~~~~~~~~~~~~~~~~







2015年8月27日 星期四

卡臣 ╳ 世純合作企劃 (第七回)之《命運劇場II第二集》



《命運劇場II第二集 – 同類》

女子坐在文化中心海傍,想了很久,也不知道如何能利用自己的隱形超能力去幫助別人,腦裡閃過一個念頭︰不如先搵前度男友報仇,可惜她出院後己再找不到他,好像人間蒸發一樣。可能男友要避開她,所以消失在人海內。

女子再想如何利用超能力,去幫警察捉賊?咪玩喇!咁危險,自己先啱啱喺鬼門關返出嚟。偷呃拐騙賺錢?用上天給予的超能力去做壞事?一定有報應架,唔好試呀。咁點先幫到人呢?

望著中環ifc,女子終於想通了︰「劫富濟貧!」,女子計劃到私人投資銀行做文員,將自己變成透明後去偷睇偷聽最好數嗰位基金經理買乜貨,跟佢入貨,賺到幾多錢就捐一半俾慈善機構,另一半是留給自己的持續發展基金。

女子寫求職信去投資銀行,可惜面試時,人事部經理給女子臉上的幾度疤痕嚇親,叫她回家等消息,其實打發她走。

女子知道無公司肯請,唯有硬闖。她到了ifc 56樓一間私人投資銀行門口,隱形後跟隨員工入了辦公室,在牆上營業榜找top sales名字,再找他的房間,女子見到房內坐了一名金融才俊,身光頸靚,果然是top sales。立即睇下佢面前有四部mon,偷睇佢入緊乜貨呀?

只見到才俊正在寫email,看到電郵的收件人,女子突然一震,電郵是寫給自己前度男友!

當女子想睇清楚電郵內容時,才俊突然想起身,嚇到女子立即轉身後退,「砰」一聲,女子覺得自己撞到另一個軀體,一個透明的軀體,跟自己一樣的透明軀體。

女子大驚!因為透明的她當時是裸體,而前面的透明裸體是一個男性,每個人都有一種獨有的氣味,而這裸體觸碰感覺很熟悉,女子的直覺告訢她︰前面的「同類」就是己經失縱的前男友。

才俊聽到女子剛才的撞碰聲音,大喝一聲︰「邊個?」

待續

《命運劇場II第三集 -情非得已》由世純執筆,請接續追看。


15 則留言:

  1. 嘩,呢篇真係好堅喎,好有難度。 :o

    回覆刪除
    回覆
    1. 哈哈,你唔講隱形咪可以是個愛情小品,證明命運是難掌控

      刪除
    2. 難得crossover,梗係要玩盡佢喇,仍然你寫「愛情小品」呢四個字,我就寫一個「隱形男女嘅愛情小品」,大綱而定,希望今晚寫好,聽晚9:25出街。 :)

      刪除
  2. 回覆
    1. 寫好喇,好耐都未試過咁快有靈感喇。我再校對多兩次就可以排程,明晚9:25出街。

      先小人後君子先,我第三集其中一部份,係喺網上面抄一位高人嘅,希望你唔好介意。

      刪除
    2. 果然勁!! 今天早上925放都得~ 今晚等睇

      抄這回事我成日都做架喇,抄電影/歌咁,你一定改得更好

      刪除
    3. 啱啱先起身,趕唔切排9:25am喇。不過我改咗排早少少,變做5pm。 :)

      刪除
  3. 卡臣:

    透明點解喺裸體?裸體才可穿透,叫做透視。嘻嘻!

    回覆刪除

LinkWithin

Blog Widget by LinkWithin