所發掘。
當然也有不少所謂星探是騙財騙色的陷阱!

第三位:明星親戚
做明星的親戚可謂「近水樓台」,
衛蘭引入衛詩、陳慧琳引入陳司翰,
江欣燕引入江欣慈、杜德偉引入杜德智、林姍姍引入林海峰。
謝賢嗰仔叫謝霆鋒、成龍嗰仔叫房祖明、
許冠傑嗰仔叫許懷恩、肥肥嗰女叫欣兒。

第二位:專業人士
專業人士也可以涉足娛樂圈,
睇風水嘅蘇民峰麥玲玲楊天命李丞責、
飲食界嘅轁轁、李純恩、李錦聯、
寫作有陶傑、王貽興咁,
撈到去電視台電台,主持清談節目,
對鏡頭講吓風水、歷史、美食、生活品味。

第一位:自資出碟
如果以上各途徑都未能把你帶入娛樂圈,
最後一著就是自己出錢捧自己!
20年前有夏金城變賣的士自資出碟,
近有顏福偉自資灌錄唱片。
或者有個強勁老豆做back up,
Juno有充足水源射住;
開句聲就已經有大把人肯走出嚟幫手,
有錢嘅出錢!有力嘅出力!
少爺仔大腳踩油門,120咪駛上highway,眼都唔使眨一吓,
使乜同啲仲發緊夢嘅平民百姓,一齊行埋啲迂迴小徑啫?

79 則留言:

  1. 講真丫,借游戲節目加入娛圈,就唔係好 work 既我覺得,果條亞星橋寶寶屬於幾例外。

    明星親戚就...有啲可取性,但好弔詭,最怕係 A 帶 B 入娛圈,如果好親既關系,啲觀眾又可能會成日唸 ,B 會否有 A 既影子,就弊喇。

    藝員班而家玩完了,DJ 都可以,但通常搵唔到咩錢,就算卓韻芝都麻麻地搵 $$$。

    選美似乎係最好或最可行性大既途徑,弔詭地,通常【落選左】果啲,反而星途仲好喎。

    電影招募...直頭 PK 架,做小丑兼近乎免費茄厘啡。

    專業人士都幾係,但通常係知識型節目( 可能仲好添,有地位嘛 )。

    自資出碟把鬼...

    回覆刪除
  2. 學跳舞都得掛。好似城城小春咁。
    做舞台劇得唔得架?

    回覆刪除
  3. you yourself should have entered the show business... I've said this word years ago.

    回覆刪除
  4. 如果妳係女,又抵得諗,可以經楊生。好黑暗囉~

    回覆刪除
  5. 大文兄

    明星親戚..综觀都是兩個只能活一個,
    後來者通常紅唔過前者.


    【落選左】果啲佳美
    肯瞓身肯搏,chance大過背負名銜的正印

    自資出碟...或者網上upload自己啲歌
    都係一閃即逝,

    eric
    係喎!
    做舞台劇都有例子
    蘇玉華,謝君豪,詹瑞文

    nost
    我?....攞嚟獻世都嫌阻訂!

    回覆刪除
  6. 大文,素素, eric

    多謝你地同我揍夠數
    喺【按摩椅】度揍夠齊頭90
    我原本想喺【按摩椅】度多謝你地
    但係就破90多1,
    所以改係呢度講聲
    感動
    唉~突然想喊,
    咦!不過男人唔應該易喊
    收番啲淚水先.

    回覆刪除
  7. 素素

    楊生話想要個女新人英文好啲
    可以拍荷里活電影,
    頂阿嬌喎,
    仲包機票酒店

    素素
    回流發展, 諗諗佢
    同Yumiko, mani做同事
    應該幾...

    回覆刪除
  8. 素素:

    亞楊生果 d 唔係 daddy issues...

    係契爺 issues 嚟架 ~

    ( 無嘢,即丫我提下咁嗟 ~)

    回覆刪除
  9. 佢好似好鐘意D單親家庭嘅女? 好似"容早yee"咁,得個老母。

    回覆刪除
  10. Daddy issues - Young girls attracted to older men.

