~~~~~~~~~~~~~~~~







2008年5月20日 星期二

* 按摩椅

按摩椅

阿豪在本港某一間大學畢業後,
轉眼間已經在社會打滾了5、6年。
雖然他畢業於公共及社會管理系學士課程,
但他考不上政府職位,當不成公務員。
畢業後的第一個年頭,轉了兩次工。
不是他心高氣傲、三心兩意,而是環境所迫成。

第一份工作當文具營業代表,可惜公司半年後倒閉。
時隔一個月,找到另一份當閉路電視器材的營業代表,
可惜老板立心拖糧,最後更鬧上小額錢債法庭,
雖然阿豪能取回大部分的薪金,
但他覺得自己畢業後,總是「頭頭碰着黑」!
其後又轉了幾次工,但發展機會只是一般。
去年找到一份影印紙的營業代表,
負責到各大公司的採購部推銷公司代理的影印紙。
雖然他為人勤奮,但對客戶未夠八面玲瓏,成績只屬一般。
在公司的每週業績檢討會議中,
如果該週阿豪的業績未乎合要求,就要俾上司當眾大力狂插!

阿豪有一位女朋友叫阿芳,
兩人都有共識,希望在三年後結婚,置業組織二人世界。
可惜「儲首期」對於他倆來說:
是一項遙遙無期、未能見岸的希望工程。
半年前阿芳主張阿豪投資炒股,希望快啲儲夠錢,
無奈財不入急門,結果阿豪損手離場,
阿豪如像受了傷的動物般,聞股色變!
破財後,兩口子的關係開始變壞。

昨夜阿芳寫了一封e-mail給阿豪,
內容大致是因為性格不合,不如就此分手!
但字行間流露出嫌棄的意味,
阿芳埋怨阿豪缺乏經濟條件,而她又搭上一名基金經理,
阿芳選擇了一位她覺得有實力、有安全感的大藍籌。
阿豪看完電郵後,不埋已是深夜1點鐘,
第一時間致電阿芳,但阿芳將所有通訊途徑中斷,
阿豪自卑心作祟,整夜失眠。
翌日起床後洗面時,他決定今天放工後去接阿芳放工,
盡力挽救一段告急的感情。

早上阿豪返到公司,辦公室內氣氛古怪,
大家交頭接耳,竊竊細語。
上午經理叫他入房,原來營業部爆了一個鑊,
罪魁禍首已先向上司打小報告,將罪名嫁禍給阿豪,
他極力向經理否認及解釋,想洗脫罪名,但經理對阿豪早已存有偏見,
一口咬定係阿豪,仲鬧:「解釋即係掩飾!」
阿豪又查唔出邊個屈佢?白白吃咗隻死貓!
阿豪覺得公司是一個是非顛倒的社會染缸縮影。

面對公事和私事的雙重打擊,阿豪放工後,已無心情去找阿芳,
咁大個人,要走嘅唔係勸兩句就可勸得番,由她走吧!
他獨自乘隧道巴士回家,望着車窗外發呆。
檢討自己為何畢業後一事無成,一無是處!
從未試過升職,女朋友嫌自己窮、難達到父母對自己的期望、
平日受上司客戶的冤屈氣、自己無投資眼光、今日仲被經理屈機!

阿豪落巴士後,在斑馬線前等過馬路時,
旁邊一名五歲男孩在媽媽懷裡大哭,
哭的原因不清楚,只看見孩子躲在媽媽的懷內盡情的喊。
阿豪想起自己細個嗰陣,都會像這孩子一樣,
在媽媽懷中找到安慰和溫暖。
無奈自己長大後,不能向媽媽披露自己太多的問題煩惱,
否則,問題未能解決之餘,只會換來母親更多的擔憂。
所以阿豪自中五畢業後,已習慣把自己的問題收藏起來。
此刻,阿豪望見這孩子後,十分羨慕小孩尚享有的特權。

回到家中,父親外出揸夜間的士,妹妹工作OT未返,只得母親在廳中看電視。
母親見阿豪回來,問阿豪食咗飯未,
阿豪根本無胃口,隨口答:「食咗!」
當阿豪想步入睡房之際,阿媽叫佢幫一幫手。
原來今年新年,兩兄妹夾錢2萬多元買下一張電動按摩椅送給父親,
好讓父親揸完通宵的士回家後,坐在按摩椅上,舒緩他的疲勞;
但母親至今仍未學會如何操作這張電動按摩椅。

母親舞弄了遙控器半天,仍未能啟動按摩椅;
此刻見阿豪回家,立即叫他幫手。
阿豪雖然滿腹冤屈,但他從不向家人發洩,
只會躲入房中,閉咀發自己脾氣。

阿豪幫媽媽set好program,替媽媽戴好按摩椅附設的音樂耳筒;
按掣後,見到媽媽閉目享受電動按摩和輕鬆音樂,
阿豪看見閉上眼的媽媽,可能受到剛才斑馬線前哭鬧小孩的影響,
阿豪突然有一股衝動向媽媽傾訴一吓心中的抑鬱。
阿豪見屋內並無第三者,加上媽媽的耳朵又被耳筒塞着,
便學《花樣年華》中的梁朝偉,細細聲向媽媽說出這幾年的冤屈:

好細聲:「唉~我都想做好啲,賺多啲錢等妳同老豆享吓福,但係生意唔好,公司人事又複雜…又被人屈…」
阿豪說完幾句牢騷後,心情真的舒服了不少,正想轉身入房之際,
阿媽突然向阿豪說:「阿豪,寧食開眉粥、莫食愁眉飯呀!」
原來阿豪剛才調校按摩椅時,心情恍惚,錯手把音樂的音量mute了!
