~~~~~~~~~~~~~~~~







2015年8月29日 星期六

卡臣 ╳ 世純合作企劃 (第七回)之《命運劇場II第四集》


《命運劇場II第四集 – 幕後黑手》

GeorgeMary在瑪麗醫院機密病歷房間外等了很久,面對著一道鎖上的大門,他們束手無策,正當他們想放棄離開之際,上天總有安排,終於見到有人向這裡步近。

一行三人,帶頭一個資深醫生模樣,隨後一個西裝政府高官模樣,最後一位應該是高官的助手。GeorgeMary隨三人入了房間,靜靜站在一旁,等待博士等人離開後,便可以找的自己病歷。

高官坐在辦公桌前,醫生解開鐵櫃的電子鎖,從中取出一份好似好機密的文件,要向高官匯報事情。GeorgeMary睇電影睇得多,通常呢種情況會偷聽到驚天秘密,估唔到竟然發生在自己身上,不其然緊張起來。

博士開口了,頂!原來呢個高官外訪大陸時叫雞,仲要貪平,結果染上性病。高官的形象已經插水,驚有記者再造佢新聞,所以要在院方絕對保密情況下了解自己病情進度。GeorgeMary一場歡喜一場空,以為偷聽到「鉛水」、「毒食物」或「醫死人」等內幕猛料,怎料只是一條雞蟲。

高官了解完自己病情後,三人離開房間。GeorgeMary鬆一口氣,可以找自己的病歷,但找了很久也找不到。其實找不找到病歷也不重要,事實擺在眼前,大家都擁有超能力是鐵一般的事實。不如諗下如何運用超能力仲好。他們決定離開了房間。

他們在醫院找出路時,George在走廊發現他的治癌主診醫生Dr. KwongGeorge細聲告訴Mary,不如跟縱他,可能有新發現?Mary回答︰「他替我做手術的

吓?咁橋?Dr. Kwong專醫cancer定做外科手術架?竟然同時間醫兩人咁巧合。兩人一於跟蹤佢入officeDr. Kwong的辦公室位於醫院的腦科。

GeorgeMary剛入了Dr. Kwong的辦公室,有人叩門,進來是一個白頭博士。白頭博士坐下,他神色重,似乎要跟Dr. Kwong討論一些重要的課題。GeorgeMary屏息靜氣,等待他們開聲,揭開自己隱形的秘密

白頭博士低聲說︰「嗰件事可能被人發現咗….我哋要諗下辦法補救。」Dr. Kwong面色一沉
GeorgeMary知道戲肉到喇,豎高耳仔,是基因改造計劃嗎

Dr. Kwong說︰「吓!我哋呃房屋津貼嗰單嘢?」
原來Dr. Kwong和白頭博士互租對方單位呃醫院房屋租金津貼,院方開始調查他們。

GeorgeMary暗自搖頭,一個腦科權威醫生,竟然知法犯法,真替他們嘆息。George嘗試從他們對話中尋找線索,他們是否內藏暗語呢?又唔似噃,兩人真係好煩惱咁討論呢單嘢。

Mary突然察覺一些異樣,拉一拉George手肘,叫他望向書櫃那邊。

書櫃上一個舖滿塵埃的黑色Box filefile上面好像有一隻無形的手指在塵埃上寫字,慢慢現出三個中文字,三個中文字是︰「就是他」

GeorgeMary大驚!「就是他」指什麼意思?

待續

《命運劇場II第五集 》我和世純各自創作大結局,請接續追看。

16 則留言:

  1. 回覆
    1. 當然唔使急喇,食完kimchi先睇,大家明白的

      刪除
    2. 知我者莫若你,睇埋我要聽日先可以動筆了。

      「一隻無形的手指在塵埃上寫字」<---即係有第三個隱形人喇,呢鑊真係好多嘢要解拆喎。

      我睇咗呢集兩次,到而家都未有任何靈感入手呀。 :(

      刪除
    3. kimchi好味呢~~恭喜恭喜,唔再玩夜d

      係呀,有第三個invisible man , 或者有隻鬼都得

      咪咁謙,睇睇下就寫埋結局添

      刪除
    4. 剛回家,今早先諗好大綱,喺街度咗寫一部份,而家開始收筆,如無意外今晚9:25見。 :)

      我個結局有D草率,有D傖促收場嘅感覺。 :p

      刪除
    5. 而家先返屋企? 玩通宵咁happy?!! 腳都軟,睇怕的要做定人情喇,
      在精神咁亢奮情況下創作,應該有好嘢睇

      好! 今晚925見!

      刪除
    6. 今次大家都好有效率,每篇都24小時之內交貨,證明我哋都寶刀未老,筆筆有力呀。 :p

      刪除
    7. 你勁D,腦力同體力腰力都需要使用,我就慳好多

      刪除
    8. 我都排咗喇,等今晚9:25睇大家嘅大結局喇。 :)

      刪除
    9. 歡樂時光特別快,咁快又到大結局

      刪除
  2. 卡臣:

    高官叫雞不夠激,應該叫鴨,還要感染梅毒。嘻嘻!

    不過咁,叫雞都仲有辦法遮掩住。美國佛羅里達州檢察總長,就連自己信用卡號碼都放入偷情網站,想否認都唔得。佢自辯話一時好奇喎!嘻嘻!

    回覆刪除
    回覆
    1. 香港一樣,Ashley madsion網站資料外漏,政府官員都有份,好彩我無事咋

      刪除

LinkWithin

Blog Widget by LinkWithin