    Sugar Daddy - Girl sleep with older rich man (sugar daddy)for money.

    回覆刪除
  11. 如果個女仔眞係lum個老嘢,佢有daddy issue.

    如果只係為錢,個老嘢只係佢sugar daddy,都有D男人有老女人包,係sugar mommy。

    回覆刪除
  12. 哈~ 呢個寫得仲正~

    Sugar daddy

    Like a genie - he may be a little old, but if a girl rubs his lamp, he'll grant her wishes.

    回覆刪除
  13. 亞楊生呢,唔係佢自己要搵契女...

    佢主要【職責】,係幫其他有錯佬搵契女架嘛!!!

    知無? ^^"~

    回覆刪除
  14. 契媽呢,唔係男人俾契媽包...

    而係【男仔】,男仔,知無?要有氣有力果隻,最好【實的的】,充滿.....力量。

    腰力好緊要架,你知啦,成日要同契媽做...即係話做粗重嘢呀、拎重嘢...無腰力點得架?

    回覆刪除
  15. 素素

    我明白啦!
    Sugar daddy = 神燈
    印度神油個logo都係神燈!
    吓?唔知乜嘢係印度神油?
    sorry!當我無講過啦

    妳梗係唔使sugar daddy啦!
    妳自力更新!靠自己
    不過...如果真係有一筆快錢
    妳要幾多錢先會考慮?
    注意:我話妳會考慮咋!
    唔係應承!

    大文
    契媽搵啲契仔一齊去shopping
    叫契仔幫手拎嘢
    順手買啲嘢俾契仔
    契仔做埋司機,接送
    聽講而家韓國有「寵物男」
    供女士把玩
    請問...邊度學韓文最快最平?
    come sun me da!

    回覆刪除
  16. 小妮
    放片上youtube?
    我見過啲騎尼人唱歌自拍
    難聽之餘佢個樣又唔開胃
    咁都入到娛樂圈?
    除非再拍【魔戎】,
    需要大量「半人獸」啦!
    (當然有啲好樣啲,可以做三線尾四線頭演員)

    回覆刪除
  17. Carson,

    來解釋一下我嘅價值觀先。我本身唔係戀慕名牌/貪慕虛榮嘅人。最愛是茶餐廳嘅美味ABCD常餐和檀島蛋塔奶茶。眞的,唔係話hotel/club嘅唔好食,有時D Cake都好好食。但係好多其他又抵又好食。環境我係唔太care嘅,地方乾淨,食物好吃我更滿足。我對生活要求不太高。如果賺得唔夠多$$咪遲幾年退休囉~ 有時D嘢,我冇咩呢D物質貪念。好難收買到我囉~ 因為就算佢比100億我,我都係照去茶餐廳照坐小巴,行行企企。咁大筆$$其實應該攞嚟開孤兒院,其他嘅invest咗佢。

    回覆刪除
  18. 素素
    妳嘅宣言楊生同parco都收到
    佢地都好尊重妳嘅意見

    佢妳100億,妳都係照去茶餐廳照坐小巴,行行企企...唔~~可唔可以俾幾億我?