結果阿媽隔着耳筒,把阿豪的說話聽得一清二楚!

阿媽的安慰說話傳入阿豪的耳中,
阿豪立即變成較早前遇見的五歲男孩般,倒跌在媽媽懷裡流淚,
所有抑鬱隨淚水排出體外。
這時,OT加班後的妹妹,正扭開鑰匙踏入家門,
妹妹見到阿媽同阿哥攬住喊的情境,
阿妹立即大嗌:「阿爸!你唔好死呀!」
阿豪和阿媽見到妹妹如此反應,馬上破涕為笑!

或許阿豪以後的愛情和事業繼續未能稱心如意,
但他知道只需要一回頭,背後早有一個避風喘息的地方,
永遠無條件地等着他。
知道這一點,他已經覺得很足夠!


98 則留言:

  1. 呢類亞豪既人,其實在社會上不計其數。

    但未必有故事那個亞豪,有較為愉快結局。


    一個讀錯科,應該說是【人有我有 degree】的大學生,入錯行、轉錯行,無其他技能,淨係得一個好睇唔好駛既爛鬼 degree。


    唔做政府工,基本上無嘢撈,文又唔得,武又唔得,可能英文又唔得,乜都唔惦。


    其實,就算掉番轉,【亞豪】掉轉係個女既,情況都差唔多,一樣事事不如意。

    而亞豪既女友,就算未必識得基金經理,現實社會裡,通常會識過第二個,環境好 d d 果隻。

    回覆刪除
  2. Men are like parking spaces...the good ones are always taken and the ones left are handicapped.

    Many girls park way too far and need to walk a long way to retirement.

    回覆刪除
  3. 基金經理? Fund Managers?? 我有個女仔friend做Hedge Fund佢公司成班賤人同players。 呢行裡面賺到$$$又未結婚嘅好多都係賤人同players. 呢個世界冇白馬王子,有$$嘅好男人唔會响LKF識到,香港邊有咁大隻蛤乸隨街跳,好多都係扮王子嘅PK。

    回覆刪除
  4. 又俾你攪到眼濕濕!

    你講得好啱,生活喺呢個“是非顛倒的社會“,有時鬱鬱埋埋係好需要舒發嘅。

    最近有啲唔開心同阿媽呻咗兩句,佢都係講“寧食開眉粥、莫食愁眉飯呀!“嚟開解我。

    回覆刪除
  5. 本周金句:寧食開眉粥、莫食愁眉飯。

    乜野係"屈機"?

    回覆刪除
  6. 卡臣:

    申報利益先,我本身喺大學係讀Public Administration

    大文兄,咩話讀唔讀錯科呀.巧文喺大學係讀哲學噃,咁你覺得佢應該打咩工?:P

    如果以你的邏輯推論,大學有九成學位都要斬纜噃:P

    Daniel.

    回覆刪除
  7. 大文兄

    讀完大學之後, 一係去投資/投機炒賣
    一係去打工,都係一片渾沌
    咪好似我咁:高不成,低不就
    一個唔覺意俾人裁咗,
    真係做[一百萬人的故事]

    不如意事,十常八九
    有一個依靠(精神上金錢上)都好重要!
    其實呢個故事講mother外
    仲講 motherland
    有乜苦難,總有人一定會撐你!

    素素
    妳個泊車比喻...
    真係要心要肺!
    好逼真呀!
    唔識揸車就連拖都未拍過

    我聽過一個類似:
    好男人, 一係已婚, 一係基佬

    另外一個說法
    既然男人一定花心, 靚嘅花心,醜嘅又花心
    咁梗係揀個靚仔啦

    回覆刪除
  8. 歪歪
    查實呢句
    “寧食開眉粥、莫食愁眉飯呀!"
    都係我阿媽十年前同我講過,
    咁橋? 莫非?....
    喂!我阿媽姓張..你check一check

    eric

    屈機...香港潮語:
    http://evchk.wikia.com/wiki/%E5%B1%88%E6%A9%9F

    daniel
    我覺得一啲專業學科
    eg 電機工程,law,醫,會計,物理治療,酒店,banking...呢啲咪有方向囉,知道找乜工做.

    其他學科就彈性大啲, 畢業後做銷售性,教書,管理,投資保險,創作
    乜都得!
    但其實又乜都唔得

    回覆刪除
  9. 感人!

    回想起細佬初出社會做事, 都係撞板多過食飯!

    同老母呻完, 老母仲寫番封信畀我, 真係一字一淚咯...

    三十以上既男人, 有幾多個仲會好似一般「母女關係」咁, 乜都傾訴?

    我都好想同媽子講下一d 苦況架... 不過又怕佢擔心...

    小弟公司都好多時有d "Sale 史" 上黎推銷, 幾乎每日都有電話 cold call, 做 "Sale 屎" 每日要面對無數個 REJECTION, 心理底子弱D 都會幾受挫折。

    卡臣呢篇, 唔少後生仔好有共鳴。

    回覆刪除
  10. 家,從來都是一個港口,可以讓你安泊,可以讓你出發!

    回覆刪除
  11. 馬死落地行,我有呀豪經歷,也有風光日子,現在又回到一般現況,人生如劇,不知往後十年什樣

    回覆刪除
  12. "倒跌在媽媽懷裡流淚" mm...

    有個好Man嘅friend同我講話每當佢想流淚嘅時候...佢就去跑步,以汗代替淚水排出體外。

    我都好期待有個家。

    回覆刪除
  13. 感人! x2

    心理撫導係人都需要,做父母嘅係可以無師自通嘅。

    回覆刪除
  14. 渣兄
    成長必經的風雨
    以前覺得好委屈挫敗
    大大吓,菱角都磨平
    接受自己的弱點
    平常心過活
    我諗父母都是過耐人
    明嘅!

    我估你對伙計唔衰嘅,
    我叫阿豪搵你見工.


    laulong

    家是一個港口,
    可以讓你安泊,
    可以讓你出發,
    可以讓你任擦,
    可以讓你亂撻.

    已為人父
    十年後, 你的兒女長大
    先選美,再嫁入豪門,你就嘆世界!

    回覆刪除
  15. I like your positive and touching stories!

    回覆刪除
  16. “都係我阿媽十年前同我講過,
    咁橋? 莫非?....
    喂!我阿媽姓張..你check一check“

    唔駛check喇,呢啲金句係所有阿媽嘅口頭禪,只不過平時聽咗都當耳邊風,到有事嗰陣先覺得係金石良言!

    如果有你做我個阿哥或者細佬都應該會幾好。

    回覆刪除
  17. 素素,

    每當佢想流淚嘅時候...佢就去跑步,以汗代替淚水排出體外。
    我都識一個咁樣嘅人,愛如此發洩
    佢叫金城武
    詳情請睇王家衛的[重慶森林]
    playtime第40分鐘左右

    Hana
    我諗父母食鹽多過我食米
    try by error得多
    講乜嘢都有佢嘅道理

    nost
    呢排我哋要發揮正能量!
    共勉之!

    回覆刪除
  18. 我相信呢,其實絕大部份為人父母者,除非是壞人,否則正常來說,父母都願意體諒子女的失意。


    只是很多時候,我們作為子女的,很多人受太多電視劇【人人皆才俊】、耳濡目染媒體【搵銀快靚正!】、消費市場的【名媛公子 Feel】,加上太多人不願面對現實,也不願找回自我才能,於是事事不如意,但又不知本身問題何在。


    想向人傾訴,向女友(或男友)說是【好無面既!】,也怕對方看不起自己而甩了,還有在工作上角力的同事,你看我風光,我看你才俊,但原來大家都是褲穿窿。


    很多子女認為父母不懂體諒,認為父母【你唔會明架喇】,但其實是子女已把自己關在死角之中。

    回覆刪除
  19. 素素----> { 我都好期待有個家 }...


    妳好,請問妳想要咩家? 給妳一個五星級的家,清潔齊參加,香港誇啦啦,住得舒適,食得招積.....

    UA 聯合財務誠意幫到妳。

    回覆刪除
  20. 我沒有女兒,若果有,我倒沒有想過要她嫁入豪門。

    我只希望,她能找到真正愛惜的人,沒柴米之憂,快樂生活便已足夠!

    回覆刪除
  21. 歪歪

    如果有你做我個阿哥或者細佬都應該會幾好!x2

    呢啲金句係所有阿媽嘅口頭禪:
    咁有冇?
    1.咁夜仲唔睡!
    2.畢碗湯你飲
    3.對人好口啲
    4.唔好怕蝕底

    laulong
    咁你就係一位標準好父親!