    回覆刪除
  19. 不過呢~ 邊有咁多不勞而獲吖,呀楊生比得咁多$$你,實行响你度要挖番更多更多。 你只會成為奴隸。

    回覆刪除
  20. 自由自尊、身體健康係無價寶。賣哂D Gucci LV,豪宅都買唔番。

    回覆刪除
  21. snowy
    又係喎!
    世上無FREE LUNCH喎!
    咁我繼續靜靜地開工
    繼續黐膠花啦

    回覆刪除
  22. 如果健康真係財富的話,
    咁我都算係幾有錢

    回覆刪除
  23. 好,fine。
    根據【卡臣 blog reply Index】指數既增長率,目前有 27 reply ,快到廿九幾個喇。

    可望上試 50 大關,並試穿 90 reply 心理關口,凸破 100 機會甚大,整體基調良好。

    回覆刪除
  24. Parco 同楊生都唔係最好,大劉好啲,起碼有樓過手。

    我偶像李澤楷就攪惦左依沙貝拉喇,貝沙灣喎,唔係九龍灣架。

    回覆刪除
  25. 咦?好熱鬧啊!來湊一下熱鬧……

    其實新秀比賽和選美活動應該會是最實用的方法吧,其他的都很看運氣。

    電影招募呢……英美的情況比香港好囉,因為人地真係好有才華同天份先至會入選架wo...香港果D後生D個樣OK靠小小關係上位就得啦…

    回覆刪除
  26. 其實,我都係對生活無乜要求既人,無乜要求,甚至寫稿都無乜要求。

    生活很簡單,求其:

    住得舒適,食得招積;
    屋夠大,冷熱齊備,
    有衛星, wifi 寬頻大會指定;
    有架二手車仔代下步咁,Audi 凌志 OK,
    親力親為,兩個工人夠,唔駛司機既;
    基本上唔駛返工就得喇,其他嘢無乜所謂。

    唔.....交友方面...,一般 Model 囉,普普通通唔駛上 Vogue 都得架喇。( 女 Model ,男 Model 免問,多謝合作! )



    醫生: 陳大文!夠鐘食藥喇,唔好周圍走喇 !

    (._.")~~~~~

    回覆刪除
  27. 素素 ~~~~

    我見到好多個哈哈笑公仔......幻覺?

    我有食藥架.....唔好蝦我呀...

    回覆刪除
  28. 人地呀楊生係老實商人黎架。哈哈哈。

    回覆刪除
  29. 文叔(陸叔嗰friend)

    其實呢隻網股隨時會爆
    股價插水見底,仙股都好過佢

    股價可升可跌,大家隨心
    不過如果嗰段文要有100段留言
    嗰個題目一定要好好好有爭議性
    不如...文叔你公開你的真身或者生活照
    應該勁有震撼性!
    留言至少坐100望200!


    大劉雖然有樓過手,但係就要識得將啲乒乓球,哥爾夫球....。

    如果依沙貝拉住貝沙灣, 咁李嘉欣同許晉亨
    咪住喺嘉亨灣!(sorry 爛gag (..^)

    回覆刪除
  30. 婉兒

    妳好!
    係呀!香港啲talent show好把鬼
    唔似妳英國有真材實料
    好似果位Paul Potts咁
    其貌不揚,唱opera超勁
    佢醜樣都好紅
    唔似香港只要靚樣後生, 
    新人最好15歲左右

    所以娛樂圈甘草年齡已降到30歲

    回覆刪除
  31. eric

    楊生係老實商人黎架!
    你講果位楊生係楊協成,賣涼茶嗰位?

    回覆刪除
  32. 大文
    講開對生活嘅要求
    其實我同你差唔幾.
    早上5點起床禪修
    9時落田打理我塊有機農田
    中午食沙律(素食主義者)後去做運動
    踏單車出入,環保啲
    下午寫作與睇書
    傍晚在咖啡館跟朋友討論電影同戲劇
    晚上高溫瑜珈
    9時前冥想後,睡覺... 

    我係Sim city入面生活嘅.

    回覆刪除
  33. 卡叔:

    你呢隻直頭【 A 股】啦!

    A 股,A A 股,明嗎?【 A 】 股架!

    好嘢嚟喎,哎呀,我唔敢插旗架,A 股嘛 ~~

    回覆刪除
  34. 都係講少D啊楊生,費事無啦啦俾人打就唔好啦....