    回覆刪除
  22. 大文兄
    唔怪得咁多顏聯武,麥潤壽嘅電台節目
    向陌生人傾訴安全啲
    cut線後,各行各路
    抵過搵心裡醫生

    有啲父母都好恐怖
    將自己未完成的理想,投射到子女身上
    逼子女學乜學物,
    考唔到高分又打
    過份嚴格, 做佢地子女壓力好大
    或者選擇自殺

    素素
    妳要一個家?
    樟木頭,一個五星級的家
    快啲成親啦!

    回覆刪除
  23. Snowysoso - "呢個世界冇白馬王子" - 有的.其實大劉唔錯,有情有義人人有樓有Herm屎分-落雨第一時間遮個袋,唔係遮個人! =P

    男人都是人,為什麼不可以哭啊?

    回覆刪除
  24. 突然想起阿Maria Cordero
    她曾經講過:

    「願乖乖早點去睡 
    閉上眼進太空裡
    我會抹去你的眼淚
    那怕變化歲月裡
    北風祗管呼呼吹
    我也會抱你吻你身心裡

    願乖乖早點去睡
    既已跳進世間裡
    去看去聽你必會累
    世界會要你面對
    許多紛擾的火堆
    告訴我不必孤單空心碎
    愛你是我的生趣
    怎麼結果都心醉
    無須負重任
    催逼一生答謝
    祗須講 Ma Ma I Love You
    願你一生不畏懼
    世界醉了你不醉
    有了智慧再加敏銳
    你要往遠遠路去
    不管艱辛祗管追
    我也會暗暗祝福一千句」

    回覆刪除
  25. 小妮
    男人都是人,為什麼不可以哭啊?

    我諗中國呢個父權主導社會
    男人要堅強
    什麼男兒有淚不輕彈,流血不流淚
    淚向心中流...
    我想問..如果妳男友在妳面前流淚
    妳會更愛他或是睇小他?
    請告知~~~
    我會照辦架:P

    回覆刪除
  26. 所以話都係父母親的愛係最無私!!但人愈大真係愈難同父母講自己的煩惱,報喜不報憂多.

    不過如果阿豪可以改一改佢既性格,例如強D唔好咁容易比人烚、做野醒爬D、搞好D人際關係,佢可能唔會咁潦倒。

    哈哈,我又搭下訕先~如果個男仔係鍾意的話,見到佢喊應該會愛佢好D;相反,唔鍾意的當然做咩都唔岩.

    回覆刪除
  27. 香港地,男人唔可以好開懷咁抒發情緒架,例如【哭】或【好愁】,今時今日唔得架,因為又會被 label 為:


    電車男
    唔才俊
    自閉男
    好幼稚
    ...

    總之會俾人一種【 嘩你好唔惦囉!】既感覺架!


    所以而家咁多人鍾意網上抒發情感,就係可以假身份嘛。

    回覆刪除
  28. 小妮,
    請向右手面一吋位置望一望
    hermes袋已送給妳
    請回答我

    mona
    [如果個男仔係鍾意的話,見到佢喊應該會愛佢好D]
    明白了,但如果佢為一朶落花而哭
    妳會否覺得佢感性定係什麼?

    回覆刪除
  29. 大文兄
    講起男人哭呢個問題
    如果有一男士:
    1)為國殤而哭
    2)睇完托爾斯泰的【War & peace】後流淚
    3)女朋友肯下嫁自己而流淚
    咁女士會否加番啲分呢?

    回覆刪除
  30. 卡兄,你講起為國殤而哭,而家又有個咁既情況:


    你一定要哭,或【表示】很想要哭;

    而且要很堅地要同時【強調】一定哭;

    咁至合格,即係若果話【我心傷、好無奈】都唔得既,而係要好實質地,並且要不斷重複自己真的很悲傷才是悲傷。


    而且要盡快表態才可,呢 d 又係死。


    PS : 如果要高姿態為國殤而哭才被女士加分,不哭就不加分,咁....

    回覆刪除
  31. 明白了,但如果佢為一朶落花而哭
    妳會否覺得佢感性定係什麼?

    hahha..hmm..well但正常既男士唔應該成日喊架嘛~太感性又好似唔係幾好,唔夠man.但偶而一兩次可體驗他都有感性一面都唔錯,但希望佢唔好係其他人面前喊la~
    ..........
    好似有D模棱兩可添~不過唔好咁介意,做返自己就得了.最緊要都係本身的心地姐.


    如果有一男士:
    1)為國殤而哭
    2)睇完托爾斯泰的【War & peace】後流淚
    3)女朋友肯下嫁自己而流淚
    咁女士會否加番啲分呢?

    我好小家,上面既三個siuation加多最多分的應該係第3項,呢一項一定會加多好多分!!
    :p

    回覆刪除
  32. man兄
    我覺得男士喺適當環境場合灑幾滴眼淚
    女士不會討厭他軟弱之餘
    仲會覺得他有血有肉, 性情中人
    例如:女朋友驗身後,証實乳癌是驗錯後,男士當場開心到哭!
    女朋友奪得獎項或肯定時, 男士開心到哭
    這都是感性表現
    不知女士同意否
    請告訴我

    素素
    大劉是香港富豪劉巒雄

    回覆刪除
  33. 例如:女朋友驗身後,証實乳癌是驗錯後,男士當場開心到哭!

    十分同意!!

    回覆刪除
  34. mona
    [女朋友肯下嫁自己而流淚,
    呢一項一定會加多好多分!!]
    各位男性網友識做啦!

    不過不過....女朋友都肯下嫁自己...她已是網中的魚,

    回覆刪除
  35. 劉巒雄?? 佢同白馬王子會唔會有D距離呢?

    回覆刪除
  36. 女朋友肯下嫁自己而流淚 <--- hahaha!! 未必係開心到哭呢? haha XD

    回覆刪除
  37. [不過不過....女朋友都肯下嫁自己...她已是網中的魚]

    哈哈哈哈哈哈...笑死我!好衰!!
    其實自然流露先最可貴!

    我哥結婚宣讀誓詞時喊到差點讀唔落去,成場都感動了,我諗都有三份一人跟住喊~


    劉巒雄又真係幾唔白馬王子feel.. ^^"

    回覆刪除
  38. 素素
    劉巒雄同白馬王子有D距離?
    當然同意
    因為大劉係石油王子(有錢過白馬王子蔡楓華同埋白花油王子)

    mona
    [我哥結婚宣讀誓詞時喊到差點讀唔落去,成場都感動了,我諗都有三份一人跟住喊~]
    呢啲life moment真係好有感染力
    例如父母第一次抱住剛誕下的BB
    或者白頭人送黑頭人的封棺
    都會令全場眼睛濕濛

    回覆刪除
  39. 素素
    睇完妳篇文章
    同意!
    無受過痛苦經歷, 不會在高興時感到吐氣揚眉而缺堤.

    如此推論, 新娘子在婚禮上哭
    因為她想起以前受過情傷,曾孤苦一人
    如今找到依歸, 所以吐一口冤屈氣!

    如果新娘子以前未受過情傷
    她在婚宴上只會開心笑而不哭.
    對否?

    回覆刪除
  40. 係呀~ 唔係100%快樂 for sure...
    D 人攞獎: "嗚嗚嗚~ 我好sun fu得番嚟架~"

    回覆刪除
  41. Carson -
    對 - 大劉係石油王子. 他會送16萬一個Herme屎袋給女友.所謂"16萬一個袋!落雨唔遮個頭,都要遮個袋."

    "如果男人為一朶落花而哭" - 立即送佢入青山.


    Laulong
    "找到真正愛惜的人,沒柴米之憂,快樂生活." - 這已經是十分十分高的要求!我阿媽對我都冇咁高期望.

    Snowysoso - 對一個人的感覺可以隨時變,有時愛得要命,又哭又生又死,有時又可以沒什麼感覺,甚至討厭對方.

    回覆刪除
  42. After reading this story, i want to hug my mum and dad (ppor me I'm in singapore right now), they are always there to be my docking station - whenever i need one. I'm so glad to have parents so supportive, and you remind me of this. thanks so much!

    回覆刪除
  43. sava
    妳喺singapore公幹定玩呀?
    我代妳去hug伯母啦!
    世伯...都係等妳返港自己嚟

    回覆刪除
  44. 小妮--"對一個人的感覺可以隨時變,有時愛得要命,又哭又生又死,有時又可以沒什麼感覺,甚至討厭對方."

    哈,所以呢~ 單靠感覺揀對象係搵自己笨囉~

    回覆刪除
  45. 有D女仔呢,好鐘意呢D咁無厘頭嘅"感覺"架wo。就算條友好PK咁,呀"感覺"話佢知佢愛上咗呢條PK。 咁佢就覺得自己愛上咗嗰條友架la wo。

    但之後呀"感覺"當然又會玩佢,又話佢知其實唔鐘意呢個PK嘅,但係又鐘意咗另一個PK。咁樣嘢嘢都係搵dPK嚟浪費自己青春,自己搵自己笨。

    回覆刪除
  46. 素素
    「但係又鐘意咗另一個PK。咁樣嘢嘢都係搵dPK嚟浪費自己青春,自己搵自己笨。」

    唉~~~男士又何嘗唔係愛上一個八婆,
    被飛後再愛上另一個八婆嚟浪費自己青春

    妳搵到QC仔就好好珍惜啦,
    如果唔係PK仔就搵妳

    回覆刪除
  47. 『對一個人的感覺可以隨時變,有時愛得要命,又哭又生又死,有時又可以沒什麼感覺,甚至討厭對方.』


    呢樣就係正正係香港女仔好普遍,好 Buy 同好 Believe 既嘢.