    回覆刪除
  35. 我公開真身.......其實係女人...@@~

    ( 講笑嗟 ~)



    本人卅九幾、身高五呎四,> 三百度近視 ( 無惡化 ),有公屋戶籍、銀行存款已成功過五千 ( 可免除手續費 )、待業、懂電腦、擁有奔騰 4 ( Intel P-4 )電腦和彩色液晶屏,家中設備:上有寬頻下有微波爐 ( 二手操作正常 );全資擁有八達通 ( 已存 $ 50 ) 一張;會適量地觀看 AV 、已轉看東方日報。


    本人懂操作視窗 XP ( 包括剛學懂使用 Nero Burning Rom 成功刻錄光碟 )。


    註:本人為少青派地中海,已成功脫變 I.T 李澤楷髮型。並持有 Addias 品牌波鞋一對。


    本人至今,經濟無問題,有支付上網費,及可節約地購買長城牌 195 克《白豬仔型號》之午餐肉。


    本人興趣多方面,日頭吹口琴夜晚玩健身 ( 但不成功 )、知道有貝多芬,有深圳 D-9 西方電影大量,也喜愛收集深圳 ( 完美版 ) 古典音樂 C D 。本人相信藝術可陶冶性情,因此已申報街坊福利會之 2008 《 專業青年夏令口風琴初級班》。


    2008 本人增添不動產計劃包括:分期購買豐澤牌 FFW 616-B 型號之( 大眼雞 ) 洗衣機一部、及考慮買車。 初步考慮為 《家寶牌》二輪鋁質手提行李拉車一部。日本城有售。


    本人寫部落純為興趣,與金錢無關 ( 其實想有,但唔係話有就有咋! )

    回覆刪除
  36. >不過...如果真係有一筆快錢
    妳要幾多錢先會考慮?

    又唔見你問下我(價)?

    回覆刪除
  37. 唔使問了,原來要15歲!

    我個女過多兩年都15歲囉。

    回覆刪除
  38. eric

    我諗楊協成先生唔會無啦啦打人.

    hana

    我梗係唔使問妳價啦!
    妳有間廠, 唔似我得粒糖
    $對於妳來說不是問題!

    回覆刪除
  39. 大文兄

    對於你的自我簡介
    風趣幽默,謙謙有禮!
    本人已sent咗去徵婚介紹所
    結果獲得不少少女及中女回應
    希望跟你相見短聚
    輕者想促膝相談
    重則想僻室尋歡
    更甚者已備海馬牌大床
    酒席二十圍
    及肚裡的bb等緊你

    大文兄
    恭喜哂!開花結果,開枝散葉!

    回覆刪除
  40. 你點解會覺得我的自我介紹係講笑? :)


    *********


    只要坐在電腦前,一個 Login ,在網絡上給人的觀感,是否就是背後其人的真象,誰知道,答案在當事人心裡。


    而家係 Web 2.0 世代,我地其實活在半幻象的世界,只要參與網絡,可以說任何事情,只要未見過真人,有任何可能性,只是描述的技巧高與低問題。


    可能只是一個超級市場理貨員;或是一個廿五歲的兼職小子,甚至是一個貪玩的名人; 還是竟然是一個女人?

    卡兄你又啟發了我 ~~

    我說上述這些好像忽然令氣氛緊張了,也疑惑了...




    講下笑嗟。 @@"V~

    回覆刪除
  41. 卡臣,其實你點"殺入娛樂圈"㗎?點解會做咗舞台劇嘅?

    聽講娛樂圈好黑暗,你入行咁耐有冇啲契媽/契爺提出“照顧“?甚至問價呀?

    抑或要俾導演一啲“甜頭“先有戲演呀?

    回覆刪除
  42. 其實,世上有樣貌演藝天份的人物真不少,能夠遇到伯樂又真正成名的又有幾多?似乎,仍要看運氣與際遇,時也命也。就算那些大明星的第二代,擁有許多優先條件,也不一定會紅起來呢。

    回覆刪除
  43. 大明星的第二代,通常都平平無奇。

    eg :房祖名,一啲 character 都無,人一個。

    回覆刪除
  44. brother man
    sorry呀!爸打
    我並無意思話你的介紹係「講笑」
    而係充滿幽默感
    絕無眨意!