    大陸女人少有呢種現象,你可以話大陸女人較為實際,或叫做好現實,甚至港式說法,認為大陸女人都係雞,乜都好啦 ~


    但香港女仔呢種心理信仰,之所以咁多香港女仔相信離婚同難找伴侶,就係因為相信感覺就係一個 selling point,將所有事情寄情在感覺裡面,而再把感覺呢樣嘢,推高為女性優美信仰.


    呢 d 就係電視劇同小說長期培育既結果,港男都有呢個問題,程度不比女性為低.

    香港女仔好 buy 呢類大顛大肺純 feeling, 純一刻感覺, 一秒鐘熱愛一秒鐘反面,總之捉摸唔到就係出眾.


    哈哈.....

    回覆刪除
  48. Carson, 其實係QC仔搵到我嘅~ 當然會好好珍惜啦。我眞係冇咁天眞咁儍去搵自己笨囉~ 你講得冇錯呀,我眼見dPK仔眞係勁outgoing. 好似蛤乸咁隨街跳,勁鐘意識女仔,見女就flirt。以為自己好有型。好嘅男仔係絕少會勁social係人都flirt。

    xxxxxxxxxxxxx
    "一秒鐘熱愛一秒鐘反面,總之捉摸唔到就係出眾."呢D就係dPK嘅行為囉~ 永遠唔會比飽飯個女仔食。一啖沙糖一啖屎,勁好feel,勁犯賤。

    睇得多D電視劇呀,愛情小說呀,有D女仔眞係以為自己係悲劇主角囉~

    回覆刪除
  49. XXXXXXXXXXXXX

    「香港女仔好 buy 呢類大顛大肺純 feeling, 純一刻感覺, 一秒鐘熱愛一秒鐘反面,總之捉摸唔到就係出眾.」
    除咗以上現象
    香港曾經流行自殘K歌
    將自己貶低, 再享受情傷帶來的痛苦/樂趣
    【垃圾】【爛泥】【無賴】【痛愛】
    【自卑】【慘得過我】【伶仃】
    同界手一樣異曲同工

    素素
    「我眼見dPK仔眞係勁outgoing. 好似蛤乸咁隨街跳,勁鐘意識女仔,見女就flirt。」
    我諗物以類聚
    妳就愛去圖書館,劇院,畫廊,孤兒院....

    文兄
    「單憑感覺好多時死得人的」
    係呀!我識得個女士,表面正正常常
    原來係short架!好得人驚

    回覆刪除
  50. 單憑感覺又唔好,好啦...憑個男人搵錢能力和樣貌又話香港女人實際,咁做咩都唔好啊!大陸女人又假又貪錢就冇問題. 冇天理! :P

    回覆刪除
  51. 卡臣你話:
    "我諗中國呢個父權主導社會
    男人要堅強
    什麼男兒有淚不輕彈,流血不流淚
    淚向心中流..."

    其實如果响小說入面嘅母親角色換咗係父親,我諗結局就好難會係阿豪攬住阿爸一齊嚟喊。

    阿媽嘅金句又點止四句呀,得閒整個十大啦!

    最後想問“如果有你做我個阿哥或者細佬都應該會幾好!“x2點解?

    回覆刪除
  52. 卡兄!

    我都識得個女人,表面何止正正常常,直頭好有文化架,識講英文架頂你...

    但原來又係 Short 架!我仲損手爛腳添呀...

    喲..真係..

    回覆刪除
  53. 小妮
    一於先睇有冇feel,再觀察為人,再查家底豐唔豐厚, 最後check佢係咪gay囉

    歪歪
    其實如果响小說入面嘅母親角色換咗係父親,我諗結局就係:兩父子立即開兩支大啤,自隊吹喇叭冧埋。

    「阿媽嘅金句又點止四句呀,得閒整個十大啦!」
    已寫,請重溫拙作:
    http://carson-chung.blogspot.com/2007/09/blog-post_30.html

    x2 = me too
    意思係:如果有歪歪你做我卡臣個阿哥或者細佬都應該會幾好!

    文兄
    係呀!果位女士好神化,sorry打錯!
    係好文化至真,
    佢執迷太深,望佢早日擱淺,sorry又打錯!
    望佢早日覺悟至真!

    回覆刪除
  54. 人家說三年一個代溝, 更何況是父母與子女...Car, 借你人氣blog一用....

    四川地震, 誰不心痛?