    好似教書咁,同一課書
    有啲阿sir講到好悶
    有啲阿sir講到好精彩
    你當然係後者啦!

    係呀!網絡背後的身份
    真係可以好吊詭
    可能性係無限
    好啦!輪到我講嘢
    其實我係...卡臣嘅代筆
    卡臣連email都唔識得send
    更遑論打中文?
    我係佢嘅劇團朋友
    我叫....

    歪歪
    我喺娛樂圈制度嗰「邊皮」嗰「邊皮」
    接觸唔到核心
    所以唔知啲黑暗嘢
    吓? 有啲契媽/契爺提出“照顧“?
    咁請問你識唔識得「媚姨」呀?介紹吓
    我嘅電話係:9990 8888
    謝謝!

    我個導演係直佬
    所以唔使俾甜頭
    我幫你問吓啲女演員, 使唔使咩呀?

    回覆刪除
  45. 巴黎旅客 / 大文兄

    大明星的第二代, 一代不如一代
    無charm 無演技,貪威識食

    我諗唔單止係娛樂圈
    成個香港都青黃不接
    點搵接班人?

    回覆刪除
  46. 係囉~ 通常D人係網上會有幾多成係真呢呵?

    回覆刪除
  47. mona
    我都懷疑緊妳係咪教書
    我估妳係太子女
    打理爹地個畫廊
    出席吓慈善晚會咁囉
    夠鐘入閘啦, 妳快啲上機飛去阿拉斯加睇極光啦.

    回覆刪除
  48. 耶,我邊有間廠丫,最多咪有兩粒糖囉。我都係打工jar總要係打幾份工添。

    回覆刪除
  49. 哇我都想係呀~ 即刻pet低哂d野返屋企訓覺~

    冇計~我份人出名好誠實(hehe),打出黎的野都係100% truth!!

    卡臣你有冇d咩要confess架?嘿嘿~

    回覆刪除
  50. 卡 Sir Zen :

    近排除左興玩 reply 累積多寶彩之外,仲興玩 Show 樣喎。

    喂咁你應該換番幅才俊 feel ,或者比較荷里活少少既靚仔相嘛,唔好再用呢幅乞兒相喇。


    ( 即丫扮相乞兒嗟 ~~ )

    回覆刪除
  51. Hana
    妳打幾份工?
    即係身兼董事,主席,顧問,榮譽會員....

    mona
    我都好真
    我都想寫自己24歲獨身自住有部benz
    結果我如實直寫
    三十幾歲2人共住啱啱賣咗架車
    連有老婆都寫埋
    妳話我幾老實呀!

    大文
    嘩!hana由一張電眼相去到大頭特寫
    引起一陣哄動
    snowy又真樣示人
    好!大家都咁坦白
    我一於拎走張乞丐相
    換張全身相先.
    如果大家喺街度認到我
    千祈咪噓我呀!

    回覆刪除
  52. 「媚姨」我就唔識,樂小姐同Mani啱唔啱呀?聽講有佢哋照顧都可以名成利就㗎!

    “我喺娛樂圈制度嗰「邊皮」嗰「邊皮」“

    咁點解唔見你好似其他舞台劇演員咁Crossover去電視同電影(娛樂圈制度嘅核心)嘅?

    仲有講吓你當初點入行吖!

    回覆刪除
  53. 歪歪
    「咁點解唔見你好似其他舞台劇演員咁Crossover去電視同電影(娛樂圈制度嘅核心)嘅?」
    你係咪係度「帝」緊我呀?
    咦?點解啲窮人肚餓要食榭根?
    點解唔食牛扖呀?