    請大家做善事之餘, 別忘告訴至親:我愛你

    要珍惜已擁有的呀~

    回覆刪除
  55. Carson,

    咁又唔駛 "愛"去圖書館,劇院,畫廊,孤兒院" 咁誇張。但係佢地都冇需要成日去LKF, drinking party, K party影埋D醉酒伸舌頭攬女喪high相放上網比人睇到佢嘅生活有幾頹廢快活以人渣吖。 呢D爛玩喪蒲友好多都仲係名校出身嘅,個個以為自己好有型,好玩得好high好LKF鬼仔鬼妹ABC。 兩個女仔Kiss又同D男仔玩"人肉三文治" 儍架~!!!! 會同呢D女去蒲嘅男仔都好極有限啦。

    回覆刪除
  56. vicky
    「四川地震, 誰不心痛?
    請大家做善事之餘, 別忘告訴至親:我愛你」
    有心!有心!
    即刻去, 「喂!唔該Andrew C」

    SNOWY
    妳描述的夜生活
    我FACEBOOK見唔少
    不過妳睇過我FACEBOOK的ALBUM
    都知我無果啲相,好乾淨!
    (除咗啲自娛相片)

    回覆刪除
  57. 大文兄

    你個女人...我意思係你識得嗰個女人點 Short 法呢? 你係literally損手爛腳添呀?? 定係你心靈受創傷呀??

    回覆刪除
  58. "如果有歪歪你做我卡臣個阿哥或者細佬都應該會幾好!"

    難得賢兄嘗面,愚弟深感榮幸,為怕表錯情才多此一問,請受小弟一敬。

    拜讀賢兄“阿媽話...“一文,阿媽嘅金句可謂言猶在耳,繞樑三日。

    回覆刪除
  59. laulong 兄 , 車 兄

    我現在所做一切,都係為了子女而做,只要唔好學壞已經很好,不望有任何回報,現在有能力會一路提供協助,到老倆佬可以開始二人世界

    回覆刪除
  60. snowy
    呢個女人點 Short 法?
    我諗...都係唔好再提啦
    因為好邪!好惹鬼架!

    歪歪
    嘩!言重言重
    大家後生仔(主要指你啫)
    大家casual啲得啦!
    得閒多啲嚟坐!

    回覆刪除
  61. 已為人父
    你嘅說話, 我老豆都講過
    仲一模一樣添!
    莫非你係我老...?

    回覆刪除
  62. 個人經驗,大部分既鬼仔鬼妹都幾正常保守下,個D爛玩爛蒲既真係唔係咁多。
    我都想知個女人點 Short 法,至少如果我將來不幸遇上這類人都可以防備一下。

    回覆刪除
  63. Eric,

    嗰D唔係鬼仔鬼妹,嗰D係扮哂鬼仔鬼妹但係又勁重香港口音英文嘅扮ABC一族,佢地以飲酒蒲LKF開P喪攬互嘴為娛樂。

    當然反而我識有好多鬼妹仲保守又知道呢D行為係醜事過佢地好多。

    係啦~大文兄,講嚟聽吓好wo!!

    回覆刪除
  64. Eric,

    其實呢D都係好多扮洋人嘅LKF蒲友對鬼仔鬼妹嘅單一印象,覺得西化就係Open。Open 就係西化。呢D只係電視文化,佢地見識的都只係電視機裡的鬼仔鬼妹。

    其實好多美國嘅父母都好抗拒子女婚前性行為,好多都有信仰覺得呢D係sin。 講眞,如果有個人同我講佢識嚫D鬼仔鬼妹都好Open,佢班friend好極有限。

    回覆刪除
  65. 素素 eric
    吓!原來好多鬼妹仲係保守架?!
    咁我立即取消移民西方嘅念頭囉!

    大文兄果位short女...
    我睇要等適當機會先講得
    暫且當係一個謎先

    回覆刪除
  66. 卡臣兄,係阿媽教落要分尊卑,唔好冇大冇細咁啫,冇嚇到你縮沙吖嘛!

    而且,睇嚟你喺哩度搵返唔少親人喎。

    回覆刪除
  67. 鬼仔鬼妹我就接觸唔多,但有接觸過法國同英國夫婦,係友情接觸唔係點頭 say hi 果隻。

    說得對,接觸上,所謂鬼佬唔係講到咁夢幻,只係香港果班【廣東話飲生力啤 LKF Sex & the City】既【 正宗唐人】,就扮 【我好鬼妹囉】,肉肉酸酸,講完兩句【 OK Fine ~ What's up ~~】就都係要食番碗正宗雲吞麵。


    最肉麻就係口頭蟬【係 la 我同 fd 最 like clubbing ga】,成日話自己 clubbing,咪又係成班廣東話粗口 DLLM 。

    回覆刪除
  68. 咪就係咁囉~

    如想扮鬼仔鬼妹ABC就日日食Cereal唔好飲湯,只准飲冰水,飲中國茶香片普洱以後都加糖加奶。死味~ 好好味... XD

    回覆刪除
  69. 卡臣,你移民西方實行溝死女啦~你咁大隻健碩,D鬼妹好鐘意~

    回覆刪除
  70. 卡臣好似有妻室架,素素!
    不過,一百巴仙同意,"大隻健碩,D鬼妹好鐘意。"

    回覆刪除
  71. 大文兄
    「成班假ABC廣東話粗口 DLLM 。」
    我聽佢地成日 Shit! What the fuck! 咁囉!

    素素 eric
    [你咁大隻健碩,D鬼妹好鐘意~]
    係咪真架?!!!
    我立即訂機票!!!!!

    無錯!我係大隻,
    不過係大隻廣
    得個講字啫!

    歪歪
    we are the world, we are the children......

    回覆刪除
  72. 係囉,鬼仔鬼妹咪又係人一個,無乜出奇嗟。(係老得快D咁囉)
    如果佢地以為個個西人都好似係電視既OC同Laguna Beach個D,咁就死得人多囉。
    我上年返香港,就係俾好似大文兄非常抵死地描述既肉肉酸酸既人嚇一跳。唔三唔四咁款。
    O晒嘴。
    我諗住去LKF見識下有乜咁巴閉,點知無啦啦比D女仔撩傾偈,就係大文兄所講個D,得人驚之餘其實都好好笑,忍得我好辛苦。咁我同佢地講中文,但係佢地無啦啦用英文答(咦,先前你地班女仔好流暢咁講緊中文個bor),我委實聽唔明佢地up乜。我D英文冇佢地咁叻丫嘛。佢地仲好似嫌我唔夠潮添。哈哈。

    回覆刪除
  73. 超 ~~~~ 你去 Yahoo Blog ,大把呢類 唐人疑似 ABC 架....

    映完 Psot 疊相去完 LKF ,咪又係映自己食牛腩飯...成班 MK Look...

    回覆刪除
  74. Carson Mr ~~

    oh! Yeah ? what'up..OK I'seeit, whatthe fuck..damn it, oh , clubbing , right ?

    回覆刪除
  75. Hay man & eric
    Yo Brother, what's up! man
    well, you know, ladies nite!
    let's roll!
    damn it ! no sneaker allowed?
    what the fuck?
    yo, cut the crab! let me get in or i going to kick your fuckn' ass! jerk!

    回覆刪除
  76. Car-son बड़े :

    यदि जल निकासी के लिए लगता है कि प्रत्येक के Tutsis हैं जैसे टेलीविजन के साथ दोनों के बीच OC Laguna डी , अधिक लोगों के मरने पर लौटे लिंक La. मैं पिछले साल हांगकांग , ताकि जैसे विभाग के बड़े भाई , दोनों ही बहुत Disi का वर्णन है Rourou अम्ल एक Xia Yitiao . ठीक है , तीन 4 लिंक नहीं है . हे सुखाने .

    回覆刪除
  77. whoa, 81 comments, let me help get it to 100.

    super busy lately, must take care of things before my vacation. Really looking forward to my vacation.

    回覆刪除
  78. Brother man
    Yo! tonite is ladies nite
    here so crowd! but too many middle girls!
    anyway, i must cut some girls.
    let buy a drink first.

    Bar tender, please give me a bottle of Sang Lik Beer.
    thank you!
    do you receive octopus?
    you not receive?
    so bad!

    Hi lady
    usually you down here to play?
    me too!
    can i have your mobile phone?
    sorry! i not mean i want to buy your phone.
    ....
    OK! well! see you, play next time

    回覆刪除
  79. desertfox
    thank you you first
    don't write 17 comments more
    i afriad you super busy and no time.
    have holiday? good ah!
    human need holiday to charge electcity.
    again thank you you !

    回覆刪除
  80. 大文兄

    呢個係第 86 個 reply 喇。

    嗱,我reply 收到你的留言啦。

    回覆刪除
  81. 啊,唔該晒。

    哎呀 sorry ~~ 咁又多左個 reply添...

    回覆刪除
  82. 唏,唔使唔該!

    哎呀 sorry ~~ 咁又唔覺意多個 reply添...

    回覆刪除
  83. 最中意違人所願,破咪破囉!放下、自在啊!施主。

    回覆刪除
  84. HANA
    施主謝禮
    參透參透
    一於破匡就破匡

    回覆刪除
  85. 用黎睇回應既時間, 仲多過睇故仔既時間...
    卡臣有留言必回咁濟, 勁呀!

    回覆刪除
  86. 你既回應令讀者覺得, 你重視我地囉,
    所以越來越多人睇你個 blog.
    就算只係一個標題, 可能都引起不斷的互動留言...
    XDXD

    回覆刪除
  87. kateyip

    如果無人同我互動,等同自說自話。所以我珍惜的。

    回覆刪除

LinkWithin

Blog Widget by LinkWithin