    我點入行?
    請參閱阿強回憶錄之【初踏台板】
    佢嘅遭遇同我好相似

    回覆刪除
  54. 唔....well , 卡 zen :

    全身相未必夠好,即呢,好似人地保險果啲呢,乜乜【圓桌會議 Silver Stuff】果啲呢,或者立法局議員參選果張造型照,會好啲囉。


    hana 呢,應該好忙,董事總經理 + CEO + 主席 + 廠長 + 行政總裁 + 可能仲未計東華三院總理架大佬。


    關於卡兄點入行....嗱,老老實實,唔好又係話我聽:【 hey!唔知架,撞下撞下唔知典解就入左行囉!】


    【行】到暈.....

    回覆刪除
  55. 舞台劇演員 crossover 去電視電影,電視有部份啦,電影好少咋喎,無乜架喎。


    超!而家入電視圈,駛識做戲架咩,睇樣架嘛,靠關系嘛,仲有,選美都係一個重要渠道。

    電影就唔駛講啦,Sorry :

    乜香港仲有港產片有得做架咩.......?

    回覆刪除
  56. 文兄
    仲【行】到暈嘅都有:
    無!果日陪朋友去試鏡
    我行過, 導演叫我停低,
    導演叫我試讀一段嘢, 之後咪入行囉...

    大頭相..呢家嘢
    想搵張保險精英團隊
    結果出嚟效果似工業意外果啲雙目凶煞相

    本地電影...偶爾拍嚟去國際參賽參展
    如果係商業片, 就=出vcd
    賣得幾多得幾多
    BT都無人吼

    電影導演轉行做廣告導演
    影星接拍廣告
    香港剩低杜其峰+王家衛

    回覆刪除
  57. Too much BT, there is no point to come out with a movie targetting 7 million people when 80% of them is not even going to go to movie theatre or buy the DVD.

    回覆刪除
  58. The result will be filming movies like "Kung Fu" or "Shaolin Soccer" making a fool of themselves in front of the western society. Pathetic.

    Carson, you can see that I am helping the course to boost your comment count to 100+, giving you pressure to come out with a new post quickly to keep up :)

    回覆刪除
  59. 你兩隻野肯定身痕定了!啍!

    >董事總經理 + CEO + 主席 + 廠長 + 行政總裁 + 可能仲未計東華三院總理架大佬。

    通通冇我份!而且真係唔恨做喎!

    打幾份工包括:阿媽、女、孫女、打雜、老師、學生、司機、帳房、花王、廚師、演奏員咁囉。

    回覆刪除
  60. http://carson-chung.blogspot.com/2007/12/blog-post_06.html

    http://carson-chung.blogspot.com/2007/10/70part-2.html

    http://carson-chung.blogspot.com/2007/12/blog-post.html


    我好鍾意以上幾篇,還有其他 hk top ten 。但以上幾篇尤其深刻印象。

    回覆刪除
  61. 我讀完中學之後,我真係去過 APA 報戲劇學院既【編劇科】。

    寫完故事,入 First In ;我有 Second In 架!

    但當然,Second In 後無左下文....


    PS : 我有 Second In 架!!!!!




    醫生: 得啦,咁又點嗟....

    回覆刪除
  62. Desertfox
    多謝你嚟幫手湊數
    但係隨心得啦
    我都唔會強求過百
    不過,諗如果有篇文章留言過百
    咁係乜嘢題目呢?

    大文兄
    多謝你有睇我舊文
    果三篇:香港仔,香港妹,同70年代俗語
    有時,我覺得過癮的文章,大家無乜反應
    我覺得麻麻的文章,大家又好鍾意
    真係估唔到!

    APA戲劇學院唔收你讀【編劇科】,係佢地嘅損失,以你嘅創意諗頭,
    編嘅戲一定好睇。
    算啦!寫blog都可以顯露創意

    回覆刪除
  63. CTM,
    Sounds like me when I told people about my Sun Microsystems application.
    Out of 150 applicants 10 got interview, I was one of them, but then nothing happened after the interview......
    Good experience though.

    回覆刪除
  64. Desertfox
    原來你係發明家!失敬失敬
    你可唔可以幫我研究時光機
    我想回到過去,買條六合彩啫

    回覆刪除
  65. Carson Zen~ :

    不過,去 APA 考編劇,雖然我最後都無緣入讀,但那次的投考,其實是我到現在,最值得回味的經歷之一。


    APA 有三個學院:科藝- Production ; 舞蹈;戲劇,和音樂學院。


    編劇 / 戲劇創作是屬於戲劇學院,當年 Interview 的有: 林立三、鍾景輝、還有乜乜唔記得;林立三主要看有否演戲天份,鍾景輝應該看整個面試者。


    首先在家寫一篇文章談自己為何報 APA ,有通知去 First In 要到場寫一個小劇本,再考下你唱首歌天才表演,也問你有什麼電影心得,戲劇認識之類。


    我當時只有 19 歲,我家沒太多錢看電影 ( 當年,看錄影帶也很貴的! ),我對電影沒多少認識,太年青,對所謂【電影心得】答得很差。


    但我有 Second In ,我...這小伙子心裡很高興,但過不了 Second In 。


    以前, 報APA 的,真是很多有錢仔,也多外國長大的 ABC ,我知道我不是這階層,我也知讀 APA 要很多 $$$$$ 。

    於是我便轉去讀新聞系了。


    其實當年,APA 是不適合我的,而編劇也不是很好撈的行業。但報 APA 的感覺很特別,有別於報一般學科。


    我到現在也不會留戀做編劇,有時世事很奇妙,你很渴望做某職業,但可能永遠做不好,也做不到。 不是一心去做的,可能就是你最合適的道路。


    其實,到現在我幾丫歲人 ( 我都細過你,嘿嘿嘿 @@"V ),我也想過不如玩下,又去報編劇,當是消閒開心一下。



    你有很多文章是很過癮,但可能是當時張貼時,不知怎解人流較少,也遇不到精彩留言。

    我也認為,如你說的,你有些很過癮的文章,反應平平,但有些( 我都覺得 )是麻麻的文章,反而很大反應。

    我沒有這問題,因為.....我係寫稿佬嚟架嘛,我計過數寫乜架 ( 市儈 + 勢利 )


    ......(._.")~~

    回覆刪除
  66. 文弟(我唔怕認老)

    24k白金句:
    「有時世事很奇妙,你很渴望做某職業,但可能永遠做不好,也做不到。 不是一心去做的,可能就是你最合適的道路。」

    人生經歷, 不管是無心插柳, 定機關算盡
    老天爺最愛跟人開玩笑
    我曾經想做教師
    因為以為有暑假放
    原來要返工....

    我個blog多得你/你們留言
    文兄, 你的留言最詳盡,有誠意
    令我看到新觀點
    替大家示範"留言精彩過原文"!

    回覆刪除
  67. 唔係「帝」你,我係想知係你唔吼人,定人哋請你唔起啫!

    “我點入行?
    請參閱阿強回憶錄之【初踏台板】
    佢嘅遭遇同我好相似“

    我就係想比較吓你同“阿強“嘅遭遇有幾相似,既然你咁講,我就明晒喇!

    你仲夠膽話自己喺網絡背後有幾老實!

    回覆刪除
  68. 歪歪
    「你仲夠膽話自己喺網絡背後有幾老實!」
    喺網絡上話自己老實,本身可能已經是一個大話! :p

    回覆刪除
  69. 咁都俾你兜到,果然好嘢!

    回覆刪除
  70. 娛圈只是一個市場,市場裡有各式各樣的貨品,有平宜的,有昂貴的,有搶手的,有滯銷的,有的待價而沽,有的寧死不屈,有的只可近觀,有的可供褻玩的,有的用作以物易物,有的利用為提供娛樂.....林林種種應有盡有。

    而想殺入市場亦不太難,只要甘願作為一件貨品,又有買家,成交!

    回覆刪除
  71. 跟她最近的距離只有0.03mm

    藝人商品化....一針見血啊!

    回覆刪除

LinkWithin

Blog Widget by LinkWithin